للناس المهتمة بالسياحة الداخلية و حتى للمهتمين...

  • بادئ الموضوع بادئ الموضوع Cherry Tohamy
  • تاريخ البدء تاريخ البدء
عرض العطلة
#61
موضوع الاكل بالذات المفروض نتعامل زي بيوتنا يعني نحط اد ما ناكل احتاجنا تاني تاخد مرة و اتنين و عشرة و في الغالب مش بتحتاج لان كل واحد عارف تقريبا بياكل اد ايه و في فعلا جنسيات تانية بتعمل كدة كتير بس احنا نبقي احسن منهم لان سواء تربية او دين مقالوش نرمي اكل اد ما ناكل
 
#62
لازم يبقا في توعية عن طريق الشركات اللي بتطلع الرحلات اصلا , ان مينفعش النزول الميه مثلا باللبس كذا و كذا عشان الناس اللي رايحة تعمل حسابها اولا و ثانيا موضوع المستفز بتاع الاوبن بوفيه بردوا المفروض من اول شركة السياحة اللي بتحجز تقول للعميل ان الاوبن بوفيه تمام و كل حاجة بس لو الناس سابت اكل هتدفع فلوس غرامة او ايا كان و يتوزع عليهم كتيب كدة بالتعليمات عشان في ناس متعرفش و مش فاهمه و هما في الاخر اهلنا ياعني فا لازم نساعدهم
 
#63
البوست محترم والله مش عيب ان اي شركه سياحه او فندق يعمل مثلا ا زي ندوه او كلمه صغيره كده مع وعد ان الي هايحترم القواعد هايكون له خصم او هديه. واتمني نفس الشيء مع الشركات الي بتسفر عمره او حج. برضه لازم توعيه والتشديد علي احترام نظافه اي مكان
 
#64
بصي ف موضوع الاكل في فعلاً بتملي التربيزة اكل على الفاضي بس عارفه ف الاخر الأكل برضو بيترمي انا شفت كمية اكل بتترمي ف شرم الشيخ مش طبيعية ف فالحالتين هيترمي الاكل وبعدين الكلام دا يتقال للفندق بدل ما يرمو الأكل يدوه للفقاره حرام عليهم ، وفيما يخص الراجل الي ماشي ف البسين دا راجل نفسه يعوم ويتبسط بس سنه كبير مظنش ان اي ثقافة تمنع حق راجل عجوز يتمشى ف البسين ب الجلبية ، فيما يخص اللبس دي حرية شخصية فعلا بس في ناس بتلبس ملابس داخلية وتنزل فيها وتزعج الناس عشان الناس بتبص عليهم غصب عنهم ف كل واحد حر قدام مش بياذي حد او يجي على حد والأجانب برضو عندهم حركات مش لطيفة بيعملوها المصريين على قد ما فيهم حجات وحشه كتير ولكن شعب بيحس ببعضو وبيساعدو بعض على حدن ما مش زي شعوب كتير يارب يصلح الحال ان شاء الله
 
عرض العطلة
#66
انا موافق معاكي تماماً بس كالعادة الناس مبتحبش الحقيقة، بتحب الكدب و النفاق، و الحقيقة احنا كلنا كعرب سمعتنا وحشة سمعتنا همج و مش متحضرين..
ممكن السبب قلة مننا أو كثرة.. بس دي الحقيقة وده الانطباع الخارجي بره عن أي عربي تقريباً.
فكرة كويسة جداً و مش شايف فيها أي غلط حتى اللي شايف نفسه مثالي يا ريت يخلينا نساعد في تحسين صورتنا كلنا كعرب بدل المعارضة من أجل المعارضة.
 
