والشاشة ومجلات الطيارة والارشادات السماعه والمخدة والبطانية موجودة
على الكرسي
المجلة للسوق الحرة
الفيش الخاص بالسفر...
وشغلنا الشاشة نختار أفلام
المنيو
الغيوم زادت
واخترت فيلم ليون الهندي
بطل الفيلم هالولد
ووصلت الوجبة
اخترت اللحم
وجبة البنات الدياي
وعقب ما ريحت شفت فيلم الجميلة والوحش
اول مرة اشوف فيلمين على الطيارة
وصار وقت الوجبة الثانية وبينهم كانو يوزعون سناك بسكوت وشاي او عصاير
وزادت الغيوم طبعا
وبينت الأراضي الخضراء بعد 7 ساعات ونص
هني الكابتن لف الطيارة علشان نشوف الجبل
شايفين تغير مكاني وصرت يم الدريشة
ومحاولة فاشلة لتصوير حساب المنتدى مع الجبل
علاسكو من فوق
ولقطة حلوة
ونزلنا من الطيارة ومشي قليل ونوصل للمدخل
ولقطة لطيارتنا
الممر هذا بس وعلى اليمين اصغر منه ونوصل للكاونترات
اخر الممر السابق في هالقعدات للراحة او انتظار ربعكم الي توهم نازلين
كلها صورة نباتات خضراء
والقعدات من خشب الشجر
وهني صارت سالفة غبية من العامل
شايفين العمود هذا هني موجودة الكروت الزرقاء اللي كانو يوزعونها بالطيارة
قال العامل لازم تكتبون والعالم كلها تكتب
قلت له احنا الفيزااونلاين والسنة اللي طافت ما طلبوها مع ان احنا كتباناها
فال لا لازم تكتبون وراح جاب كروت لانها خلصت وعلى ما كتبنا الا احنا اخر ناس بالطابور
والبيانات اللازمة
وهذا الطابور بينا وبين الكاونتر اربع امتار
كانو تسعة كاونترات وماشاءالله بسرعه خلصوا العالم واحنا اخر ناس
وبس طيارتنا اللي واصله بعد
نادنا وطبعا الحين ممنوع التصوير واحنا بالطابور اللي يم العمود السايق كان يتنا وحدة وتقول للناس ممنوع التصوير
المهم رحنا قدمنا الجوازات والفيزا والكروت الزرقاء
الموظف ابتسامة وترحيب وصج الشعب الاسكتلندي حبيب ومرحبين وطيبين
اخذ الكروت الزرقاء وقال هذه مولكم لان انتو معاكم فيزا اونلاين
قلنا له العامل اهو اللي اصر ان نكتبها بابتسامه حلوة وجبر خاطر لنا قال هذا ما يعرف هالشي
ولازم عند تهجئة اسم غنيمة يطقون بريك ويحاولن يتهجونه وضحك
الحمدلله طلعنا صوب الجناط واخذناهم وبعد ما دخلنا الحمامات وطلعنا احنا اخر ناس نطلع من المطار
جلسات المطار والكافيهات
محل الصرافة الوحيد وجهازين سحب
السوق الحرة
كافيه وبس
هذا مطارهم صغير وحليوو واستقبال طيب
تعرفوني احب المطار الصغير
وهني نشوف بره المطار في مبنى مواقف
فندق هوليدي ان
وشارع التكاسي مقابل البوابة طبعا توني طالعه واصور لكم
هذه بوابة الدخول للمسافرين
واحنا طلعنا من هذا
وهني التكاسي البيضاء
نصور من التكسي
العداد والناس رادين من التنزه لان اليوم احد عطلة
اللون طبيعي بدون مؤثرات
هالجسر للقطارات
وصلنا الفندق
كان سعر التاكسي ما يتعدي ال25 ماني متذكرة
والحين وصلنا شقتنا الجميله
الساعة الحين 8 مساء
طبعا الشمس تغيب الساعة 10
طبعا احنا كنا حاجزين من يوم 18 اربع ليالي
وكان هذا السعر لشقة ثلاث غرف
لازم الأوراق معاي للحجوزات غير الحجوزات اللي بالموبايل
وهذا حجزنا اليديد بعد تقديم السفرة .. لشقة غرفتين وخمسة ليالي
هذه عمارتنا
