قمت اصور ووصيت دانة على جنطتي
وشوية رجعت الا الاقي وحدة قاعدة مكاني يعني بسرعة ما اخذت دقيقتين
وحاطة جنطتها يم جنطتي بطريقة غريبة
قلت حق دانه جنطتي ؟
ورحت اقعد دانة قامت وانا قعدت مكانها وصار على يساري ولد والحرمة على يميني
رجعت بنتي الكبيرة من المطعم ودنيت لها على يميني
والا الحرمة تقول : خل يجي ابني صوبي علشان يتوسع لكم المكان
قلت يلا
قام الولد انا افتكرته اسيوي على الريحة الفظيعه اللي فيه
وهو بيقعد عند امه والا تقول تعال علشان لا نعمل لهم سحر
قلت لها نعم انا وبنتي ...ليش هالكلام
وقامت تسب وتلعن وتقول انتو جايين اهني تاخذون حريتكم بلدكم مقيدكم
قلت لها انتي عارفة بلدنا والا شجاب للطاري ؟؟
وليش هالكلام محد كلمك يا اختي
قالت انا مو اختك وانتو رجالكم يجون ياخذون من بناتنا يتزوجونهم ..
قهرتني والله
قلت لها أي من السحر والضيم والا شنو فيكم زود الريحة والا السنع روحي نظفي ولدج ريحتها كأنه ريحة مجاري
وقامت تسب وتلعن تكمل
وقالت انا الحين بتصل بالبوليس انا بريطانية
قلت لها اتصلي بسرعه
وخل ايوون احنا موجودين
وقامت دانة تقول لها عيب ليش قلة الادب احنا ما كلمناج
قالت امج وانتم قليلات الادب
وقامت تتصل بوحدة تكلمها فرنسي تحسب بنتي ما تعرف فرنسي
قالت يمه طلعت متفقة مع وحدة علشان تبوقنا بس صدناها
وقامت تقول جذيه
كل هالنقاش وانا اكل كيكتي وبنتي بتاكل سلطتها
انا بعد ما خلصت كيكتي قلت الحمدلله على حكومتنا معطتنا الخير كله ولا مخليتنا بحاجة احد
وقلت لبناتي قومو خل نروح
وقمنا لأن ماني صابرة على كلامها
يا جماعة لا تقولون اني شايلة على أي احد او دولة لا بس هذه الحرمة تمثل نفسها بس وما تمثل شعب دولتها
ولو هي تمثل دولتها ما راحت لجوء لبريطانيا
العبرة ان انتبهوا لأغراضكم لان صج كان وضع جنطتها قريب من جنطتي غريب
وبعد لا ترادودن هالاشكال لانها ما تستحق وخاف بعد يكونون لهم عونه يهاجمونكم
كيكتي وقت الجدال
المنظر ما يتطوف
وسلطة بنتي وشوفو الحرمة قريبة من بنتي لابسة ازرق
ودانة واقفة تسألها بأدب ليش قلة الأدب
خليناها وقمنا
وصلنا حديقة الماربل آرتش
وقلت للبنات خل نقعد هني بعد أخاف تلاحقنا للفندق
قعدنا هني وبوحسين يالنا هني .....
والقمر
راس الحصان حابسينه ههههه
رجعنا الفندق وقلنا لبوحسين اييب لنا سندويشات كباب
وهذه سندويشتي من التعب اكلتها على الفراش
هههههه وانا طول الليل اشم ريحة بصل ؟؟
شنو السبب ؟؟
طلع صوص السندويشة مقطر على الكفر هههه
الصبح وانا طالعة طلبت من اللي تنظف ان تغير الكفر وغيرته لي
وهني صورت الليبل للمخدة لان بوحسين يقول وايد مريحة ويبني اشتري منها
قلنا نروح ليتل فينس كثر ما سمعت عنها قلت بروح هالسنة نشوف ليش لا
والباص قطنا او احنا ما عرفنا اقرب مكان نروح لها
احنا نزلنا قريب منها بس مو من الكافيهات والوناسه
لا نزلنا اعتقد مقابل نص النهر وقمنا نمشي للبداية
المهم شفنا وصورنا وانا نمشي
ووصلنا لجسر نزلنا منه للكافيهات والعبارات
وهذا بطريجنا الى المراكب
وهذه هني الكافيهات مقابلنا وقفنا بالطابور والشمس حارة ...
