امــــريكـــا القـــارة

[لوجىى]

نكمل وصولي الى ولاية فلوريدا وبالتحديد اورلاندو


وانا في نيويورك كنت احجز الفنادق واشوف الاسعار وبما ان وقت كريسماس الفنادق ماشاءالله مشغوله والاسعار اشوي مرتفعه ..
كنت ابي اوصل فلوريدا و اروح على طول ميامي بس لان يصادف ويك اند فالاسعار تكون وايد اغلى من الايام العادية ..


قلت اقعد في اورلاندو وبعدين اروح ميامي ..


معنى كلمة فلــوريــدا ( ارض الــزهـــور ) بالاسبـانيـة ..


استكشفها الاسباني خوان بونتي دي ليون عام 1513 واطلق عليها لا فلوريدا و ادعى ملكيتها لاسبانيا و ظلت فلوريدا لفترة ملك اسبانيا و فترة ملك انجلترا لما باعتها اسبانيا للولايات المتحدة ..


ولاية فلوريدا تقع جنوب شرق الولايات المتحدة ويحدها من الغرب خليج المكسيك والشمال ولايات ألاباما و جورجيا والشرق المحيط الاطلسي والجنوب مضيق فلوريدا و كـوبـا وتعتبر فلوريدا شبة جزيرة ولها خط ساحلي بطول 2,170 كم ..


وعاصمة ولاية فلوريدا مدينة تالاهاسي و ترتيبها 22 من حيث المساحة و 3 من عدد السكان ..


يقع جزء كبير من من ارض الولاية على مستوى سطح البحر ..


وطقسها مختلف حيث الجزء الشمالي شبه استوائي و الجزء الجنوبي استوائي ..و هي موطن لعدة حيوانات منها التمساح الامريكي - نمر فلوريدا و خروف البحر ..


علم الولاية

الخريطة السياحية للولاية ..

تتميز فلوريدا بمجتمعها الكبير من الكوبيين و تلاحظون هالشي في الاسواق ومدن الملاهي اللغه الاسبانية منتشره ويكلموني اسباني ..


يعتمد اقتصاد الولاية على : السياحة - الزراعة والنقل و تشتهر بالمنتزهات ومحاصيل البرتقال و وجهه مفضله للمتقاعدين ..


وتعرف فلوريدا بملاعب الجولف والتنس و سباق السيارات و الرياضات المائية ..


تتألف ولاية فلوريدا من 67 مقاطعه ومن اشهر مدنها : اورلاندو - ميامي و ديتونا بيتش تعد اجمل سواحل في العالم - تامبا وفيها البحرية الامريكية و جاكسونفيل و تالاهاسي ..


وتقع في قلوريدا قاعدة كيب كانافيرال محطة الفضاء الامريكية التي تنطلق منها رحلات الفضاء ..


من اشهر مدنها ( اورلانــــدو )


علــم اورلاندو

اورلاندو تعتبر المدينة الترفيهية الاولى في الولايات المتحدة حيث وجود اكبر ديزني لاند و ابكوت سنتر و يزورهما ملايين من السياح الامريكان و من خارج امريكا ..


اورلاندو مدينة تقع في مقاطعة اورانج وسط فلوريدا و شمال شرق تامبا و هي سادس اكبر مدن فلوريدا من حيث عدد السكان و تعتبر مركز اقتصادي حيث تضم مصانع فضاء والكترونيات ..




تم حجز الفندق في اورلاندو من سايت هوتيل hotels.com لان يحط لي سعر كامل ما عدا ضريبة الفندق ..


من تاريخ 12/7 الى 12/10 مجموع 4 ايام ب 3 ليالي


بسعر 275 دولار = 82 دينار شامل الريوق و الضريبة ..


وعند التشيك اوت ادفع رسوم منتجع تتضمن : النادي الرياضي - البزنس سنتر - المكالمات - موقف السيارة بسعر 20 دولار لليله ..


طلعت من المطار و اشوف الجو ولا قته وحر قلت وينج يا نيويورك و وين بردج

و احط الفندق في قوقل ماب و توكل على الله الى


DoubleTree by Hilton Orlando at SeaWorld


على شارع الانترناشيونال درايف اهم شارع في اورلاندو

ما شاءالله الخطوط اتهبل الشارع وسيع و واضح بس اختكم ضاعت اشوي لان ليل و مافي اضاءة العيب الوحيد اللي ما حبيتة ماكو اضاءة يعني لازم افتح عدل ولا راح انام مع هالظلمة ..


الحمدلله بعد الضيعه البسيطة وصلت الفندق ..


