للناس المهتمة بالسياحة الداخلية و حتى للمهتمين...

  • بادئ الموضوع بادئ الموضوع Cherry Tohamy
  • تاريخ البدء تاريخ البدء
عرض العطلة
#81
مصر حلوه بشبابها وناسها الطيبين واللي احنا فيه مش هتغير غير لو غيرنا من نفسنا ونواجه التحديات بقوه وذكاء انا شايف شباب كتير متحمس وعاوز بلده تبقي احسن اعملوا ورش عمل وقنوات توعيه علي نطاق واسع في مراكز الشباب والأحياء الشعبيه والمناطق الحيوية ومن خلال الميديا ونحاول نسيطر علي الموقف اللي بنعيشه ونستفيد منه يا شباب مصر بخير بلاش نفقد الامل انا مغترب بس كل همي في الغربه انشر صوره حلوه عن بلدي واغير اي فكره سلبيه ممكن حد يفهمها واقنع اي شخص ان مصر احسن بلد في الدنيا واللي يسألني انت مغترب وبتتكلم هقوله انا سفير لمصر في الغربه في بلد فيها اكتر من ١٠٠ جنسيه تحيا مصر بشبابها وناسها الطيبين
 
#83
الاكل
تروح ميعاد الإفطار قدر الإمكان بدري او متاخر براحتنا لكن علي الأكثر نص ساعه قبل نهايه ميعاد الافطار لنجد كل الاختيارات ولا تسبب قلق للاستاف الي مفروض بعد نص ساعه يقفلوا البوفيه و منكهربش الجو
ناخذ فقط علي الطبق مرحله مرحله من الاكل يعني الحلو ما تخلطهوش مع المالح ...ونذهب البوفيه براحتنا عده مرات افضل واشيك من ان نشيل اكل فوق بعضه ونرمي نصه ...نحضر كميات بسيطه كل مره من البوفيه ولماناكلها نجيب غيرها ...لو معاك اطفال تخدهم معاك البوفيه وتشوفهم عاووين ايه وتجيبه لهم بكميات يستطيعوا اكلها ولو حبوا تاني تجيب لهم تاني...
تتعامل مع الويترات بود و ذوق و تقدر ظروف شغله لو فيه زحمه ومش ملاحق واتاخر عليك ىشويه ولو طتشك او مش كويس ما تتشاكلش معاه خالص ولكن تطلب من رئيسه الطلب الي هو لم ينفذه ...و تخبره أن الاستاف مش علي مايرام ولو حب يعرف مين ما فمش الخدمه قول له الموقف الي حصل ولو طلع له عذر سامحه وكبر دماغك ....ولو مافيش عذر تصر أن رئيسه هو من يخدم عليك...
في المطعم الاكل يكون قدر الإمكان بالشوكه والسكينه وباليد في،اقل الحدود الممكنه ..ولو باليد ممكن بس،بشكل مش مقرف ...
الصوت يكون واطي في المطعم قدر الامكان ...
الغرفه؛~تتعامل مع الغرفه وما فيها كما لو كنت في بيتك ..وعند مغادره الغرفه تخلي شكل السرير متساوي الي حد ما والغرفه بوجه عام متساويه وشكلها حضاري. مش لازم تكون مبهره ولكن تكون متساويه ...
في،حمام السباحه .تكون بلبس خفيف يستحسن شورت شيك فوق المايوه وتكون دايما ناشف وانت قاعد يعني بعد السياحه تروح تغير المايوه بالشورت وتنشر المايوه ليجف....ما تحطش بعد التجفيف الفوطه فوق رأسك او علي كتافك .الفوطه للتجفيف وترجع مكانها ..لو جسمك مش رياضي و وكرشك كبير لا تزعج الآخرين برؤيه منظر مش عاطفي زي كده والبس حاجه واسعه تداري الكرش
ما تلعبش بكوره ولا حاجه تزعج الي،بيسبحوا في حمام السباحه لو المكان ضيق
الاولاد تكون عينك عليهم وا تخلهمش يقفزوا في حمام السياحه لو فيه زحمه وفيه ناس مش عاوزه الطرطشه ...وتوجهم التصرفات السليمه وهم في،حمام السياحه
..ويستحسن قبل ما اي حد ينزل البسين انه ياخد دش قبل النزول ....وياخد دش بعد مايخلص السباحه ....والاولاد يتنشفوا كويس ويلبسوا لبس،ناشف...
بوجه عام صوتنا يكون واطي ونكون ودودين مع الاستاف و لانتعالي عليهم ولا نصاحبهم اوي ..معامله انسانيه لحد بيعمل عمل شريف مع حد جاي يتفسح ..ولا انت خيرك عليه ولا هو صاحبك ..احترام متبادل وما نتخانقش بتاتا مع حد ..والي،يعمل حاجه مش،لطيفه نشتكيه لرئيسه
 
