ونطلع حق بوحسين ونلاقيه قاعد هني بالصالة فيها كافيه وانشطة الأطفال
ونركب باصنا
وصور من الجولة
وباندا غنومة تحبه
تشوفون المباني اغلبها قديمة مر عليها قرن او اكثر
وصلنا هالمكان وهو خلف الأسواق اللي خلف محطة القطار
نشوف الوصف من أبو سعد " وجهات اوربيه " لما سألته ما قصر بكل معلومة استفسرت عنها
اهم مافي ادنبره شارع البرنسس وشارع المايل جنبه ومحطه القطار بالنص بينهم
يعني لين توصلون مايحتاج مواصلات
شارع البرنسس هو شارع تجاري فيه محلات جديده وتعتبر في ادنبره الجديده
اما شارع المايل فهو في ادنبره القديمه وبين الشارعين جسر صغيره يسمونه الجسر الشمالي ويمر من فوق محطه القطار
شارع المايل شارع قديم واكثر محلاته كوفيهات و محلات عن التراث الاسكتلندي وملابسهم ويعتزون كثير بتراثهم وخاصه الموسيقى الاسكتلنديه
في نهايه شارع المايل في قصر ادنبره اشهر معلم سياحي هناك
وعلى هذا الشارع نفسه في الباصات السياحيه في الباص العادي وفي الباص الاسود
الباص الاسود هذا للرعب
يعني تقعدين بالباص عادي يكون جنبك هيكل عظمي
في بعض الاماكن السياحيه حول هذا الشارع
وفي مجمعات تجاريه
لكن في مجمع ولازم تروحون بالتاكسي وهذا اسمه تيرمنال
هذا المجمع من الدخل غير المحلات تروحوون للدور الثانيه في شباك تذاكر عشان تدخلين يخت الملكه اليزابيث
وداخل اليخت تاخذون جوله كامله ومن ضمن الغرف غرفه ديانا والامير تشارلز اول ماتزوجو وفي كوفي شوب داخل اليخت
فيها اماكن كثيره
ادنبره مافيها مترو ...فيها باصات وتاكسي و ترام
اما جلاسكو فيها مترو يسمونه subway
عجبنا المكان وننطر الباص يوقف علشان ننزل
ونزلنا وعبرنا الشارع حق السوق
الباصات السياحية
والباصات العادية
والترام
كلها في خدمتكم مع التكاسي او سيارتكم الخاصة
الحديقة حلوة ووراها القصر
يتجهز لعرضه
ودخلنا سوق تقريبا نصه تحت الأرض هذا مدخله
اخترنا هالمطعم للغدا شكل الاطباق مغري
طبعا احنا بساحة المطاعم اللي بالمول الصغير
وقعدتنا
ماكو منيو تروحون عندهم وتطلبون هي بطاطا مشوية مع الخلطة فوق اللي تختارون انتو مكوناتها من الموجود طبعا
المهم وصل طلبي البنات اختاروا لي
الطعم مش بطال حليووو
بعد الغدوة رحت المحل الافريقي وشريت لي صفارات لازقين مع بعض ما اعرف اسمها بس صوتها حلو .... شريتها كتذكار مع مجسمات خشبية ...وبعدها من محل السوفنيرز تنورة اسكتلندية ومجسم عازف اسكتلندي وكرة زجاجية ومغناطيسات
فوق عند البرج التاريخي الاسود كانت ساحة وفيها سوق اكشاك ورحنا له
الأكشاك
اللي يعرض بضاعة او اللي يقدم عروض
رسامين
واحد لام الناس عليه يستعرض
شوفو هناك المول اللي كنا عنده بس مو مبين لانه تحت والجسر اللي هناك لمحطة القطار
مجسم للمدينة وايد عجبني وقهروني اللي واقفين عليه ....
