امــــريكـــا القـــارة

[لوجىى]

نكمل المكتبة

ودخلنا المكتبة

تفتيش بالدخله والطلعه

تتكون من 4 ادوار

انشتاين يسلم عليكم

الى مكتبة الاطفال

صيحه ولويه

تبلغ ميزانية المكتبة اكثر من 50 مليون دولار ..

المكتبة حيل ضخمه من داخل و افرع واقسام وايده ..

يعمل في المكتبة اكثر من 3 الاف موظف ..

التصميم الداخلي ابداااع

تم انشاء المكتبة عام 1895م ..

يتبــــــع ​

 

[لوجىى]

و مازلنا في مكتبة نيويورك العامه ..

هذي قاعه وداخلها قاعه ثانية للهدوء

هذي عادي نسولف فيها

هذي هـــــــــــدوووء تــــــــام
ولا نفــــــــس

فيديو المكتبه


https://

تفتح من 10 ص الى 5-:45
الخميس - اليمعه- السبت

الاحد من 1 م - 5 م

خليط من كل الاجناس

الاثنين : عـطــله

الثلاثاء والاربعاء
من 10 ص - 7:45 م


الجهه اللي ورا الارفف هدوووووء اكثر وما يصير ندخل عليهم

الموقع الالكتروني للمكتبة


https://www.nypl.org/locations/schwarzman

كل قاعه شكل

عقب ما خلصنا من المكتبة رحنا حديقة Bryant park وتكون ورا المكتبه

مفتوحه من 7 ص - 10م يوميا
وفي الشتا وموسم الكريسماس يحولونها لمكان للتزلج و اكشاك ..

الاكشاك والشغلات اللي فيهم اتشوق

فيديو من الحديقة ..
https://

يتبــــــــع تـرا لمـا الحـيــن اليــوم الخـامـس​

 

[لوجىى]

طلعنا من الحديقة واستمرينا في المشي

وصلنا الفندق و صلينا وقطينا بعض الاغراض

حاشنا اليوع قلنا ناخذ اي تصبيرة من الجمعية الاسيويه يم الفندق

عندهم اشياء حلوه ولذيذه وفي حلال

خذينا سندويشات تونا

الشوربات متوفره

فندق ميليوم وشراكه بين قطر والهند

وبالاتجاة الى التايم سكوير

ودخلنا تي موبايل
بس جذي بسأل عن النت مفتوح مدة شهر طلع نفس at&t

واللوية والزحمة في التايم

تم حجز تذكرة الباص السياحي بسعر 59 دولار لمدة يومين للشخص الواحد

في شركات مختلفة بس الاغلبية نفس الاسعار ..

يتبــــــــــــــع​

 

[لوجىى]

وهذا احنا مرتزين في الباص و يلف فينا ونصور


فيديو من التايم سكوير


https://

الحديقة اللي مرينا عليها

والمكتبة

الامباير ستيت
من ناطحات السحاب المشهورة في نيويورك وتحتوي على 102 طابق و 72 مصعد والارتفاع 381 متر ..
تم المبنى لاكثر من 40 سنه وهو اعلى ناطحة سحاب في العالم ,, وتعود شهرته للعديد من الافلام السينمائية منها ( كنغ كونغ - الرجل الذي راى الغد - لص البرق ) .
يعد الاطول الان بعد سقوط ناطحتي مركز التجاره العالمي في 11 سبتمبر2001.


تم افتتاحه 1 مايو 1931 وصممه المهندس وليام لامب ..

شارع NoLita

ودخلنا سوهو - SOHO

والى الحي الصيني

انواع واشكال من الحيوانات البحرية طبوا وتخيروا

تذكرت الصين في حيهم حسيت اني في الصين والله

واحصل حبيب ابوي هذا كريم مثل بوفاس اللي تحت طاستها خاشته

وندخل جمعيتهم

ونكمل برا شكلنا داشين الفرضه

فيديو



https://

وبعدها ايطاليا الصغيره Little italy

كلها مطاعم ايطالية والقعدة فيهم حلووه

بما اني نسيت بوديج تم شراء العلوب( فلفل حار)

يتبــــــــــع​

 

[لوجىى]

عقب ما شريت اللعلوب ركبنا الباص نكمل الفره

فيديو


https://

الجو سحتني بررررررررررررد

صامدين شباب

wall street

سامحوني على ردائة الصور الليلية

وصلنا هالحي


stuyvesant town


يعتبر حي قديم ومهم لان صار عليه صراعات من كذا جنسية اول من سكن فيه اعتقد الالمان اذا ماني غلطانة
والسكن فيه غالي ويعتبر من اغلى المناطق السكنية في نيويورك الاستديو يبتدي من 6000 دولار
والحين اذا ما بعد ما ني غلطانة الصينين استولوا عليه او الالمان


