نتابع الملاهي
وبعدها عبرنا هالجسر اللي يودي النيكولوديان والألعاب الباقية ومنها بيبسي مان الافعوانية الأطول
ولعبتنا الخروف شون....دخلنا وقالو لنا بتفتح بعد عشر دقايق
تمشينا بمحلهم
للتصوير
انا وغنومة ....فكرتها تصورون نفسكم والخلفية بتصير اللعبة
اللعبة صايرة فوق على الجسر وتنزل العربات تحت وتصعد مرة ثانية نطلع من نفس المكان والصورة هذه والصور اللي قبل كلها من فوق
من هني ندخل للعبة وكانت حلوة اتونس
والعربة جنها تكرمون حذاء الشخصية
لعبنا هنيه انا وغنومة شوفونا اتهبل اللعبة والله وناسه
وهذا الاراغوز القديم اللي لقوه بمخزن وهو بس يضحك ومثل ما قلت لكم كنا مصورين معاه من 1991
لوحة تمثله عنده
وهذا القارب كان للعبة منجم الفحم ...سابقا تحول الى احواض زراعه
وهذيل بعد علقوهم فوق
وبعد لعبنا هاللعبة قطار صغير سريع ويصلح للأطفال
بيبسي مان من يتجرأ ويركبها
والى الجسر للخروج
ومن فوق الجسر هذه المحلات تحت لالعاب الجيمز ومنها تكرمون دورات المياه
وهذه مقابلها
اغلب الألعاب لاعبينهم قبل اربع مرات داشين البليتشر بيتش
والحين تعبنا
وهذه صالة العاب الجيمز
حاولنا نلعب شوي ومنها للحمامات وبعدها نروح بره
وبعدها طلعنا واسألونا اذا بنرد ندخل مرة ثانية لان التذكرة ليوم كامل طبعا قلنا لا ماراح نرجع
واذا بترجعون بيحطون على ايدكم زيت واذا قربوا لكم اشعة ليزر يسمحون لكم بالدخول مرة ثانية
طبعا ولازم يكون الشريط على ايدكم
تذكرت ليش اضافوا المادة الزيتية للي يطلعون لان في ناس تشيل الشريط وتبيعه للي ما يقدرون يشترون التذاكر
ومرة عرضو علينا شباب هذا الشريط من قبل كم سنة
بره الألعاب تلاقون محلات العاب ومنها بيت الرعب هذا
والفيش اند شيبس موجود بكل درجاته الغالي والرخيص والجيد واللي على الماشي
هذا قريب من باب الملاهي
الشارع والرسومات المعلقة ما يميز هالشارع الجميل
وصالات الألعاب منتشرة بهالشارع
العربة الملكية احليوة والماسية
والجووع ودانا لمجمع مطاعم صغيرون فيه محل بيتزا وفيش اند شيبس وصب واي ومحل كوكيز
ثلاثة اخترنا
الطاولات تحت محدودة جدااا والعالم زحمة
ورحنا فوق لقينا الطاولات فاضية وكثيرة واخذنا راحتنا
والبيبسي
والمطل على الشارع والبحر
طلب دانة
وطلبنا
احلى شي صلصة الترتار مع الفيش
بعد الغدوة المشبعه طلعنا وانا ودانه واخذنا تاكسي
وأخيرا التكسي
رحنا السوق علشان تلفونها شاشنه مكسورة وما قام يشتغل
وصلحناه ب 80 باوند عند هندي قال لنا ساعه يخلص
ورحنا كوستا مقابله نريح
وبنفس الوقت وصلتني هالصورة
حرام عليهم يتطنزون على الكويت ههههه
ودخلنا
والا ثلاث حريم ينادون دانة ويسالونها عن جاكيتها عجبتهم النقوش اللي بظهرها
طلبنا
بعد ما ريحنا شوية وخلص تلفونها اتصلوا البنات وقالو انهم يايين المول بعد ما راحوا الشقة وطلبت منهم ايبوون قطعة ببدلها وكنت شاريتها من بريماك غلاسكو ورحنا بريماك اللي ما يسكر بسرعه بكل مكان