اشتريت لي برييد ماغنوم باوندين ونص لذيذ على التوت الاسود
دانه تتحنى
وهني لاخر الجسر بعد الاكشاك بغيت اروح بس رجعت لأن ممر صغير وزحمة
ورجعت لقيت المجسم فاضي وصورته لكم
زحمة وهذيل قاعدين يصفقون ويرقصون
المطرررر
ورجعنا قعدنا هني ننطر الربع وشايفين الاكشاك فوق
وافكتات السناب
وسامحونا للتكرار ...حبيت المنظر بعد
ورجعنا نتسوق شوي بالسوق لازم نشوف سوقهم
بعدين تجمعنا عند المول الصغير علشان نطلع منه لمحطة القطار ودخلنا من الخلف
ونصعد السلالم وننزل ونصعد لحد ما وصلنا رصيفنا والقطار موجود وصعدنا للعودة الى غلاسكو
الطريج كله جذيه
ورجعنا الشقه وقال بوحسين بروح مباراة سيلتك منو يروح معاي ....بس غنيمة راحت معاه يقولون راحو بباص سعر التيكيت 2 باوند للشخص مع الجماهير طبعا نزلهم بعيد عن الملعب لانه زحمة.... وتبعوا وحدة مشجعه ويسولفون معاها ....يقولون الجمهور متعصب وايد لفريقهم
وقصوا التذاكر
وهذه صور من المباراة من سناب غنومة
فاز سيلتك 5 / 0 والجمهور مستانسين وردتهم عن طريق المتروا مع المشجعين
بعد ماشافو التاكسي طلب منهم 30 باوند من الملعب الى ساحة غلاسكو
قالو لهم المشجعين تعالوا معانا احنا رايحين بالمتروا ويقولون رحنا معاهم وقطنا عند القصر نيرو على قولة بوحسين
ما لحقت اصور هالمبنى اللي يشبه دار اوبرا اللي باستراليا ..بس هذه معلومات عنه
مركز مؤتمرات ومعارض كلايد أسكتلندا المملكه المتحده
يقع مركز مؤتمرات ومعارض كلايد المعروفه بأسم أرماديلو والذي صمم علي شكل حيوان المدرع بالقرب من نهر كلايد في غلاسكو بأسكتلندا ففي عام 1995 تم تصميم المبني من قبل فوستر وشركاه وفي عام 1997 بدا تنفيذ البناء الجديد لزياده قدرة المجمع الي 1100 مقعد والجدير بالذكر أنه كانت الفكرة التصميمه في أول الأمر سلسله متشابكه من أجسام السفن في اشارة الي تراث صناعه السفن المنتشر في كلايد والذي أصبح بعد ذلك المبني الايقونه في غلاسكو والذي تتم مقارنته دائما بتصميم أوبرا سيدني نظرا للتشابه الكبير بينهما .
وكاهو مبين بعد من موقعنا عند وصولنا للمتحف
متحفنا من موقف التاكسي
معلومة متحف ريفر سايد
هو من أشهر المتاحف الموجودة فى المدينة و التى يأتى إليها العديد من الزوار بصفة دورية يتباهى المعرض بأحتوائة على مجموعة من وسائل النقل القديمة من أشهر ماركات السيارات التى كانت مكتسحة للسوق فى هذا الوقت و يمكنك أيضاً أن تجد هناك بعض المجسامات لهياكل النقل الأخرى كالقطارات و السفن مما سيجعلها تجربة فريدة من نوعها تتعرف بها على وسائل النقل التى موجودة فى العصر الماضى.
وحاطين رمال شاطئ لليهال
وناسة العايلة هني
وقعدات خشبيه
الكراسي العملاقة
اليهال مستانسين والاهل تصوير سناب وانستغرام
شخصية غلاسكو
للحين ما افتحوو وهذا تقريبا الساعه 10,30
الدخول مجاني ...