دخلت اللوبي

سويت التشيك ان وعلى طول على الغرفة ما فيني بطارية خلاص انتهيت بس صورة جم صورة لغرفة و سريرين لسعر اقل

على كيفي كل يوم على سرير او الاثنين يميع اوهم اللي يشتغلون عشان ما يقولون هذي بروحها هههه

بسم الله ندخل بريلنا اليمين

الوحده شغاله لان حر وقته بالغرفه بس برا الجو حلو ..

الحمام عزكم الله
الحنفيات برا و الباجي داخل ..
وباب خشب بالعرض يفصل الغرفه بينهم

GOOD NIGHT

الى النـــــــوم كان يوم طويل و متعب بصراحه من نيويورك الى وصولي اورلاندو ..
القاكم في اليوم الاول لي في اورلاندو ..

​

 

[لوجىى]

اليـــوم التــاســع من الــرحلــة


و الثــاني في اورلانـــدو


اصبحنـــا و اصبــح المـــلك للــه


يوم اليمعه


2017/12/8


قعدت على الراحة ما وراي شي ..


قلت استكشف الفندق و اشوفه و بعدين اشوف وين اروح


والجو الجميل

خريطة الفندق
ويتكون تقريبا من 19 مبنى .. غرفتي كانت في المبنى رقم 3 مو قعه حلو و عند بوابة المواقف و قريب على غرفة الغسيل و ملعب جولف صغير


الفندق قريب حيل من السي ورلد ( عالم البحار ) و الحديقة المائية اللي تتبع للسي ورلد .. يعني اقدر اروح مشي ..


خريطة الفندق

الاطلالة وناسه اقعد و اشوف هالخضرا

و اطلع معاكم برا نتمشى

ومكان العاب لليهال

قلت دام اني قاعده و عقب ما كلمت رفيج ابوي طمنته عني و قالي تعالي زورينا قلت ان شاءالله و اتفقنا بعد صلاة اليمعه امشي و اتوكل على الله .. قلت اروح اغسل هدومي و نشوف مكان المغاسل ..


اشتري الصابون من المكينة المكاين تاخذ فيزا ما تاخذ كاش

شرح طريقة الاستعمال

الغسيل بسعر 3.5 دولار

و التنشيف 3.5 دولار

و قطيت الهدوم و رحت اتمشى و اتريق و ارجع لهم بعد نص ساعه ..

الجووو خياال

الجهه اللي ورا النافورة حمام السباحه للكبار و الجهه الثانية مكان المطعم للريوق و المني سوبرماركت ..

اللوبي

اللي عاليمين بزنس سنتر و كونسيرج و شركة ثرفتي لتأجير السيارات ..

الجمعية المجكنمه

يتبـــــــــع الجــزء الثــاني من اليـــوم الثــاني في اورلانــدو ​

 

[لوجىى]

الى الــريــوق

حيــــاكـــم


الريــوق بوفيه متنوع واحسن نوعا ما من بوفيهات اوروبا

الجـــــــــــو ابداااااع

حوض السباحه للاطفال

الى المواقف

وهذا الصعب واقف

الــى ديتونـــا بيتش
Daytona Beach


مدينة تقع في مقاطعة فولوسيا شمال شرق اورلاندو ..
المدينة معروفه بشاطئها و الشاطئ الوحيد اللي يسمح للسيارات المشي على ترابه و يستضيف دورات سباق السيارات على الشاطئ وبعد السيارات تم استبدالها بالدراجات النارية للسباقات ..


ويستضيف الشاطئ عدة سباقات ..

فيديوو من الطريج مع صوت ذكــرى











بعد طريج مدته ساعه تم الوصول بحمد الله الى المنطقة ..





المنطقة وااايد هااادية و مرتبـــــــه و منظمـــــــــه و مــافيــهــــا زحمـــــــــــة


حبيتـــهـــــــــــــــــــا


قلت امر على اي جمعية اخذ شي معاي فشله ادخل ايد ورا و ايد جدام ..








نزلت ول قرين مافيها كيك





بعدين رحت ببلكس عندهم تشكيلة حلوه














وخذيت رد فلفت























الى بيت رفيج ابوي








ودخلت شارع قطعتهم
البيووووووت اتهبل كل واحد يقول اخذيني و مواقعهم نااااار ردوووووووووووني





شوفوا الاصفر ماخذ قلبي











و دخلت الفريج و يا حلوه من فريييييييييييج ما ودي اطلع منه





البيوت يتنافسون في تزينهم للاحتفال بالكريسماس من برا ومن داخل قلت ياليت احنا يتنافسون في الزينة في وقت رمضان و اعيادنا مثل ما اهم جذي يسون ..

















الصاله داخل البيت











فيديــو الفــريـــج


https://






الكراج





يتبــــــــــــع الجزء الاخير من اليوم الثاني في اورلاندو ..

​

 

[لوجىى]

نكمل الكراج

وقعدنا برا بالجو الحلو

بو تيشرت زرقه رفيج ابوي عمي علي والثاني رفيجهم من بوليفيا اسمه غستان عجييييب خوووش واحد ..