ابد مو تعبانه وعيني تزغلل
في بريماك كان معانا ابوحسين ودخلت الاصنصير معانا وحدة مع بنتها بعمر خمس سنوات الام تمشي وهي مغطية وجه بنتها بيدها ومجندسة
والا ابوحسين يقول وييه هذه شتسوي ما تستحي
والا قاعدة ترضع البنت اشكره
وبعدين قالت سامحوني بنتي ما تفهم ان هالشي غلط جدام الناس....طبعا مو بس احنا اللي قعدنا نطالعها الانجليز كلهم عطوها نظرات علشان جذيه قامت تتأسف
شغلات حلوة
وبعد ما خلصنا قلت لهم نبي نتمشى على البحر بوقت المغيب ونشوف الليتات ورجعنا
ودخلنا جم محل
تعليق غنيمة
وصورة للذكرى انا وبحسين
وراحوو بوحسين ودانة قبلنا للفندق
أجواء المطر الحبيبة
الوسيلة المحببة الترمواي كان قديم ومجددينه والقديم موجود بعد
شايفين الشارع اللي طالعة منه سيارات هذا بعد نفس شارعنا كله فنادق ... وكل الشوارع الفرعية جذيه
وما طولنا وراهم ورجعنا لان النهار طويل ومو راضيه تغيب الشمس
وهذا شارعنا رادين للشقة وما شفنا مغيب الشمس ولا الليتات اللي تزين الشارع
اسم فندقنا
الضباب البلاكبولي
على ما وصلنا الا صار الليل
والعشا طلبنا من مطعم بالتلفون ووصل لنا وطلع قريب علينا وهو مطعم لبناني
طلبنا حمص وكباب وخبز بالزعتر
وسندويش فلافل
وبعدهاا نوووم من التعب وتسكير الجناط طبعا
صار الصبح واليوم هو يوم الثلاثاء تاريخ 22 أغسطس 2017
سويت ريوق لنا بيض وحليب وتوست واللي منه
ونزلنا اغراضنا وننطر التاكسي اوبر
محطة قطارات بلاكبول نورث
وهذه السوبرماركت عند محطة القطار الكبيرة لبلاكبول ...قلت الكبيرة لان في محطة ثانية بس مجرد خط وموقف مثل مواقف الباص اعتقد كنت كاتبه عنه في موضوعي القديم بلادنا حلوة
ومواقف التاكسي ونزلنا
طلعنا التذاكر للقطار واحنا حاجزينه من الكويت بالاونلاين .....ملاحظة جميع تذاكرنا للقطارات كلها طلع 150 دينار كويتي
بس هني نحط الرقم ونطبعها
قطار قبلنا واقفين الناس ينطرونه
البنات اشتروا لهم سندويشات وكوفي ولي كابتشينوو
راحوو الناس وباقي الإعلان عن قطارنا
لفتة حلوة وهي لتكريم المتوفين من العاملين بالمحطة
إعلانات ومواعيد وجداول تخص المحطة
وصار دورنا نوقف لان جناطنا يبيلهم مكان والقطار عادي مو فيرجن ولا الدرجة الأولى يعني نبي جناطنا يمنا فلازم نوقف اول ناس
وزعنا جناطنا بالقاطرة مالتنا 3 جدام و3 عند الباب اللي ورا وقلنا وقت الوصول ننقسم قسمين علشان ننزلهم
يوم الثلاثاء 22 / 8 / 2017
الى مقاطعة ويلز كارديف بالتحديد
وخلصت أيام بلاكبول الترفيهية
وفيديو وداعي
بعد ما شفتوا معاي الجزء السابق وسوالفنا بالقطار خل اراويكم خطتنا لمواعيد القطار
بالأرقام الحجز نطلع التذاكر
وكانت رحلتنا هالمرة من بلاكبول الى كارديف عن طريق تبديل القطار في مانشستر
من بلاكبول الى مانشستر مشى القطار الساعة 10.30 الصبح
احنا بالقطار
وهني مكان الجناط والقواري
ومحصل التذاكر
محطة بريستون كنا نبدل فيها القطار قبل واحنا ياايين من لندن لبلاكبول
على الخريطة