ندخل الشقة بعد ما كلمنا صاحب العمارة وأول شي علمنا على الدخول للعمارة وعطانا رقم سري
سجلناه ....وبعد جم يوم شفت السكان يحطون الميدالية اللي بالمفتاح على الباب ويفتح قمنا نسوي مثلهم ويفتح الباب
عقدها الإنجليزي ههههه
هذا القفل بالأرقام السريه تدخلون والمربع الأسود اللي تمرر الميدالية عليه
وهذا من الداخل لازم تضغط الزر الأسود ويفتح الباب للخارج
دخلنا شقتنا بالدور التاسع
على ممر ومنه باب للصالة على اليمين
الصالة هذه صوفا تنقلب سرير
انتركم للباب مع شاشة ما استخدمناه
مدخل الصالة واسعه شايفين شال كل الجناط
باين المطبخ المفتوح على الصالة
ومقابل الصوفا هذا الكورنر وطاولة الأكل
وبعد قنفتين بونفر مع طاولة
والبلكونه اللي حبيتها حييل
واشلون ما اعشقها شوفووووو الاطلالة
بلكونة جيراننا ما شفناهم ولا شافونا
حاجز بينا وبينهم بس ما دخلوا لها ابداا
العمارة كلها خليجيين على ما قال صاحب العمارة بس ما شفت الا عايلة وحدة كويتية وعايلة اجنبية
المطبخ مجهز بكل شي مفتوح على الصاله تقدورن تشوفنه بظهر الصوفا
شايفين هذا الفرن والميدالية للمفتاح
نفتح خزانات المطبخ اغلب البهارات معروفة وجديدة الإنتاج الظاهر للعايلة اللي قبلنا
المواعين كلها لاربع اشخاص
ولاعة ذاتية
وبعد احمر رد على قولة زيوونة
وهذه الثلاجة وتحتها الفريزر
كل شي نظيف ويشوق للطباخ وتيسكو قريب منكم على بعد 20متر
وطبعا مع المنظر هذا مستعدة اطبخ كل الوجبات
حتى السخان صورته لكم هههههه ديروا بالكم من اليهال لا يلعبون فيه
أدوات التنظيف متوفرة
وصابونهم
الغسالة والنشافة وشغلها ممتاز وعلمنا عليها صاحب الشقة
التعليمات موجودة بهالكتيب مع ارقام اذا احتجتوا لهم
والتلفزيون فيه برامج مسابقات لجميع الاعمار عاد انا لازم اتابعها بس ماكو وقت
بعد المطبخ ندخل على الغرفة الرئيسية
في شباكين بالغرفة ينفتحون بطريقتين
وهذا حمامها الصغنطوطو
ترى انا واقفه بالباب مال الحمام
مومقصرين حاطين الصابون والشامبو
والكلينكس والفوط نظيفة ومتوفرة بالخزانه بالغرفة
والدوش ....شوفو طرف باب الحمام على اليسار
نطلع من الحمام بعد الخزانة في باب وهذه المراية للغرفة نفسها
من الباب نطلع نلاقي ممر صغير يوصل للحمام على اليسار والغرفة الثانية على اليمين
مقابل باب الغرفة الصغيرة الممر للباب الرئيسي للشقة
الغرفة الثانية
الشباك صغير يقولون وانا اشوفه حلوو مو صغير وايد
الحمام الثاني وهو الكبير وراهي
الممر
الليتات طول الليل تعطي الوان هههه
وهني صاحب العمارة حاسبنا بجهاز الكي نت
ويتأكد من المبلغ أولا بالايميل
وهذه الفاتورة كانو ساحبين مبلغ صغير ردوه لنا عقب ما دفعنا
وبعد وفر لنا شراشف ومخاد وكنابل
اعطي الشقة مية من مية
نظيفة ... مطل رائع... موقع قريب من المول وشارع التسوق بوشنان .... ومقابلها من جهة النهر الأخرى شارع العرب والمحلات العربية والحلال
اليوم الثاني
الأثنين 14 أغسطس 2017
جولة في Merchant City
صباح الخير
في اليوم الثاني قعدت بردانه مع ان الشبابيك مسكرة
قلت خل اشوف الجو كم درجة الحرارة ....
