M
Manal Afifi
:: مسافر ::
كفايه قله ادب وكفائه طاقم الضيافه اللي بيرمي الاكل قدامك وكانك شحاته ولو طلبتي حاجه منهم يبصلك علي انك متسوله وازاي تتجراي علي اسيادك غير طبعا الطيارات العره الوسخه وبيلموا منك البطانيه وحتي السماعات بياخدوها علي اساس انهم من لوي فيوتون بقي وغاليين ....طبعا ده غير الخدمات الاضافيه زي سرقه الشنط وتضييع الشنط وكمان تسافري علي المانيا وشنطك تسافر علي استراليا سبحان الله مش حارمينك ولا حارمين شنطك من الفسح وبعد كله بتسالي 
A
Amany Sallam
:: مسافر ::
الحقيقه انا بلاقى مصر للطيران كويسه جدا ، الطيارين ممتازين ، وطقم الضيافة أفضل من البريطانية اللى بيتعاملوا على ان انت عبد من المستعمرات بتاعتهم ، واليونانية يخبوا البطاطين وما يردوش عليك ، النمساويه فى منتهى الأدب بس الاكل ثابت مكرونه بالصلصة ، التركيه الاكل حلو بس الطيار يرذعك فى الارض فى landing ، المره الوحيده اللى تعبت على مصر للطيران كانت رحله لامريكا ،، الضيافة كانت سيئه جدا ،، لكن مصر للطيران فى الداخلي داخل امريكا ممتازه وأفضل من شركات امريكيه داخليه كتير ،، دى تجاربى معاهم
H
Hanan El-Gogary
:: مسافر ::
عشان كده بتخسر..مصر للطيران أغلى من الخطوط البريطانية و لوفتهانزا و إير فرانس والخطوط التركية مع العلم إن الخدمة هى الأسوأ على الإطلاق..حتى العروض اللى بينزلوها بتكون للحجز من خارج مصر فقط.. الشركة الوطنية طالبه دعم المصريين اللى هى نفسها مش بتدعمهم. طب إزاى هاتكسب؟؟