وهذا بوحسين يصور فيه
طالعو سكانه
وحتى الملابس القديمة اللي البسوهم حاطين لهم
هذه اللعبة راكبتها ببلاكبول قبل 25 سنة
محلات متنوعة بفريج
محل أثاث
حلوة سيارة المخبز
عربة نقل التابوت
خياط مغلق
محطة المترو
وهذا القطار والنفق وتسمعون أصوات كانكم بالمحطة من صج
وطلعت من صوب المحطة ترى كل المتحف مفتوح على بعض وهي صالة كبيرة منظمة
والواح التزلج لها نصيب
قواري وسياكل الوان واشكال
مختصه بالتوصيل لشيفيلد
بس شوفو جدام يطلعنا لبرا بس مانبي نطلع الحين
سيارة ليبتون هل هي للشاي ؟؟
من جدام
قطار فيه شاشات كأنك بالقطار وافلام قديمة عن العمل به
بعد متحف ريفر سايد اخذنا تاكسي من اوبر والى متحف ومعرض وحديقة كلينغروف
صور من الطريج
وبانزين
وهذا احنا وصلنا
معلومة عن المعرض
متحف ومعرض Kelvingrove إنه متحف باهر يقع في الطرف الغربي من غلاسكو، مبناه من القرن التاسع عشر على الطراز الفيكتوري. وهو يحتوي 8000 قطعة فنية من حول العالم، ستبهر مرتاديه لا محالة.والمميّز في هذا المتحف أن الدخول إليه مجاني.
الشخصية موجودة هني بعد
شحلاة الحدايق واللون الأخضر
وندخل
في مدخل يمين وفي يساروبالوسط كافيه وكراسي للراحة
احنا رحنا هالمرة يسار واليمين فيه المعرض
حذاء العملاق
والأخ مو معطي احد فرصة يصور .... ساعتين يتأمل
وبعد هني كل شي وعنده معلومات عنه
ارملة الأمريكي تبيهم ببريطانيا
وآثار من الفخار وبقايا الأعمدة
وللفراعنة نصيب
مومياءات
نكمل نشوف حيوانات وآحافير وزواحف وغيرها
شوفو اللطيف حبيته هههه
ظرفاء
من جلد الحيه
خريطة المتحف والحديقه الموجود فيها واهم الاماكن والانشطه
مجسمات الحيوانات والتعايش
صراع من اجل البقاء
صورة سنابية
شايفين المعرض فوق
من كل بلاد الدنيا من كل بقاع الارض ...قصص شتى تروى حتى ...
افريقيا
اسكيمو
الفيس بريسلي
وهذا كرسي
هو على شكل منحرف فيه مقعدين متعاكسين وهذا واحد منهم وعليه حاطين طبعات ارجل الحمام يعني
ما قدرت اصوره كله لانه في ناس قاعدين
ولقيت ربعي قاعدين بالمقاعد ويسمعون العزف ...والا طلع انه عزف باستخدام الارجل فقط
وهذه الشاشه تبين العزف
نتابع معاكم
بعد الجولات النهارية للحين في وقت معانا
ورحنا بعد الراحة الى السوق
وهذه الصيدلية لازم ندخلها كل شي فيها وبوتس بعد مو مقصرين فيه
وبومبارك على قولة ابرار
ودخلنا ستاربكس بس نشتري ماي وننخش عن المطر شوية
شوفو الكتب اغلب الكافيهات فيها مكتبة
THE WILLOW TEA ROOMS
تذكرون باليوم الثالث قلت لكم تذكروا هذا المكان
كنا رايحين له الساعة خمس ونص العصر
وقلنا بندخل والا يقولون لا راح نسكر الساعة 6 ومافي مجال
وطلينا ولقيته زحمة وطلعنا
هذا كان من اختياري هالمرة ورحنا له هالمرة الساعه 4ونص تقريبا ودخلنا
ويكون مدخله بهالباب الصغير ومنها نصعد الدرج للكافيه اللي يتكون من دورين
