مقابل المكان زرت مكانين
واحد اسمه the fountains at bay hill في مطاعم بس ما حسيتها لذيذه و ما تساعد
و الثاني Dellagio كلهم يم بعض و كنت شايفتهم وانا طالعه من ويندرمير و كان زحمه طلعت الزحمه على مطعم واحد لان المكانين ما فيهم شي غير جم مطعم و محل و صالون
و ادخل الصالون بعرف سعر قص الشعر عادي مثلنا ولا مثل اوروبا ..
دخلت ولا تقولي 60 دولار نعم ليش يبا انا ماابي قصه غريبه بس قص متساوي تقولي my hand price شدعوه يعني اللي عندنا بالله مو شغل ايدهم بعد قلت لها في ديرتي يقصون ب 15 دولار انصدمت مو انتوا غالين و نفس الشي في بريطانيا و مشيت عنهم بس صورت صالونهم
ولقيت بالخريطة مطعم البسفور تركي وحلال قلت ممتاز اكل في لقمه سنعه
و اروح له مو بعيد عنهم
الحمص و الخبزة و السبرايت اول الواصلين
الفلافل
و دونر كباب ( شاورما لحم و عيش = رز )
على ما يوصل الحلوو صورة عين كوكاكولا من بعيد
و وصلت المسعده
الحساب 58 دولار
الحمدلله على النعمه
بعد هالاكل الطيب رحت للحبيب ross
و بعدين ميسزز في فلوريدا مول
حصيلة اليوم من التوصيات
و ينتهي اليوم على خير و قلت بس بعد محد يوصيني خلاااص
الى اللقاء في اليوم التالي
قطار نيروبي يلف فيكم الحديقة و تشوفون الحيوانات عزكم الله يعني لو مو شارية تذكرة السفاري ما تفرق الا انكم اتوكلون الزرافه ..
اللي بيروح يشتري بس تذكرة الحديقة بدون السفاري
الى الغدا
ههه ما عرفت نفسي و انا صايره نباتية
عقب الغدا والحمدلله على النعمه اعتقد حسابي 15-18 دولار ..
رحت هاللعبة الطيبه
بوهناد ماكو فايده
احنا نسميها الدردور
اللعبه يبيلها مايوه ما ينفع معاها غيره لانكم راح تسبحووون مو غشمرة تسبحووووون سبااااحه عدله حتى مكاين التنشيف ما تسوي شي كلش
اول مره اركب الدردور و اسبح جذي كل اللي لعبتهم ما سبحت مثل هذي
اليوم فزعه من فير الله و دام من فير الله اكيد شي حلو بسويه و سويته من قبل في كاليفورنيا و المره الثانية في ديره ما راح اقول وين لازم اتعرفون اللي متابع تقاريري ..
عقب ما ضبطت اموري
شفت الحرارة
ونزلت في لوبي الفندق انطر الشركة ياخذوني الساعه 6 الصبح
منو اهما ؟؟
شركة المنطاد
hot air balloon وناااسه للمره الثالثه اسويها
وصلت الشركة و خذوني من الفندق و مرينا على جم شخص من فنادق ثانية لين وصلنا محطة الانطلاق و تجهيز المنطاد
فيديوو
https://
جـــاهـــزين
من امتــــع اللحظات في حياتي لما اطير في المنطاد شي خيال
فيديووو
https://
سكـــــه طــــويلـة
والبراري قفـــــار
بعد تقريبا 45 دقيقه بدينا بالنزول تدريجي وكنت مستمعه في ابداع الخالق و الجو
بعد النزول لازم نساعد القايد و مساعده في ترتيب المنطاد و يحطون في المشروبات و الاحتفال بالطيران والهبوط واللي عندهم مناسبات مثل اعياد ميلاد ذكرى زواج او زواج والخ من مناسبات ..
انتهت رحلة الطيران الجميلة و رديت الفندق خذيت سيارتي و طلعت ..
من بعد المنطاد اليوم فري ما عندي شي وبما اني ما تمشيت في الانترناشيونال درايف قلت اليوم كله بكون فيه واتمشى ..
هذا المدخل بروحه يسبب صداع جسر ثابت و فيه شي يتحرك و يلف عاد تعالوا عدلوا روسكم من الدوخه ..
تجربة الهزات الارضية الله يكافينا شرها
خلصت منه تقريبا عقب ساعه ونص او اكثر اشوي
وهذا مركز الهيلكوبتر تور
المبنى
اسعارهم رخيصه و اللفه حيل قصيره يعني من مكانهم لي السي ورلد 35 دولار المده 5 دقايق .. وكل ما طالت المده و الطريج يرتفع السعر ..
كنت باخذ بس بعدين قلت مالها داعي بس بروح فوق السي ورلد و ارجع ما تسوى
خليتهم ..
اليــــوم ال 25 مــن الــرحلـــــة الممتعـــه والجميلـــة بالنسبـــة لـي
اليـــوم اللي قـبــل الاخير و اودع بــــلاد العـــم ســـــــــام
25 يوم بالتمام و الكمال قضيتهم في هذي الولاية الجميلة بروحي مع يعض الزيارات من المعارف ..
اليوم الاحد 2017/12/24
رحلتي اليــوم موعدها متأخر و بما انه باجر سفرتي قلت اريح اشوي وانزل حوض السباحه و اتقرا في هالكتاب الجميل ..
في احلى من ان الواحد يتسكع في ارض الله الواسعه ولا مافي احلى من التسكع ..