https://en.wikipedia.org/wiki/Stuyvesant_Town–Peter_Cooper_Village

وبعدين المنطقة الطبية NYU Langone Medical Centre

والرسم متواجد

والحين الى المطعم

وصلنا المطعم

يا هلا بالستيكات

طاولتنا

المنيو

الضيافة زبده وصمونه

ننطر الطلب على ما يوصل

اول الواصلين السلطه

الطلبات


حلقات بصل - هاش براون بوتيتو - زهرة بطريقة الماكرون تشيز -

الطبق الرئيسي
ستيك ( ريب اي ) الحجم وايد زين تكون قطعه كبيرة و قصيناها بالنص


طبـعـــــا ميـــديم ويــل

شي فـــــاخـــر من الاخـــــــر لذيييييييذه

اموووووون منقــــــــوله ههههههههه

منيو الحلو

يا هلا بالزين
كــــريم بــروليــــه

فاتورتنا لشخصين


136 دولار مع الضريبة اغلى شي الستيك كان ب 56 دولار ..




وطبعا التبس ومكتوب بالعربي من 15-20% من قيمة الفاتوره عليكم الحسبه ..

والحمدلله على النعمه ...


المطعم انا اشوفه 10/10 ممكن البعض يشوفه غالي بس اللي يعرف بالستيكات يدري ان الاسعار مرتفعه ..
وكل الاطباق كانت لذيذه ..

ولازم و احنا طالعين نسير على هالخماجير ..

و راجعين الفندق

وهذي زينة ساكس فيفث افنيو بالليل

فيديو


https://

عرض سنو وايت يشتغل مع الزينه ما قدرت اصوره من العالم شي وااو

مكتب البريد الامريكي

فيديو مكتب البريد


https://

وخلصنا اليوم الخامس على خير
ونلقاكم في اليوم السادس من الرحلة و اليوم الثالث في نيويورك​

 

[لوجىى]

اليــــــوم الســــادس من الــرحــلـــة


و اليـــوم الثـــالث في نيــــويــــورك


يوم الثلاثاء 5 ديسمبر


اصبحنا و اصبح الملك لله


اليوم محاضرتنا بتكون متأخره و خارجية ، قلت ما كو الا اروح اتريق في احد المطاعم واتمشى على ما يصير وقت محاضرتنا ..


قعدت اشوف الطريج للمطعم مشي ياخذ 42 دقيقه

قلت على ما اوصل راح يروح علي الوقت جان اقول اخلي الباص يقطني اقرب محطة صوبه واكمل مشي ..
ورفيجتي نايمه تلحقني بعد المحاضره ..
نزلت و ركبت الباص السياحي طبعا

الامباير ستيت

وصلت اقرب محطة للمطعم
عند هالمبنى راح انزل و اكمل مشي

هذي فاترينة مطعم تحت المبنى الضعيف

امشي على قوقل ماب حاطة اسم المطعم و امشي معاه


مريت على شوارع ومحلات حلوه

وصلت المطعم المقصود

الموقع الالكتروني


https://www.friendofafarmer.com/


المطعم الصغير بس في قعده فوق انا اخترت عالبار تحت داخل اطل على الشارع و في قعدات خارجية بس برد ..

المنيو

حي الله من يا

يا سلاام

بعد قولوا جذي البيضه مو حلوه و موعاجبتكم !!

انصور على ما يوصل طبق الحلو بالنسبه لي بالنسبه لهم ريوق

وصل وصل فرنش توست ولا اروع شي شي الطعم ..

فيديو سريع للفرنش توست


https://

الفـــاتـــورة

ولاحظوا البخشيش النسبة من 18-20% من قيمة الفاتورة ..


يعني لازم احط معاي ميزانية ثانية بس للبخشيش اللي ينني ..


التقيم : 10/10


الحمدلله تريقت وخلصت بالاتجاه الى المحاضره واشوه المكان مو بعيد عني ..


اكمل معاكم الجزء الياي بعد المحاضره ​

 

[لوجىى]

طلعت من المطعم و رحت المحاضره الحمدلله مو بعيده عني ووصلت عالوقت ..
كان التجمع في حديقة gramercy park ..
الحمدلله ما طولنا اليوم وخلصنا مبجر ..
وانا في المحاضره قلت حق رفيجتي عن مكاني عشان توصل ونكمل تمشي ..


خلصت المحاضره ووصلت رفيجتي وكملنا تمشي في الفيفث افنيو


واشوف هالمحل العجيب
انا من عشاق هالمحلات ..

اموت على هالخماجير

ومحل ثاني
المحلات وطريقة عرضهم اتشوقكم لدخولها والله عكس محلاتنا ..

ووصلنا دوار كولمبوس

ومسوين في لنكولن سكوير Lincoln square حديقة النسترال بارك سوق

و رحنا نكمل الفره في الباص السياحي


الباص السياحي مقسم نيويورك تقريبا ل 5 خطوط وكل يخط يمر بمجموعه من المعالم السياحية ..
الخط الازرق - الخط الاحمر - الخط البنفسجي - الخط الاصفر - الخط الاخضر ..


