للناس المهتمة بالسياحة الداخلية و حتى للمهتمين...

  • بادئ الموضوع بادئ الموضوع Cherry Tohamy
  • تاريخ البدء تاريخ البدء
عرض العطلة
#41
الاخ اللي كاتب البوست اللي انت مصورهم دول اهلك ووووالدك ووالدتك متعيشوش الوهم وتفتكر نفسك من كوكب المريخ كل العالم زي كده لو في غلط في كده يبقي علي اداره الفندق ولو هتحاسب حاسب الفندق مش النزيل عشان معرفش يطبق قوانينه صح
 
#42
والله انتوا ناس فى منتهى العنصرية اصلا الفنادق اغلبيتها خدمات متدنية جدا وبيعملوا المصريين معاملة سيئة جدا جدا والناس معندهاش اى ثقافة عن السياحة المفروض بدل ما نتريق عليهم وننتقدهم ونمنعهم من دخول الاماكن دى نرشدهم ونعلمهم والفندق يوفرلهم مايوهات مثلا حتى لو تكون رديءة مش لازم ماركات والشركات السياحية اللى بطلعهم تفهمهم يلبسوا اية ويعملوا اية زى شركات الحج والعمرة بيشرحوا للعملاء بالظبط
 
عرض العطلة
#46
ممكن الفندق ينزل تعليمات معينة فى الtv بتاع الغرف مصحوب برسالة أن ده علشان يضمن راحة و استمتاع النزيل المصرى قبل النزيل الأجنبى
 
#48
البوست ايجابي جدا وتعليقي كالاتي :
- الناس اللي مش عاجبها الصور .. الصور دي حقيقه وبتحصل وصح مش غلطتهم أن ثقافتهم كده بس دورنا اننا نغير ده ..
المظاهر دي خارج اي قوانين لياقه او ذوق او اي قوانين اوتيلات سواء اكل او لبس او تصرفات والصور امثله وكده كده هويه صاحبها مش موجوده ممسوحه ..
ومش معني اني مسافر بفلوسي اضايق اللي حواليا واهدر في الموارد من اكل وشرب وأبوظ نظام المكان
- الناس التانيه اللي بتقول الأجانب بتعمل اكتر من كده فده مش مبرر .. البوست مش عنصريه ضد المصريين البوست ضد أي ثقافه او تعامل خاطيء
- الناس اللي بتقول الاوتيلات اصلا تعاملها سيء والله ده مش مبرر اني اتصرف معاهم كده مهياش معامله بالمثل والاوتيلات اللي ال staff بتاعه سيء ن report ونشتكي بس معلومه صغيره انت مشوفتش تعامل النزلاء معاه ازاي وليه وصل الحاله دي ..
- الناس اللي بتقول نسبلهم البلد ونسافر باره سافر وشجع السياحه الخارجيه واتبسط ( هو مش تهديد ) بس وانت باره خليك مثال كويس لبلدك والتزم بقواعد الاتيكيت او قواعد المكان اللي انت فيه ومتهدرش ..

واخيرا قبل ما اعترض افكر شويه التصرفات واللي في الصور دي مقبوله ولا لاء مبرره ولا لاء .. البوست ده بينادي لحاجه ايجابيه وصحيحه وهيكون ليها تأثير علينا كلنا ولا لاء ؟؟
وبعدين احكم واشجب واعترض براحتي ..
 
#49
لو افترضنا ان سلوك البعض همجى و نسبه كبيره ده يرجع لاسلوب البلد فى القهر و الواسطه و مسؤلين بيتفسحوا على حساب البلد للاسف الناس بتنتقم من بعضها من سوء المعامله فى كل حاجه
 
عرض العطلة
#51
اقولكو حاجه حلوه كان في اقتراح جميل كده وعنصري وزي الفل يليق بالبلد دي اتكتب هنا من فتره بنفس الموضوع احنا نعملو شهاده كده لكل واحد سايح انه نضيف وهيلتزم بالسلوك وكده ويمضي عليها 2 اصحاب فنادق وممكن نجود ونعمل كشف حساب بنكي وجواب hr وشهاده صحيه ويمضي شيك علي بياض قبل مايدخل شرم المقدسه
 
#52
طيب نعمل أيه مع الناس البسيطه اللى نفسها تتفسح وثقافتها وزوقها العام بقى متراكم وصعب يتغير وخصوصاً لما يكون حد كبير فى السن
 
#54
انا في رائي ان المكاتب الي بتعمل الرحلات لازم يكون ليها دور في التوعيه للناس لازم يكون في مرشد سياحي ينظم الرحلات وموجود طول الوقت في الفنادق لان فعلا الموضوع خارج السيطره
 
#55
لازم تتطبق مادة دراسية فى كل المدارس من اولى ابتدائى اسمها الاتكيت وتكون اجبارى ويتشرح فيها التعامل مع كل شئ حولينا من اول استخدام الحمام ازاى لغاية السفر والطيران والفنادق وكل شئ فى حياتنا وبكد نضمن ان فى جيل هيطلع احسن ان شاء الله
 
عرض العطلة
#56
نفس العادات ف كل حتة بس احنا ال شايفين نفسنا وحشيين بس، عندنا اه اكتر لكن برا فيه، حضرتك اتفرج ع friends وهتشوف عادات أمريكا فيه، انت جايب صور لناس عفوية بيعملوا دا كام مرة ف عمرهم!
 
#57
طيب حضرتك في المطعم مثلا الاجانب عاداتهم ان كل واحد مسئول عن نفسه الزوج و الزوجة و الابناء حتى لو اطفال صغيرين فكل واحد بيقوم يجيب حاجته بنفسه ... انما احنا عاداتنا غير كده يا إما الزوج بيجيب لأسرته كلها او الزوجة خصوصا لو الابناء لسه اطفال، فلما تيجي تاخد من صنف معين بعدد افراد اسرتك ... وتلاقي حد م ال staff بيتنك عليك او بيتكلم بإسلوب مش كويس ... فيه تصرفات زي كده كتير مرتبطة بالعادات و التقاليد ماينفعش نقارن نفسنا بيها مع الاجانب ... و بعدين حضرتك مثلا الامريكيين معروف انهم همج و ماعندهمش ذوق ولا يعرفوا في الاتيكيت وده عن تجربة ...
 
#60
والله معاكي حق لازم توعيه. امبارح روحت المنتزة اتصدمت من اللي شوفته. اتحول لعشوائية بشكل مرعب ولو استمر علي كده اسف بس هيكون من اقذر الاماكن في مصر
 
عرض العطلة
عرض العطلة
عرض العطلة
أعلى أسفل
عودة
قائمة