للناس المهتمة بالسياحة الداخلية و حتى للمهتمين...

[Cherry Tohamy]

للناس المهتمة بالسياحة الداخلية و حتى للمهتمين بصورة المصريين في الخارج
واضح طبعا من البوستس اللي عمالة تتحط عن تجارب السفر الداخلي في فترة الأجازات أغلبها تجارب مريرة ومش بسبب الزحمة لأننا بنشوف زحمة الأجانب حلوة برضو لكن السبب هو ثقافة المصريين في السفر
رأيي إننا نكون أكتر إيجابية و نبتدي ننشر إيتيكيت السفر بينا و بين بعضنا ومع معارفنا - نعمل زي بروتوكول كدة يخص آداب الأكل في البوفيه المفتوح مثلا - آداب اللعب في حمامات السباحة - الصوت العالي - الفضلات - استخدام الحمام - استخدام غرف النوم عشان ما يبقاش أي مكان فيه (مصريين) وحش ويع ونلاقي معاملة أفضل من الفنادق اللي بنروحها وبدون تجريح من فضلكم

تحديث : محدش بيكتب حلول كله بيشتكي أو بيقوم بإحباط الاقتراح أو بيهاجم البوست لأنه بتسرّعه فهم إنه لتشويه صورة مصر

حبة إيجابية
#مجرد_اقتراح

 

[Nouudiizz Seif El Eslam]

فكره حلوه جدا ياريت نعمل بوست توعيه علشان بجد الموضوع زايد عن حده يمكن هو موضوع اسلوب مش اكتر او في ناس محتاجه توعيه ف ياريت نكتر الموضوع دا اوي

 

[Hager Ahmed]

Rehab Negm
شوفي دي و اتمني تفهمي وجهه نظري في الي كنا بنتكلم فيه علشان خسيتك فهتيمي غلط انا مش مغروره يا ريبه

 

[Cherry Tohamy]

طيب ممكن كل واحد يكتب عن اللي بيضايقه مثلا و نجمعهم كلهم في بوست واحد بعد كدة

 

[Iman Abdullah]

متابعة طبعا .... ولو ان اصحاب السلوك ده مش هيتابعوه اصلا لكن لو الفنادق حطت شروط واضحة وشركات السياحة بلغت بيه هتفرق جدا احنا شعب نسبة كبيرة مننا معندناش ثقافة النظام عندنا الخوف من العقاب بس

 

[Sherif Elawady]

اقتراح في منتهى الاحترام... بس بعد الصور دى مافيش امل.. اكيد دول مش هيبقوا هنا و يقتنعوا او حتى من اي حد برة

 

[Ahmed Mohamed]

ياجماعه انتوا ليه عايزين تعيشوا في العالم المثالي والمدينه الفاضله بتاعه افلاطون .. والله في ناس ف كندا وامريكا واستراليا وعايشين بمنتهي الفوضي ومنتهي القذراه اليوميه .. البشر مستحيل يتفقوا علي طبع معين .. حتي لو في قانون قوي بيحكم برضو هتلاقي حد طلع ف الوسط ويخالفه عشان دي طبيعه البشر .. كام واحد هيلتزم بالاتفاقيه ؟ واحد ؟ اتنين ؟ 50 ؟ مليون ؟ هتلاقي 2 مليون مبيلتزموش برضو ... اذا كانت امريكا مبتلتزمش بالاتفاقيات الدوليه وبتنقضها هنيجي احنا يا مصريين نلتزم بقواعد اخلاقيه في الاكل والسياحه .. صدقيني جزء من نجاح الحياه هي وجود الفوضي لو كل حاجه ماشيه بالمسطره من اول لما تصحي الصبح لغايه لما تنامي مش هتبقي في حياه اساسا

 

[Salma Abu Donia]

ممكن شركات السياحة والباصات اللى بتطلع بالناس دى
توزع عليهم زى بروشور كده فيه المحذورات و ازاى يتصرفوا
وحد مسئول عن الرحلة برده يقق فى الباص ويدى الناس تعليمات

 

[Ahmed Talaat]

فكره كويسه جدا
بس انتي متوقعه انك ممكن تغيري عادات او ثقافه ناس اتعودوا علي التصرفات دي
دا حتي دينيًا الي بيحصل غلط
فين النظافه من الايمان
فين حق الجار
للاسف هانعاني والله اننا نرشد ناس بحاجات هي اصلا الطبيعي انها تتعمل تلقائيا منهم