وايد قريبة منا الشجرة
ونوووم البنات
غنومة
ودانة وجدامها وحدة تشتغل على اللاب توب
يحليله مو اللي بطيارة العمرة يطل علينا بدون صوت
انا بالبراري
وصلنا محطة مانشستر الساعة 12.30 الظهر
والوقت نص ساعة انتظار
بس الانتقال من مكان ما نزلنا لقطارنا اليديد مشوار مشي
والبنات جدامنا واحنا وراهم لحد ما وصلنا البوابة وما لقيناها فاتحة وراحوا البنات يشترون اكل لهم من بريت
طبعا عارفين مكانه حافظين المحطة عدل
وخلوني واقفة يم البوابة مع الجناط وقمت احاتيهم يتاخرون
والحمدلله مع وقت فتح البوابة لقيتهم كلهم جدامي وكل وحدة تسحب جنطتها وصعدنا الجناط بالكبينة عند البابين ما لقينا مكان كبير فوزعنا الجناط 3 ب3
وقلنا بالنزول راح نتوزع بعد لتنزيلهم
وقطارنا
لا لا قطارنا عادي
و حجزنا عادي بعد مو درجة أولى
وتريقوا البنات يواعة ما تريقوا معانا
وهني وصلت عربانة الكافتريا
وشرينا هذيل منهم
محطة من المحطات
وأتسلى بالبزل
ووصلنا كارديف مدينة ابرار
قبل لا ننزل وقفنا عند الباب وشافتنا انجليزية وزطحنا له سوالف معاها ونصحتنا ان ما نحترس من السكارى
وقالت المدينة آمان بس بالليل لا تتاخرون بره
طلعنا ونزلنا الجناط والبنات من الباب الثاني وطلعنا على التكاسي المحطة صغيرة
واخذنا تاكسي بالغصب ههههه يقول لنا الفندق قريب روحو مشي
قلت له ما بي مع الجناط ما اقدر قال عيل ب 10 باوند
صعدنا انا وابوحسين ودانه مع الجناط
والباجي راحو مشي
وشوي وقفنا عند شارع ومافي مجال لدخول السيارات وقال كاهو فندقكم وأشر لنا
المدخل الامامي على الشارع اللي ممنوع مرور السيارات فيه كم درجة للمدخل
وفي باب خلفي وقريب على المصاعد الي تودينا للوبي وهو على الشارع الخلفي
بس راعي التاكسي شيطوون ما دخلنا من هناك
نزلنا هني عند الساعة وهو فندقنا اللي موجود بالصورة
مو مشكلة دخلنا الجناط وداخل ننزل بعد درجتين ونشوف المصعد اللي مقابله الباب الخلفي
صعدنا فوق وعطيناهم الحجز ورحبوا فينا ومافي احد يساعد بالجناط كل واحد يساعد نفسه طبعا الحين خلاص
الاصنصير موجود وبعد في درجات قليلة ما تتعدى الأربع درجات
الريسبشن
كراسي اللوبي
ومقابلنا هذا الممر
الممر الى المصاعد للغرف خلف الباب
وهذا الاصنصير
وهذه اول غرفة وشفناها 3 سراير خليناها للبنات
الغرفة حلوة ووسيعة ومطلها على الشارع اللي دخلنا منه
السرير الثالث عليه فوطه وأدوات النظافه كاملة لشخص واحد وبالحمام متوفرة لشخصين
وهذا حمامهم
ادوات النظافة من العسل والفندق فيه خلية نحل فوق حاولنا نروح نشوفها بس ما عرفنا الطريج لها الظاهر من مصعد ثاني سالنا مرة وما عرف اللي سالناه وبس
ونوصل لغرفتنا الحين اول شي مدخل
وطلع بعد غرفتنا فيها 3 اسرة
تلفزيون وسماعات وحركات
وأدوات النظافة للسرير الثالث طبعا استخدمنا منهم والباجي يبته معاي احب احتفظ فيهم بعد بفلوسي صح والا لأ
وحمامنا
والدفايات لازم ننشف عليها الفوط
وهذا مدخل الغرفة