خل نشوف معلومة عن هذا الكافيه قبل لا نشوف صورنا
غرف ويلو للشاي Willow Tearooms صمّمها الاسكتلندي المشهور Charles Rennie Mackintosh عام 1904،وهي تسمح لمرتاديها بدخول عالم من الخيال واختبار جمال الأرت ديكو، وهم يشربون فنجاناً من الشاي. كما يقدم سندويشات شهية وقوالب من الحلوى اللذيذة
نشوف صورنا
هذه الصورة علشان اراويكم الكرسي المشهور عندهم وتصميمه القديم
قالت لنا تعالوا فوق لان الدور الأول مزحوم
ورحنا خوش مكان يطل على الشارع
نشوف الديكورات
شوفو شماعة الملابس اذا بتعلقون الجاكيتات عليها
كرسي طاولتنا نفس الكرسي اللي له المسند الطويل بس على مسند اقصر
وهذا كرسيي عند الشباك
المنيو
وطلبنا طبعا
وعلى طاولتنا وافكت السناب
ووصل الشاي
وكل وحدة لها مشخالة ( مصفاة ) مع الكوب
وانجليش تي
ووصل الطبق سندويشات وكعك وحلوو
طبعا كل شي انت تطلبه وخاصة الحلو كل وحدة اختارت اللي تبيه
وهذا الكرسي حاطين صورته عند المدخل للمطعم
طلعنا والا نروح حق هالمحل
وبرجعتنا دخلنا من المول حق تيسكو نشتري ماي
مليتوا من السوق صح....نطلع انا معاكم ومن هالدرج
الدرج هذا اهو اقرب مدخل للمول St. من الشقة
وبيكون هالمنظر جدامنا شوفو الأسهم
السهم الأحمر = مبنى مواقف للسيارات
الأزرق = عمارتنا شقق ريفرفيو
الأصفر = الشارع الرئيسي بعده النهر
الأخضر = المطعم الياباني
وهذا اهو المطعم الياباني
لما ننزل من السوق بيكون على يميني هذا المنظر
هنا يمين الصورة المول وشوفو الألوان هني
السهم الأصفر = يدخلنا على ساحة كافيه نيرو( القصر ) ومحطة المترو
السهم الأزرق = المطعم التركي وعنده موقف الباص
وشوفو المنظر سبحان الله الغيم مازل حييل
ارجعوا البنات وشوفو التوت لذيذ الطعم وحجم كبير
خلصته عليهم
سعره فيه خصم بعد
ووقت العشا لابد منه انيووع من الجوو
وكنا بس 3 نبي نتعشى وهذا اختيار بوحسين لنا للعشا من المطعم التركي
صحني مادري اشفيه كبابي نايم على كتر تعبان نفسي ههههه
وبعدها نووم بس قبلها لازم العب والصراحة هاللعبة اخذت بعض من وقت المنتدى صار ادمان
ودانه تقول لعبة ماما عودة وانتي بعد اكيد وراثة
نتابع معاكم
بعد الجولات النهارية للحين في وقت معانا
ورحنا بعد الراحة الى السوق
وهذه الصيدلية لازم ندخلها كل شي فيها وبوتس بعد مو مقصرين فيه
وبومبارك على قولة ابرار
ودخلنا ستاربكس بس نشتري ماي وننخش عن المطر شوية
شوفو الكتب اغلب الكافيهات فيها مكتبة
THE WILLOW TEA ROOMS
تذكرون باليوم الثالث قلت لكم تذكروا هذا المكان
كنا رايحين له الساعة خمس ونص العصر
وقلنا بندخل والا يقولون لا راح نسكر الساعة 6 ومافي مجال
وطلينا ولقيته زحمة وطلعنا
هذا كان من اختياري هالمرة ورحنا له هالمرة الساعه 4ونص تقريبا ودخلنا
ويكون مدخله بهالباب الصغير ومنها نصعد الدرج للكافيه اللي يتكون من دورين
