بصي الأقصر وأسوان هايكونوا حر جدا دلوقتي مش هتستحملي الأحسن تروحيهم في الشتا مش الصيف خالص
هما حلوين جداً طبعا لكن للأسف مش هاينفعوا ف الوقت دة
لو عايزة بحر يبقى اكيز مرسى مطروح والغردقة وبرضو ممكن تروحي راس سدر حلوة اوووي بحرها نضيف والقرى السياحية اللي فيها كلها نضيفة جداً
طبعاً لازم تشوفي مكتبة اسكندرية والقلعة ع البحر ومتحف الأحياء المائية
اتمشي ع الكورنيش مثلا ف اسكندرية خدي كريم وادخلي بيه اسكندرية لفي فيها وامشي على طول الكورنيش هاتحبيها جداً
والمتحف المصري طبعا برضو
منصحكيش بالأهرامات اوي في الصيف لكن مينفعش تيجي مصر من غير ما تشوفيها
لو مش هاتيجي مصر تاني يبقى روحي طبعاً بس في الصيف مش لطيف اوي
لو بتحبي الجبال بقى والcamping وكدة سينا حلوة جدااااا روحي سانت كاترين بجد الجبال هناك حلوة اوي والسما صافية جدا وبتشوفي النجوم واضحة اوي كأنك شايفة المجرات قدامك
وطبعا الجو هناك ف سانت كاترين دلوقتي هايبقى حلو مش حر مش هاتحسي اوي انه صيف يعني
بس لو هاتروحي اوعي تطلعي الجبل لوحدك بيكون فيه مرشدين بيعملوا groups وكدة واسمعي نصايحهم كلها كويس
متخافيش من حاجة بس برضو متثقيش ف حد اوي كل بلد فيها ناس مش كويسين طبعا او نصابين بس خليكي واثقة ف نفسك عشان محدش يستسهلك
اجازة سعيدة