وهذا الموقع الالكتروني للباص السياحي اللي استخدمناه Big Bus New York


https://www.bigbustours.com/en/new-york/new-york-routes-and-tour-maps/


المفروض ناخذ خط ثاني بس قلنا بنكمل الخط اللي ما خلصناه ..

برد و مطر وصامدين

وهذا الشارع اسمه NoHO

يتبــــــع الجــــزء القـــادم ​

 

[لوجىى]

نكمل الفره

و وصلنا foley square ..


وهذا مبنى المحكمة العليا بمقاطعة نيويورك ..

تم بنائها بين عامي 1913 و 1927 خذت كل هالوقت لانهم ينطرون تنتهي الحرب العالمية الاولى ..

في اشياء نسيت اساميها اللي يعرفها يذكرها

و وصلنا ال wall street شارع المـــال


احد اهم شوارع منهاتن السفلى و الواجهة الرئيسية للسوق المالي الامريكي حيث توجد فيه البورصه والعديد من الشركاتالمالية الضخمه منها جي بي مورجان و اميركان ستوك والشركات الصناعية والعقارية والخ .. ويتقاطع الشارع مع شارع برودواي في الاتجاة الشرقي من الحي المالي ..


سمي الشارع في القرن 17 بالوول ستريت عندما كانت نيويورك مستوطنة هولندية وعندما تعرضت للاحتلال البريطاني فبنى الهولنديين جدار بأرتفاع 12 قدم بواسطة الافارقة العبيد لصد هجوم البريطانيين ونجحوا البريطانيين في الاستيلاء على نيويورك و دمروا الجدار في 1699 ..

من الاحداث اللي صارت في السوق المالي :
- الانهيار الاقتصادي عام 1987 اللي تسبب في انهيار مؤشر الداو جونز الصناعي .
- وازمة الرهن العقاري اللي بدت في 2007 و حاشتنا في 2008 ومازلت مستمره وتسببت في افلاس مؤسسات مالية كثيرة ومنها ليمان براذرز والازمة ما خلصت في ازمة مالية في الطريج ..

وهذا متحف تاريخ الهنود الحمر في امريكا انصح في زيارته للاسف ما كان عندي الوقت اللي ازوره ..

ونزلنا صوب منطقة جسر بروكلين

فيديو للجسر من بعيد


https://

طقنا البـــــــــــرررررد

غلطان اللي يقول برد ابد ميتييين من الحر


هذا الجسر ورا البردانييييين

ما ابالغ ان قلت برد نيويورك ما مر علي في حياتي مثله والله بردهم موطبيعي ..

مبنى الامم المتحدة

يتبـــــــــــــــع​

 

[لوجىى]

الجـــز الاخير من اليوم الثالث في نيويورك


و ما زلنا في الباص


هذا القايد ريال عود يهبل شرحه عجيب والاكسنت عنده واضح اللي يشوفه يركب الباص اللي اهو فيه

grand central terminal


محطة غراند الرئيسية للقطارات ..


لاتطوفونه وما تنزلون من الداخل رهيبه والمنطقة اللي حواليه ونيسة فيها محلات و اشغال حلوه ..
تقع المحطة وسط حي منهاتن بالميدتاون بين شارع 42 و شارع بارك ..
المحطة تخدم الركاب المسافرين على السكك الحديدة مترو الشمال الى ويستشستر، بوتنام و هولندا مقاطعات في نيويورك و فيرفيلد ونيوهافن المقاطعات في كونيتيكت.
تعتب المحطة وحده من مناطق الجذب السياحي الاكثر زيارة في العالم في 2013 21 مليون زائر ..


لها 44 رصيف اكثر من اي محطة سكك حديد في العالم 30 على مستوى الارض و 26 تحت الارض وعدد المسارات يتجاوز ال 100 مسار ..
تم تصميم المحطة من قبل جون بي سنوك و افتتحت لاول مره في اكتوبر 1871..

فيديو من التور 1


https://



فيديو من التور 2 غلطت في اسم الفيديو وكتبت التايم سكوير


https://

فيديو من التايم سكوير


https://

فيديو التايم 2


https://

هذا الفندق عاجبني


https://www.citizenm.com/destinations/new-york/new-york-times-square-hotel

رجعنا الفندق و عينا من الله خير و جهزنا عمرنا ورانا سهرة

تم الحجز المسبق لعرض ما ينعرض الا فنرة الكريسماس يبتدي من 10 نوفمبر الى 1 يناير من كل عام ..
Christmas Spectacular Starring the Radio City Rockettes


الموقع الالكتروني


https://www.rockettes.com/christmas/


عرض خيالي من اقوى العروووووض وااايد قوي لااااااازم اللي يروح هالوقت يزووورة ..


عبارة عن عرض موسيقي يجمع الغناء والرقص و الكوميديا و نجوم العرض اهما فرقة الرقص النسائية في الدقة اللي يسونها في العرض وعدد النجوم في العرض 140 ..


تم تقديم العرض من عام 1933 تخيلوا الى اليوم يعني شنو هذا العرض ..


