مساء الخير علي اعضاء الجروب الكرام كنت عايز...

  • بادئ الموضوع بادئ الموضوع Moutaz Mohamed
  • تاريخ البدء تاريخ البدء
عرض العطلة
#81
هو ايه حرية رأي في انك تقول لواحد أجنبي ما انصحكش تيجي بلدي مصر ؟؟؟ وكان فيه تعليق تاني أبشع لواحدة مغربية بتسأل تيجي مصر وايه الأماكن اللي تزورها رد واحد لا أعتقد ابدا انه ينتمي لهذا البلد وقالها فيه تحرش وسرقة ونصب يعني شوه مصر بكل ما اتي به لسانه اتقوا الله في بلدكم اللي اويانا
 
#82
أنت صح، أعمل House rules للجروب وإعمله pinned، أنا شفت الپوست وكان السؤال عن ترشيح أماكن مش عن رأي الناس في "بلدها" خالص، إللي مش عارف يساعد ويفيد إللي بيسأل ردا على سؤاله المحدد فيسكت :)
 
#83
كان فيه بوست عن حد عايز يعمل شهر العسل بتاعه في السودان ورغم كل الردود اللي كان فيها هزار وتهكم دخلوا ناس من السودان نفسهم منهم اللي حذروه انه يروح ومنهم اللي ساعدوه... هل اللي حذره ده مش بيحب بلده؟! من الاخر اللي سأل هيشوف كل الآراء وهو عنده القدره يميز ويختار بلاش نحجر على حد او نختار ونقيم من وجهة نظرنا
التدخل يكون لما يبقى فيه تعدى في آداب الحوار
 
#85
مع ان العيشة في البلد مستحيلة بس مش معناه نقول لواحد جاي سياحة متجيش احنا رغم كل حاجة موصلنش مرحلة نوعي الناس متجيش
وكده هم بيقولوا معلومات غلط
 
عرض العطلة
#86
مع احترامنا للجميع و جميع الاّراء بس الجروب دا لما أتعمل عشان الناس تقول رأيها بدون مجاملة و لما بنطلب رأي بعض في الدول التانية بنقول الايجابيات و السلبيات بغرض الأمانة في النقل و النصح ، مش معني ان مصر بلدنا ان مفيش فيها سلبيات او اني اخبيها عشان بلدي بس لو بلد تانية اقولها عادي ، احنا مش بنكره البلد بس علي اي حال البلد مش هيتصلح حالها غير لما نواجه السلبيات مش ندفنها
 
#87
طالما لم يسئ الادب او قال كلام خارج ، يبقى مش من حقك تمسح البوست
وحط نفسك مكان السائح الأجنبى ده ، وعاوز تزور بلد لسه من يومين اتقتل حوالى ٢٠ عسكرى من جيشها ، وحصلت تصفية ل ٦ مواطنين فى أسيوط يقال عليهم أرهابيين ، غير المهندس اللى اتقتل بالطيران الحربى ، غير اسطوانة مصر تحارب الارهاب اللى موجودة ٢٤ ساعة على التلفزيون ، هاتحب تزور مصر ساعتها !
 
#89
لا طبعا حضرتك صح .احنا ابسط حاجه نخلى صورة البلد حلوة ادام الاجانب وفعلا مصر فيها اماكن حلوة كتييييير لو حد بيستغل طاقته فانه يحبب الاجانب فيها بدل التشهير دا كانت هتكون احسن من كدا ....زى اندونيسيا اللى الناس مبهورة باماكن فيها حلوة ...مع ان نصهم هناك حراميه وناس كتير اوووى فقرة جدااا وشكلهم اكنهم ف مجاعه وماشين حافين بس محدش بيشتم فيها
 
#90
مع احترامى لحضرتك لو شايف ان الردود السلبية ماينفعش تتكتب واللى عنده رأى سلبى يحتفظ بيه لنفسه وده طبعا ضد حرية الرأى وكلمة الحق يبقى اقفلوا البوستات والكومنتات لكل الناس واكتبوا اللى حضراتكم شايفينه وبس
 
عرض العطلة
#91
لما ادخل تريب ادفايسر الشيء الوحيد اللي اقرأه هي التعليقات السلبية وعلى أساسه أقرر اذا مستعده للأسوأ أو لأ
كل الآراء مهمه ولها احترامها طالما مافي شتايم فهو رأي شخصي مهم مثل أي رأي ثاني وما ينفع يتمسح
خلال آخر يومين كان في تعليقات كثيره كلها تتمحور حول ان مينفعش نقول حاجه سلبيه عن البلد وما تطفشوش السياح ولازم نشجع السياحه في مصر. لا تطفش حد ولا تجذب حد قول الحقيقه وخلي البني آدم يعرف يقرر براحته
 
#92
ماينفعش أبداً السماح بالإهانة و العنف اللفظي و التجريح في الناس و تهديدهم بالطرد و النفي و ارهابهم بالشكل ده ، مايصحش أبدا ان الأدمنز ينصروا أعضاء على أعضاء تانيين ، الفتنة و الجو السياسي المشحون المتوتر ده خطر جداً ، لو عاوزين تبقوا واجهة مشرفة لبلدكوا حبوا بعض الأول و احترموا بعض الأول و صفّوا قلوبكوا من الكراهية و الإقصاء من ناحية بعض و ساعتها الناس هاتزوركوا و تحب انها تيجي عندكوا
7m36dSaPsMPBmCUlq1siZcBHaHFAlJdf.jpeg
 
#93
رغم الرفاهيا اللى عايشين فيها بره بلادنا االا ان بلدنا بتوحشنا وبتوحشنا اااوى كمان وكل اللى يقول كلمه وحشه عالبلد منه لله ومنه لله برده اللى سرق ونهب فالبلد لحد موصل بينا الحال لكده ... مصر تمرض ﻻكن ﻻتموت ...حببو الناس فبلدكم رجعو ثقت الناس فمصر تانى
 
#94
اما نلتقي واحد كاتب انا معي وزن زياده وهاركب مصر للطيران اعمل ايه تلاقي كل الردود أدي لموظف الكونتر 50 ج وهو يعديك دي تباه اهانه لبلدي وشركتها الوطنيه ولا لا مع إننا عارفين انها ممكن تكون سيءه
 
عرض العطلة
#96
نصيحة للأدمنز..
الإلتزام بالحيادية..
نشر الإيجابيات...
تدعيم حرية التعبير (بدون تجاوز)..
فلستم الوحيدين حماة الوطنيه..
ولستم أوصياء على القارئ..
 
#99
واحد طالب انه ينزل مصر انا اقول وجهه نظري بإحترام سواء كانت سلبيه او ايجابيه
يعني لو حد قالي انا جاي مصر ايه رأيك اقوله تعالي الدنيا حلوة و بيس و الناس سعيده و مبسوطة واحنا اصلا كلنا بندور علي هجرة انا شايف من الانصاف اني اوعيه مش معني انها بلدي يبقي مقولش علي سلبياتها
 
عرض العطلة
عرض العطلة
عرض العطلة
أعلى أسفل
عودة
قائمة