كنا فاتحين الشباك بالليل بس بررد سكرناها
وقلت ما يبيله الحين الا اصور حق امون هذه الصورة من البلكونة
وهني بعد بشوف الكنيسة اللي شفتها بصور بوكينغ
تجهزنا ورحنا نتريق
وأكيد وين ندور الحب
دخلنا شارع بوشنان وهو مقابل قصر نيرو ومدخل المترو او نقول بامتداد الشارع
احنا قاعدين مبجر الساعة 7.30
طلعنا تقريبا الساعه 9.15 والشارع فاضي الا من اللي رايحين دواماتهم او عمال التنظيف
السيارات ممنوع تدخل الا للخدمات وباوقات محددة وبعدين مافي سيارات ابدا
بس بالشارع في شارع للسيارت بجوانب الشارع
الجووو بهالمطرة اللي تنعش القلب
وهذا اهو الحب وصلنا له بعد اقل من 8 دقايق مشي
ونتطمن على المعروض ....علشان لا تتوهقون اقروا على الماي لازم يكون ستيل والا الباجي فيه غازات
كرواسوون بوحسين وبوغسان
الجيس البرتقالي هذا مانجا مجفف لذيذ
هذا صمون بيض فوح ’مسلوق’ نجربه مرة ثانية
ولابد من هالكرواسونة المشتاقين لها طبعا شوفو الاشتياق ما صورتها بدون الغلاف
وأحلى قعدة يم الدريشة ونشوف الناس اللي رايحة دواماتهم وشوفو ملابسهم تدل على برودة الجو
نظفو مكانكم
بعد الريوق السنع
رجعنا للبقالة مرينا عليها وهي قريبة من بريت
علشان نشتري كروت ليبارا للتلفونات
الكرت ب20 باوند ....3 غيغا ممتاز لآخر يوم بالسفرة وهو شغال
المكالمات ساعات ما تضبط بس نتصل واتس اب عادي
يعني مافي مشكلة النت قوي بكل مكان
البقال كان باكستاني وما طلعنا منه الا كل تليفوناتنا اشتغلت
نتابع معاكم طلعة اليوم الثالث
بعد الحديقة ركبنا تكسي من عند الحديقة ورجعنا الشقة
ما اخذ اكثر من 20 باوند على العداد
من عند الإشارة المقابلة لباب الحديقة شفنا التكسي وطلبنا منه يوصلنا قال اوكي وصعدنا يعني مافي موقف تكاسي
وهذا ملصق موجود بالسيارة للطلب بالهاتف
من الشارع
قصر ستاربكس
وهني عند باب العمارة ... في مكتب بالدور الأرضي بابهم مايفتح على العمارة
وهذا موظف يدخن بره .... طبعا كل محلاتهم ومطاعمهم واسواقهم ممنوع التدخين بالداخل
ريحنا وصلينا وطلعنا للمول St.
انا والبنات وأبو حسين قال بيروح يتغدى في شارع العرب اللي رحنا له البارحة
بوحسين راح يسار واحنا يمين ما انا واقفة
والمدخل للمول ورا عمارتنا
وعلشان بجية زيونة امس لازم ابرد جبدي واشتري لها هدايا
محل جيم للألعاب الالكترونية حبيب ولدي يوسف
ومثل باقي المولات في اكشاك بالنص
محل سبنر ملونة اعتقد الواحد ب8 باوند خذت غنومة واحد
شوفو الباب جنه باب زنزانة او مصنع واكيد ان البنيان من قديم الزمان
طاولاتهم جماعية وفي اصغر طبعا
على الطاولة ... قطاعة البيتزا والملاعق والكلينكس بهالقوطي المعدن
المنيو
شي عجييييب الزيت بالفلفل اوووه
باين العواميد ... شغل قديم
ديكوراتهم
ووصلت الطلبات
السلطة
والحلوو اللي قمت اشرب بس ربعه واتبرع بالباجي..
طلب دانه ليمون وقالو لها عندنا بس العبوة
قرينا المكونات الحمدلله مافيه شي
بيتزا الجبن والخضروات والدياي
وهذه بالجبن والزيتون
في برييد عندهم واختياراتهم اليوميه
ماطلبنا مافي مجال ابداا
السعر ما اذكر بس تقريبا على ما اذكر 37 باوند
وبابهم
الصراحة شي لذييذ من الأخر ....نعطيه تسعة من عشرة
لان اللي كان مفروض يخدمنا الظاهر ما عجبناه ومايبينا نقعد يقول بنظف الطاولة مع انها نظيفة بس يحط الملاعق ...قلنا مافي مشكلة وبعد ما قعدنا يت بنت حبوبة تأخذ طلباتنا وتخدمنا
الظاهر عنصري ههههه مع ان الخليجين موجودين بالمطعم وايد
وطلعنا نكمل تسوق وهالمرة في بوشنان غاليري ...
