المنتزه اقصى اليمين و القلعة اقصى اليسار منصحش تروحى الاتنين فى نفس اليوم هتضيعى وقت كبير ف الطريق
-القطر انزلى محطة سيدى جابر و خدى الترام رخيص و ممتع اوى
-بتاع سمك حلو انصحك ب شعبان اللى ف المانشية
-الفلاح بتاع الكبده فى محطة الرمل حلو اوى و جنبه خروب امال احلى خروب ف مصر تقريبا
المنتزه تروحى بميكروباص او اتوبيس وهو عامل زى الازهر بارك كده بس احلى شوية
-القلعة من جوة مش اد كده و متعبة فى طلوعها لكن القعدات اللى برة لطيفة
-كوبرى استانلى حلو بليل
-كافية ع البحر ممكن تجربى oppa بس هو غالى شوية و بيعمل اكل يونانى او ممكن تجربى لاتينو حلو برضه
-ايس كريم حلو اوى موجود واحد سورى ورا فندق الوردة البيضا بتاع القوات المسلحة
-عند راس التين المكان لطيف برضه
-لو رحتى اى يوم غير الجمعة والسبت ممكن تشوفى فيلم فى القبة السماوية اللى عند المكتبة هتتبسطى بس احجزى من قبلها اونلاين او فون
اسكندرية حلاوتها من اول محطة الرمل لحد القلعة (ناحية اليسار)
لكن الناحية التانية اللى هى وانتى رايحة ع المنتزه مش اد كده اوى