عرض العطلة
#86
قبل ما تعمل اي تصرف..... فكر كده هتعمل نفسه لو كنت عايش في بلد اوروبيه او لو كنت مدعو للغذاء عند واحد من الناس الارستقراطيه
النظافه والشياكه والتنظيم لنفسك قبل ما يكون للي حوليك
انت هتفتخر بنفسك قبل اي حد تاني
 
#88
ايه المانع يتعمل بروشور يتوزع مع كروت الغرف مكتوب فيه مثلا راحتك تهمنا وعلشان كده يهمنا ان .......ويكتبوا اللي عايزينه فيه ناس كتير هتلتزم وناس بردو لأ بس عالأقل نبقي قللنا العدد
 
#89
انا شايفة البوست ده كمان مستفز جدا برضو!
مع احترامي... بس لو انا مستوايا خلاني باكل بطريقة معينة ومش لائقة بالنسبة لبقية الطبقات؟
هل عشان اتفسح واشم نفسي في اوتيل على البحر لازم اروح اخد دروس في الاتيكيت؟
قطعا لا! أنا دفعت حق كل خدمة انا هاخدها في الاوتيل اللي انا نازلة فيه من حقي اتحرك بحرية واتصرف بحرية طالما لا أُهين أو أضر حد!
أنزل ال Pool بهدومي أو أنزل ببكيني دي حرية شخصية... اخد كميات كبيرة او ماكلش خالص دي حرية شخصية!!!
الاوتيل مش من حقه يهين نزيل او يعامله بطريقة غير لائقة لانه مُقدم خدمة مش من حقه يعترض على حاجة زي كده!! لو تصرفات النزيل بتسبب ضرر يبقى النزيل يدفع فلوس زيادة تعويضا للضرر سواء بقى اضطروا يغيروا مية ال pool او انهم لقوا انه اخد اكل زيادة ومأكلوش واترمى! كل ده يتضاف على فاتورة! انا مش متخيلة اني ابقى حد مأجرني اخدمه واقعد اهينه واعامله بتعالي وتكبر! ده قمة التخلف والرجعية!
 
#90
ميت احا علي كل صفحه جايبه فضايح المصريين لو اشتغلتو في السياحه يامعرصيين هتشوفو طلاينه بيسرقو كل مكان هما فيه الروس بيسرقو الاكل الانجليز بيفشخو اي حد لمجرد اي كومنت هايف الالمان عندهم شزوز والرجاله جايه ت؟؟الخليجه جايين ينسو انهم بدو فبيعملوا فيها اجانب
 
عرض العطلة
#91
انا مش فاهم الناس الى داخلة تشتم بتشتم ليه .... ايوه السياحه الداخلية فيها سلبيات كتير فعلا ... شوف شواطىء راس البر ضاعت واسكندرية ضاعت وربنا يستر على شرم والغردقة ولولا قيام المتطوعين بنضافة دهب ومرسي علم كان زمانهم ضااااااعوووو انا مش فاهم الناس بتشتم ليه ......... السياحة الداخلية مبوظة البلد فعلاااا لان مفيش ثقافة ..... وبالنسبة لمنشورك يا Cherry Tohamyy مش عاوزك تزعلي من الهجوم لان انا نشرت كتير بخصوص المواضيع دى قبل كده واتهاجمت للاسف .... لكن عملنا حملة نضافه فى مرسي علم ودهب بفضل الله ثم جهود ابنائها المتطوعين ...... استمري.
 
