تجربتي مع الطيران التركي المحزنه الخطوط الجوية...

  • بادئ الموضوع بادئ الموضوع 'Adham Roshdy El-deeb'
  • تاريخ البدء تاريخ البدء
عرض العطلة
#81
انا الصراحة شايف ان حصل للأسف سوء تقدير من حضرتك للسفر من البداية:
اولا: ماينفعش تسافر بترانزيت على معادك...دا وارد جدا انه يحصل دايما حط فبالك ان الطيارة الاولى هتتاخر
ثانيا بالنسبة لدخول البلد دي قوانين بلد ماينفعش اي حد يخترقها و دا نفسه اللي كان هيحصل معاك لو مسافر مثلا على Lufthansa الالمانية او British airways لأنك مش معاك تأشيرة دخول للأسف الباسبور المصري ضعيف.
ثالثا الخطأ الفادح اللي عملته انك تحط فلوسك في الشنط

ربنا يعوض عليك و كلنا بنغلط و نتعلم من اخطأنا
 
#82
All the above mentioned problems has nothing to do with Turkish airlines.

1. Delay: could be Cairo Airport and Most probably its Cairo Airport.
2. Visa. Sadly we are Egyptians.
3. Missing the next flight: how on earth u make the next flight after an hour!!! Not even enough time to get out of ur first flight.
 
#83
حضرتك غلطان فلوسك دايما في شنطه صغيره معاك از في جيبك وم ومواعيدك في الترانزيت لازم تاخد بالك منها موضوع ساعه ترانزيت بس ده انساه وتوقع كل شيئ .اما حكايه الفيزا ده بقي قانون دوله وميقدروش يعملو لحضرتك حاجه .انا سافرت اكتر من مره مع الطيران التركي وكان ممتاز بجد
 
#84
انت حظك وحش انك سافرت على الطيران التركي ، لو كنت على مصر للطيران كان زمان كل الناس اتعاطفت معاك و شتموا فيها و طلعوا الغلط عليها.
دلوقتي هيطلعوا الغلط على المطار لانه في مصر و هيبقى هو السبب انك اتأخرت و ان الشنطة اتكسرت و انك مخدتش فيزا.
 
عرض العطلة
#86
يا رااااااجل مطار اتاتورك وترانزيت ساااااعه بس؟؟؟؟؟ازااااى .ده خطا لا يغتفر .المطار كبير جدااا عشان بس تدخل الحمام فيه بتمشي اد كده .التاشيرة دى حقيقه من بعد 30 يونيو والعلاقات بينا وبينهم سياسيا لازم تقدم ع تاشيرة وبتاخد 15 يوم تطلع ع حد علمى ولو فيزا اون لاين لازم سنك معدى ال 45 سنه .اما الاتراك ومعاملتهم الفظه .ده الشىء الوحيد اللي اتفق معاك فيه
اما موضوع الفلوس ف الشنطه والشنطه ع السير متاخذنيش دى جديدة وغلط جداااا واحمد ربنا انك ماتسرقتش
 
#87
اولا معظم شركات الطيران رحلاتها بتتاخر والأمن التركي بيطبق القانون وكنت لازم تعمل حساب انك ترانزيت ساعة واحدة والفلوس اوعي تحطها في شنطة السفر تاني خليها معاك
 
#88
غلطتك انك مسافر نفس يوم اجتماعك بصراحة
و كمان حوار ان الترانزيت قليل دي غلطة تانية
زيد على ده كله انهم فعلا كشعب مقرفين و مش بيحترموا الناس
 
#89
وارد اي طيارة تتأخر علي فكرة و بيقولولك اسباب هبلة و تافهة انا طيارة مصر للطياران كنت واخدها لفرنسا اتاخرت عن الاقلاع ساعة كاملة و السبب ان في ازدحام في الملاحة الجوية في اوروبا انا مش فاهم ايه السبب لحد دلوقتي و ايه الحجة دي يعني غالبا كمان الطيارة كان فيها حاجة و بيحاولوا يصينوها اعتقد باب من الابواب او حاجة كدا
 
#90
المشكله في الاصل من الرحله الاولي من مطار القاهرة و هو التاخير اللي اكيد سببه عوامل كتيييييييير جداً جداً. و كمان للاسف مفيش وقت كافي بين الرحلتين.
الموضوع ده حصل مع ناس اعرفهم كانوا رايحين كازاخستان عن طريق تركيا بس كانت علي خطوط مصر للطيران. و بالطبع الطياره اتاخرت من مصر فوصلت تركيا متاخر عن معاد الرحله التانيه فطبعا ملحقوش الطياره و كان لازم يستنوا ٢٤ ساعه عشان ياخدوا الرحله اللي بعديها. تركيا فيها نظام one day visa للمصريين فوق ٤٥ سنه. غير كده تبات في احد فنادق المطار بس مش هتقدر تعدي الجوازات برضه و مفيش شنط و كده. و بسبب ان شركة مصر للطيران شركه محترمه و واخده بالها جدا فكل الجنسيات اللي كانت متاخره علي ميعاد الطيران قدروا يحجزوا غرف في فنادق و لكن المصريين الحمد لله محدش وجههم لشئ فكلهم بيتوا في المطار.
 
