مساء الخير علي اعضاء الجروب الكرام كنت عايز...

[Mahmoud Antar]

كون ان احنا بينا وبين بعضنا بنتريق ع البلد دي حاجه وان الكلام ده يبقي للسياح وع العام دي حاجه تانيه المفروض نشجعهم انهم يجو وانهم يشوفو بلدنا أكيد فيها حاجات حلوه وتتشاف

 

[منة الله مصطفى]

اعملهم بان من الجروب اصلا مش بس تمسح كومنتاتهم

 

[السيد محمود صديق]

هناك فرق بين الاختلاف السياسي وبين تنفير السياح والزائرين وتخويفهم
الي عايز يعارض ويختلف مع النظام يختلف وانا اولهم بس في صفحتة الشخصية اما هنا لا احنا معاك في الحظر النهائي مش في قفل الكومنتات فقط
الجروب للسفر ونقل الخبرات وتعريف السياح الداخلية والاجانب بمصر

 

[Mohamed Abbas Ali]

يا جدعان متوجعوش دماغنا بقي، مش معقوله كل ما يبقي في حاجة حلوة بتربط الواحد بمجموعة من الناس تطلع حبة حاجات هايفة تبوظوها، با جدعان نكبر و مرتقي و نتغطي علشان نعيش في سلام سامحوا و تسامحوا بقي ... لجل ربنا

 

[Mohamed W Mariam Nasr]

اللي قابلنا قالوا اللي مالوش خير في أهله مالوش خير في حد
مصر بلدنا مهما حصل فيها من ظروف و مهما الناس خدت اقامات أو جنسيات في دول تانية هيفضلوا برضه مصريين و هينزلوا مصر في إجازتهم
و هارجع و ااكد ان مصر من أحسن و أرخص الدول اللي الواحد يقدر يعمل فيها أنشطة مختلفة و يزور أماكن مختلفة
كفاية انك ممكن تأخذ مركب في النيل ب ١٠٠ جنيه اللي هي ٧ دولار
كفاية ان التاكسي رخيص
كفاية ان البلد أمان و صاحية ٢٤ ساعة
انا اَي مكان بروحه اما بقابل اَي حد أقوله لازم تزور مصر و اللي زارها بقوله دلوقتي أحسن و أرخص لازم تزورها تاني
بس اول سؤال الناس بتسأله هو أمان دلوقتي ولا لا
طبعا ردي بيكون انها أمان مع صور و فيديوهات ليا مع اصاحبي و أهل مراتي الأجانب في مصر

 

[Hesham Dahab]

طبعا صح
و بعدين الكلام الى قالوه مش صح
فى مرسى علم فى الغردقه و فى شرم
والى هايقول السياحه الداخليه بوظت الدنيا
غى اماكن كتير المصريين مش بيروحوها
يا ريت محدش يغلط فى البلد قدام حد اجنبى لانهم بعد كده بيعيرونا
خلينا نرتقى
والى مش قادر يتكلم كلمه فى حق البلد تكون كويسه ممكن يسكت ده مش عيب

 

[مروة مصطفي]

عندك حق طبعا

 

[Ehab Fathy]

أي رأي مخالف لرأي الأدمن وبهاليله يتحذف طبعا يا جماعة

 

[Sara Ahmed]

انت صح كل البوستات من النوع ده بتتقلب شتيمه انا معاك تماما

 

[Heba Ghazy]

لا طبعا انت صح بالنسبه الناس إللى بتقول ليبيا وسوريا العالم كله عارف ان الأماكن دى فيها إرهاب وللاسف صعب السفر اصلا ليها
لكن مصر الحمد لله مش زى الدول دى وده يعتبر تنفير زى ما بنروج لبلاد غير مصر برضوا هيا أولى
فى ناس بتتكلم على سبيل الهزار وكده ده عادى كلنا بنفهم الهزار لكن حاجه تانيه طبعا مينفعش وانت صح

 

[Emy Mahmoud]

فعلا في ردود كانت مستفزه وبيطفشوه بدل مايحببوه ف مصر واهو يجي ينشط السياحه شويه ويحكي عن الحاجات الكويسه اللي شافها ومصر فيها اماكن كتير حلوه تتزار يعني

 

[Nader Saleh]

فعلا فعلا ... خليهم ييجوا ويكتشفوا النصباية بنفسهم.