خل نشوف معلومة عن هذا الكافيه قبل لا نشوف صورنا
غرف ويلو للشاي Willow Tearooms صمّمها الاسكتلندي المشهور Charles Rennie Mackintosh عام 1904،وهي تسمح لمرتاديها بدخول عالم من الخيال واختبار جمال الأرت ديكو، وهم يشربون فنجاناً من الشاي. كما يقدم سندويشات شهية وقوالب من الحلوى اللذيذة
نشوف صورنا
هذه الصورة علشان اراويكم الكرسي المشهور عندهم وتصميمه القديم
قالت لنا تعالوا فوق لان الدور الأول مزحوم
ورحنا خوش مكان يطل على الشارع
نشوف الديكورات
شوفو شماعة الملابس اذا بتعلقون الجاكيتات عليها
كرسي طاولتنا نفس الكرسي اللي له المسند الطويل بس على مسند اقصر
وهذا كرسيي عند الشباك
المنيو
وطلبنا طبعا
وعلى طاولتنا وافكت السناب
ووصل الشاي
وكل وحدة لها مشخالة ( مصفاة ) مع الكوب
وانجليش تي
ووصل الطبق سندويشات وكعك وحلوو
طبعا كل شي انت تطلبه وخاصة الحلو كل وحدة اختارت اللي تبيه
وهذا الكرسي حاطين صورته عند المدخل للمطعم
طلعنا والا نروح حق هالمحل
وبرجعتنا دخلنا من المول حق تيسكو نشتري ماي
مليتوا من السوق صح....نطلع انا معاكم ومن هالدرج
الدرج هذا اهو اقرب مدخل للمول St. من الشقة
وبيكون هالمنظر جدامنا شوفو الأسهم
السهم الأحمر = مبنى مواقف للسيارات
الأزرق = عمارتنا شقق ريفرفيو
الأصفر = الشارع الرئيسي بعده النهر
الأخضر = المطعم الياباني
وهذا اهو المطعم الياباني
لما ننزل من السوق بيكون على يميني هذا المنظر
هنا يمين الصورة المول وشوفو الألوان هني
السهم الأصفر = يدخلنا على ساحة كافيه نيرو( القصر ) ومحطة المترو
السهم الأزرق = المطعم التركي وعنده موقف الباص
وشوفو المنظر سبحان الله الغيم مازل حييل
ارجعوا البنات وشوفو التوت لذيذ الطعم وحجم كبير
خلصته عليهم
سعره فيه خصم بعد
ووقت العشا لابد منه انيووع من الجوو
وكنا بس 3 نبي نتعشى وهذا اختيار بوحسين لنا للعشا من المطعم التركي
صحني مادري اشفيه كبابي نايم على كتر تعبان نفسي ههههه
وبعدها نووم بس قبلها لازم العب والصراحة هاللعبة اخذت بعض من وقت المنتدى صار ادمان
ودانه تقول لعبة ماما عودة وانتي بعد اكيد وراثة
التشيك اوت راسلنا الرجل بالليل علشان ايي يعمل لنا التشيك اوت
قال بس حطو المفاتيح بالمطبخ وطلعوا
ما نبي شي منكم
محترمين وحبوبين اهل غلاسكو
المهم دقينا على اوبر وطلبنا سيارة كبيرة
تأخر علينا وكل شوي نكلمه يقول واصل او مضيع
المهم البنات راحو قبلنا مشي المحطة علشان يطلعون التذاكر لان حجزنا اونلاين
ملاحظة :
الشخص ب25 باوند للدرجة الأولى
موعد قطارنا على الساعة 12.40 ....ووصولنا راح يكون في الساعه 2.22 الظهر يعني ساعة ونص تقريبا
والمحطة اللي بننزل عندها اسمها اوكسنهال
المحطة هذه تبديل قطار لمحطتنا ولكن القطار الثاني موعده بعد نص ساعة ومعانا جناط مثل مو شايفين