والله من غير مبالغه ما كان عندي اي مانع باجي الايام اقعدها اهني و ما اتمشى كنت اليوم اللي ازورهم استاانس فيه وايد .. يعني القعده في الحديقه مع ناس حبابه تكفي والله ..

وبعد السوالف ولا تقولي غلوريا زوجة عمي علي ترا انتي معزومه في بيت بول ..
انا منو بول يا غلوريا ؟
جان تقول هذا يارنا من عمر وابوج يعرفه و يعرف زوجته و اهما يحبون ابوج وايد وعرفوا انج موجوده وقالوا خلوا ابرار تحضر للعشا ..
بمناسبة نزول بيتنا اليديد و منها نتعرف عليها والخ وعازمين كل ربعهم ..


انا انصدمت قلت حرام عليج اروح وانا بهذا الشكل يعني مو لابسه عدل حق عزيمه و توني طبخت مع غستان حق العزيمة الحين تقولون لي احضر لا فشله ..


ويكلمني بول الا تيين ..


قلت ان شاءالله و امري لله ..


ودخلت المطبخ اطبخ مع غستان كبة بوليفيه ..


لفته لعينة الكبه وايد حلوه

الخلطة عبارة عن : بزاليا - لحم مفروم - جزر - جبن مزرولا - فلفل اسود - و اشوية بهارات لحم..
العينه بف باستري ..

غستان مندمج بالف

وقت القلي

هذي غرفه زجاجية مكان عمي علي حق شغله على حوض السباحه من ورا البيت مع مكان للباربيكيو

ننطلق الى بيت لواء متقاعد بول

​

 

[لوجىى]

و وصلنــا بيت بــول


يبعد عنهم تقريبا 15 الى 20 دقيقه بالسياره ..


منطقة بيت بول وااايد ارقى واحلى و اغلى من بيت عمي علي .. بيوتهم اكبر و تصاميم احلى ومواقع عجيبه ..


بيت بول دور واحد ارضي بس مساحته ماخذه عرض و وماشاءالله كبيير.. وغرف وايد شي مرتب وحلوو ..


سعره : مليون دولار

1,000,000 دولار


انا ما قدرت اصوره عدل استحيت بصراحه بس قدرت على جم صوره لا باس فيهم ..

بعض الغرف

غرفة حفيدتهم اتونس بس حسافه ما صورتها ..


مكان زوارتنا على الحوض قاعدين

المغرب يمرون عليهم غزلان واهما يسبحون في الحوض ..


هذي الصاله مطله عالحوض ومفتوح معاها المطبخ الداخلي وعندهم خارجي ..

هذا بــول راعي البيت اللي عاليمين

تخيلوا قاعدين اهني و تخطرف من وراكم الغزلان

مافي وقت معين يقولون طاح العشا تفضلوا لا ما عندهم على طول الاكل موجود و غير اللي يوزعون ..
وكل واحد يعزم نفسه

بــول بوقميص كاروهات

يسأل عن ابوي يقول ليش انحشتي عنه وخليتيه قلت اهو ما يبيكم ههه قال لا اهو يبينا و وده يعيش اهني

قلت اي والله انك صاج .. بس ما نقدر نخلي الكويت لو عنهـا سافرنا الشـــوق رجعنـا حب الـوطن غــالي والعيشـه فيه جنـــه ..
وسوالف مع الشيبان و ضحك يحليلهم صج انهم فرندلي ..

كبة غستان خلصت بدقايق ما شاءالله


وهذي صالتهم واستعدادت الكريسماس

وتاخذني غلوريا اشوف البيت ..
جان تقول على بالهم انتوا عايشين في خيمه لانج قاعده اتصورين جان اقولهم انتوا مساكين انتوا اللي في خشب عايشين اهما عايشين في بيوتهم على الرخام و سنترال مو انتوا وحدات و مراوح هههه

اصرخوا ويقولون ليش اتصور جان تقولهم عاجبها التصميم مع انه تصماميمهم في الكويت احلى من هذا بيتكم ..
ههههههههه مت عليها شلون ترد عليهم ..
اقولها عادي وايد جذي يعتقدون لانهم ما زاروا و لا شافوا عنا فما الومهم اهي اتعصب تقول لا لازم يعرفون قلت البركه فيج عيل علميهم ..

وهذا مكتب بول

السهره مطوله و انا ودعتهم وراي طريج و ظلمه قلت لازم امشي لا يتأخر الوقت اكثر ..

شكل البيت بالنهار اوضح و احلى بس انا ما زرتهم الا باليل

الكراجات

زينتهم الخارجية

واتوكل على بركة الله

و اطرب اشوي مع رباب الله يرحمها فيديو من الطريج ليلي ..


https://

والحمد لله تم الوصول بعد تقريبا 50 دقيقه

واتصلت على غلوريا اطمنها واني وصلت مكاني و عزمتني على الغدا عندهم و ان غستان بيطبخ لنا بعد طبق بوليفي ..