وهذولاك الكافيهات ....طبعا احنا تونا متريقين مافينا يووع
والشمس حارة والمراكب بتتأخر نص ساعة
وبس قررنا مدام شفنا المكان واخذنا فكرة عنه وبعد تعب المشي والحر قلنا نروح لكامدن تاون بالباص وطلعنا
طلعنا على الشارع وبعد مشينا مشي لحد تقريبا امتداد شارع الاجور رود بعد الجسر اخذنا الباص والى الكامدن تاون
بالباص وصابتني حالة نوم هههه ما صورت بس مانمت هههه صج كنت صاحية بس
المهم وصلنا ونزلنا وبلشت تصوير ههههه
هني وقفت وايد لان شريت من محل يبيع تي شيرتات عليهم رسومات ....اخذنا منه ال 2 بعشرين تي شيرت حق يوسف على صورة وجه مخرج الرعب هيتشكوك الوجه عبارة عن رسومات صغيرة تعبر عن الرعب
وكان البائع تركي وطبعا دانه ورطناها بالتكلم معاه وبالاخير تستانس اهني على المدح
شوفو الرسمه
وطلبات البنات جربت هذه ماعجبني ماي مايوه
نوتيلا
ملابس يهال شايفة نفسهم بتقارير اسيوية
حق برينس كي تو وولدي يوسف ربعهم هذيل
اخذت منهم جاكيت حق يوسف
وهني شفت هالمحل
تكرمون يرسمون على الجواتي
اصغر قياس يناسب زيونة وسويت لها
خليتها ترسم وقالت لي بعد نص ساعة تعالي رحت اتمشى قريب عليها
السعر على المقاس
مقاسنا 24 يعني طلع علينا 24 باوند تستاهل الزين
اليوم الخامس بلندن 29 من اغسطس
Saint James,s Square
بهاليوم قعدنا انا وبوحسين وتريقنا ببريت
بعدها رحنا قاصدين هالشارع واخذنا باص من جهة الماريوت مقابل الماربل ارتش
معانا ساعة لبوحسين قديمة جدا فنتغ مثل ما يقولون
قلنا بنشوف سعرها اذا جابت مبلغ زين بنبيعها وهل الشارع هو خاص بهالاشياء
طبعا انا ما عرفته الا من حساب انستغرام وحدة واحتفظت بالصورة لحد ما رحنا
المهم رحنا وهذه صور من الطريج طبعا على يمينا الهايد بارك
ووصلنا المكان طبعا بنتي اهي اللي طلعت لنا العنوان للمحطة اللي بنوقف فيها
Saint James,s Square
هذا من تصويري
المحلات
يبيلها
ماكو احد والمكان هادي رايحين من الصبح احنا ههههه
وحتى الصباغين للجواتي على الستايل القديم
دخلنا محل ودلانا على محل ثاني
والمحل قال لنا لازم نوديها لمكان فحص وهم يقررون السعر وعطانا اسمه بورقة
وطلعنا قال يبعد 7 دقايق مشي .... واحنا نمشي انا وبوحسين ويمكن اخذنا اكثر من ربع ساعة هههه
كل شوي نسأل ويأشرون لنا ونمشي ...