يعني راح نصعد وننزل بالمحطة لحد ما نوصل الرصيف الثاني
والمنطقة اللي بنسكن فيها وحتى المحطة القادمة تبعد ثلث ساعه فقط
فعلشان جذيه نصحني أبو سعد بان اخذ تكسي للفندق بدل الانتظار وحمل الجنط من هذه المحطة اوكسنهال
المهم نكمل تقريرنا
وهم رايحين وعند موقف التكسي قالو له نبي تكسي للفندق وقال اشلون اروح والا ايبونه ونركب الجناط ويودينا
بس صدقوني كنا نقدر نروح بروحنا بسحب جناطنا مافكرنا فيها
صاحب اوبر وصل لنا وطلع سيارته صغيرة قلنا له احنا طالبين كبيره وقلنا خلاص مانبي
Virgin Trains
دخلنا من باب ثاني عند مواقف التكاسي
ودخلنا
والبنات طلعوا التذاكر وموعدنا باقي عليه اكثر من ساعة
طبعا الريوق بالحب بريت
كانت صمونة الفلافل لذيذة حييل
خلصنا الريوق ورحنا نتمشى لحد ما يصير موعد قطارنا
وأول شي خلينا جناطنا عند بوحسين
لوحة الرحلات الكبيرة
والصالة الكبيرة
مشترواتي من دبليو سميث
وعلى فكرة دورات المياه في المحطة نظيفة ومرتبة بس بفلوس وهو 20 بنس للشخص
المهم وصل قطارنا ورحنا صعدنا جناطنا في عربتنا وهي حرف ال H
طبعا الدرجة الأولى انزين يعني بتكون من العربات الأولى ورحنا لها مشي ههههه
ممكن تختارون بعد الكراسي اونلاين
واخيراا مشى قطارنا
شوفو لوحة الاجار هذا مكان الشقق قريبه من المحطة
الموجود على الطاولة
علم الكويت من السكر
الفيش بالقطار عند كل طاولة حق اللابتوب والموبايل فقط ....
عصيري معاي
وهني وزوعوا علينا القهوة او شاي اللي تبيه موجود
بعدها مروا ووزعوا الوجبات وهي اما شوربة او فواكه او سندويتش لحم
طبعا الامانه عندهم يقولون لك ان الساندويتش ما يناسبنا ابدا
طلبنا فواكه للبعض واخر الشوربة
وهذه الفواكه واللي معاها
وهذا اختياري الشوربة وباقي الوجبة
والمطر عجيب
وهذه المناظر الجميلة من القطار
كاميرتي بحيلها للتقاعد خلاص الايفون يكفي ويوفي
طلبت سفن قال عندنا هذا نفسه
المضيف رجع وعطا غنومة فواكه
الماي موجود بالثلاجات بالعربة مجانا طبعا
المضيفة ارجعت لنا توزع شاي او قهوة للي حاب مع سناك خفيف كيكة او ككاوة
قبل لا نروح خل اراويكم ال 10 ألاماكن المهمة في غلاسكو على حسب استفتاء في مجلة الرجل واللي انا كنت ابحث بغوغل وطلعت لي
بعضها رحت لها وعرضت لكم معلومات عنها وهذه هي كاملة
أفضل 10 أماكن يمكنك زيارتها في غلاسكو:
1- مركز غلاسكو للعلوم Glasgow Science Centre الذي يزخر بالكثير من المعروضات المثيرة. حيث يمكنك أن تجلس في المرصد وتراقب ملايين النجوم وهي تتلألأ في السماء. إنه مكان ملائم لجميع أفراد العائلة.
2- السفينة الطويلة The Tall Shipالمتمركزة على ضفة نهر كلايد المشهور ببناء السفن عبر التاريخ. ومن بين هذه السفن سفينة Glenlee الطويلة التي بُنيت عام 1890، وبعد أن أبحرت حول العالم لمدة 80 سنة، عادت إلى النهر وأصبحت متحفاً بحرياً.