لازم تقرون اللي بالورقة ههههه
اقروا
وبالخريطة صرت بعيد عنهم ههههه مع مو وايد بعيد جذيه عاد
والاوتي وطاولته والاستشوار
شايفين السخان وصينية الشاي بالكبت ( الخزانة ) مع توفير العلاليق
هذه غرفتنا بالوجه رقمها 420 والبنات غرفتهم 419 بس هم مو بممرنا لا
نطلع من هالباب
وننزل الدرجات هني ونطلع على غرفة البنات بويهنا
هههههه اصور الدرجات هني واضحك كل مرة وبوحسين يحذرنا كل مرة ليش ؟؟
لان محدثتكم اول ما طلعنا من الاصنصير واحنا نصعد الجناط قاعدة امشي والا هوووب واطيح الا لولا الجنطة اللي بيدي تمسكت فيها
والا جان طحت على ركبي اللي لازم ما اقعد عليهم اشلون لو اطيح
الحمدلله عدت على خير ....وبوحسين كل شوي يذكرني ديري بالج
على اليسار هني ستاربكس وفيه فتحة دخلنا منها نتبع غوغل ماب للوصول للمطعم اللي نبيه
ساحة مطاعم
من المطاعم ناندوز وفايف غايز مرادنا اللي رايحين له
طبعا احنا متغدين العصر مافي احد موجود بالمطعم الا عايلة اجنبيه
أجياس السيبال ( الفول السوداني )
بوحسين قال انا ماني رفيجكم على البورغر
وراح في شارع قريب منا
المطعم فاضي
البيبسي ونكهاته المتنوعة وخدمة ذاتية
ضيف نفسك مجانا
وسمووا
الحمدلله خلصنا الغدا ورجعنا شارعنا وهذه الصورة معلقة على ستاربكس بالجانب شدتني وصورتها لكم
وشارعنا الجميل والورود الجميلة
وبوحسين وغنومة سوالف يمكن اقناعه بشراء بيت هني ههه
تيسكو قريب علينا
وفي شوارع فرعية
استاد كارديف
علم كارديف والديناصور الأحمر
مطعم بوغسان مادري بس اشوفه اتذكر بوغسان
وبينت قلعة كارديف اخر الشارع
امير ويلز اي واحد مادري
ورجعنا بعدها والغيوم الريشية
بوحسين راح مباراة ماني لاقية التذكرة
وهني كنا معاه عند الشارع عند محطة التاكسي خلف الفندق
وبعدها احنا قررنا نروح فيلم الرعب أنابيل
شفنا وقته وموقع السينما لقيناها قريبه علينا والفيلم تقريبا الساعه 8
ورحنا لها خلف الفندق بحول 3 عمارات
وهذه العمارة تقريبا
نصعد الدريات والسلالم للسينما
العمارة فيها نادي صحي وماشاءالله متروس ناس يلعبون
هني شباك التذاكر والكافيه
وهني البنات غنومة ودانه قالو مانبي الرعب نبي فيلم ثاني
وهم ادخلو الفيلم واحنا فيلم نفس الدور والسينما يم بعض
ولزوم الشيئ الشبئ اعلاه
داخل السينما كانت فاضية ماكو الا شوية ناس
وبالجهة الثانية في اربع حريم من طقتي بالعمر واصغر
وسوالف وضحك الظاهر صديقات وطالعين مع بعض
وتوه بادي الفيلم والا تقول لي بنتي يمه مدي ريولج على الكرسي اللي جدامج قلت اشلون قالت شوفي الحريم واللي يمي كلهم رافعين ريولهم واخر راحة وقلدانهم
الفيلم والله ما يخرع بس قصة الدمية على مدى السنين هذا اهو اللي يخرع بالقصة
اما الفيلم ما يخرع اكشناته وجذيه ما يخرع
يمكن غيري يخاف اما انا ما خفت بطلة هههه
وانتهى يومنا بفيلم انابيل وبعد ما طلعنا من الفيلم انا وفرفر نطرنا البنات خلص فيلمهم بعدنا بخمس دقايق
ورجعنا الفندق وكان بوحسين توه واصل بعد
