هاي يا جماعة انا خلاص حجزت طيران لمصر انشاء...

  • بادئ الموضوع بادئ الموضوع Ilham Laftah
  • تاريخ البدء تاريخ البدء
عرض العطلة
#461
ده دليل شامل لسفرك شرم الشيخ

اولا الاقامة فى شرم الشيخ ممكن تكون:
======================
1- فندق وبتختلف مستويات الفنادق من اول 3 نجوم ولحد 5 نجوم ديلوكس
2- شاليه او ستوديو وده الاختيار الاقتصادى

**بتتقسم شرم الشيخ لخلجان او مناطق رئيسية تقدر تختار اقامتك فى اى منهم على حسب احتياجاتك من السفرية لان كل منطقة فى شرم تتميز بشوية حاجات

- خليج نعمة الاشهر فى شرم الشيخ وهو الاكثر طلبا من الزائرين المصريين او حتى الاجانب اى فندق او شالية فى خليج نعمة هيسمحلك انك تقدر تنزل فى اى وقت تتسوق او تستمتع باى كافيه او مطعم او حتى تنزل البحر الخاص بالفندق او خارج الفندق عشان فى اكتر من شاطئ على الخليج وبيتميزوا بنعومة الرمل ويتوفر هناك كل الالعاب المائية

- هضبة ام السيد وهى الجزء المرتفع فى شرم الشيخ ودى اللى بيلجألها الزوار فى حالة درجات الحرارة العليا لانها بسبب الارتفاع تعتبر جوها اهدى شوية من بقية شرم الشيخ

- خليج القرش واتسمى بالاسم ده بسبب وجود قروش فعلا فى المكان ده من فترة طويلة لكن دلوقتى مش موجوده والفنادق الموجوده على خليج القرش كلها بتتميز بوجود الشعب المرجانية فى الشواطئ الخاصة بيها وقريب من خليج القرش منطقة سوهو سكوير وهى منظقة تجمع كافيهات ومطاعم مختلفه من اكبر البراندات اللى موجوده فى شرم الشيخ

- خليج نبق وهو المنطقة الاكثر طلبا من حديثى الزواج بسبب هدوء المكان وروعة المناظر تحت الماية من شعب مرجانية واسماك وكمان معظم المنتجعات على الخليج ده مهتمه براحة العميل وتوفير كل حاجة يحتاجها بعيد عن دوشة وزحمة خليج نعمة

ثانيا الانتقالات الى شرم الشيخ:
=================
1- لو هتسافر من القاهرة او اى محافظة مركزية هتلاقى شركة نقل سياحى بسهولة زى جو باص او سوبر جيت او شرق الدلتا ....
2- طيران من القاهرة او الاسكندرية (برج العرب) او اسوان او الغردقة

ثالثا الانشطة والرحلات اللى ممكن تعملها وانت فى شرم:
================================
1- الرحلة البحرية هى الرحلة الاشهر والاكثر طلبا بين الرحلات الداخلية فى شرم الشيخ تتحرك يوميا مراكب النزهة من جميع انحاء شرم الشيخ لتبحر بيك فى البحر الاحمر ويتكون البرنامج من الوقوف مرتين او تلات مرات فى البحر فى اماكن مميزة للسنوركلينج وممكن تعمل دايفنج لو حبيت وبتكون الرحلة شاملة وجبة الغداء وبيبقى معاكم غطاس محترف على المركب عشان يساعد الناس فى نزلات السنوركيلنج.

2- المنصب التانى فى الرحلات الاكثر طلبا بيجى من نصيب رحلة السفارى وليها اكتر من شكل السفارى ب بيتش باجى والسفارى بعربيات رباعية والرحلة بتكون سفارى بس بين الجبال فى الشروق او فى الغروب وممكن تكون سوبر سفارى وبعد الرحلة بالبيتش باجى فى الجبل تحضر حفل عشاء بدوى

3- من اهم الاماكن اللى ممكن تزورها فى شرم الشيخ هو السوق القديم وهو مش بعيد عن خليج نعمة حوالى 10 - 15 دقيقة هتلاقى هناك محلات بيع الهدايا ومطاعم السمك زى مطعم فارس الاشهر فى شرم الشيخ واماكن السهر والكافيهات المميزة