بصراحة ما مانعت ولاني حبيت المنطقة مثل ما قلت لكم ما عندي ما نع اقعد فيها و ما اروح مكان ..


وهذا عشاي اليوم من صبواي ما تعشيت عندهم ما يازلي الاكل ..
ساندويشت تــونــا

الحمدلله انتهى يومي الثاني في اورلاندو على خير
القاكم في اليوم الثالث ان شاءالله
تصبحون على خير ​

 

[لوجىى]

اليــوم العــاشــر مـن الــرحلــة


و اليـــوم الثـالـث في اورلانــدو


يوم السبــت 2017/12/9


وطبعــا بــزور ديتــونـــا


انشوف الحراره


هذي حرارة اورلاندو

واشوف نيويورك ولا الجو يقول وينج

تريقت و صليت و توكلت على الله الى ديتــونــا

وطرب بالطريج الحلو مع احلام الاوليه ..


https://

و وصلت اورموند

وقت اعصار هوركينا تقول غلوريا كل شي معتفس اهني حتى في بيوت متأثره بعضها شفتهم

و ارد على البيت الاصفر

ووصلت بالسلامة بيت عمي علي

ولا اوميغوو غستان الحبيب ناقصه طماط و هلابينو حق غدانا ..


جان تقول غلوريا امشي نروح نييب لهم ودامج تبين سوق السبت والمزارعين قلت يالله ..

اسم السوق Daytona Flea and Farmers market


الموقع الالكتروني


http://daytonafleamarket.com/


يونس السوق خماجير و خرابيط على كيفكم غلوريا وجاسيكا بنتها ما يحبونه كلش يقولون اشتبين فيه قلت في ساعات اشياء حلوه نحصلها و تكون رخيصه ..

فيديو من السوق


https://

فيديو من السوق


https://

انتهينا من السوق

يتبــــــــع ​

 

[لوجىى]

و رجعنــا البيت و دخلـت المطبخ اساعد غستان في طبخته


المكونات

فيديو


https://

فيديو


https://

فيديو


https://

وهذي صوص معاها عباره عن : هلابينو - زيت زيتون - ثوم - بقدونس - فلفل اسود - ملح - ليمون - خل ..

والطبق يحتاج بطاط

فيديو بعد اضافة الطماط والبصل مع الهوت واللحم تشويحة سريعة ..


https://

اضافة البطاط

شوفوا البصل والطماط على الخفيف شوحهم


ونخلط البطاط

الشكل النهائي و يزين بالهلابينو

حياكم على طبق بوليفي بأمتياز

و نحلي برد فيفلت

و سوالف و خطط ما بعد الصيف لزيارة قادمة ان شاءالله و نسوي قروب و نطلع اذا الله اراد

عقب السوالف قالت غلوريا قومي امشيج على ديتونا بيتش قلت يالله و توكلنا على الله ..

هذا الشاطئ الوحيد في امريكا اللي مسموح السيارات تمشي عليه Daytona Beach

فيديو


https://

فيديو


https://

وهذي دخلت معنا عرض

يتبـــع​

 

[لوجىى]

منظـــر الغـــروب كــان يهبـــل

هذا اعتقد مكان لكبار السن

فيديوو


https://

و رجعنا البيت

و بعدها مشيت و توكلت على الله الى المنتجع اجهز عمري لان وراي سفره باجر و طريج ..
سلمت عليهم على امل اللقاء بعد السفره القصيره ..


وهذي الحرارة كانت عندهم قبل ما امشي و وصلهم برد نيويورك ..

و تم الوصول بالسلامه و انتهى يومي الثالث في اورلاندو ..
اشوفكم الجزء القادم و وين وصلت ..​

 

[لوجىى]

عــدنــــا اليكــــــــم مـــــن جـــــديـــــد


عقب بيت عمي علي امس رديت المنتجع و زهبت عمري حق السفره ..


الاتجــــــاه بـــاذن اللــــه الـــى

ميــــــــــــــــامــــــــــــــــي


وتعنــــــــي مــــدينـــــــة الــسـحــــــــــر


واهي اكبر مدينه تقع جنوب شرق ولاية فلوريدا و ثاني اكبر مدينة في فلوريدا بعد جاكسون فيل ..

و هي مدينة رائده في التجارة والاقتصاد و الثقافه والترفيه و التعليم و في عام 2008 قامت مجلة فوربس بتصنيفها كأنظم امريكية ..


معدلات درجات الحرارة في ميامي

و في عام 2009 نشر ال UBS ان ميامي هي اغنى مدينة امريكية ..