#92
تثقيف الناس ضروري ومش عيب ابدا ان يبقى فيه حملات توعيه بالاداب العامه سواء فالافنادق والاماكن السياحيه او فالطريق او المتنزهات العامه ومفيش مانع من وجود غرامات ومخالفات بعد التوعيه العامه ما توصل للجميع .
بس مش لازم ننسى تعامل افراد الفندق او مقدم الخدمه مع العميل المصري لازم يكون بنفس الطريقه والاسلوب والمميزات للعميل الاجنبي مجرد انك تقابلني وانت مكشر وتدخلني غرف معينه خاصه بالمصريين وتعاملني من البدايه على اني شخص همجي ولازم تحتويه دا هيخلي اسلوب اي حد مش كويس فالتعامل مع المكان
 
#94
انا باروح حمامات سباحه في اوروبا من عشرين سنه والناس فعلا معظمها بتتصرف بتحضر جدا جدا ..وصوتها واطي و مابتبحلقش في،بعض ...ممكن الناس بتبص لكن في الدرا اوي ...وبدون احراج لحد ...وكله معاه اكله متحضر كويس في،علبه بلاستيك متقطع ومعاه شوكه ..ومعاه قهوته في ترمس صغير...وكله مستمتع ومعاه كتاب بيقراه او جرنان او بيسمع موسيقي من السماعات ..فعلا استمتاع مع ناس كتير باقل ازعاج ممكن ....لو عرفنا نوصل له هنستمتع احنا كمان
 
#95
اول خطوة في حل المشكلة هو الاعتراف بالمشكلة

لما حد يتكلم ويقول ان عندنا سلبيات المفروض الاجابة ما تبقاش ( امريكا عندهم سلبيات وايطاليا عندهم سلبيات )
يا اخي انا طماع شويتين وعايز بلدي احلى من امريكا وايطاليا. ..
ليه بتدخلني في مقارنة مين اسوأ احنا ولا هما ؟؟؟؟
...هو احنا مكتوب علينا نبقى رقم 1 في كل السلييات ولو لقينا بلد اقل مننا نجتهد لحد ما نبقى اسوأ بلد !!!

احنا للأسف بنلف في دايرة مغلقة... الفندق بيتعامل مع النزيل المصري انه كخة ويع وملعون ابوك يا فقر حاوجني للاندال... وبعض النزلاء بيتعاملوا مع الفندق انه في مهمة رسمية لافساده في 4 ايام فقط... ولو حد اعترض لازم تسمع الجملة الشهيرة ( بفلوسي )

البوست هدفه اننا نحط نقطة نظام. .. النزيل و الفندق يعرفوا حقوقهم وواجباتهم... مش مقصود بيه ابدا ان الناس اللي شغالة في السياحة تحكي تجاربها مع النزلاء المصريين والنزلاء المصريين يحكوا تجاربهم مع الفنادق وننشر غسيلنا قدام الناس

انا كمواطن مصري طلعت باستنتاج واحد من البوست ده... احنا كلنا ( نزلاء وفنادق وعاملين في السياحة )محتاجين نشتغل على نفسنا عشان نحسن الصورة اللي بياخدها السائح لما ينزل في فنادقنا .. لعل وعسى مجهودنا ده يبقى سبب ان السياحة ترجع زي زمان
 
عرض العطلة
عرض العطلة
عرض العطلة
أعلى أسفل
عودة
قائمة