4- عروض الف ليلة وليلة من اقدم العروض فى شرم الشيخ لكن مازالت محافظة على مكانها وسط الانشطة المختلفة جدا وهى تناسب الافراد والعائلات

5- عرض الدولفين وبيعجب الاطفال والكبار جدا

6- الالعاب المائية بجميع انواعها ممتعه جدا فى شرم الشيخ زى (بنانا بوت - سبيد بوت - جلاس بوت - براسيلينج - بدال)

7- السهر والنايت لايف واخدين حقهم جدا فى شرم الشيخ فى كل مكان هتلاقى اماكن السهر موجوده اشهرهم (Space - Le Pasha - HardRock - Cocco Beach - Terrazina Beach - VIP club - Budah Bar - كافية فرشة - سوهو سكوير - خليج نعمة - السوق القديم)

8- لو اقامتك فى مكان مفيهوش اكوا بارك هتقدر تعوض ده فى يوم كامل تقضية فى اكوا بارك سيتى او كليو بارك واولادك هيبقوا مبسوطين باليوم ده جدا

9- شاطئ الفنار يعتبر من افضل اماكن الغطس والسنوركلينج فى شرم الشيخ لو بتحب العوم وسط الاسماك والشعب المرجانية لازم تزور شاطئ الفنار

10- هوليود من الاماكن العريقة فى شرم الشيخ وهو ايضا تجمع للكافيهات والمطاعم هناك هتلاقى النافورة الراقصة و حديقة الديناصورات ممكن تاخد معاها صور حلوة جدا

11- لو عندك استعداد تخرج بره شرم الشيخ عشان تقضى يوم كامل فى مكان جديد عندك اختيارات كتير اهمهم واللى بتسحر كل اللى بيروحها محمية راس محمد من وجهة نظرى الشخصية افضل مكان تعمل فيه سنوركلينج فى مصر بعد مرسى علم وكمان دهب على الرغم انها محتاجه رحلة لوحدها لكن يوم هناك هيفى بالغرض وتقدر تلفها كلها لو مسافر فى الشتاء اكيد مش هتفوت تسلق جبل موسى (المعروف بجبل سانت كاترين لكنهم مختلفين)
#خرجني
 
#462
مصر بلد الامن والامان لا تخافى
الاقصر واسوان صعب اوى فى شهر 8 نظرا لارتفاع درجة الحرارة فيهم اوى بس هما من اجمل محافظات مصر فى الطبيعة
 
#463
19 ماجيك بلانت – المعادي الجديدة
ماجيك بلانيت هو مكان ترفيهي للأطفال في أثناء التسوق بداخل المعادي سيتي سنتر "كارفور المعادي"، يوجد به عربات تصادمية، مراجيح وألعاب فيديو، مواعيده في العيد من الساعة العاشرة صباحًا وحتى الواحدة من صباح اليوم التالي، يمكنك شراء كارت ألعاب صالح لمدة عام بقيمة 5 جنيهات ويتم شحنه بأي مبلغ، أسعار الألعاب تبدأ من 5 حتى 15 ج.

20 أفريكا سفاري بارك
هي عبارة عن حديقة للحيوانات على طراز غابه أو ما يسمى سفاري، أي إنه بإمكانك التجول فيها بين الحيوانات بالسيارات وفي بعض الأحيان بالإمكان التجول على الأقدام وذلك حسب خطورة الحيوانات، وهي تحتوي على الكثير من الحيوانات الأليفة والمتوحشة وأنواع كثيرة من الطيور وبعض أنواع الحيوانات النادرة، تقع في الكيلو 65 طريق الإسكندرية القاهرة – الصحراوي، وتعمل من الساعة التاسعة صباحًا حتى الرابعة عصرًا، رسم دخول السيارة الملاكي 400 جنيهًا.

21 جرين ديزرت
يقع في الكيلو 84 - طريق مصر الإسكندرية الصحراوي، يمكنك قضاء يوم على حمام السباحة شامل الإفطار والغذاء بسعر 120 جنيهًا، من الساعة الثامنة صباحًا حتى الثامنة مساءً.

22 قرية العزبة – الهرم
طريق سقارة السياحي- ترعة المريوطية، يمكنك قضاء يوم والاستمتاع بحمام السباحة شامل الإفطار والغذاء بسعر 130 جنيهًا، من الساعة الثامنة صباحًا حتى الثامنة مساءً، ويوجد بها ملاعب كرة، ملاهي أطفال وخيمة عربية، إلى جانب الخيول.