اللغه في ميامي 67 % يتكلمون الاسبانية و 25% يتكلمون الانجليزية والبقية عربي و وفرنسي و ايطالي والخ...


اصبحنـــا و اصبحــح الملك للـــه


اليـــوم : الاحد - اليوم 11 من الرحلة


2017/12/10


قعدت وضبطت اموري و شيكت على موتري و لا اشوف علامة التواير طالعه و في تايرين يبيلهم ضغط ولين كلش مو وقتكم و اكلم الشركة واشوه في واحد يمي بيني وبينهم 5 دقايق ..


رحت الشركة و يشوفون التواير ولا تقول عادي التواير من البروده يصير فيهم مثل انكماش مع المشي و ارتفاع الحراره راح يرتفع ضغطهم ..


عاد انا قلت اكيد و راي سفر 4 ساعات مو اتوهق والله اخليج انتي تيين تاخذيني قالت اكيد ما فيهم شي ..


توكلت على الله و رحت اعبي الموتر و اتريق و بعدين امشي ..


الحرارة في اورلاندو

عبيت الموتر ب 30 دولار

و الى الريوق في ماكدونالدز

الطلب من الجهاز الكتروني و بعدين يوصلك على الطاولة

وصل الـريــوق

و توكلت على ومسكت الخط الى ميـــــــــامـــــي


من اورلاندو الى ميامي 4 ساعات و ربع

عــاد اليــوم المــزاج بو اصيل الله يرحمه
ذيج المره كانت ذكرى و حطيت بالغلط بو اصيل ..


فيديو من الطريج مع بواصيل ..


https://

فيديو 2


https://

فيديو 3


https://

واخذ خط الsun pass السريع من غير ما اوقف عند محطات الدفع للطرق هذا يحسب اوتوماتيكي ..

اهني نسيت اخذ خط اليسار و دخلت مع الزحمه و خط اليسار ماشي و من غير زحمه ..

يا هلا يا هلا في ميامي بيتش

ووصلت فندقي في ميامي ديلانو Delano في اهم شارع في ميامي بيتش كــــولـــن ..

رحت للمواقف ولا يقولي الموقف 60 دولار لليوم قلت لا ما ابي وين مواقف غيركم قال البلوك الثاني شارع 16 ..


يوم الاحد و الويك اند عموما ميامي زحمة مو طبيعية انا قلت اروحح الاحد عشان تخف بس كانت خيال والله ما ابالغ ان قلت عقب ساعه و شوي حصلت موقف ..


اللي حصلتهم اليوم ب 25 دولار ..


وقفتها و نزلت سحبت الجنطة الى الفندق يعني يبعد الموقف عن فندقي مشي تقريبا 10-12 دقيقه ..


وسويت الجيك ان


اسم الفندق : Delano south beach


الموقع الالكتروني :


https://www.morganshotelgroup.com/delano/delano-south-beach?utm_source=Google My Business&utm_medium =Website%20Button&utm_campaign=South%20Beach


5 نجوم


من 2017/12/10 الى 2017/1213


لمدة 3 ليالي


السعر 265 دينار = 880 دولار شامل الريوق والضريبه


تم الحجز من موقع hotels.com


و ندخل الى الغرفه

هالزاويه وايد حابتها

غرفتي تطل على شارع كـــولـــن اللي عالبحر اغلى ..

غرقة التبديل و الكبت

الحمام عزكم الله

الثلاجة

ونزلت استكشف الفندق

اهني حسيت اني امشي في مسرح

على يمينكم و يساركم قعدات

يتبـــــــــع ​

 

[لوجىى]

اكمل معاكم اليوم الاول في ميامي و جولة الفندق

مكان الــريــوق

الحديقه وحمام السباحه و غرف البانغلو

موقعي الصبح اليومي في هالمكان و عقب تمشي حافيه على البيتش ..
اخييه ولهانه عليها

في احد يعافي السدحه اهني يارباه

الماي دافي وتقدرون تسبحون لاتحاتون

اللي على اليسار بانغلو

يصيرون نفس الشاليهات

الفندق مشهور في هالطاوله بنص الحوض

و اطلع على البيتش

الفنادق على البيتش

ورا رقم 100 الكرووووز رايحه البهاماس

قعدت احاول احجز وانا في اورلاندو للاسف كانوا كلهم فل

و هذي ثانيه طالعه

و ارجع الفندق الى جهة الشارع و اهم شارع كـــولـــن

و طلعت على الشارع ..

الشارع حيوي طول الوقت و المطاعم متوفره فيه ..

و وصلت موقف سيارتي قطيت بعض الاغراض اللي شريتهم
وبعدين دخلت Macy's
ميامي معروفه بسوقها الحلو ..

