اليوم التاسع 2 / 9 / 2017
اليوم القبل الأخير من السفرة
بهاليوم قررنا نروح نخلص التاكس فري وطبعا فيها تشري بعد البنات توهم ماخذين العيادي مني ومن البابا
المهم انا وغنيمة اول ناس خلصنا وطلعنا بنتريق ببريت اللي بالاجور رود وعلشان بعد ناخذ تذكرة باص ليوم واحد لان انتهى مال الأسبوع
ودخلنا بريت المحل كبير وفيه كراسي وطاولات فوق وتحت وايد
مثل مو شايفين وايد المحل فيه قعدات وايد
هذا اعتقد كله فيجي
شايفين قاعدة اصور وايد صح
على كبر المكان والناس شوية الا ان الكرواسون مخلص وقاعدين يسوون يديد بالمطبخ تحت بس طولو
وكل ما تيي صينية من تحت نشوف شي ثاني هههه كيك وسندويشات ثانية
يمكن لان احنا بهاليوم اخذنا راحتنا بالنومة ورحنا شوي متأخر
واخيراا وصل طلبنا
غنيمة تقول اكتشافي يه متأخر الكوكيز لذيذة وايد
وطلعنا وركضه مني ومناك من الاجوررود لي الاكسفورد والوست اند وبعدين رحنا حق توب شوب وبريماك اللي بعد الاكسفورد
ماصورت عاد الا لما شفت هالمحل عجبتني الفترينة
وهذه الحديقة موجودة بالوست اند
بريماك هذا اكبر واكثر بضاعه وارتب وفيه أماكن للاستراحات بكل طابق وفيه بعد كافيه
تشرينا منه وسوينا التشيك ان ولحقتنا دانه هني وتشرت بعد وحطيت اغراضها بالجنطة اللي شرتها وطلعنا
طبعاا صور خلاص مافي هههه بس بارتاح واخلص التاكس فري والحمدلله خلصنا بالغصب من تاكس فري البريماك مافيه زحمة ولكن اللي تشتغل موظفة وحدة وبطييييييييييئة حيل
الحمدلله ان دانة أوقفت بالطابور وانا قعدت في كرسي ريحت فيه
SPAGHTTI HOUSE
طبعا الوقت صار وقت غدا وانا ودانة رحنا نتغدى بسباجتي هاوس اللي يم الفندق
جنطة دانة
المطعم فاضي لأن الساعة 4 الحين
وهذه الطلبات من اليووع
البيتزا والباستا عجيبة وهذا اللي خلانا نرجع ناكل عندهم
السعر طلع 28 باوند
الأسعار انا اتذكرها لاني كاتبتها بالملاحظات يوم بيومه حق التقرير علشان ما انسى
بعد الغدوة رجعنا الفندق وريحت او شبه ريحت لاني رتبت جناطنا انا وبوحسين
وصار عندي أغراض زايدة لابوحسين
ورحنا بعد الراحة كلنا للأجور رود نتمشى ونشتري جنطة كابين سايز
دخلنا هالمحل لقيناه زحمة وقلت يمكن احصل نفس الوافل اللي بكارديف عندهم
واختياراتنا هي
هذا انا وبوحسين بنانا سبيلت
اختيار دانة
وقعدنا نتمشى بالاجور رود وشرينا الجنطة
وشرينا شاورما من مطعم للشاورما صغير ما اعرف اسمه ماعنده مكان للقعدة قريب من بقالة مصطفى وقعدت انطرهم في موقف الباص هههه والكل اكل هني واحنا بكراسي انتظار الباص
وانتظر باللوبي ماكو الا هالكراسي الطويلة قعدت انطر ربعي
خلصوا البنات وراحوا يتريقون وانا سويت التشيك اوت وقالت ماعليكم شي باي
قلت لها حبيبتي عطيني وصل بالتشيك اوت مو بس كلام
قالت تبين الوصل قلت اي لازم اثبات
وطلبت منهم يخلون جناطنا عندهم وعطوني وصل بعدد الجناط
الجو اخر يوم روعه
اودع بريت مال الكمبرلاند
بعد ما خلصو البنات قال بوحسين وين تبون تروحون الحين
قلت له اشرايكم البيكادللي هالسنة مارحنا لها
قال بوحسين يلا وهو يحب البيكادللي اصلا
طبعا التذكرة للباص انتهت صلاحيتها لان اخذناها الصبح وانتهت الصبح رحنا بتاكسي
صور من الطريج
نزلنا هني تقريبا عند صدق او لا تصدق
الصور الوداعية وايد استحملونا ههههه اخاف يطوفني شي من لندن فاصور وايد
محل الحلويات عجبتني شغلات الريسزز
الحلويات تصلح هدايا لليهال بس احنا شارين من بلاكبول
ماشرينا شي وطلعنا بس صورنا
ودشينا بعد
في شغلات حلوة مثل كتب الطبخ بس خلاص ما اشتري الحين مافي مكان بالجناط
طبعا اهو ليكستر سكوير بس احنا نسميه البيكادللي كل المنطقة نسميها بيكادللي
تصدقون اول مرة اشوف هالعمارة وديكور الحمام ....اكيد قديمة بس انا ما شفتها قبل على كثر ما مشيت هني