 

[Mamdouh Ali]

أقترح بمنع دخول المصريين

 

[Alaa M. Samy]

1- اني اشوف معاملة وحشة من ال guest لل staff بتاع الفندق او اي حد بيخدمه اعتقادا منه انه بيعمل كدة بفلوسه..
2- منظر الاكل و هوا بيترمي مش لطيف خالص و ولا دين ولا عادات و لا اخلاق تخلي حد يرمي اكل اكتر من الي اكله ،، ف معلش حط علي قدك و بعد ما تخلص زود تاني لحد ما تزهق وما حدش هيزعل
3- احترام خصوصية الناس سواء في ال lobby مثلا او في اي مكان ،، في اماكن مش ل لعب اولاد حضرتك و لعبهم فيها بيسبب مشاكل

و اضحكو في وش الناس الي بيخدموكم والله مش هتخسر حاجة

 

[Shehta Elhadad]

تعالوا امريكا وشافوهم بيعملوا ايه فى الاوبن بوفيه زى المصريين واكتر 100 مره كفايه جلد للذات هو الاتيكيت الراجل اللى فى سن جدى يقلع وينزل بالمايوه لا طبعا الجلبيه احسن ... هو احنا هنغير نفسنا عشان الفنادق ترضى عنا لا بفلوسنا ونعمل اللى متعودين عليه ... لو واحد اجنبى اتكرع وسط الاكل او الشرب زى ما كلهم بيعملوا عادى جدا انما لو مصرى عملها ممكن يدخل السجن ههههه

 

[Maro Sayed]

كان في اقتراح زوجي قاله للفندق انهم يجمعو كل فوج ينزل الفندق ويفهموهم بكل ذوق ايه هي أساسيات التعامل في الفندق والقواعد وآداب الأكل واستخدام حمامات السباحه لأن جزء كبير من الناس اول مره في حياتهم ينزلو فندق ويتعاملو مع أجانب كمان د وهما في منهم مش فاهم ايه الغلط اللي بيعمله ، مش الشركه السياحيه تجبهم ترميهم وهما مش فاهمين أي حاجه .

 

[Nooralgana Abdul Waris]

م

 

[Ahmed Alashwah]

اقتراح متحضر وراقي ويستحق الدعم والاشاده

 

[Reham Hussain]

شركة السياحه لازم تعمل تثقيف سياحي عند الحجز بأسلوب لطيف مفهوش إستعلاء او طبقيه و ممكن يكون في شكل فيديو او منشورات لطيفه كده علشان اهلينا الكبار في السن و اخواتنا إللي اول مره ينزلوا في فندق او محدش اهتم يعرفهم بس اهم حاجه بلاش إستعلاء لأن كانا عملنا اخذاء اول مره نسافر انا مثلا ماكنتش عارفه ان غي الطياره بيدونا سماعات او إن المضيفه ممكن تساعدني لو تعبانه او مريضه و نفس الحاجه في الفنادق...فياريت منعاملش الناس من منطلق انهم بهايم مش عارفين حاجه هما عارفين حاجات تانيه كتير يمكن احسن من كتير مننا بس للأسف ميعرفوش في الموضوع ده و ده مش معناه إن الناس تتريق عليهم

 

[NaBil HeGab]

متابع جدا

 

[Moustafa Metawee]

والله الواحد بيشوف اجانب مناظرهم خرا ف مصر مش بنشوف البوستات دي نهائي عليهم
غير برا مصر بنشوف كل حاجات دي مفيش حد منهم بيعمل بوستات حضرتك دي
لن البشر طبعهم مختلف عن تاني و دا حاجة طبيعية انك تلقي دا في اي مكان ف العالم
لكن الي مش طبيعي انك تعمل نفسك شخص مثالي مش بتغلط زايهم

 

[Amal Mostafa]

الله ينور عليكي لازم نحسن مستوانا لمستقبل افضل لاولادنا

 

[Maha Elsayed]

اقتراحك حلو جدا
كمان لو كل واحد فينا عامل المكان الي هيروحه كانه بيته هتفرق والله مش علشان ناس هتنضف وراك نقرفهم كمان لو حطينا نفسنا مكانهم هنرضي بكده