التنــــــــزيــلات على كيف كيفكم

خلصت من السوق بديت ادور العشا
وهذا فندقي على اليمين

اول شي احلي بعدين موالح

وشريت التارت احلي بالطريج على ما احصل مطعم يعجبني

وانــا امشــي

لقيت حبيبي الثاني Ross
هالمحل عجيب عنده ماركات و كلها برخص التراب ..
اللي ينوي يشتري هدايا ياخذ منه ..

صج مو مرتب و الاغراض زحمه بس وايد يوفر عليكم في الميزانية

و اروح cvs صيدليه و جمعية اتهبل فيها اشياء مو متوفره بالكويت اخذوها .. و كاكاو
و اشتري مأونه حق الليل

تـــذكــري هــذي يــا ام زيـــاد

و اخلص من cvs
و اشوف ولا سبــارو
قلت ما يســــد اليـــوع الحين الا اهو

ترا اليــوع كــافــر

علي بالعافيه و الحمدلله على النعمه ..


تقريبا عشاي بسعر 14 دولار ..


و ينتهي يومي الاول في ميامي
والقاكم في اليـوم الثـانـي ​

 

[لوجىى]

اليوم الثاني عشر من الرحلة


و اليـــوم الثــاني في ميـــامـــي


يوم الاثنين
2017/12/11


اصبحنـــا و اصبـــح المـــلك للـــه


قعدت مبجر الصبح على الساعه 6 وسيييده على البحر جني حلمانه فيه

اتمشى حافيه على طول البيتش الجوووو خياااال بااااارد و نظيف و التراب تمشون حفاي من غير خووف شي يجرحكم اينن تقريبا خذيت ساعه كاملة مشي و رجعت الفندق اجهز عدة البحر و اتريق و راي طلعه صغيره في البحر ..


عقب ما رجعت الفندق و اشيك على الحرارة

شارع كــولــن

وانزل اعشان اقعد في مكاني

وقعدة في مكاني المفضل كل يوم نص الى 45 دقيقه في هالمكان

ام زياد شكلج لما الحين قاعده عالكرسي بنص الحوض هههه

وهذا فندق SLS يم فندقي

ممر البيتش

الى الــريــوق

واحد من سكان الفندق تهاوش من صباح الله خير عشان الصحن مو نظيف
يا عمي مو وقته صحنك استمتع في الجو وحط لك كلينكس واكل فيه

مع هالجو والمنظر وين الواحد له خلق يتهاوش ..

البــوفيــه بسيــط وصحـــي نبي نهبس ورانا بحــــر

طبقي

مدخل الفندق

الــى مكـــان مـــا

و وصلت المكــان الاول يــافــرحــة قلبـــي

اي لــــــــــــــــــــــون ؟؟؟

يتبــــــــــــــع ​

 

[لوجىى]

تـــابـع اليــــوم الثـــانــي في ميـــامـــي


وصلت شركة https://www.sixt.com/


لتأجير السيارات


وتم الاختيار على وحده من الموستنغ وللاسف بوغسان توقعك غلط


أجرتها يوم واحد فقط


بسعر 160 دولار = 58 دينار تقريبا


وتم الاختيار على اللون

الاصفــــر

فيديو قصير


https://

اللي يبي يسكن اهني يقولي بيتي للايجار


https://

و وصلت مكاني الثاني

ميامي لتأجير الجت سكي


http://www.miamijetskirental.com/


في وايد شركات للتأجير و الرحلات البحريه انصحكم فيهم وناسه


اجرت جت سكي لمدة ساعه بسعر 135 دولار = 37 دينار تقريبا


اسعارهم وايد غاليه واغلبهم نفس السعر


احنا بالكويت 15 - 20 دينار و نقول غالي .. بس ما نقول الا ان طاعك الزمان ولا طيعه


طبعا في اوقات معينه تقدرون تختارون اللي الوقت و تختارون لون الجت سكي وبعدين نطلع مع القايد و نكون قروب ..


وفي رحلات فيها تشوفون الدلافين


انا اخترت الساعه تقريبا 11:30 و لون اصفر بعد

هذه الصورة تم تصغيرها . الحجم الافتراضي لها هو 802x620.

هذه الصورة تم تصغيرها . الحجم الافتراضي لها هو 802x633.

افترينا ودخلنا الاخوار ( جمع خور ) الخور عباره عن ممرات مائية
و ماصورت الا البداية لان تلفوني يقول علي العوض و خفت عليه من الماي لان القايد و القروب كلهم متهورين

كل واحد يرش على الثاني ماي ..

وعقب الساعه في البحر والوناسه و القروب اللي يهبل ميانين رجعنا ادراجنا و توكلت على الله الى


the falls mall


http://www.simon.com/mall/the-falls

طريقته نفس الاوت لت مكشوف وحلو

و دخلت الحب ويليام سونوما حبيب الحريم

يتبـــــــــع​

 

[لوجىى]

نكمـــل الســوق

خلصت من السوق و رحت للشـــارع الجميل


waynwood walls


شارع او منطقة الغرافتي ..