مده العرض 90 دقيقه سعر التذكرة اللي خذيتها 70 دولار للشخص ..

يتبع الجزء القادم

​

 

[لوجىى]

الجــــــزء الثاني والاخير من اليوم الثالث


عقب ما جهزنا عمرنا و تذاكرنا قلنا نروح نتعشا وبعدين نروح المسرح مو بعيد عنا ..


العشا حيل بسيط ورخيص و حلو


اخترنا فلافل ترك


وهذا صاحبنا شاب مصري حبوب وخلوق صارله 6 اشهر من وصل نيويورك اهو وعايلتة الله يوفقهم ويسر امرهم ..
نسيت اسمه للاسف

طلبنا ثنتين فلافل و 2 سفن اب
بسعر 14 دولار ..
يا حلو الرخص و اللذيذ

رحنا قعدنا في كافيه بريت ناكل شندويشاتنا

ترا وحده اتشبعكم مو تطلبون زيادة ..


واحنا بنطلع من الكافيه ولا هالمطرة اللي ترد الروح اتهبل في هالفيديو


قلت المطر قالت من اليوم ديمة ... ما به رعد لا بق ما غير هتــان
عشق جمع ما بين قاع و غيمـــة ... سيل على صدر الثرى دمع الامزان


همــس النديم اللي يعاتب نديمة ... صوت المطر كنه عتاتيب خلان
تبسمت لاجل الليالي القديمة ... وقالت تذكر قلت يا بنت نسيان


https://

طبعا ما كان معانا شماسي تمينا واقفين لين خف اشوي بس ومشينا


جيت ادور عن بقايا وعن اثر وليل وعيون وسهر
سكه بللها المطر

الله الله لي نسنس الغربي حزات الغروب
واطراف الجدايل يداعبها الهبوب
آآه لو تحكي الــدرووب

متوجهين الى مسرح راديو ستي


يقع المسرح في الياده السادسه و المفروض يكون دار للاوبرا اسمها متروبوليتان لكن الغي مخطط الاوبرا و تم بناء مركز روكفلر وشمل قاعة الموسيقى الدولية و مسرح المركز ..
تم تصميمة من قبل ادوارد دوريل ستون و دونالد ديسكي ..
وقاعة الموسيقى كانت الاكبر في العالم حيث تضم 6200 مقعد والمسره 3500 مقعد ..


تم الافتتاح ديسمبر 1932 ..

زحمه مو طبيعية بس التنظيم ممتاز والمطر مستمر

ودخلنا المسرح

فيديو من الدخول


https://

المسرح خيااااال

تسلية على ما يبتدون

و ابتدا العرض

فيديو


https://

فيديو


https://

فيديو


https://

فيديو


https://



فيديو


https://

فيديو


https://

فيديو 6


https://

فيديو 7


https://

فيديو 8


https://

يمثلون قصة سيدنا عيسى عليه السلام وطبعا كله تحريف ..

وصلنا النهــاية

وعيشونا جو الثلوج

عرض خيالي ولا احلى انصح الكل في حضوره
وينتهـــي يــومنــا الثـالث على خيــر
والقاكم في اليوم الرابع في نيويورك ​

 

[لوجىى]

اليــــوم الســـابــع مـن الـرحلـه


والـــيوم الــرابــع في نيــويــورك ..


يـــوم الاربعـــاء 6 ديسمبر 2017


اصبحنا واصبح الملك لله ..


طبعا كالعادة جدولي الصباحي ريوق في احد المطاعم وعلى المحاضره ..

اليوم طلعت مبجر لان رفيجتي سافرت و دعتها ورحت اتريق ..


بس هالمره استعملت وسيلة نقل بخاطري فيها من زمان و اهي subway الاندرقراوند الامريكي

طبعا ما اجذب عليكم لو قلت اني مو خايفه لان وايد اسمع شلون اهو خطر و خصوصا في نيويورك يعني وايد اشوف افلاوم وثائقية عنه وافلام وحوادث تصير فيه ..
فقلت تشجعي يا ابرار وتوكلي على الله و روحي فيه ..


وتوكلت على الله ..


خذيت المترو من محطة كولومبوس

نزلت المحطة و اكلم اللي يقصون منه التذاكر جان يقولي اخذي التذكرة من المكينة
واحجز من المكينة تذكرة ليوم كامل بسعر تقريبا 6 دولار ..

وتقريبا 4 محطات و بعدين انزل عند اقرب محطة للمطعم ..
وعقبها من المحطة مشي تقريبا 10 دقايق لي المطعم ..


راكبة القطار وانا خايفه ههههه

للامانة لما بديت اشوف المحطات والناس وكل في حاله اشوي ارتحت ما شفت ناس اشكالها غريبه و لا تحس انهم مو مضبوطين يمكن لان الصبح والوضع غير ..

نزلت محطة شارع 86 كانت اقرب وحدة للمطعم ..