وطبعا الشارع معروف بالبوتيكات للماركات العالمية
ومن ويستمنستر الى مايفير
شوفو اللي يطل كلهم كشخة اللي يشتغلون
وصلنا هني وست اند
ورد للمحلات هههه وقفت يمي وحدة وصورت هالصورة
عجيبين هالشووزات
بس طبعا ما ادخل مع بوحسين ما يحب ينطر
وأخيرا وصلنا البوتيك اللي يسمونه بونهامس شوفو الاسم مكتوب تحت السيارة
تدرون وين المكان طلع بسوهو
وهذه كانت الصور اللي صورتها بس كان في استقبال قلنا لهم ليش يايين وارسلوا لنا خبيرة شافت الساعة
وعطتنا سعر ما عجبنا
ومني مناك ماكو قال بوحسين لا حرام بخليها عندي قيمتها المعنوية اغلى من اني ابيعها
المهم كانت خوش رياضة مشي بين البوتيكات الحلوة
وطلعنا من الشارع والا دزني ستور جدامنا بالشارع المقابل
قلت لابو حسين انا بتسوق وانت قال انا بروح حق ربعي ....وانا اتسوق بدزني ستور قالت لي دانه انا بييج نطريني
اليوم الخامس بلندن 29 من اغسطس
Saint James,s Square
بهاليوم قعدنا انا وبوحسين وتريقنا ببريت
بعدها رحنا قاصدين هالشارع واخذنا باص من جهة الماريوت مقابل الماربل ارتش
معانا ساعة لبوحسين قديمة جدا فنتغ مثل ما يقولون
قلنا بنشوف سعرها اذا جابت مبلغ زين بنبيعها وهل الشارع هو خاص بهالاشياء
طبعا انا ما عرفته الا من حساب انستغرام وحدة واحتفظت بالصورة لحد ما رحنا
المهم رحنا وهذه صور من الطريج طبعا على يمينا الهايد بارك
ووصلنا المكان طبعا بنتي اهي اللي طلعت لنا العنوان للمحطة اللي بنوقف فيها
Saint James,s Square
هذا من تصويري
المحلات
يبيلها
ماكو احد والمكان هادي رايحين من الصبح احنا ههههه
وحتى الصباغين للجواتي على الستايل القديم
دخلنا محل ودلانا على محل ثاني
والمحل قال لنا لازم نوديها لمكان فحص وهم يقررون السعر وعطانا اسمه بورقة
وطلعنا قال يبعد 7 دقايق مشي .... واحنا نمشي انا وبوحسين ويمكن اخذنا اكثر من ربع ساعة هههه
كل شوي نسأل ويأشرون لنا ونمشي ...
وطبعا الشارع معروف بالبوتيكات للماركات العالمية
ومن ويستمنستر الى مايفير
شوفو اللي يطل كلهم كشخة اللي يشتغلون
وصلنا هني وست اند
ورد للمحلات هههه وقفت يمي وحدة وصورت هالصورة
عجيبين هالشووزات
بس طبعا ما ادخل مع بوحسين ما يحب ينطر
وأخيرا وصلنا البوتيك اللي يسمونه بونهامس شوفو الاسم مكتوب تحت السيارة
تدرون وين المكان طلع بسوهو
وهذه كانت الصور اللي صورتها بس كان في استقبال قلنا لهم ليش يايين وارسلوا لنا خبيرة شافت الساعة
وعطتنا سعر ما عجبنا
ومني مناك ماكو قال بوحسين لا حرام بخليها عندي قيمتها المعنوية اغلى من اني ابيعها
المهم كانت خوش رياضة مشي بين البوتيكات الحلوة
وطلعنا من الشارع والا دزني ستور جدامنا بالشارع المقابل
قلت لابو حسين انا بتسوق وانت قال انا بروح حق ربعي ....وانا اتسوق بدزني ستور قالت لي دانه انا بييج نطريني
اليوم الثامن بلندن اول أيام عيد الأضحى المبارك 1 / 9 / 2017
مطعم EGGBREAK
بهاليوم اتفقت مع البنات اني اريقهم بمطعم من اختياري .....طبعا انا ماخذة المطعم من تقرير ابرار الله يخلي منتدانا هالسنة وايد اخذت معلومات من اول السفرة لأخرها