جنكم تتمشون في متحف خارجي وايد حلو وضروري تزورونه في مطاعم حلوه و محلات اتهبل ما عمري شفت مثل ديزايناتهم ..


يـا نســاء العــرب المســافرون المحــلات الموجوده ديزايناتهم غريبه بس وايد غالية و وايد حلوين يعني بالمختصر اذا معاكم الريل نشفوا الميزانية

واذا مثل حالتي ههههه نتفوا المعاش

الموقع الالكتروني


http://www.thewynwoodwalls.com/


المواقف في براحه محاوطينها تقدرون توقفون فيها اعتقد 15 دولار ..

المنطقة كانت تقريبا كلها مهاجرين من السود و تكثر فيها المشاكل بس من عقب ما خلوها منطقة غرافتية تغيرت و صارت معلم سياحي لميامي ..

صورنــا يـا عكــاس

هذي الرسمة وايد حبيتها

فيديو من الرسومات


https://

هذي بعد حبيتها

يتبــــــــــــــع​

 

[لوجىى]

لما الحين في شارع الغرافتي

هذي حلوه الحفر على الطوفه

الخــط العـــربي واصـــل

هلا خــالي

و المحلات والمطاعم منتشره في المطاعم

اتينن هالرسمه

يتبـــــــــع​

 

[لوجىى]

الجــز الاخير من اليوم الثاني في ميامي


و مازلت في شارع الغرافتي

و رجعت شارع كولن و سلمت السياره في شركة سكست ..
وبديت اتمشى في الشارع و اشوف لي مطعم اكل فيه ميته من اليوع ..

و رسيت على الصيني

المطعم زحمه داخل لان في بار و برا ماكو احد و الجو حلو

عادي يمرون عليكم ناس منتهية سووا روحكم غشم و ما تفهمون ..


و اطلب المنيو

نسيت اقولكم ميامي الاثنين عكس ميامي الاحد تماما تخيلوا مافي زحمه ولا لويه ازعاج انصدمت فيها والله ادور الناس مافيها احد سألت الويتر يقول بالويك اند وايد زحمه بعكس الايام العادية قلت الحمدلله اني زرتها بالايام العادية..

و وصلوا الحبايب سوشي

ربيان و كالاماري

عيش بالخضار والربيان

الحمدلله على النعمه اللهم احفظها من الزوال
تقريبا حسابي 55 دولار ..


و عقب العشا مشيه خفيفه على محلات السوفنير

خلصت من السوفنير و الى الفندق

ام زيــاد قومي خلاااص حللتي الحوض هههه

واقولكم تصبحون على خير بعد يوم حافل ...

الى لقاء قريب لليوم الثالث في ميــــامــــي ​

 

[لوجىى]

اليــــوم ال 13 مــن الرحـلــه


و الثـالـث في ميـــامـي


اليــوم الثــلاثـاء


التــاريخ 2017/12/12


اصبحنـــا و اصبـــح المـــلك للـــه


اشوف الجو


هلا هلا بالشمس

لفه عالسريع

الى الشاطئ ( امشوا حفاي )

لا تفوتون سباحة الصبح

دقوا الشماسي على البلاج دقوا الشماسي

يتبـــــــع ​

 

[لوجىى]

فيديو من Miami Beach


https://

و اخذ مشي وسرحان في هالمكان

الجو يهبل

و المشي على اليــال احلى

و الرياضه من الصبح

تأجير القواري

الشارع هذا كله مطاعم و فنادق اكثر من اللي صوبي

ريوقي اليوم في هالمطعم

لا ساندويتشر


http://www.lasandwicherie.com/

المنيو

العصير و صـل

تقعدون و كل شي جدامكم

وصل طلبي ساندويتش من بيض و خس و زيتون و جبن و بصل و فلفل

و الحمدلله على النعمه

و اكمل مشي

فيديوو


https://

وهذيل قروب يتمشون في السيقا وي segway


وهذا سايت للي حاب يعرف اسعارهم و رحلاتهم


http://bikemiami.com/tours/

يتبــــــــع

​

 

[لوجىى]

المشي مستمر الى الفندق

في احلى من عرس يكون اهني

والى الفندق نص ساعه مع السرحان

وعقب النص ساعه رديت طلعت على البحر و لا ماشاءالله عالم

المايه خيااال

كل فندق يتفنن بمظلاته و انشطتة

يا مسافر وحدك و فايتني
ليه تبعد عني وتشغلني

و في قعدات مسوين معاهم العاب مثل : الحيله

و العاب لليهال

الى مواقف السيارات

ووصلت المقصد الاول
زرته عشان اسمي رحت و شفته


bal harbor shops


https://www.balharbourshops.com/


كله ماركاااااات الي يحبون الماركات العالمية راح يعجبهم انا لا و لا افكر ازوره مره ثانيه ..