الرحالة الكويتي عبدالكريم الشطي يتسكع على الخريطة اللاتينية و يخليني اتسكع معاه في خيالي الواسع في هذا الكتاب الجميل و يخليني اصر و احن على زيارة هالقارة الحلم ..
و ينقلني معاه الى حضارة الماتشو بيتشو في البيرو
وبعد الاندماج اتذكر اني في بلاد العم سام و لازم اكمل مشواري الاخير لهالرحلة الحلوه و ان في يوم من الايام ان شاءالله راح اكون في الماتشو بيتشو ..
بعد الكتاب و السرحان قلت اروح اتريق في الانترناشينونال درايف
و درجة الحراة
مطعم الريوق
الاطباق
الحمدلله على النعمه
الحساب اعتقد 15-18 دولار ..
اليوم يومج ام حسين هذا اليوم المنتظر
ضبطت العنوان و توكلت على الله
الطـــريج
فيديو من الطريج مع نوال الكويتية
https://
فيديوووو من الطريج مع نوال الكويتية و متأخرة على القروب
https://
اليوم الرحلة من الرحلات اللي كنت اتمناها من زمان و اشوفها في الناشونال جيوغرافيك
رحلة البحث على التمــــــــاسيــــــح
من عمر كنت لما اتابعهم و اهما في طرادهم بو مروحه اتخيل اني معاهم و الحمدلله هالمره صج ما اتخيل
الصلاة و السلام على اشرف المرسلين و الحمدلله رب العالمين
اختـــم معــاكــم اليــــوم ال 26 مـــن الــرحلــــة و الاخيـــــر
يــوم الاثنين 2017/12/25
تم الحجز على الطيران البريطاني من اورلاندو الى لندن لاستكمال الرحله في بلد الضباب
خط طبعا واحد لاني من الاول انا حاجزه على الاماراتيه الخطوط الدولية ..
سعر التذكره على البرتيش 1000 دولار درجة البريميوم ما يقارب 300 دك
الجو في اليوم الاخير
نظرة و داعية لمكان احتضني فترة مو بسيطة
رحت سويت جيك اوت
تم دفع 270 دولار ضرايب
منها مواقف يومية - ضريبة الولاية - ضريبة المقاطعه - ضريبة الخدمات في المنتجع
عقب الجيك اوت
اشوف هالمزايين
ركبتهم السياره و توكلت على الله مطار اورلاندو يبعد تقريبا 20 دقيقه
قطيت السيارة بس يستلمونها وكل شي سليم فيها وتوكلت على الله داخل المطار
سويت البوردنغ و دخلت المزايين بالسلامه الطيارة
و اتمشى في المطار ..
وااااي وبعدين خلاص لاحقين وين ما اروح
و نقول الى اللقاء امريكا بحلوج و مرج
فندق حياة في المطار
الى البوابات
عند البوابات بعض المطاعم البسيطة و المحلات
البرتش و درجة البريميوم
المساحة حلوو و وساعة الكراسي حلوين
وصلت بلد الضباب و قعدت فيها تقريبا 10 ايام و بعدها رجعت ارض الــوطـــن
وبيتنا الجبير الكـــــــــــويـــــــــــــت
بما اني حاجزه على الاماراتية خطي الدولي الروحه كانت على 380
والرده على بوينغ B777-300
شكلها الخارجي
البزنس
قبل ما نطير يعطونا المنيو و نختار للغدا و السناك
الضيافة
و بعد تقريبا ساعتين ونص من الاقلاع وزعوا علينا الغدا
الشوربه و السلطة
الطبق الرئيسي
الحلوو
سناك المسيان
باستا ربيان
بعض الملاحظات :
- بالنسبة للسفر بروحي مو اول مره اكون مسافره بروحي بحكم دراستي بالخارج من قبل لكن اول مره اسافر دولة بعيده ومده طويله سفره سياحية و بروحي حلوه لكن كنت افضلها مع قروب اكيد بتكون وايد احلى ما راح اقول كل ايامي وناسه لا بالعكس كنت في ايام استاحش و اتضايق بس الحمدلله كنت اعديها ..
- الضرايب اللي لاحظتة في هالسفره زياده عن كل زياراتي السابقه و مثل ما قلت كل شي عليه ضريبه مو ناقص الا الهوا ..
- المطاعم اذا كان عددكم صغير او وايد حاولوا تخففون من الطلب لان الكميات في امريكا بالاكل ش مو طبيعي اطلب حق شخص و الله بالراحه يوكل 4 ..
- اللي راح يسوقون سيارة تجنبوا السياقه بالليل شوارعهم ظلمة الخطوط السريعه خلو مشاويركم اغلبها بالنهار ..
- الملاهي و الانشطة يفضل حجزها اونلاين لاسعار مخفضه..
و فــــــي النهــــــــــــــــايـــــــــة
قضيت معاكم سكة سفري الى امريكا و اللي مدتها 25 يوم ومدة التقرير تقريبا 3 شهور اتمنى من كل قلبي اني افدتكم لو بالشي البسيط و اذا اخطأت في كلمة او صوره او معلومه السموحه منكم ..
اتمنى ما كنت ضيفه ثقيله عليكم في البوابة الامريكية ..
و للاسف تلقيت امس 2018/5/6 خبر احزني وايد
وفاة بــول رفيج عمي علي و ابوي اللي صورة لكم جزء من عزيمته
