تجربتي مع الطيران التركي المحزنه الخطوط الجوية...

  • بادئ الموضوع بادئ الموضوع 'Adham Roshdy El-deeb'
  • تاريخ البدء تاريخ البدء
عرض العطلة
#41
هو الطيران التركي زبالة طبعا و كل حاجة... لكن أنا آسف جدا الموقف دا حضرتك اللي تتحمل مسؤوليته كاملة...... مفيش حاجة اسمها أحجز طيران ترانزيت ساعة أبدا!..... و طبعا كان مستحيل تدخل تركيا أو أي بلد من غير تأشيرة ... مفيش حاجة في الدنيا اسمها تأشيرة دخول بلد علشان "الظروف"!
 
#42
مش مشكله الطيران التركي...لانه مش هيغير قوانين البلد علشان يخرجك....تاني حاجه اي شركه طيران كانت هتعمل كده ...مش بس الخطوط التركيه
 
#45
الكلام دا بيحصل في كل شركات الطيران عادي جدا بس الغريب ان الشنطة اتكسرت والفلوس موجودة متسرقتش رغم ان الفلوس بتبان علي جهاز الاشعة وبيبلغوا بعض لو في نية للسرقة
 
عرض العطلة
#46
تجربه مؤلمه فعلا...معلش...بس ساعه واحده بس ترانزيت في مطار زحمه زي اتاتورك قليل جدا جدا...غلطه موظف الشركه اثناء الحجز انه كان لازم يشرحلك الموضوع ده...مش ممكن السلطات تدخلك بدون تاشيره حتي لو كان السبب من شركه الطيران الوطنيه بتاعتهم لان الاتنين منفصلين تماما...انا جربت الطيران التركي في رحله من ابوظبي الي باريس...في العوده من باريس اتاخرت الطياره ساعتين (ف فكره انها بتتاخر في مصر بصوره متعمده غير صحيح) و بالتالي ملحقتش الطياره التانيه و بالرغم اني كنت حاجز درجه رجال اعمال المعامله كانت وحشه و قعدت في الlounge 8 ساعات..و كان بيحاولوا لغايه معرفت ارجع ابوظبي عن طريق مصر ... بعد 24 ساعه طيران و انتظار...المجمل: معاملتهم سيئه و فيها غلظه شديده و في بعض الاحيان عجرفه...و حته نصب بس عشان تمشي من قدامه...معلش هو السفر احيانا بيبقا كابوس
 
#47
المشكله مش في turkish airline انا آسف المشكله في الباسبور المصري للأسف
حضرتك هما عملوا الي عليهم فعلاً ووفرولك الاوتيل بس المشكله ان باسبورك زفت هتعمل ايه
 
#48
تجربة سيئة ...ربنا يعوضك خيرا....

بس انت برضة علشان ضبط المواعيد...لازم تضبط حالك قبلها بيومين تلاتة....مش بعد ساعات من الوصول....دة فى ناس بتتأخر بسبب الزحمة للمطار او الكماين
 
#49
انا مقدر شعور حضرتك ومعاناتك بس اسمحلي اقول لحضرتك كلمتين: اسباب تاخر الطيران متعدده وكثير منها خارج ارادة شركة الطيران فمينفعش تحجز رحله لميعاد مهم وتوصل قبلها ب خمس ساعات بس. وهم تكفلوا بالفعل بمصاريف الاقامه في فندق ليومين او ابدوا استعداد لولا مشكلة باسبورك.
وفي ظرف مشابه تعرضتله في الخطوطو الكينيه وحجزولي يومين في فندق بنفس الطريقه
موضوع الشنط المكسره دي مشكلة المطار مش الشركه لان عمال نقل الشنط بيتعينوا من المطار. هم مطار القاهره بقى واللا اسطنبول واللا بيلاروسيا الله اعلم.
 
عرض العطلة
#52
انا تجربتى معاهم رووعه والتاخير من مصر بسبب المطار مش الشركه والاهانه اللى حصلت فى المطار بسبب الظروف مابين البلدين مش اكتر
لاكن الطيران رائع ماشاء الله بس اكلهم زباااله عدا الساندوتش اللى بناخده من تركيا للقاهره راائع
وربنا يكرمك ويعوضك ويصبرك يااارب
 
#53
طب كنت اطلع لايف كل شوية فليومين دول واعمل تاغ للقنوات العربية وللشركة التركية وشوف قوة الفيسبوك اما دلوقتي فهي مجرد شكوى من شكاوي كتير برضه وياعالم حيسمعوك ولا لاء
 
#55
انا والله العظيم حصل معايه نفس الشيء بس كنت رايح كوريا الجنوبيه وى وصلت اسطنبول ترانزيت كان ساعه بس. وطبعا الطياره التنيه كانت طلعت لقيت زوجه ومعاها طفلين مسفره معايه علي نفس الرحله سألت طبعا والشركه قالت الرحله الي جايه بكرهً والشركه متكفله ب اقامه بالفندق يوم خت الزوجه طبعا معايه لانها غلبانه جدا ومتعرفش اي حاجهً في المطار وكانت متبهدله بطفلين جينا نخرج قالي انا والطفلين ماشي انما هيا مش هينفع لانها 26 سنه والله قعت معاها في المطار اليوم دا كامل علشانً صعبت عليه وعلشان التركين من النادر جدا لو نفعوها بحاجه. ولا المطعم بقا ذي ميكون الشركهً عوزهً تعزب الي بيسافر معها ودي كانت اخر رحله ليه علي الطيارن التركى وحلفت من ساعت اليوم العزاب دا ان عمرى في حياتى محجز علي الطياران التركى ابدا ولا. عمرى انذل تركيا ❌❌
 
عرض العطلة
#57
بعيدا عن هذا الموقف السخيف ،ممكن تحكيلنا عن تجربتك مع بيلا روسيا ،الحياه والإقامة فيها ،التأشيرة للمصريين ،الزواج من هناك هل يعطيك جنسية او إقامة ،فرص الاستثمار هناك ،مع الاعتذار إذا كان الظرف غير مناسب
 
#58
انا حاسس بيك جدا .

نصيحة ١. لما تسافر دائماً خلي فلوسك معاك في جيبك / شنطة يد برضوا معاك ٢. الشنط اللي بتكسر بتبقي للاسف الكواليتي بتاعتها مش جيدة جدا فحاول تجيب أحسن شنط سفر في الماركت ٣. انا عايش خارج مصر وبشوف ازاي أصدقائي الأمريكان والأوروبيين بيتعاملوا وانا ازاي بتعامل ... مثال : انا رحت افتح حساب في بنك قالولي مش هينفع عشان انت مصري ... وبعد أسئلة كتيرة اوي مني قالوا لي بالمفتشي : بلدكم فيها ارهاب يا نجم كنت متأزم أوي ... علي فكرة دا موقف بسيط من ضمن حاجات كتير بتحصل لي بس عشان انا معايا جواز سفر مصري ...
 
#60
اسمحلى اقول لحضرتك ان 90% من الخطأ عند حضرتك.. حضرتك رايح على ميعاد مهم هتوصله عن طريق بلدين ورايح على الميعاد ومش مدى نفسك فرصه كفايه , ده اللى عنده موعد دكتور من محافظه لمحافظه بيروح قبلها بيوم يبات فى اى فندق او عند حد يعرفه, بالاضافه لموضوع الفلوس اللى فى الشنط دى برضو خطا فادح فى السفر
 
عرض العطلة
عرض العطلة
عرض العطلة