#67
متفقه مع حضرتك
لكن المشكلة انه اغلب الناس اللي مش بتلتزم بقواعد المكان والسفر مش ف الجروب اصلا ولا يمكن كمان بيفتحوا نت
غير انه للاسف الشديد اغلبهم عاداته و تربيتهم ع حاجات غلط اتعودوا عليها بقالها سنين طويلة + بيكون عند البعض منهم اسلوب تفكير او طبعه كده ع الرغم من اي مستوى تعليمي او مادي
غير انه كمان مشاكل السياحة الداخلية مش ف المواطن وبس وكمان ف مقدمي الخدمة
وعشان نحسن من معامله المواطن و ثقافته السياحية و الاتيكيت لازم نحسن المواطن نفسه كمستوى تعليمي صح و تربوي و كمان البيئة اللي بيتربي فيها
والمقصود مش طبعا فقير او غني المقصود انه المواطن يكون عنده ذوق ويعرف يلتزم بالقواعد العامه لاي مكان
للاسف الشديد الاتيكيت والاخلاق والالتزام عند كل طبقات الشعب المصري ف انحدار والحد الادنى كل فترة بينزل اكتر لدرجه انه الحاجات الغلط بقت موضه او حرية او ورشنه وهكذا
 
#68
انا مش عارف الناس متاضيقه ليه من قصة المظاهر انا كنت في شرم من يومين بالظبط و كان معانا فوج من بلد من بلاد المغرب العربي بدون تحديد الدولة و الناس عادي الستات لابسه عبايات و جلاليب بيتي و الاكل براحتهم و بيتبقى منه عادي و ماشوفتش لا واحد من الفندق علق ولا لوا بوزه حتى بس لما المصريين عملو جزء او شبه الكلام دا ابتدا النفخ و القريفه هي المشكله في الجنسيه تقريبا
 
#69
اولا انا دائم السفر والأقامة بالفنادق من ثلاثون عاما الى اليوم لم أشاهد مثل هذة الصور فى اى فندق بمصر بل أرى معظم المصريين بيحافظوا على صورتهم امام الأجانب
 
#70
الكلام صح وغلط.. بمعني ان السلبيات اللي بتحصل في الفنادق بتحصل سواء من مصريين او اجانب... ومش هيكون اكتر من الايطاليين واللي بيعملوه او الخليجيين مع احترامي. .. فالفكرة ان الناس علي مختلف جنسياتهم محتاجة تلتزم بمعايير استخدام الاماكن العامة وبصورة لائقة تعكس وجه حضاري ومشرف لصاحبها ولبلده في ذات الوقت..
 
عرض العطلة
#71
للأسف فيه تعليقات واخده الموضوع ان مفيش مشكله و اننا اكثر تحضرا من كل الشعوب التانيه ( بمبدأ ما الأجانب بيعملوا كده برضه و ده مش صحيح جمله و تفصيلا ) ....احنا من اعلي معدلات العالم في التحرش و حوادث الطرق و الفساد و غوغاءيه الطريق العام و السلوك العام . هنيجي للفنادق و نقول ان المصريين مظلومين و الجنسيات التانيه بتعمل اكتر من كده .
والله و الله ١٥ سنه سياحه عمري ما شفت غوغاءيه و أسف في الكلمه وقله ادب و ظلم للمكان و لغيره من النزلاء زي اللي بتحصل من النزلاء المصريين ....حاجه تزعل و تحز في النفس لما الجنسيات اللي اول مره ييجوا مصر و يفجعوا بالهمجيه اللي محدش قادر يسيطر عليها و يسألوا هم ليه بيعملوا كده و الناس ديه منين ..بسبب ان التصرفات ديه كتيييير اوي ...و اي حد عايز يقول غير كده ينزل يسوق عربيته في الشارع او ينزل يتمشي في الشارع عندنا و بعدين سافر اي دوله تانيه و مش هقول أوروبية ....لا افريقيه او عربيه و أمشي في الشارع و تعامل في الحياه اليوميه و شوف التصرفات عامله ازاي و السلوك العام ايه .
 