وعقبها حطينا روسنا على المخدة وونووم
ونلاقيكم باليوم الثاني بكارديف
قررنا بعد الريوق نروح كارديف باي واخذنا تاكسي من المواقف اللي يم الساعه هني
ورحنا واسفة ما اذكر كم اخذ التاكسي بس سعر مناسب
وعلامة التاكسي
ومن الطريج
تقريبا وصلنا
وهني وصلنا ونزلنا
المنطقة كلها مطاعم وكافيهات وقعدات حلوة
شي حلوو
هالبنات مجلبين يلعبون ما انتبهوا اني بصور ...قلت لهم ممكن اصور قالو يس وراحو يحليلهم بسرعه وخروا
وهني لازم افكت السناب
وتصوير للمنطقة
ذكرني اسم البار باسم ولدي قناص بس كتبته غلط بالسناب ههه مااشوف من الشمس
كان في سباق قوارب شراعية
شايفين الدرج الخشب هني كشك لرحلات بحرية وكان في ريال يبيع التذاكر وهو بره الكشك ويقول ان المركب بيمشي يلا تعالوو
وراح له بوحسين وقال له بكم قال له سعر قال بوحسين لا غالي هههه بيفاصل بوحسين
قال له يلا اعطيك 2 كبار و3 صغار وطلع سعر التذاكر كلها 15 باوند
وهني يتفاصل معاه بوحسين طلع حليو ويضحك
وصعدنا المركب كله كراسي امام وخلف
النورس بالافكت عطى منظر حلوو للصورة
وهني صور الكانون للجولة البحرية
خووش مكان للمبنى والبلكونات روعه
وهالكافيه حلوو
لقياس ارتفاع الماي
قارب شراعي
مركب ثاني
طفل باكستاني قاعدين اهله جدامنا ....تعرفون اللي يطلع جدامك بكل لقطة وامسح واصور مره ثانية
"قلعة كاردف يعد موقع قلعة كارديف واحد من أكثر المواقع الرائعه والمعقدة من بين جميع القلاع في المملكة المتحدة(بريطانيا) ، وتاريخها يمتد لأكثر من 2000 عام و هي واحدة من المعالم التراثية الرائدة في ويلز وموقع ذو أهمية دولية. تقع القلعة في قلب العاصمة
وبعدها دخلنا نقص تذاكر تقريبا 60 باوند لنا الخمسة
وهذا المحل فيه هدايا والتذاكر
وابوحسين تذكر التيل والعاب الطفولة
يحول البنس الى صورة تذكارية عن القلعة
وفي اصنصير وصعدنا ومعانا عايلة والا يسلم علينا الرجل طلع جزائري وزوجته انجليزية محجبة وعيالهم صغار
وهذه صور من فوق السور وهو كله ممر داير مدار القلعه وحديقتها
للاسف رافعين اعلام المثليين
صور من الكاميرا وراح تكون هناك صور مختلطة بعدين من الكاميرا والايفون علشان تتابع الأماكن بخلطهم
في كافيه تحت
مجسم لرأس جندي
المقصلة ....من بيجربها
المعلومات متوزعه بكل مكان
وصلنا لاخر الممر والجهة الثانية مسكرينها
وهذا ابوحسين ودانه وخوش صورة
تصوير من مكانهم للقلعة وحديقتها
نزلت وشفت هالدرج والحبال مسكرة للجهة الثانية
في شباك هني بالنص وفي ممر داخلي كانه دور بالنص وفيه أصوات مسجلة
اول يوم لنا بلندن ومثل ما قلت لكم ان وصولنا
لمحطة بادينغتون واخذنا تاكسيين من المحطة لفندق كمبرلاند
مادري جم طلع الحساب على العداد
ودرجة الحرارة طبعا فرق بين غلاسكو اول محطة لنا ولندن اخر محطة
سيارتنا وسيارة البنات
المباني الانجليزية طلت علينا
ووصلنا الفندق .... زحممممممة توقف لحد ما يفضى الموظفين ينادونك بالدور
وصل دورنا عند وحدة