عرض العطلة
#92
اسوا طيران بعد مصر للطيران الطيران التركي و ده عن تجربة و رمونى فى المطار يوم كامل بدون فندق مع انهم قالولى قبل ما اسافر ان ليا فندق مجاني
 
#93
المشكله عندك انت هوا في حد يعمل ترانزيت ساعه واحده بس ثانيا موضوع انهم مرديوش يطلعوك من المطار اكيد ده قوانين بلد وبتتطبق علي الكبير قبل الصغير
 
#94
ده بيحصل في كل خطوط الطيران انا ركبت أكثر من ٣٠ شركه طيران الفرنسيه ضيعوا شنطتي ١٧ يوم لما وصلت الإيطالية حجزولي تزاكر ما تنفعش أصلا من غير فيزا الاتحاد ضاعت طائرتي بسبب التأخير واخت البعدها الكندية والامريكيه اعت حوالي ٥ ساعات تاخير للصيانه ولازم بدل ما تقع الطياره لو عندك ميعاد ضروري كنت حولت تسافر قبلها بيومين تحسبًا لأي للطوارئ انا ركبت الطيران التركي اكثر من ٧ مرات نظيف ورخيص وخدمته كويسه انا مره أخت فندق في مطار فرنسا وقلولي الفندق بفيزا وكان الحجز عن طريق مكتب معتمد التزاكر لامريكا كل ده هتشوفه كثير لو بتسافر كثير ومعاش
 
عرض العطلة
#96
انت الي غلط
في حد ياخد ترانزيت ساعه
وتاني شي معروف ممنوع دخول المصري لي تركيا بدون تأشيرة من قال انك عملت الموضوع ده متعمد علي شان تدخل تركيا
مفيش اي تقصير من الخطوط التركيا
 
#97
انا مرة كنت مسافر موسكو والطيارة اتاخرت من اسكندرية برده وفاتتنا طيارة موسكو من اسطنبول حجزولنا طيارة تانية العصر وادونا فاوتشر وجبة بكل سلاسة... كانوا قمة في الاحترام ..
 
#98
مش كنت تسال قبل ما تقطع ساعه ترانزيت تكفي ولا لا
حدث معي وانا راجع من جوانزوا و كان الترانزيت ساعه و طبعا اتاخرت بس كان ناقص ربع ساعه وجريت علشان الحق و كان في طابور تفتيش وكانوا عايزيني أقف في الطابور و لكن بعد مشاحنات سمحوا و فضلت اجري حتي لحقت الطائره في اخر وقت لان كان معي ناس قالوا لي لو الطائره فاتت هننتظر في المطار لثاني يوم
من الاخر ترانزيت ساعه لا يكفي و معامله الأتراك لنا كمصريين زفت و لازم نعاملهم بالمثل ده غير انهم شعب مش ودود خالص فعلا الألمان عندهم حق ان يعتبروا الأتراك زفت

شوف بقي الفرق مع Swiss airline اتاخرت في مصر و طلعت متاخره ٤ ساعات وفاتتني طائره برشلونه أخذوني الي فندق و اكل و مبيت لحد ثاني يوم و توصيل للمطار ثاني يوم و كمان كانوا علي استعداد لسداد الليله التي فاتتني في فندق برشلونه و لكن فندق برشلونه تفهم الموقف و لم أسدد اول ليله و بالتالي اخطرتهم انني لم أتحمل هذه الليله و شكرتهم علي استعدادهم لسداد هذه الليله

و موقف اخر مع شركه لوفتهانزا كان هناك over booking علي الطائره من ميونخ الي القاهره و طالبوا من الركاب اي حد يتنازل و يركب الطائره اللي بعدها ب ٩ ساعات و هيجلس في فندق الترانزيت و يأخذ تعويض ٤٠٠ يورو
تخيل الفرق
 
#99
دا المطار لوحده عايز الساعة الا ربع جري من بين رحلة لتانية مع غباء الموظفين الاتراك كل ما تسأل حد لازم يوقفك يسأل حد تاني . عن نفسي تجربة ترانزيت في تركيا مش هكررها تاني . و فعلاً تعامل في المطار قمة الغباء و الجمود . ودي مش أول شكوى سوءمن الطيران التركي أو في المطار . معلش مصري و حظك مصري
 
#100
انا شايف أن الدرس المستفاد من قصة حضرتك إن :

مفيش طيران محترم ، انا كنت شغال في Expedia.ca و شاهد على مهازل ، طبعا الطيران القطري و الاماراتي استثناء.

لما اروح معاد مهم جدا جدا زي ما حضرتك بتقول ، و خارج من بلد متخلف رايح بلد متخلف ( هوا بس بتوع السيسي اللي شايفين مصر حلوة و الاخوان شايفين تركيا حلوة بس في الحقيقة الاتنين زبالة ) يبقى اعمل حساب التأخير اللي هيحصل هنا و هناك ، اروح بدري يوم عالاقل.

لما اكون مسافر بلد بينها و بين بلدي مشاكل ، اتوقع طبعا غتاتة و غباوة بالظبط زي اللي بنعمله غيرنا .

حاجة كدة على جنب ، لما اشوف بلد بتتعنت معايا و تظلمني لمجرد جنسيتي ، يبقى لازم احس باللي بنعمله مع السوريين و الأفارقة اللاجئين اللي بنعاملهم ولا العبيد لمجرد إن ربنا غضب عليهم و ارسلهم يعيشوا مع مصريين.
 
عرض العطلة
عرض العطلة
عرض العطلة