شكل الكرت

اشوف درجة الحرارة

ووصلت المطعم

good enough to eat


الموقع الالكتروني


http://www.goodenoughtoeat.com/


المنيو

اول الواصلين

ماني عارفه وين اقعد مره اقولهم عند الطوفه ومره عند الدريشه و راضيت نفسي وقعدت بالمكانين

بس الدريشه احلى القعده عندها

الطبق

بيض مكسيكي

وبعد الطبق الحلو

الحمدلله على النعمه
وهذي الفاتوره مع التبس اللي تختارونه

اعطي المطعم 10/9
الكيكه كلش مو بالمستوى المطلوب ..

بالاتجاة الى المحاضره

وصلت المحاضره ولا المحاضر يفاجأنا ان باجر الخميس اخر يوم محاضره بس نرروح ساعه نستلم الشهادات و نصور ونطلع واليمعه خلاص يكون فري ..


اهني انا اكون خلصت دورتي وتبتدي اجازتي الرسمية

طبعا انا كنت ادعي ان الخميس يكون اخر شي عشان احجز للوجه اليايه ..


وتم الحجز وانا في المحاضره


على الامريكان ايرلاين الى ؟؟


يتبــــــــــع ​

 

[لوجىى]

وانا في المحاضره حجزت للوجهه اللي بعد نيويورك


وكان الاتجاة الى ولاية فلــــــوريــدا و اول زيــارة لي لهالولاية الجميلة وبالتحديد الى اورلانـــدو ..


مثل ما قلت لكم حجزت على الامريكان ايرلاينز




قعدت ادور في كذا موقع للسفر يوم الخميس اللي اهو اخر يوم من بعد ما قال المحاضر يعني استلم الشهادة و امشي بنفس اليوم الى فلوريداكان اغلب الطيران فيه ترانزيت و انا ابي دايركت ما تسوى ترانزيت و الحمد لله حصلتها على الامريكان .. و نفس الشي بالنسبة لحجوزات الفنادق حجزتها وانا في نيويورك لجم يوم ..


التذكرة


نيــويـــورك الى اورلانـــدو


بسعــــر 134 دولار مع الضريبه ..


الاقلاع من مطار نيوراك - نيوجيرسي الى اورلاندو


مدة الرحلة 2:50 دايركت ..


بعد الحجز و خلصت المحاضرة طلعت و رحت اتمشى في السنترال بارك ..


Central Park سنتــــــرال بارك


من الحدايق الجميلة اللي مرت علي و لازم تزورونها لا تفوتونها ، حديقة كبيرة وتقع في مانهاتن وتبلغ مساحتها 3.4 كم وتستقبل 37 مليون زتئر سنويا ..

وهذا متحف التاريخ الطبيعي الامريكي في الحديقة لازم تزورونه انا ما كان عندي الوقت صراحه نيويورك يبيلها مو اقل من 10 ايام اذا ناويين تزورون الاماكن اللي فيها ..


American Museum of Natural History

وصمم الحديقة المصمم المعماري البيئي والكاتب فريدريك لو اولمستيد في عام 1858 بعد فورزه بمسابقة التصميم ويحد الحديقة من الشمال الغربي شارع 110 ومن الجنوب الغربي شارع 59 ومن الغرب شارع 8 ..


خريطة الحديقة

صورة علوية للحديقة

يتم المحافظة على الحديقة من قبل مؤسسة غير ربحية تدير الحديقة بموجب عقد مع ادارة مدينة نيويورك ..

حديقة شكسبير داخل السنترال بارك

فيديو من السنترال بارك


https://

فيديو 2


https://

فيديو


https://

المنظر خيال من هالجهه على ناطحات السحاب

قلتي لي انسى
ومن يومها و انا كل ليلة قدامي البرواز
حبر العيون ودمع القلم في دفتري
وصورتك رغم الالم
و رغم انها خذت من اطباعك كثير و خانت البرواز


فيديووو


https://

يتبــــــــــــــع الحــديقـــة ​

 

[لوجىى]

نكمـــــــل الحــديقــة

فيديو


https://

فيديو


https://

غريب غـــرييب
شايل جروحي و الحجي ويايي
داير و روحي هدها ممشاي

بدت غربتي خطوه مع اللي انقال
مشت دنيتي طول طريجي و طــال

شلون اخلية و امشي بدنياي غــريب
ادري بحاتية غالي بعيني و حبيـب

شوف الجسر بوغسان مع الثلج راح يكون شكله ولا اروع

احسب الجيات كم مره اجي
واحسب النظرات لي ضاع الحجي

احـــوال العــاشقيـــن كــل يـــوم لهـــا احــــوال
فيهـــا الــدمــوع فيهــــا الفـــرح
فيهــا اللي ذااب واللي انجـــرح

المنظر والتصوير اينن اهني اخذوا الصوره وانتوا مجابلين الناطحات لا تعطونها ظهركم و فتحوا ايدكم عجيييبه اللقطة انا سويتها وكلهم قلدوني

حقوق الوضعية لازم تكون لي

الحديقة وايد فيها اماكن العاب لليهال

عربانات الحصن جميلة و ياخذونكم لفه حوالين الحديقة اعتقد الساعه 54 دولار 20 دقيقه مو على عدد الاشخاص سعر العربانه يعني شنو العدد بهذا السعر .. وفي اسعار مختلفه بس اغلبهم من هذا السعر يبتدون ..


