M
Mohamed Bayoumy Elsabrouty
:: مسافر ::
لو نزلتي سيدي جابر اركبي تاكسي علي بحري نادي الكشافه عالبحر ادخلي كافيه اسمه الدايفينج علي البحر وسط الميه تحفه والخدمه تحفه وهتلاقي ادامك المراكب .. ممكن من هناك تركبي مركب تللفي بيها شويه في الميه .. فيه هناك عند مسجد ابو العباس قريب جدا من الكافيه ممكن تمشيها مطعم سمك اسمه جنن حلو جدا وهتلاقي فيه اجانب واسعاره معقولة وفيه سمكمك بس ده تركبي تاكسي عشر دقايق هتوصليله حلوجدا برضو واسعاره معقوله .. ولو ركبتي مشروع او تاكسي تقوليله الشيخ وفيق تاكلي رز بلبن بالجيلاتي تحفه في راس التين .. واسئلي هناك ازاي اروح عند القلعه قريبه جدا .. وهناك هتلاقي الاتوبيس ابو دورين الموقف بتاعه اسئلي عليه عند الشيخ وفيق اركبي من اول اسكندريه لاخرها وانزلي عند المنتزه.. لو حبيتي تعرفي اماكن بتعمل اكل سمك ارخص من كدا ممكن تكلميني وانا هدلك ولو احتجتي تستفسري عن اي شئ في اي وقت هقولك 01111156188 ( دي خدمة من اخ لاخته ماليش اي مصلحه في اي حاجه )
H
Heba Karim
:: مسافر ::
بصي روحي محل ( شعبان بتاع السمك اللي بيقولوا عليه) هو اسمه كدا وشعبي بس هيعجبك واسعاره معقوله رغم الزيادات اللي حاصله و ماشاء الله محل كبير متقسم محلات صغيره وفي قعده ف الشارع بس عشان تعرفي تختاري السمك اللي يعحبك وينزلك الأكل حلو روحيله قبل الساعه 3 العصر لان بعد كدا مش هتعرفي تحطي رجلك في الشارع ولا المحل من الزحمه ما شاء الله ومتنسيش تخليه ينزلك كوبايه شوربه كدا حكايه ومجانيه تحفه كدا بهاريز السمك وسخنه اسكتي متفكرنيش والا السمك وهو نازل والجمبري ولونهم الدهبي كدا في الاطباق حاجه حكايه .. انا معرفش اروح اسكندريه الا لما اعدي عليه بصراحه 
الله يسامحك جوعتيني
الله يسامحك جوعتيني
H
Heba Karim
:: مسافر ::
وبصي بعد ما تاكلي اكله السمك خدي بعضك واطلعي علي القلعه ليه بقي عشان تشوفي البحر بالنهار وتشوفي غروب الشمس في الميه هتلاقي كافيه اسمه القلعه مكان كبيييير موقعه وهم موازي للقلعه هتطلعيه وتختاري المكان اللي يناسبك بس انزلي تحت عشان تبقي شيفه البحر كله بالقلعه بس هو حراق شوية بس يستاهل يعني ممكن شوب مانجو في حدود 40 جم عادي بقي القعده تستاهل بصراحه وهو يوم واجازة سعيده ياقمر وسلميلي علي البحر
R
Reem Ahmed
:: مسافر ::
- شبكه وسناره في ستالي على البحر هتعدي جوه البحر (هتنزلي من محطة القطر في سيدي جابر يا تركبي تاكسي او تركبي اي ميكرو باص رايح فيكتوريا بحر او سيدي بشر بحر او مندره بحر وتقوليله ينزلك عند ستالي هتنزلي السلم تحت في ستالي هتلاقيه)
- لو عايزه تروحي القلعه من محطة سيدي جابر اركبي اي حاجه تطلعك على البحر واركبي من البحر مشروع بحري ينزلك قدام القلعه وهناك في مطاعم سمك كتير بس شبكه وسناره اعدته احلى ومن عند القلعه هتلاقي الاتوبيس الاحمر الدورين بيروح لحد المنتزه بس المنتزه بليل مش حلوه الا لو عايزه تعدي في كافيه المعموره جنبها احسن بليل تركبي عجل موتسكلات كافيهات مطاعم تمشيه بحر اللي تحبيه باه كله موجود
الرحلات البحريه واليخت هتلاقيهم عند القلعه في يخت وفي مراكب صغيره بس طبعا متركبيش مراكب الصغيره دي لوحدك مش امان يستحسن يكون معاكي حد تعرفيه
وتنوري اسكندريه يا رب اكون افدتك
- لو عايزه تروحي القلعه من محطة سيدي جابر اركبي اي حاجه تطلعك على البحر واركبي من البحر مشروع بحري ينزلك قدام القلعه وهناك في مطاعم سمك كتير بس شبكه وسناره اعدته احلى ومن عند القلعه هتلاقي الاتوبيس الاحمر الدورين بيروح لحد المنتزه بس المنتزه بليل مش حلوه الا لو عايزه تعدي في كافيه المعموره جنبها احسن بليل تركبي عجل موتسكلات كافيهات مطاعم تمشيه بحر اللي تحبيه باه كله موجود
الرحلات البحريه واليخت هتلاقيهم عند القلعه في يخت وفي مراكب صغيره بس طبعا متركبيش مراكب الصغيره دي لوحدك مش امان يستحسن يكون معاكي حد تعرفيه
وتنوري اسكندريه يا رب اكون افدتك