قعدنا هني نشوف العروض وكان بس هذا عجيب
ورجعنا و الغيوم
ريحنا بسميت سراي مع الشاي التركي
بورك الجبن والشاي الكبير حق التركية دانة طبعا اهي الوحيدة اللي ما تريقت والسبب النووم اخر وحدة تقوم
وطرى علي شي هههه توني اتذكره اني اشتري عطر واكتب عليه اسمي وكانت بنتي شارية وتوها قالت لي وكان بسيلفردجز
قلت بروح اشتري اذا لقيته
وصعدنا تاكسي من هني عند الباص اللي بالصورة السابقة
واحنا هني ننطر التكاسي ماكو وايد
وصلنا السيلفردجز وما حصلت اللي يحفرون الاسم وكنسلت الفكرة وطلعنا رحنا سيدا للماكدونالدز عند الكمبرلاند
الغدا تقريبا الساعة 3
وبعد الغدوة لقينا راعي التاكسي واقف عند الفندق وبوحسين طلع الجناط وركبوهم ونادونا ورحنا لهم
وهذيل بوابين الكمبرلاند يودعونا وعطيناهم المقسوم حلويين دايما يبتسمون لنا واحنا ما نعطيهم الا اخر يوم
التاكسي الله يسلمكم كان بوحسين متفق مع واحد من العرب بالاجوررود بسعر 60 باوند على أساس 5 جناط و5 اشخاص كان هذا الاتفاق قبل يومين
قلت لبوحسين لا احنا صرنا 5 جناط كبار و5 كابين سايز
خاف ما يرضى
اتصلنا على شركة انجليزية قبلها بيوم وقال لنا اوصلكم ب100
باوند
فقال بوحسين انا بتصل باللي مكلمه بشوف بجم يودينا
وقال لنا ان على اتفاقنا ولما سمع زيادة الجناط قال 70 باوند
والحمدلله طلع خوش ريال كان على قد كلمته ووصل بالوقت المحدد الساعة 4 عند الفندق
التاكسي كان فان نظيف وموفر لنا الكلينكس وبطول الماي على عددنا وزيادة
بس نزلنا والا اسمع ينادون دانة دانة
وقالو لها موعد طيارتهم ورانا
رحنا مع العربانات للتاكس فري وهو يبدأ بره
واللي كان واقف قال لا تدخلون الجناط معاكم خلوهم بره قلنا له برد يقول عادي خل يدخلون داخل المطار
ودهلوا ينطرونا داخل مع الجناط كلهم ولا طلبوا منا أي جنطة واللي واقفين بالتاكس فري انا وفرفر وغنومة أوراق دانه معاي وقفنا تقريبا ساعة والله تعب الوقفة
بس حلو انهم يعطونا جهاز ونسجل فيه اسمنا وعدد الفواتير
صار دورنا والا يقول انتو مع بعض بيخلينا ننتظر بعض ما يبي يوزعنا قلت له لا كل وحدة بروحها واخذنا فلوسنا كاش كويتي .....أبو صديقة دانة يقول اخذوهم باوند او دولار
قلنا له نفس الشي واصلا عندنا باوندات بعد لنشاري فيهم من المطار حاسبينها
المهم استلمنا فلوسنا ودخلنا للكاونتر لقيناهم فاتحين توهم ومافي احد
وجا دور الوزن ...... طلع جنطتين زيادة كيلوين وزعناهم على الباجي والحمدلله تمام
وقالت تبون ادخل الجناط الصغيرة بعد مع الكبار ثلنا لها يصير قالت أي
قلنا احسن بعد ودخلتهم كلهم العشر جناط
صرنا خفاف وصار وقت التسوق من السوق الحرة
هالقاعة كبيرة وكلها كافيهات ومحلات
تشريت انا كاكاو وبسكويت ورحت اقعد اتقهوى واحلي
كافيه ايت حلوو بعد وهالسنة اول مرة اشتري منهم مجربته من السفرات السابقة
وقعدنا هني ننطر البنات
والاسلام يفرض هيبته ...في غرفة صلاة
ودخلنا البوابة ...... النظام الموجود ما لقيته باي مطار ثاني
البوابة هذه بكل سفراتي على الامارتية ما تغيرت ابدااا
هذه المكاين يحبهم ولدي قناص بوزيونة من وهو صغير فيهم حلوى جيلي يحبه
وصعدنا الطيارة وصورت الدرج والافكت للدرجة الأولى
واحنا الدرجة السياحية طبعا
بس مكانا بالكراسي الأولى حلوو
ورقم رحلتنا
وشايفين مكانا بعد كابينة الطيار
والخريطة على ما نطير
قامت تمطر قبل لا نطير ؟ ليش تبجين يا لندن علينا
تعليق غنومة
طبعا ما يحتاي بوحسين محتل الدريشة ما يخلينا نقعد ههههه
وطرنا وبعدها وزعوا لنا المنيو
واخترت فيلم اشوفه اسمه هذا اهو
وهذه الوجبة ....اقيمها 5/ 10 تسد الجوع المهم
وهذه وجبة الدياي
دانة تحاول تلعب سودوكو ههههه اصحح لها .. تقول خليني افكر