هذا موقع لوحده من العربانات


https://www.newyorkcityhorsecarriages.com/?gclid=Cj0KCQiAieTUBRCaARIsAHeLDCRGVjMmZMGcImTu02j 1487bHtwikNfDL2F2N4K4hECri8mLUEl0kSIaAieVEALw_wcB& date=2018-03-14&time=1300

خلصت من الحديقة و رحت اكمل جولة الباص السياحي و بروح لمكان لازم اروح له ..

الى الوجه القادمــة بــــــــــــــــــرد

يتبــــــــع ويــن رحـــت في هالبــــــــرد ​

 

[لوجىى]

اتوقع عرفتوا وين رايحة

واخيرا بروح عند تمثال الحرية

زيارتي 2009 شفته من بعيــــــــــــــد ما تنعد شوفه بس قلت هالمره لازم تتعوض و اروح صوبه ..

و رحت خذيت تذكرة الكروز من المكتب رحله في سيركل لاين كروز مدتها ساعه وهي نفس شركة الباص بس هذي للكروز ..


https://www.circleline.com/deals-combos/big-bus-tours/

من داخل الكروز

صعدت فوق

فيديوو من الكروز الى تمثال الحرية


https://

تمثال الحــــــريـــــة Statue Of Liberty


عبار عن عمل فني منحوت قامت فرنسا بإهدائه الى امريكا ..

في 28 اكتوبر 1886 كهدية تذكارية بهدف توثيق الصداقة بين البلدين ..

استقر التمثال على جزيرة الحرية الواقعة في خليج نيويورك في ولاية نيويورك ويبعد 600 متر عن مدينة جيرسي في و 2.5 كم من منهاتن و قام بتصميمة فريدريك بارتولدي وتصميم هيله غوستاف ايفل ..

الاسم الرسمي له


liberty enlightening the world وهو يمثل الفكر الليبرالي الحر ..


و يرمز الى : سيدة تحررت من قيود الاستبداد التي القيت عند احدى قدميها وتمسك هذه السيده في يدها اليمنى مشعلا يرمز الى الحرية وفي يدها اليسرى كتاب نقش عليه بأحرف رومانية جملة 4 يوليو 1776 و هو تاريخ اعلان الاستقلال الامريكي ، اما على رأسها ترتدي تاج ب 7 اسنه تمثل اشعة ترمز الى البحار السبع والقارات السبع الموجودة في العالم ..

تم شحن التمثال على الباخرة الفرنسية ايزري وتم تفكيك التمثال الى 350 قطعه وحفظهم في 214 صندوق لتخزينها على ما يخلصون من القاعده اللي راح يركبون عليها التمثال ..
و ارتفاع التمثال مع القاعده 93 متر ..

فيديو تمثال الحرية


https://

فيديووو


https://

ونزلت تحت ذبحنا البرد ما احس في ايدي كلش والله تيمدت

ردينا محطتنا

وصلت حبيب الملاين ميسزس الاكبر في امريكا وتسوقت على السريع والخفييييف

يتبــــــــــــع الى اين ؟؟​

 

[لوجىى]

خصلت من السوق اسرع سريييع
ورديت الباص عشان يقطني في التايم سكوير

منــــو يقــــول بــــــرد ابــــد مــــوت حـــــــر

الجو كل ماله و يبـــرد عن اليـوم اللي قبلـــه

للاسف بوغســان تخميناتك غلط ما نزلت عند محطة القطــار و حيــل متحسفــه ان شاءالله اعوضها الزيارة اليايه


وهذي المحطة مرينا عليها

عندي كانت لسته وفيها وايد اماكن المفروض ازورها بس كانت الايام سريعه في نيويورك والله كنت استغل اي دقيقة عشان اغطي اكثر عدد من الاماكن و مو ملحقه ..

ونزلت التايم سكوير
وحان موعد تغير الفندق انا حجوزاتي اغلبها سويتها وانا في امريكا مو من عوايدي اسوي هالشي العاده احجز قبلها مبجر بس مثل ما قريتوا اول الموضوع والربكه اللي صارت ..
وقلت بالمره ودي اجرب كذا فندق في التايم اعطيهم فرصه و اشوف مستواهم بس للاسف طلعوا كلهم تقريبا نفس المستوى ..


تقيمي لفندقي اللي كنت ساكنة فيه و هو الشيراتون


التقييم 10/7.3


النجوم 4


النظافة 10/6


حجم الغرفة : صغيـره


الاستقبال : 10/8


الموقع 10/9


وعند الشيك اوت تم دفع 14 دولار
room sale tax
city local tax


غير الرسوم و ضريبة الولاية اللي ماخذينها من الاول مدفوعه مع المبلغ كامل ..


