H
Hebatalla Adel
:: مسافر ::
بصى حضرتك بإختصار شوفى انتى رايحة فين و دورى على تذاكر بنفس المواصفات فى اكتر من شركة علشان تقدرى تقارنى انا بدور كتير جدا علشان الاقى حاجة أرخص و فى الاخر بختار مصر للطيران لإنها بتوفرلى طيران دايركت و شنطتين غير شنطة الكابينة و مواعيد الوصول مناسبة جدا للفنادق اى شركة تانية خاصة الطيران الاوروبي اولا بيبقى شنطة واحدة و بيشددوا معاكى جدا لو كيلو واحد زيادة و ممكن يدفعك عليه ١٥٠ دولار على الأقل او بيبقى طيران ترانزيت او بيبقى وصول فى مواعيد متأخرة جدا بالليل فبيضيع عليكى اليوم
M
Mohamed Adel
:: مسافر ::
انا شايف ان فيه مبالغة كتير من الناس بالطريقة السلبية لاني سافرت علي كذا نوع طيران وبالنسبة ليا افضلهم كانت مصر للطيران جبرت الكويتية والسعودية و النيل والعربية بالنسبة ليا مصر للطيران الافضل انا الشنط بتاعتي اتبهدلت في الطيرانات التانية الوجبات بالنسبة ليا افضل من اي وجبه في الرحلات التانية يمكن فيه ناس قبلتها مشاكل واكيد الغالبية قابلهم مشاكل برده علي الرحلات التانية
G
Gamal Emara
:: مسافر ::
بغض النظر عن التعليقات السابقة..
مصر للطيران ترتيبها منخفض عالميًا، وفيه خطوط كتير أحسن منها، ولكن علشان تكون المقارنة عادلة، لازم تبقى متكافئة. يعني ما ينفعش تقارن خطوط طيران منتظمة بخطوط طيران منخفضة التكلفة budget airlines لأن المقارنة هتكون غير منطقية.
كمان ما ينفعش تقارن رحلة مباشرة مع رحلة ترانزيت، حتى لو مش هيفرق معاك الترانزيت، لأن في الغالب الرحلة المباشرة هتكون أغلى.
يعني لو هتسافر فرنسا، يبقى تقارن سعر رحلة مصر للطيران مع رحلة الخطوط الفرنسية
ولو هتسافر دبي، قارن سعر مصر للطيران مع سعر الاتحاد أو الإماراتية
وقتها مش هتلاقي الفرق كبير كده، ويمكن تكون مصر للطيران أرخص.
كمان ساعات بيكون الترافيك عالي في اتجاه واحد، وبيكون الاتجاه التاني أرخص كتير، زي مثلاً سفر المدرسين للسعودية بيكون أغلى وبيكون سعر الرجوع أرخص بكتير..
مصر للطيران ترتيبها منخفض عالميًا، وفيه خطوط كتير أحسن منها، ولكن علشان تكون المقارنة عادلة، لازم تبقى متكافئة. يعني ما ينفعش تقارن خطوط طيران منتظمة بخطوط طيران منخفضة التكلفة budget airlines لأن المقارنة هتكون غير منطقية.
كمان ما ينفعش تقارن رحلة مباشرة مع رحلة ترانزيت، حتى لو مش هيفرق معاك الترانزيت، لأن في الغالب الرحلة المباشرة هتكون أغلى.
يعني لو هتسافر فرنسا، يبقى تقارن سعر رحلة مصر للطيران مع رحلة الخطوط الفرنسية
ولو هتسافر دبي، قارن سعر مصر للطيران مع سعر الاتحاد أو الإماراتية
وقتها مش هتلاقي الفرق كبير كده، ويمكن تكون مصر للطيران أرخص.
كمان ساعات بيكون الترافيك عالي في اتجاه واحد، وبيكون الاتجاه التاني أرخص كتير، زي مثلاً سفر المدرسين للسعودية بيكون أغلى وبيكون سعر الرجوع أرخص بكتير..