خذيت لفه عالسريع و حليت و صورته لكم و طلعت

فندق سانت ريجس قريب منه

وقت الحلوو

فيديووو


https://

و خلصت منه و الى المقصد الثاني

يتبـــــــــــــع​

 

[لوجىى]

الى المقصد الثاني

حجزت كاياك مع قروب عن طريق الفندق
kayak تجديف
في انواع من الكاياك فردي - زوجي - ثلاثي
وكل واحد له سعر
ومن غير قايد سعر


انا مع قروب وقايد مدة ساعتين 100 دولار للشخص ..


وهذيل بعض الشركات في وايد شركات واسعارهم مختلفه و على حسب المكان اللي بتروحون له ..


احنا بين بيوت المشاهير و ماعرفت ولا واحد منهم


https://www.viator.com/Miami-tours/...25043&supag=7422070931&supsc=s&supai=19939950 9969&supap=1t1&supdv=c&supnt=g&supti=aud-106131271270%3Akwd-372892365557&suplp=9069551&supli=&gclid=CjwKCAjwwP fVBRBiEiwAdkM0HXPFFIOdivAm-60Dpoo6n72H9ArYTzfRhR_xIOaMmIiOwjLLi1SapBoCxdAQAvD _BwE


http://www.southbeachkayak.com/


رايحين لمكان الكاياك و كل واحد يختار

القـروب

الالوان المتوفره

و انطلقنا

قايدنا
وهذي النخله طايحه عقب الاعصار

لوني اليوم احمر
ترا التجديف متعب و بما ان لياقتي مش حالك كنت كله الاخيره

وهذيل بعض البيوت

و رجعنا عقب الساعتين

رجعت الفندق بعد تعب الكاياك و رحيت اشوي على ما يصير و قت عشاي لاني اليوم حاجزه مطعم و وقت العشا 8:30 بغيت اكنسل من التعب بس قاومت و رحت ..


عقب ما ريحت و انا رايحه للمطعم مريت على السوفنير

ماكو فايده احبهم

واتمشى من ناحية البحر لي المطعم

المطعم في فندق رويال بالم

نوع الاكل شرق اوسطي يعني منا وفينا


اسمه بعد منا وفينا بيبلوس


http://www.byblosmiami.com/


المطعم راقي و لازم حجز و سعره غالي

الطلبات


فتوش - لبنه - كبة بط - لحم ريبس - و عيش اسمه tah dig - سبرايت - قطايف تشيز كيك

الفتوش

اللبنه و اللحم

كبة بط

tah dig العيش

الحلو
قطايف تشيز كيك شي شي

الاكل بشكل عام و الخدمه والاجواء فوق الممتازه


العيوب : كمية شويه - السعر نوعا ما مرتفع


الحمدلله على النعمه


والفاتوره 130 دولار

و الى الفندق

انتهى يومي الثالث في ميامي على خير
و القاكم في اليوم الرابع والاخير في ميامي


تصبحـــــــون علـــى خيــــــــر​

 

[لوجىى]

اليــــوم 14 مـــن الـــرحــلــــة


و اليـــوم الــرابـــع و الأخيــــر في ميــــامــي الجميــــلة


اليــوم الاربعـــاء 2017/12/13


اصبحنــا و اصبــــح الملـك للـــه

وعلى طووول على البحر تقولون حلمانه فيه

فيديـــو


https://

ميــامـــي خذت اسمهـا من قبيلة كانت تعيش فيها في 1600 و 1700 واسمها مـايــامـي

فيديو


https://

ريوقي اليوم
ما عرفت نفسي و انا صحية

و اخر لقاء لنـــا

الوداع ام زيـــاد

الــودااع .. ما بقيتش اخــاف .. في الدنيــا دي .. غيــر م الــودااع

تم دفع 136 دولار عند الجيك اوت
رسوم و ضرايب فندق ( انشطة و مركز الاعما و الخ )

الى حبوبتي سيارتي

في الطريج الى Bayside marketplace

http://www.baysidemarketplace.com/


مكـــــــان واااااايد حلـــــو مـا عرفتـــه الى متــأخــر لا تفتون زيارته

تمشيت فيه على السريع لان وراي بعد مكانيين و اما ابي اوصل مكان متأخر ..
بس المكان وايد حلو ووناسه

الـى Little Havana
اخيه راحت عني زيارتها مع انها كانت جريبه مني واااايد

تتعوض المره اليايه ان شاءالله

وهذي جزيرة بوسط ميامي فيها بعد بيوت مشاهير

و مرسـى الكـــروزااااات

يتبــــــــــــع​