عكس واشنطن دي سي و منطقة الاوت بس دفت الفندق و الضريبة من غير اي دولار زايد بعد الشيك اوت ..


يعني فندق مثل الشيراتون المفروض يكون ممتاز لكن للاسف مش حالك الاثاث يبيله تغير و النظافه مو ذاك الزود ..


من بعد الشيراتون كنت حاجزه ليله في فندق


Park Central Hotel New York


من 12/6 الى 12/7


سعر الليلة 154 د.ك شامل الضرايب = 515 دولار ..




صور الفندق


طبعا احجز سريرين ارخص لي من سرير واحد ..


الاستقبال

الغرفه

الحمام عزكم الله

الالوان قمته

حتى و الالوان غامجه بعد وصخ

وطلعت من القمته و اشوه انها ليلة
و رحت السوق اللي في الحديقة اخذلي من هالخرابيط

اللعبه الروسيه

هذي مبشاره على صحن

فيديو من اكشاك الحديقة


https://

هذي عندها خوش زيت زيتون تركية

وهذيل شغل افريقي هاند ميد

الصابون اينن

فيديو الاكشاك


https://

خلصت من الحديقة و رحت تعشيت في هالمطعم

المنيو

طلبي

والحمدلله على النعمه
اعتقد فاتورتي 13 دولار اذا ما خانتني الذاكره ..

وختام اليوم عند هالاشياء الجميلة

وانتهى يومي على خير ..
والقاكم في اليوم الاخير لي في نيويورك ​

 

[لوجىى]

اليــــوم الثــامن من الرحلـــة

​

والـــيوم الخــامس والاخيــر في نيــويــورك ..


يـــوم الخميــــس 7 ديسمبر 2017


اشوف الجو ​

feel like -1 والثلج بينزل عقب ما اطلع منها

مع هالجو البارد لي زيارة لمكان يطقكم الهوا من كل الجهات

احبـــــكم في اللــــه

الجو بارد و هذيل يتزحلقون

فيديو


https://

الى

والقى هالفود ترك فز قلبي على الاسم

يتبـــــــــــــع​

 

[لوجىى]

تـــم الـوصـــول الـى

مبنى الامم المتحدة United Nations

عبارة عن منظمة عالمية تضم في عضويتها جميع دول العالم المستقلة تقريبا و تأسست بتاريخ 24 اكتوبر 1945 في مدينة سان فرانسيسكو ، كاليفورنيا .


امير القلوب الله يرحمه

عضوية الامم المتحدة مفتوحه امام كل الدول المحبة للسلام التي تقبل التزامات ميثاق الامم المتحدة وحكمها ..

مشاركة فرقة التلفزيون الكويتية

تقدرون تاخذون زيارة للمبنى و تدخلون
هذا موقعهم و اتحجزون منه اليوم والوقت
اغلى سعر 20 دولار و اقل سعر 11 دولار ..


https://visit.un.org/content/tickets-1


واهني يستقبلون ويفتشون اللي عندهم حجوزات

انا ما دخلت بس صورت من برا و مشيت

الامين العام للامم المتحدة هو رئيس الامانة العامة للامم المتحدة والحامل الرسمي لكلمة الامم المتحدة وقائدها الفعلي .
تناوب على هذا المنصب منذ التأسيس حتى اليوم 9 اشخاص ..

من ابرزهم
بطرس غالي من مصـــر
كوفي انـان من غـــانــا
بــان كي مـون من كـوريـا الجنــوبيــة


انطونيو غوتيريس مـن البــرتغــال ( حــاليــــا )

ظهرت فكرة انشاء الامم المتحدة في وقت الحرب العالمية الثانية بانعقاد مؤتمرات في موسكو و طهران واقترح الرئيس الامريكي فرانكلين ديلانو تسمية الامم المتحدة تعبير للاشارة الى التحالف..

اعلى 10 دول متبرعين لميزانية الامم المتحدة :


- امريكا - اليابان - المانيا - بريطانيا - فرنسا ايطاليا - كندا - الصين - اسبانيا - المكسيك ..

فيديوو


https://

فيديوو


https://

فيديوو


https://

وبعدين ما قدرت ارد مشي مت من البرد خذيت تاكسي و رحت التايم

فيديووو


https://

ورحت المحاضره الاخيره من الدورة


يتبـــــــــــــع ​

 

[لوجىى]

بعد اخر يوم دوره بس رحت ساعه وطلعنا استلمنا الشهادات و سلمنا على بعض و مشينا ..


عاد في سوق كنت ماره عليه قلت بالطلعه اشوفه و رحت له


اسمه


Theater District Shopping Court


موجود طول السنه
الموقع الالكتروني


http://nycevents.com/

فيديو من السوق


https://

هذا كراون بلازا سكنت فيه ب 2009

والى عالم M&M عجيييب

ابيييه يشوق ودي اخمه خم

كنت انزل صور في ستوري الانستغرام و الكل يدخل يبي يوصيني على شي سويت روحي ما اشوف شي هههه وقلت لهم ما اقدر اخذ شي طيارتي بعد اشوي تطير

دربالكم من الحين اقولكم ..

