بعد قراية التعليقات و الهري الكتير للاسف اللي ممكن يلبسك جامد... هقولك اللي اعرفه عن تجارب شخصيه و بردو يفضل تبعت حد يسئل في مكتب التجنيد،
علشان اجاوبك لازم الأول اعرف معاد الاستدعا امته و مش بقصد الجواب امته لا بقصد أمر الاستدعا اللي ف الغالب مدته اسبوعين ... امته. و عدي و لا لسه !
هفترض الافضل الاول و انه يكون عدي حتي لو بيوم واحد...
ساعتها حضرتك بالنسبه للتجنيد متخلف بعذر عن الاستدعاء ودي بسيطه
بتطلع علي مجمع التحرير تعمل شهادة تحركات تثبت فيها اخر مره سافرت و معاد دخولك البلد بتاخدها مع شهادة الجيش و تروح مكتب التجنيد تقولهم انك متخلف استدعا بعذر و هو هيقوم باللازم و يبعتك علي منطقة التجنيد تشطب و بس كده تقدر تاني يوم تطلع تصريح سفر. الحوار ده بيخلص ف اسبوع علشان شهادة التحركات هي اهم شي لو تعرف حد ف المجمع هتنجز.