3- متحف ومعرض Kelvingrove إنه متحف باهر يقع في الطرف الغربي من غلاسكو، مبناه من القرن التاسع عشر على الطراز الفيكتوري. وهو يحتوي 8000 قطعة فنية من حول العالم، ستبهر مرتاديه لا محالة.والمميّز في هذا المتحف أن الدخول إليه مجاني.
4- غرف ويلو للشاي Willow Tearooms صمّمها الاسكتلندي المشهور Charles Rennie Mackintosh عام 1904،وهي تسمح لمرتاديها بدخول عالم من الخيال واختبار جمال الأرت ديكو، وهم يشربون فنجاناً من الشاي. كما يقدم سندويشات شهية وقوالب من الحلوى اللذيذة.
5- مركز سانت إنوخ St. Enoch Centreوهو مجمّع تجاري يضم الكثير من الماركات العالمية، ما يجعله متعة حقيقية لمحبّي التسوق.
6- تايتان كلايدبانك Titan Clydebank هورافعة قديمة عمرها 100 عام، كانت تستخدم لبناء السفن تحولت إلى مقصد للسيّاح. حيث يتسلقونها إلى علوّ 150 قدماً ليتمكنوا من مشاهدة المدينة.
7- كاثيدرائية سانت أندرو St Andrew’s Cathedralالتي بُنيت عام 1814، وهي كنيسة كاثوليكية تضمّ الكثير من الخطوط القوطية داخل الكنيسة المنيرة والشديدة الاتساع، الأمر الذي يميّزها عن بقية المباني الأثرية.
8- عرض شارمنكا Sharmanka هو عرض فني يستخدم المنحوتات الميكانيكية التي يتم تحريكها مع الموسيقى. وتحكي القصة رحلة الحياة والموت في جوّ فنيّ مبدع يعتمد على الإضاءة والحركات الراقصة المصمّمة ببراعة.
9- بيت محب الفن House for an Art Lover عام 1901 صمم Charles Rennie Mackintosh منزلاً من أجل مسابقة، ورغم أنه قدم التصميم متأخراً ما تسبب بخروجه من المسابقة فإن التصميم شديد الروعة وهو وجهة كل محب للفن في غلاسكو.
10- مطعم ذا كورنثيان كلوب The Corinthian Clubالذي يقدم لمرتاديه تجربة ممتعة ويتميّز ديكوره الداخلي على النمط الفيكتوري، بالكثير من الغنى وهو يتكامل مع الطعام الشهيّ
وركبنا القطار البخاري قديم ويشتغل للحين ما شاءالله
وهذا القطار من داخل
ارقام الكراسي
اعلان على الطريقة القديمه فيه
بخار القطار شوفوه روعه بالفيديو والحقيقة بس الصورة ظالمته
تقدرون تروحون بعبور الجسر للجلوس والشواء بهذه القعدات الحلوة
ووصلنا الى منطقة مطاعم ومحل هدايا والعاب للأطفال ومطل في الغابة
طبعا لازم ندخل المحل
حاولنا نروح مكان ثاني نشوف المنطقة
وهذه مواقف سيارات قريبة من المكان
ورحنا من خلف المحل والمطاعم ويطلع على شارع عام
شارع سريع ومافي تكاسي ولا باصات في محطة باص بس مادري وين يوصل فتمشينا شوي
.... بس رجعنا قلنا نقعد هني احسن
وكان في عرض وتصوير مع البوم
منطقة العاب الأطفال
الولد اللي بالصورة كان يلعب مع ولد ثاني
الثاني قام يبجي وراح وهو ياي بيكلمه عن اللعب وشافه يبجي
قعد يساله بكل براءة ليش تبجي...بعد يسالني ليش يبجي
قلت له ما ادري
حسيته حساس حبيبي
بعد حضور التاكسي لنا حملنا الجناط وركبنا والى بلاكبول