يتبــــــــع​

 

[لوجىى]

نكمل اليوم الاخير في نيويورك


على السريع طلعت من m&m و رحت الفندق خذيت اغراضي وسويت شيك اوت وعلى مطار Newark في نيوجيرسي


وفي اوبر بس ما استخدمتة لانه راح يطول علي خذيت التاكسي الاصفر و توكلت على الله ..


قبل لا انسى تقيمي للفندق الثاني سنترال بارك


اقدر اعطية 10/7.5


موقع حلو


النظافة احسن من الشيراتون اشوي مو وايد


الخدمة ممتازه


حجم الغرف صغيره


الاثاث يبليه تجديد


طبعا عند الشيك اوت تم دفع ضريبة ثانيه
رسوم خدمات منها البزنس سنتر حتى لو ما استعملته والنادي والخ ..


34 دولار


وتوكلت على الله وانا في التاكسي قعدت احجز السياره للفتره اليايه


دخلت على موقع price line



شامل كل شي و رخيص ..


تم الحجز لمده 18 يوم من شركة الامو


السعر 227 دينار = 760 دولار شامل التأمين ..

استلمها في مطار اولاندو وارجعها نفس المكان ..


والحمدلله انتهيت من هالحمل ..


وصلت المطار newark في نيوجيرسي تقريبا خلال 45 دقيقه بسعر 50 دولار ..


اليونايتد عندها كاونتر بس استلام الجناط للشحن ما يعطونكم البوردينغ ..


في اجهزة نحط جوازاتنا داخلها و تطلع الرحلة كاملة نأكد عليها و نسوي برنت ويطلع البوردينغ و ليبل الجنطة و احنا نحط اليبل على الجنطة اخدم نفسك بنفسك وطبعا الوزن ما يتعدا ال 23 كيلو ..


عقب نروح ونعطيهم الجناط و نتوكل على الله بس يشيكون على الاسم و الصوره ..


الجهاز

البوردينغ و اليبل

واقفين دور عند الاجهزه وكل شي واضح وفي مساعدين لو ما عرفتوا ..

حاشني اليوع قلت اكل في المطار
قعدت بمطعم ياباني


و الطلب والدفع كله اونلاين وناسه جذي التطور بس هم بعد ودي اسولف مع الوتيريه ..

الطاولات مشتركة يعني اي احد ايي ويقعد يمي قبالي كيفهم ..

الطلبات نودلز ربيان و كبة خضار

وسبرنغ رول بط

الحمدلله على النعمه
الحساب تقريبا 22 دولار ..


و رحت عند البوابه انطر ..

شوووووفوا الثلج على حظي بصورة الجو

من داخل الطيارة و اودع نيويورك الى الولايه اليديده علي فلوريدا

من داخل الطيارة
الكراسي 3 * 3

وبعد ساعتين و 55 دقيقه بينت ملامح اورلاندو ..
اشوي الطيران كان فيه مطبات قويه بس الحمدلله وصلنا بالسلامه

و وصلنا مطار اورلاندو
MCO
Orlando International Airport

رحت اخذ الشتل ( قطار) يوصلنا منطقة القادمون واستلام الجناط

على طول ننزل عند سير الجناط استلم و امش

وعلى شركة الامو داخل المطار


لان وقت الكريسماس قرب فأورلاندو مزدحمه

كانت النية اني اخذ موستنغ شلبي كشف

بس بيني وبينكم مو متعودة على الصالون والسبورت كله اسوق جيبات بس كانت بخاطري الموستنغ وخذيت درانغو ..

خلصت و رحت استلم الدرانغو

وقبل الاستلام صوروا السيارة من كل الجهات فيديو انا كل مكان اصورها ..


وهذا الصعب معاي في الرحله ..

يتبــــــــــع​

 

[لوجىى]

قبل ما ادخل معاكم اورلاندو ونتعمق فيها


كنت حاطة لسته لاماكن في نيويورك اذا في وقت اني ازورها
بس ما قدرت و ان شاءالله اليايات ازورهم..


1- التمشي على جسر بروكلين
2- محطة القطار الرئيسية
​

3- زيارة شلالات Chittenango falls state park يبعدون عن نيويورك 4 ساعات ونص​

4- زيارة شلالات Watkins glen state park يبعد 4 ساعات و ربع​

​

5- متحف التاريخ الطبيعي الامريكي​

6- جزيرة كوني coney island



7- متحف ذكرى 11 سبتمبر


8- زيارة المطل top of the rock المنظر على نيويورك من فوق يهبل


9- حديقة حيوانات برونكس


10- حديقة بوتانيك بروكلين



11- حديقة نيويورك بوتانيكال



12- سوق تشيلسي




13- union square greenmarket


14- متحف الهنود الحمر



هذيل كانوا من ضمن القائمة بس ما قدرت ازورهم و اغطيهم بسبب الوقت ..


وان شاءالله يفيدونكم للي رايحين نيويورك​