وقفت انا ودانه والبابا
وعطيناها اوراق الحجز
احنا كان عندنا حجزين لان قبل لا نزيد ايام السفرة كنا حاجزين لسبعة ليالي وبعد تغيير الموعد ضفنا ليلتين لنفس الفندق
نفس الحجز للغرف للايام السبعه الباقية بس قالت الحجز الثاني خلوه بنغس اليوم تسوون تشيك ان مرة ثانية
كانت الموظفة بطيئة جدا وكل شوي تقول انا قاعدة اشيك لكم
عصب بوحسين عليها يقول يلا وجذيه وطبعا ما كلمها بهواش بس تنرفز ويتافف ويستعيلها
قلت له بوحسين انت روح تغدى واذا خلصنا بندق عليك نعلمك الغرف
راح بوحسين
بنت اللذين قامت تطول بالبحث اكثر واكثر يمكن ساعة ونص او اكثر وهي كل شوي تقول مافي غرفة نفس غرفتكم والا تقول
لقيت غرفة بس اخذوها راحت
وبالغصب خلصت بعد اخذ فلوس زيادة لغرفة البنات لانها تقول ما عندي غرفة تكفي سرير اضافي نفس حجزكم
قلت لها احنا مو اول مرة نحجز جذيه
البنت بتعاند قلت ميخالف عطينا الغرف الحين تعبانين
واخذناهم بعد تعب والله وقفة وموظفة تماطل وبوحسين رجع وللحين قلنا له اسكت كاهي خلصت
كان في موظفة عربية بس عندها ناس قبلنا وما خلصت
رحنا بس بنوصل للغرف نغسل نصلي ونريح
هذه غرفتي
اول ما ندخل باب الحمام على يسارنا
الباب والحمام على يمين الصورة واليسار منظرة
الحمام تكرمون
وبعدها مساحه صغيرة فيها الكبت وهذا اللي بالكبت
المساحة هذه هي
وبعد الكبت ندخل للسرير وعلى يمين السرير هذا الكبت لطاولة الاوتي والاوتي اللي متعلق ما تقدر تغير مكانه
السرير والستاند وراه الكبت خزانة الملابس اللي شفتوها اول شي
السرير بونفر ولا بعد لاصق بالطوف بالجهة اليسرى
واضح هني لؤم الموظقة وصغر الغرفة وغير هذا موجودة باخر الممر
وهذه غرفة البنات اللي اخذوا منا تقريبا 100 باوند لليلتين
غرفة ديلوكس
وشايفين في باب لكونكتد روم
ملاحظة : غرفة البنات صورتها بثالث يوم
عاد طلعنا الحين ونبي نروح نتغدى بعدساعتين من الوصول والتشيك ان
ماكوو الا ماكدونالد الاسرع
الحمدلله لقيت مكان بسرعة بعد مافيني وقفة هههه
رجعنا الفندق نريح شوي .... وبعدها رحنا بريت البنات شروا لهم سلطة وكيكة حق عشاهم وعصير
بوحسين يكلم ربعه اللي بلندن بيروح لهم
تمشينا شوية ورجعنا
وشفنا بوحسين وقال انا ابي اتعشى من يروح معاي قلت له انا
طبعا شارع الاجوررود
ورحنا البلد وزحمة البلد مافي مكان ماشاءالله
شخبااااري صوت وصورة للحين بلندن
رحنا مطعم مروش الصغير ابوالشاورما بس
مالقينا مكان لا داخل ولا بره
والا اللي قاعد على الطاولة صاحب بوحسين
قال تعالوو مسكين قال انا بتمشى واذا خلصتوا دقوا علي
ارجع مكاني وقعدت وراح بوحسين يطلب اخذنا شاورما وعصير
سعر الشاورما خمسة باوند حليوة
بس العصير ما عجبني
وطبعا سوالف المكاتب السياحية بالاجور رود والبروشرات
حق اوسكتلندا
الساعة الحين اربع تقريبا
قعدت معاها اريح واتسلى معاها هههه ....والبنات راحو يتمشون
موقعه بالنص
الافكت روعة
والبيتزا وصلت