 

[Mohamed Ali]

مبدأيا السوال كان عن الاماكن اللي تتزار مش تيجي مصر ولا لا فبالتالي الاجابه خارجه عن نطاق السوال ومبتساعدش في حاجه في الحاله دي المفروض تتمسح لانها لا تجاوب عن السوال ببساطه

 

[Amr Ali]

كتبت رد عليه بس ما لحقتش تقريبا الرد الاصلي اتمسح

الجروب عن السياحة .. فطبيعي يبقى من ادواره دعم السياحة لمصر (لو مش هتدعمها بشكل خاص يبقى عالاقل عاملها زي اي بلد)
بس اللي بقى بيحصل ان اي حد عاوز ييجي مصر بالتحديد نلاقي مجموعات من الدونيين بشكل منظم يقولوله .. أوعى

هايقولك اصل مصر فيها .. هل مصر اسوأ من دول افريقيا او دول آسيوية زي كمبيوديا وسريلانكا؟ هل مصر اقل في الامن من البرازيل اللي فيها اعلى معدلات جرايم قتل في العالم؟
مع ذلك لما حد بيسال عالدول دي محدش بيقوله ما تروحش (طبعا مستحيل ابن البلد دي يعملها .. انا باتكلم عن المصري الدوني)

كون ان فيه تيار سياسي وصل لدرجة من الفجر في الخصام انه عاوز يوقف السياحة عشان يفقر الناس اكتر فيشمت في النظام ..
او ناس دونيين بيتكيفوا لما يقللوا من بلدهم قدام الغريب .. ده ما تعملوش على جروب زي ده .. وشايف ان طبيعي ان الادمنز يمسحوا كل التعليقات اللي من النوع ده ويعملوا بلوك لاصحابها ..
ده الموضوع وصل للتطاول عالاجانب اللي بيكتبوا رفيوهات كويسة عن مصر والهجوم عليهم في التعليقات ...
شخصيات مريضة

 

[Arch Kamel]

نفسي اعرف هيستفاد ايه شخص لما يشتم في البلد ويخلي الناس متجيش؟!؟ ايه الفايدة اللي هتعود عليه؟!

 

[Fatima Muhmmed]

من رأيي ان ده يبقي شرط اساسي فالجروب تسموه وطني بقي او غير كدا مش مهم ... لكن ماينفعش تبقي بلدنا حلوة و اسعارها مناسبة لكل الناس و حد يسألنا نقوله متجيش دي تيت تيت تيت

حتي عيب !!!

لو البلد مش عاجبة حد بسبب الاوضاع السياسية انما منقدرش نكدب حقيقة ان فيها اماكن كتير حلوة و خدماتها علي اعلي مستوي !!

 

[Tamer F Hussein]

هوه اتعمله بان؟؟

 

[اللهم لك الحمد]

لا طبعا مش غلطان يا معتز
هو انتوا عاملين جروب يشجع السياحه الخارجيه والسفر والتعرف علي حضارات بلاد تانيه ولما يجي واحد عاوز يعرف بلدنا نقوله لا وحشه متجيش؟!!
لا فعلا اسوأ دعايه ممكن تتعمل للبلد من ولادها.. راينا فيها وفي اللي بيحصل دا بينا وبين لعضنا مش لواحد عاوز يجي يزورها اطفشه من قبل مايجي..
وبعدين حتي لو فيها حاجه وحشه دي سياسات حكومه علينا احنا كمواطنين.. مش علي السائح..
السائح بيجي مصر بيتشال علي الراس سواء من الناس اللي بترحب بيه او من الحكومه اللي بتعمله حساب

 

[Fatima Muhmmed]

ده غير ان السياحة دي شغل لشريحة من المجتمع بتعيش عليها و ده قطع لارزاق ناس

 

[السيد محمود صديق]

حضارة صنعت مثل هذا في زمن كانت الكرة الأرضية عراه
تقهقرنا في جميع المجالات واولهم الاخلاق