#72
يسيدي معظم المشاكل بتبدا ان الي شغال في الفندق مش عاوز يخدم المصري عشان التبس قليل او مش عاجبه بقيت الحجات دي فردية والمصريين بيلبسو اكتر من الاجانب كمان واطلع مراسي والساحل وانت جاي ودي الطبقة اللي بتروح فنادق وانت تشوف والباقي حالات فردية ناتجة عن جهل بس طبعا بيبقو نشاز وبيبانو علطول
 
#74
انا مقتنعة بالاقتراح ده لانه هيعمل فرق بس المشكلة ان الطبع لا يتغير الا في حالات قليلة بس المحاولة هتكون لها نتائج ايجابية احنا كمان هنتعلم حاجات غايبة عن ذهننا الفايدة هتعم عل الجميع
 
#75
استاذة Cherry Tohamy
حضرتك شوفي كومنت للاستاذ Mohab Reda
عشان حضرتك تشوفي وجهة نظر و نظرة اللي شغالين في شرم الشيخ اتجاه المصريين مع التعميم...
الموضوع لازم يكون فيه حل من الطرفين ال hosts و ال guests
 
عرض العطلة
#76
نشرات توعيه وفيديوهات في الباصات اللي بتنقل الركاب واستقبال الفندق نفسه وال guest relations وموظفين الفندق مهم جدا يكونوا مدربين وعندهم سعة صدر للاجابه علي اي سؤال واهم شئ الابتسامه والوجه البشوش هيغير علي الاقل جزء من الكل لازم ثقافة السفر تتنقل لكل الناس وازاي تتعامل مع المرافق اللي هتستخدمها مش عيب اني انصحك لكن العيب اني انصح وانت تتكبر ومتقبلش النصيحه بصراحه بوست فكرته جميله برافو
 
#78
صباح الفل يا باشا... كل سنة و حضرتك طيب... نهارك فل يا باشا.... رقم تليفوني اهه لو احتاجت اي حاجة كلمني انا على طول... لوسمحت ناولني واحدة زبدة م اللي حضرتك مخبيها م المصريين تحت السرفيس دا ... حضرتك انا نسيت التليفون في الاوضة و عملت check out للاسف يافندم الroom service مالقاش حاجة في الاوضة يا فندم... حضرتك الطبق ريحته زفرة او فيه شعرة ، وايه المشكلة خد طبق غيره يافندم
 
#79
مع احترامي لكل الآراء انا كعامل في السياحه كباقي زملائي انا أري بالرغم من أنه عادات لن يقبل البعض أو الكل إلا أن بعد المصرين عن الفنادق لفترات هكذا كانت النتيجه ومع احترامي للاراء الكل لا تنسوا ان سبب رجوع السياحه مره اخري المصريين هم سبب عوده الفنادق فمن لا يعرف كميه الفنادق التي تم غلقه او هجره كثيره جدا لذلك ارجو من كل الاعضاء دعم السياحه وليس هدمه عن طريق الصور التي تتضرا بالسياحه المصريه جنب السلبيات توجود ايجابيات وفي كتير بدوا يعدل السلوك لأن عرف ان حقه أنه يتعامل زي الأجنبي
#دعم_السياحه_المصريه
#تحيا_مصر_بشعبها
 
#80
للاسف كثير من المصريين عايزين دروس في الاخلاقيات و المفاهيم. مش في السياحه و الفنادق و بس. لا كمان في التعامل مع بعض في الحياه العاديه. عايزين نغير نظام ابو بلاش كتر منه و الحق قبل ما يخلص و لازم اجيب من كله عشان ادوق ونظام ان الاجانب بيلبسوا ملابس داخليه علي البحر و نظام انا بعمل اللي انا عايزه و اللي مش عاجبه يشرب من البحر و نظام ان حريتي الشخصيه عادي جدا اني اعتدي علي حريه الاخرين لانني حر و كتيييير جدا من المفاهيم و الاخلاقيات الغلط اللي للاسف الغالبيه العظمي اتربت عليها.
لازم المفاهيم دي تتغير و يكون في حمله توعيه. مش مجرد ناس في فندق بس.
اكيد لما المفاهيم دي تتغير للاحسن هنبطل نزنق علي بعض في العربيات و نبطل نرمي اكل كتير زياده هنبطل نستهلك مواردنا علي الفاضي.
مش بقول ان الاجانب دول ناس ملايكه و مش هنقدر نوصلهم و اننا مستحيل نتحضر. بالعكس المصري هو اللي علم العالم معني النظام و التحضر و النظافه اللي بيشهد بيه العالم كله و عارفين تاريخ و احنا منعرفوش.
 
عرض العطلة
عرض العطلة
عرض العطلة
أعلى أسفل
عودة
قائمة