M
Mohamed Ahmed Hassan
:: مسافر ::
هوه بالترتيب.كده لو نزلتي سيدي جابر او محطه مصر تطلع البحر وتروح القلعه واسهل حاجه اركبي اوبر عشان متلفيش كتير منها الاتوبيس ابو دورين وبيدخل المنتزه بالنسبه لمطاعم السمك فيه كتير بس فيه شعبي زي شعبان و جندول وفيه كلاس زي قدوره وابن حميدو و فيش ماركت . من رايي من بعد المنتزه اطلعي علي ابوقير هتلاقي مطاعم ع البحر واسعارها متوسطه او انزلي اي محل اشتري سمك ويعملو واقعدي ع البحر
N
Nony Mohamed
:: مسافر ::
دى فسحتى الرئيسيه هتنزلى سيدى جابر وخدى تاكسى لحد البحر عندك تافرنا فى كليوباترا قعدته حكايه ع البحر على طول وفى جنبه كافيه تانى اسمه ماليبو تقريبا وممكن تطلعى على القلعه تتصورى وتقعدى شويه الفيو من هناك تحفه و تاخدى الاتوبيس ابو دورين تلفى بيه رايح جاى ولو خدتيه لاخر الخط يبقى تنزلى محطه مصر أقرب
Y
Yasser Adel
:: مسافر ::
بصي بقي انتا اول ما تنزلي من محطة مصر هتاخدي تاكسي لغاية المنشية هتروحي جاد بتاع الساندويتشات هتجيبي الأكل وتطلعي علي البحر قصادة تأكلي وتتمتعي بجمال البحر وبعدين هتبقي عايزة تحبسي بكباية شي بالنعناع فهتروحي واخدة المشروع من علي البحر ب 2 جني وقليلي نزلني عند سلطنة استانلي علي كوبري استانلي هتطلعي فوق آخر دور وهتشوفي احلي منظر للبحر هناك بعد ما تشربي الشي ممكن تاخدي كباية عناب لزوم الصحيان والطاقة بعد كدة هتاخدي المشروع وتقليلي وديني المعمورة تذكرة الدخول حوالي 10 جنيه وأول ما تدخلي خدي تاكسي وقليلي واديني علي مكان كويس للبحر في هناك قعدات كتير المهم خشي واقعدي علي البحر واستمتعي بالمياه والرمل لغاية الساعة 4 كدة العصر تكوني اخدتي كفايتك من البحر بعد كدة هتخرجي من المعمورة وهتركبي المشروع وقليلي عايزة اروح بلبع سيدي بشر وهناك تأكلي احلي سمك وجمبري بعد ما تظبطي أكل سمك تمام هتاخدي المشروع وقليلوا وديني كافية السلسلة اللي عند مكتبة اسكندرية دي احلي كافيه علي البحر واحلي كافه في اسكندرية اضربي النسكافيه المتين ولو ليكي في الشيشة اضربي حجر عنب نعناع وبعد كدة من عند الكافيه خدي المشروع وروحي علي محطة مصر .
B
Basma El Fakharany
:: مسافر ::
كله فيوم واحد صعب
محل سمك وفيو ع البحر يا ابن حميدو فجليم (جنبه كافيهات ومطاعم برضه زى لاتينو) ودى ااقرب لسيدى جابر او تروحى فيش ماركت بحرى ودى هتبقى قريبة من القلعة وبداية خط الاتوبيس الاحمر وممكن تركبى قارب صغير من بحرى يلففك حبة وتاكلى من ابو عزة بليلة وام على او زفيرون فالمعمورة ودى نهاية خط الاتوبيس الاحمر
بس اسعار مطاعم السمك غالية شوية
اسكندرية هتنور
محل سمك وفيو ع البحر يا ابن حميدو فجليم (جنبه كافيهات ومطاعم برضه زى لاتينو) ودى ااقرب لسيدى جابر او تروحى فيش ماركت بحرى ودى هتبقى قريبة من القلعة وبداية خط الاتوبيس الاحمر وممكن تركبى قارب صغير من بحرى يلففك حبة وتاكلى من ابو عزة بليلة وام على او زفيرون فالمعمورة ودى نهاية خط الاتوبيس الاحمر
بس اسعار مطاعم السمك غالية شوية
اسكندرية هتنور
R
Radwa Kadry
:: مسافر ::
بوصى مبدئيا انتى لازم تكلى عند شبكه وصناره اكله حلو جدا وفى وسط البحر وعنوانه فى ستانلى .. المنتزه بقى روحيها بدرى وبيوقف ادامها الاتوبيس الدورين بس اسألى الامن بيجى تقريبا كل نص ساعه اتوبيس . خوديه وروحى بيه لحد بحرى وهناك ممكن تعودى فى النادى اليونانى على البحر او 7 skys بس منصحكيش تكلى اعتبريه كافيه وبس . او ممكن ينزلك فى الشاطبى عند اوبا وتشربى حاجه برضو او عند نعنع ممكن تعودى على الرمله اول ما تنزلى محطه سيدى جابر انصحك تخدى كريم احسنلك واوفرلك وتروحى بيه المنتزه المنتزه جميله الصبح وتقدرى تلفى بيه جوه براحتك وتنزل عند فندق فلسطين تفطرى فى الكافيه اللى جوه . انشاء الله تتبسطى