لذيييذة الصراحة ما تقدرون تقاومونها
والفاتورة طلبنا ماي للبنات لما ارجعوا لنا
وبعدها قمنا نتمشى
تكرمون ..خوش جواتي
وبعد ما شريت منهم
الناس متيمعين للعروض
يتجهزون لعرضهم
القعدة باي مكان عادي
البزل لقيتهم كلهم عند الوالدة لأن كل من يسافر اييب لها
ما شريت منهم
هني انتهى البنزين عندي خلاص تعبت وقعدت
وشفت السيارات تمر من هني وركبت ثاني تاكسي يمر من هني انا ودانة
والبنات قالو ماخلصنا بنقعد خليناهم ورجعنا
الاصبع يام زياد
مزهبة الفلوس يعني ....طلعت السيارة تابعة لشركة جت
مرينا على قصر الملكة
افكت هايد بارك بالعربي
التاكسي وصلنا ب19 باوند
مريت بريت واخذت لي عصير فيتامين يعني
بعد ما ريحت وصليت وغفوة صغيرونة
اتصلت على دانة وقلت لها اذا بتنزلين نطريني ببريت
وانا نزلت وسيدااا الى الاستقبال قبلها رحت للكونسيرج قلت له في هني من يتكلم عربي
قال لا مافي ...وبسرعه كانه تذكر قال اي في
المنيجر محمد موجود
قال روحي الريسبشن وطلبيه قلت اوكي
رحت الريسبشن وقفت صار دوري بسرعه
قلت للموظفة لو سمحتي نادي لي محمد المنيجر
ابتسمت ابتسامه يعني أمم اكيد في شكوى
قالت ليش
قلت لها بس بكلمه علشان الحجز
ونادته وشوي وايي شاب باين انه من البحرين الشقيقة
وكلمته
اول شي بينت له حجزي الأول والثاني اللي بيصير بكرة
قلت له عن الموظفة وتلكعها بالبحث عن الغرف
وبالاخير عطتنا غرفة باخر الممر وغرفة صغيرة واحنا اثنينا كبار بالسن وما نقدر على السرير يعني واحد منا لازم ينط على السرير
وقلت له بعد عن غرفة البنات وانها اخذت منا فلوس زيادة والبنات ما يبون يغيرون غرفتهم بس احنا
طبعا طلبي للحجز الجديد اللي بيبدا بكرة
وقلت له انا صبرت يومين بس ماراح اكمل الحجز الجديد اذا جذيه
قال
غرفتج ان شاءالله راح تتغير بالجهة الثانية من غرفة بناتكم بس اكبر من غرفتكم الأولى
وغرفة البنات راح اخليها ما اغيرها لهم
قلت له والفلوس قال ماراح تدفعين غير اللي بالحجز
قال باجر الصبح اذا سويتي التشيك ان الجديد بلغيهم بهالكلام
قلت له لا ابيك انت تكون موجود
قال انا باجر مو مداوم بس سجلت لج الغرف والسعر كله هني
بس باجر لما تسوين التشيك ان بلغيهم
قلت له الله يبيض وجهك وربي يحفظك ويخليك لوالدينك واحبابك
واخيراااا
بعدها رحت لدانة وقالت يمه ليش تاخرتي قلت لها كلمت الرسيبشن قالت يمه عيب.....وكانت كل ما أقول لها بروح اكلمهم تقول لا يمه
قلت لها ماكو عيب اذا كان حقج لا تضيعينه
بعدها تيمعنا ورحنا نتعشى بالاجور رود والوعد لقاء اختي وبنتها
بالغصب وصل دورنا بمروش
طلباتنا عرايس وحمص وورق عنب وشارومات وبيبسي وسفن
وسيلفي بنت اختي ....اهم وصلوا لندن قبلنا باسبوعين تقريبا
العشا طلع علينا ب 42 باوند
بعد العشوة والسوالف والوناسة رجعنا الفندق والراحة النفسية عال العال لي طبعا ههههه
فيديوات هاليوم
وترقبوااا الغرفة الجديدة وهل النفسية تعدلت والا ساءت اكثر
تابعووو باليوم الجديد
الى اللقاء