ولما صار الصبح بوحسين ما ينطر البنات لانهم يتاخرون بالقعدة قال ماني رايح معاكم
ودانة تتأخر بالنوم ما راحت معانا
طلعنا بعد ما عايدنا الاهل بالاتصال
والربع بمواقع التواصل الاجتماعي
واخترت هالصورة من جولة امس
تجهزنا بملابس العيد معيدين هههه
اول ما طلعنا والا سيارات عليها علامة شانيل ورا بعض كان منظرهم حلووو
ركبنا الباص ووصلنا المطعم
وتوقيته على البوابة
المنيوو معلق على الباب
الشارع داخلي مافيه محلات وايد وهو على زاوية
نزلنا تحت للقعدات وكان مكانا مع مجموعة حريم وريايل وضحك وسوالف بصوت عالي مزعج
عجبتني اللوحة حركات ظل الأصابع
ما عجبتنا القعدة من صراخهم ...وغيرنا مكانا للصالة الثانية
شوفو المجموعه الصارخه هناك
وهذه طاولتنا
عطانا المنيو مرة ثانية ما طلبنا بعدنا
وهني اهدئ بوايد
وصول طلباتنا
بيض بالافوكادو لي
واومليت بالجبنة لغنومة
بندكت لفرفر
وجميع الاطباق
ووصول الكباتشينو ووايت فلات للبنات
صور بروتريه
والفاتورة فسروها انتواا
طلعنا من المطعم وقمنا نتبخر من طقوس العيد هههه
يعني كنا قريبين من الحديقة الهولندية....واضح من سناب بنتي
الكورنو عند باب المطعم
وهذا على يمين باب الكورنر
امامنا الشارع العام
ورحنا بوتس ندور فيكس للأطفال ما حصلناه بكل بوتس مرينا عليه ماكووو طالبته منا ام زيونة ومع الصورة ماكو
والبنات وبوتس ما نخلص,,,,,لازم كل بوتس ناخذ بنادول خاص وادوية مو موجود عندنا
... ومدام ما يعطون الا اربع علب صغيرة كل مرة
ناخذ كل مرة نروح لبوتس
هذا مطعمنا بنتغدى فيه وهو من الشوارع الخلفية لسيلفردج والاكسفورد
المنيو
ذكرني المطعم في بيتنا بالمرقاب أشياء قديمة بدائية مستغلينها بديكور المطعم
مثل باقي المطاعم الحديثة المكان صغير والطاولات قريبه من بعض
والا هذه صمونتي البرغر اخذت لحم الخروف يعني عيد الأضحى
انا صمونتي طلعت مو مستوية عدل مو ويل دن يا ابرار نصها احمر ما اكلتها ونقنقت مع البنات شوي
حسافة مثل ما يقولون يافرحة ماتمت على لحم الخروف
الحساب طلع علينا 52 باوند سعر غالي طبعا
وبعد ما تغدينا طلعنا منه بعد ما ريحنا شوي ويتنا دانه كانت متغدية مع ابوها بمطعم تركي تقول اذا تعرفون المطاعم اللي بعد جسر الأجور رود
المهم طلعنا وسيدااا لمسرحية ليون كنغ
وصور من الطريج
وصلنا المسرح .....
ودخلنا المسرحية من باب على اليمين لأن حجزنا اون لاين وصعدنا درج ورا درج لما طاحت ريولي ههههه
في صالة منطقة الكانتين ويبيعون العاب وشخصيات وغيرها عن المسرحية وتكرمون حمامات نظيفة في كراسي للانتظار بس ليش زحمة كلها فل ظليت واقفه على ما شروا البنات وطلعوا التذاكر ودخلنا بعدها
و بالمسرح نزلنا درج لنوصل مكانا وهو اول صف علوي ....قعدت وصورت لكم التذكرة
وسناكي تونا متغدين ما نبي شي ثقيل
وهذيل ماخذين بلكون طلعوا لهم الشخصيات معاهم بالبلكونة اخترعوااا
وطبول ودنابق العرض
وبعد هالتعب الردة للفندق والنوم ما اذكر اني تعشيت بهاليوم ...
