هو بصرف النظر ان الاتراك معاملتهم زبالة اصلا بس البوست ده كله ملوش اي علاقة بالتركية و لا تركيا..حظك السيء زائد سوء تقديرك هو اللي وصلك للموقف ده...مش غلطة الشركة و لا غلطة الجوازات...مبدئيا مفيش حاجة اسمها طيارة اتاخرت بدون سبب..مش قاعدين بيلعبوا كوتشينة يعني و لو فيه تاخير يبقي اكيد ليه سبب مبرر خصوصا انه مش تاخير طويل..ثاني حاجة محدش يحجز طيران ترانزيت ساعة و هو عنده ميعاد بعدها بخمس ساعات..الدنيا مش ماشية بالكتالوج و لازم تعمل حساب اي طاريء ممكن يحصل..او اخدت اي طيران ثاني..انا مش مصدق ان زي ما قلت مفيش و لا شركة طيران كانت متاحة ..يعني هي كانت مقفلة معاك اوي للدرجة دي؟
اخر حاجة بخصوص الجوازات مفيش دولة حتغيرلك قوانينها علشان ظروفك الشخصية..اما بالنسبة للاقامة انت مش محتاج تخرج برة المطار اساسا, المطار هناك ضخم و فيه استراحات فاخرة كثيرة كان مفروض تطلبها من التركية و تقعدك فيها علي حسابهم و اكيد لا توصف بانها ريست رومز..فيه كوفمروت لاونج 24 ساعة فيه سراير و حمامات دش خاصة..و فيه برايم كلاس 24 ساعة نفس الشيء و دول ب 40 يورو بس لو طلبت كنت قعدت فيهم مجانا علي حساب التركية..و جوة التيرمينال نفسه فيه فندق مقسوم جزئين جزء بعد الجوازات و جزء قبل الجوازات للي مش حيخرجوا من المطار و بيحاسب بالساعة 3 يورو...انت عندك سوء تقدير و سوء حظ لكن في الاخر انت اللي معرفتش تتصرف و في الاخر لو كنت علي مصر للطيران و طيارتك اتاخرت ربع ساعة كانت الطيارة اللي بعدها انتظرتك..حصلت معايا كثير و ده الفرق بين الخدمة علي مصر للطيران اللي محدش بيديها حقها و بين شركات ثانية بتعاملك زي المكن.
