A
Aya Sabry
:: مسافر ::
بلاش لوحدك والله نصيحة واللى يقولك غير كدة يبقى كداب انتى عشان بنت و انا خايفة عليكى ممكن الاجازة تكون حلوة بس احتمال اكبر انك هتعانى اوى اوى فى بلد فيها نسبة تحرش كبيرة زى كدة على العموم ادخلى على جوجل و ابحثى عن الوضع دلوقتى و شوفى مصر كبلد مفيش زيها انما كشباب هيخاف عليكى و امان مش هتلاقى
S
Salma Turky
:: مسافر ::
M
Maria Helena
:: مسافر ::
تنوري و متخافيش و هتتبسطي. مافيش خطر. بس ابعدي عن الكنايس و اماكن الجيش و الشرطه هما دول بس اللي بيموتوا فيهم دلوقتي. غير كده امان. بس في التنقلات خدي اوبر. نزلي الابليكاشن عالموبايل. و ما تحجزيش مع شركة سياحه. اركبي اوبر و قوليلوا وديني المتحف المصري مثلا او الاهرامات او سيتي ستارز. لازم تروحي سيتي ستارز و،بورتو كايرو اساسي. هتتبسطي. و خان الخليلي و شارع المعز و مصر القديمه مجمع الاديان و قلعة صلاح الدين. و اسكندريه و الساحل الشمالي. في الصيف هتتبسطي. لقصر و اسوان حلوه جدا و رخيصه في الوقت ده عشان مش موسم. اطلعي بالطياره من القاهره لاسوان مش بالقطر. مافيش فرق كبير في السعر. و اريح طبعا. بس اعملي ايه بقي في الاقصر. هاقولك. الجو حر جدا الظهر . فاقلبي يومك. انا عملت كده و اتبسطت. . خليكي في الاوتيل طول فترة الضهر و العصر. انزلي الصبح بدري لغاية الساعه عشره الصبح بالكتير. و بالليل بعد الساعه ٦ هتلاقي سقعه اساسا. و الجو جميل. و كل المتاحف و المعابد و الاماكن السياحي بتبقي اجمد بالليل عشان الصوت و الضوء. و ادخلي كانك مصريه عشان تدفعي تزكرة مصريه. و اتكلمي مصري معاهم و انتي واثقه في نفسك.
H
Hana Ahmad
:: مسافر ::
امان ياحبيبتي تشرفي.الاقصر وأسوان مشتي حر فالصيف . الاهرامات ماتفوتك دي فالجيزة قريبه جدا و من القاهره المتحف الاسلامي والمتحف المصري والمتحف الزراعي ومتحف الشمع وقلعه صلاح الدين وخان الخليلي والأزهر والحسين والقاهرة القديمه عموما ..ورحله نيليه..اسكندريه فيها مكتبه الاسكندريه و متاحفها و قلعه قايتباي ومتحف المجوهرات والمسرح الروماني ومتحف محمود سعيد ومتحف جمال عبدالناصر وعمود السواري واثار كوم الشقافه ومتحف الموزايك في باب شرقي و الغطس لرؤيه الآثار الغارقه فالبحر ودي اجمل متعه في اسكندريه عالاطلاااااق وفي حدائق المنتزة وقصر المنتزة وقصر الملك فؤاد لكن ممنوع دخولهم ومقفولين تشوفيهم من الخارج.في القاهره كلي كشري في اسكندريه كلي سمك وكبده اسكندراني مشطشطه حاولي تيجي في شهر 9اسكندريه مصيف مصر الاساسي جوها حلو لكنها زحام جدا الشهر ده والجاي وشرم والقاهرة بيكونوا حر.واذا روحتي شرم اهم حاجه الرحله البحريه وتاكلي سمك البحر الاحمر مميز.لو عوزتي حاجه انا بنت من اسكندريه ولفيت اغلب مصر ابعتيلي في اي وقت
لحد انك تلاقي ابن الحلال اللي يطلب ايديكي