لانها تبعد تقريبا ساعة عن وندر مير
وسبب عدم استخدامنا القطار لان لازم نوصل لمحطة القطار بالتاكسي ويبعد 20 دقيقة ومنها بعد انتظار بالمحطة وتبديل محطة اعتقد
قلنا ما يسوى التعب نروح بفليساتنا واحنا مكرمين وبوقت اسرع
واتفقنا مع التاكسي ب140 باوند
وهذه صور من الطريق
كان يمشي بسرعه والشوارع فيها لفات ونزول وطلوع
طلب منه ابوحسين ان يهدي السرعه
قال هذا شارع سريع لازم نمشي بسرعه قال له بوحسين ميخالف هدي السرعه ما ورانا شي مستعيلين عليه
فقام يهدي اشوة
لما تشوفون هالخضار شتفكرون فيه
وبينت مشارف بلاكبول
وعلامتها المشهورة لمدينة الألعاب بليتشر بيتش
والخضار للحين ماشاءالله لنا الجنة ان شاءالله
وبين البرج
والقوس في بداية المدينة
لازم افكت السناب وهذا بس الشي الوحيد اللي احبه ببرنامج السناب
وبدت الزحمة لأنه اليوم عطلة مثل مو شايفيين
Beeton villas holiday apartments
انا اللي اخترت هالشقة بسبب القرب من البرج والشارع الرئيسي
ولأني كنت مجربة السكن بالفنادق الصغيرة هذه في بلاكبول من زمان
والسبب الأهم مافي فنادق متوفرة وكلها فل الا الفنادق البعيدة
نشوف فندقنا
الحجز يا بلاش
تفاجا فينا صاحب الشقة وقال خل اغير لكم الغرف اوزعكم غرفة تحت لي يقول والبنات يعطيهم غرفة فوق لان درج يقول
لان شافني سالت عن الاصنصير
قلنا له لا نبي مع بعض وحجزنا الموجود
قال اوكي وانه بيساعدنا في حمل الجناط
وهذه اول غرفة
وهذه المغسلة داخل الغرفة
الغرفة الثانية
كبتهم
الفرش نظيف وباين توه مفتوح من الكيس واحنا بعد معانا فرش
وهذه الصاله
وهذا المطبخ وباين النظافة
طبعا حمام واحد ما صورته نسيت
عجبتكم الشقة صح
خلوو الصغر للغرف مو مشكلة
المشكلة ان الشقة مفتوحة على كل البيت
يعني مافي باب للشقة
ومع ان لها الدرج الأخير يصعد لها مباشر بس مافي باب مفروض يكون في باب
يفصلها عن البيت
وهذا اخر درج نصعده للدور الثالث وهو دورنا اللي فيه شقتنا
يعني أي واحد يدخل للمبنى ممكن يوصل لنا بدون باب عادي
الغرف اللي تحت عادي كل غرفة مسكر عليهم بابهم الا شقتنا وبعد مثل ما تشوفون انهم غرف بالعلية مثل ما يسمونهم
الغرف عليهم مفاتيح
انا والبنات توزعنا بالغرفتين
وابوحسين نام بالصاله وخلا الباب مفتوح الصاله فيها القنفة تقلب صوفا
المهم ابوحسين قال قفلوا بيبانكم ونامو والحمدلله الجو كان حلوو بارد
بس أي وحدة بتروح الحمام يفتح ليت الممر وابوحسين يصيح مين هناك ههههههه
كان خايف علينا او ان احد ايي لنا
بس الحمدلله ما شفنا احد صعد او تعدى درجه وحدة من درجنا وحتى لما نطلع نقفل الغرف وناخذ مفاتيحنا معانا
ولا شفنا احد وصل فوق
صاحب الشقة خووش ريال محترم وقال لنا أي شي اتصلوا فينا وهذا الرقم موجود في المدخل
وما خلانا الا لما صعد كل الجناط مع ابوحسين
المهم للي حاب يطلع على الفندق ويشوف موقعه هذا رابط الفندق من بوكينغ