وهني بطريجنا لساحة التماثيل ومنها لشارع بوشنان صوب الغاليري
ساحة التماثيل وهني واحد قاعد ويقط اكل للحمام ومتيمعين عنده اليهال والعوايل
الحجاب موجود بكثرة ومافي أي مضايقات من أي احد
الباص السياحي بيج باص متواجد وهذه نقطة توقف له
تقول لي دانه يمه بسج تصوير ورد
أقول لها لونها عجبني
جم سنة واقف هني مسكين ...ومخلفات الطيور على راسه
وهذا بعد ما طلعنا من جهة اليسار لشارع بوشنان والديكور العجيب .... جم سنة شايلين المبنى على ظهرهم
يعزف الولد
وهذا الغاليري شوبينج سنتر على اليمين
وهذا شكل السلالم
وهالمحل الحلوو أدوات مكتبية
مساحات
اختيار غنومه ... تقول برد الابتدائي
ونطلع عقب ما افترينا شوي ...شوفو الشارع وزحمة البشر
ودشوو البنات هالمحل وانا قعدت على الكراسي
الفن
نادوني البنات دشيت معاهم المحل حلوو بضاعته حلوة
وردينا عقب والمرور من الشارع شفت بعد مجسمات من الاغصان
وهالمحل بعد عجييب فيه عطور وكريمات وشامبوات دخلنا
حفظوا هالمكان ...بنرجع له بعدين
عرض اعلاني
الواي فاي مجانا بالشارع
بهاليوم شفت الهومليس في الشارع مثل هذا اللي قاعد ورا حوض الزرع
عاجبني الديكور هههه
ونكمل لأخر الشارع جهة قصر كافيه نيرو
تقاطع لازم ننطر إشارة الاوادم تفتح
والحين توقف عند الإشارة للعابرين من الأشخاص .... وعلى يمينا هنا ياخذنا الشارع لمحطة القطارات وقبلها التقاطع اللي فيه مطعم كنتاكي وماك وبيتزا وتيم اللي صورتهم لكم .... ويسارنا بيكون تكملة السوق واهم المحلات البريماك وتوب شوب ودبنهامز
والقصر وصلنا له ونتقهوى
قعدت بره انطر البنات
والكافيهات الموجودة
كوستا
وغريس
المول
ضيوف الطاولة
كيكة ليمون
بعد ما خلصنا رجعنا الشقة وهني مطعم ياباني وسوشي صورت لكم اللي بره وانا ماشية
شايفين المبنى هناك هذا المول St.
ونشوف هالمرطب فيه ورد صجي ...
وصورة من البلكونة قبل أي شي
قلت حق بوحسين روح ييب دياي خل نسوي مجبوس
وراح شارع العرب وجهزت المواعين انا اغسل الجدور مع اني ماخذة جدرنا معانا بس لقيت القاعدة منفصلة عنه
قلت حق بوحسين ويي انكسر ما نقدر نطبخ فيه هههههه
حاولنا نركبها ما صارت قال فدوة بيني وبينكم كنت اقدر اطبخ فيه ماله شغل القاعدة بس مابيه وزن على الفاضي
المهم غسلت المواعين اللي بطبخ فيهم وسميت عليهم
ونفوح الدياي انا معاي العيش والبهارات وكان ناقصني الملح والزيت ...وكانو موجودين من اللي قبلنا
مثل ما شفتوهم اول يوم فاستخدمتهم
وغسلنا العيش
الدقوس الكويتي بعد مايبيله نسوي دقوس طماط
نقلي الدياي ونصب عليه شوية زعفران يعطيه صبغة حلوة
ونجبس العيش بماي الدياي ونحط ماي ورد منقعين فيه زعفران ونصبه على العيش لما ينشف الماي عنه
وخلصت طبختنا السريعه وننجب العشا
بالاطباق البلاستيك والقلاصات انا ايبهم من الكويت مع القفاش البلاستيك
الدياي من المحلات العربيه مذبوح مبرد وليس مثلج ...ب 2 باوند للوحدة ...فيه بقايا ريش يعني يبيله تنظيف بعد شوية
والحمدلله على نعمه الكثيرة
وقعدنا بالبلكونة شوية بس برررد
زاد البرد ودشينا
وهالصورة من تصوير دانه للجسر اللي باليوم الثاني صورناه
