مساء الخير علي اعضاء الجروب الكرام كنت عايز...

  • بادئ الموضوع بادئ الموضوع Moutaz Mohamed
  • تاريخ البدء تاريخ البدء
عرض العطلة
#61
وحضرتك بردوا من كم يوم اتصرفت تصرف من وجهة نظري سئ؛ بنت جزائرية نزلة بوست عن مصر؛ رحت منزل تحذير تحت البوست محدش يبعتلها ادد ولا مسج وكلام كتير كدا؛ مع ان الفيس بوك حضرتك عمل كل حاجه في بلوك في تجاهل في كل حاجه؛ اتمني منك حريه اكتر من كدا واحترام الناس بشكل افضل
 
#62
هو الى بيعلق وبيقول مصر وحشة وزفت انت مش عارفة بتعليقك دة قطعت رزق كامممم واحد بيشتغل من ورا ااسياحة مصر زفت وقطران بس على مواطنيها بس لكن بالنسبة للاجانب حيشيلوهم فوق الراس وكمان دول حايين زيارة وماشين مش ح يعيشوا فيها اة لو واحد بيقترح انه يعيش فى مصر زقتها قله دى زفت ووحشة لكن زيارة ح ينفع بلدك تقوله كدة ؟؟؟
لعن مصر فى حاجات تحفةةةة مش موجودة برة احلى بحر فى العالم ح تلاقيه هنا فى مصر سفارى وصحرا هنا فى مصر سياخة علاجية موجودة ثقافية واثار تلت اثار العالم فى مصر وناس كتير اوى بتشتغل من ورا السياخة وفى ناس بتعمل مجهود كبير علشان تجيب السياح هنا تروحوا بمنتهى اابساطة تقوله لا دى زفت ووحشة !!!!
 
#63
مع احترامى لكل المعترضين على حذف النوع ده من التعليقات
اعتقد ان السلبيات تتوضح يعنى مثلا بلاش تزور الهرم مفيش تنظيم بس ممكن تزور الحسين او .. او .. دا اللى انا افهمه الافاده الصحيحة لصاحب التساؤل مش الرفض والتنفير المطلق اللى من نوعيه بلاش تنزل مصر خالص دا انا مش بشوفه غير انه حد عجيب ماشفتوش فى اى جنسيه حتى لو من دول العالم الثالث
 
#64
صح اي حد قليل الادب يتمسح بلاش قله ادب و مروه و مرمرينو دول اتمني مش بس يتمسحه من جروب يا ريت يطردوهم من مصر برضه حاجه قله ادب
 
عرض العطلة
#66
انت صح جدا انا شفت كذا رد فى البوست بلاش تيجى والمستفز الراجل يرد عليهم ليه كده يعنى هو مش متردد يجى اساسا فاحنا نخليه يتردد بجد زعلت جدا جدا جدا احنا بلادنا فى اماكن حلوه جدا ولو احنا مضايقين من وضعنا فملوش علاقه ابدا بالسياحه اللى نفسنا ترجع زى زمان يمكن تقوم لنا قومه بجد عندك حق والمفروض كمان يتعملهم بان
 
#67
اللى بينصح حد بعدم زيارة مكان معين او باخذ الحذر عند زيارة احد الاماكن ليس بالضرورة اقل وطنية "... قد يكون هذا الشخص اكثر رغبة فى الارتقاء ببلده من الآخرين
 
#68
من احسن الخدمات اللي ممكن نقدمها للسايح الاجنبي اننا نحذره من السلبيات ويجي وهو عامل حسابه فيمشي وهو مبسوط وينصح بتكرار التجربة ويخلي غيره يجي ... انما يجي ويلبس في الحيط هيخلي 10 غيره كانوا بيفكروا يجوا ميجوش
 
#69
باشا انت صح و ادمنز الجروب هنا اكتر ادمنز بحترمهم عن باقي الجروبات اللي همهم عدد الاعضاآ و التفاعل و بس ايا كان اللي بيتقال هري شتايم مفيد مضر مش مهم قد مافي زحمة

استمر و اللي مش عاجبه عنده اكاونته يتنطط فيه براحته .. ماهو في فرق بين المشاركة الايجابية و المشاركة السلبية اللي من نوع لا ما تجوش مصر خطر و ماشيين ننفجر في الشارع و مفيش بنت بتنزل الا و تتخطف و ترجع ناقصة عضو و الهري اللي شغال عالنت!

جونك كاره رئيس او حكومة عادي طز مش معمرين للابد بس البلد هي اللي معمرة للابد فلازم الامور ما تتخلطش ببعض
 
عرض العطلة
#72
هو اي بلد فيها عيوب ومزايا بس والله انا سافرت ماشوفتش زي مصر بجد حلوة بس احنا اللي عنينا بتشوف الوحش اللي فيها بس
 
#73
انا من راى ادمن الجروب ينزل انه ممنوع اى اراء سياسيه او مالهاش علاقه بموضوع الجروب لان فى ناس كتير لاحظتها بقت تخلط بانها تشوه صوره مصر السياحيه بالحاله الاقتصاديه او الاجتماعيه اللى حاصله فى البلد ، السايح مش هيهمه مشاكلنا الخاصه ... واى بلد بيبقى فيها اى مشاكل محدش يعد يشوه و يظهر سلبيات بلده لسياح بالعكس اظهر ايجابيتها و ممكن احذر من السلبيات لكن باسلوب حلو ما ينفرش السياح منها و كده مش كدب و لا غش عشان محدش يطلع يقولى كده
 
#75
انت صح ... مفيش حاجة اسمها رأيه ومن حقه يقول كده ... فيه أماكن كتير جدا جميلة ف البلد وفيه أجانب وعرب بييجوا ليها باستمرار ... مرسي علم والجونة وشرم والغردقة واسوان والاقصر والساحل الشمالي ورأس محمد ورأس غارب وأماكن تانية كتير
 
عرض العطلة
#78
انا بصراحة شايف انها سياسة غلط انك تحذف الردود السلبية
لعدة أسباب
1 من حق الناس انها تقول رأيها سواء سلبي أو إيجابي
والحكم في النهاية لصاحب السؤال انه يأخذ بدا أو دا
وبغض النظر ان كلمة انت سلبي مش غلط في الأستاذ عمرو ولا حاجة
2 التحذيرات السلبية مهمة عشان ضيوفنا الأعزاء ياخدوا بالهم ومش صح انه نعمل لهم البحر طحينة
والحاجات السلبية دي هي اللي بتوزن الأمور
3 فكرة الوصاية نفسها فكرة مش لطيفة
سيب الناس الإيجابية ترد على السلبية
4 أنا لما بسافر مكان بره بكون مبسوط لما حد يقول لي حاجات سلبية عشان اخد بالي منها
وبالتالي من تمام الأمانة انه يتقال الكويس والوحش
 
#79
لا طبعا احنا لما بنقول رٲي حضرتك تشوفه سلبي لازم تراجع نفسك اذا كان حقيقة و لا لٲ، لو حقيقة يبقي تسيبه لو كذب ابقي شيله
انت مش رقيب علي شرف البلد
 
#80
انا مستوعب يبقى في خلاف في وجهات النظر ... لكن مش مستوعب كمية التعصب والعنصرية والكراهية والديكتاتورية اللي موجودة في تعليقات الناس بصراحة
 
عرض العطلة
عرض العطلة
عرض العطلة
أعلى أسفل
عودة
قائمة