23 سكيت ماكس – 6 أكتوبر
بداخل سيتي سكيب مول، يمكنك الاستمتاع بالتزلج على الجليد من الساعة العاشرة صباحًا حتى الثانية عشر من صباح اليوم التالي، 25 جنيهًا للفرد لمدة 15 دقيقة، 40 جنيهًا للفرد لمدة 30 دقيقة، 60 جنيهًا للفرد لمدة 60 دقيقة.

24. جزيرة المعادي
توجد أمام مستشفى القوات المسلحة، تتكون من مجموعة جزر صغيرة يصل بينها جسور صغيرة، وبها بحيرات صناعية، سعر تذكرة الدخول 5 جنيهات، يوجد بها مركب للتجول حول الجزيرة بـ 10 جنيهات للفرد ويوجد سيارات، يوجد العديد من المطاعم والكافيهات، إضافة إلى منطقة ألعاب الأطفال المفتوحة، تفتح الحديقة أبوابها من العاشرة صباحا وحتى الحادية عشرة مساءً.
- هذا إضافة إلى أهرامات الجيزة، حديقة الحيوان بالجيزة، حديقة الأسماك بالزمالك، المراكب الثابتة
.#خرجني
 
#465
اماكن خروجات ف القاهره :D :D

1 السيرك القومي - العجوزة:
يتضمن برنامج السيرك أكثر من 13 فقرة، ويختتم بفقرة استعراض الأسود والنمور، ويقدم حفل واحدة في الساعة الثامنة مساءً، أما أيام العيد فيقدم حفلتين الأولى في الخامسة مساء، والثانية في الساعة التاسعة مساء، أسعار التذاكر 75،50،30،20 جنيه.. تذكرة كاملة للأطفال اعتبارًا من سن 3 سنوات.

2 مسرح العرائس - الأزبكية:
مسرح القاهرة للعرائس هو أكبر مسرح عرائس في العالم العربي أنشئ عام 1959، يقدم عرض بعنوان "رحلة سنوحي" في ثاني وثالث ورابع أيام العيد في تمام الساعة السادسة والنصف مساءً، أسعار التذاكر 10ج، 15ج.

3 حديقة الأزهر - صلاح سالم:
تعد من أجمل حدائق القاهرة، حيثُ تتمتع بالمناظر الخضراء كما يمكنك رؤية قلعة صلاح الدين من داخلها، بها العديد من المطاعم والكافيهات وأماكن ترفيهية مخصصة للأطفال، تفتح أبوابها يوميًا من الساعة التاسعة صباحًا وحتى العاشرة مساءً، أسعار التذاكر 15 ج، 10 ج للأطفال.

4 برج القاهرة – الزمالك:
يقع في قلب القاهرة على جزيرة الزمالك بنهر النيل وتم تصميمه على شكل زهرة اللوتس المصرية، يتكون من 16 طابقا بحيث يمكن رؤية القاهرة كلها في لحظة واحدة من خلال المنظار المكبر، يوجد به المطعم الدائري والذي يدور حول نقطة ارتكاز لترى القاهرة، أيضًا يوجد في الطابق الـ15 كافيتريا علوية تستطيع أن تتناول فيها العصائر والمشروبات، يستقبل رواده من الساعة التاسعة صباحًا وحتى الواحدة من صباح اليوم التالي، أسعار التذاكر: 20 جنيه للمصريين والأطفال أكثر من 6 سنوات.

5 القرية الفرعونية – البحر الأعظم:
وهي عبارة عن مجموعة من المتاحف تضم أناسا حقيقيين يرتدون زي الفراعنة ويجسدون الحياة المصرية القديمة، سوق، حقل كبير للزراعة والحصاد، مكان لعمل المراكب، طرق، مزارع وفى المنتصف معبد ضخم من الحجر الأبيض، وبها أيضًا نموذج لمقبرة توت عنخ أمون، وتستقبل القرية زوارها من الساعة التاسعة صباحًا وحتى السابعة مساءً، وتتضمن القرية عدة برامج للزيارة بأسعار مختلفة 55ج، 80ج، 100ج، 145ج، ويحصل الأطفال حتى 10 أعوام على خصم 20%.

6 كيدزانيا – القاهرة الجديدة:
تعد كيدزانيا متنزه عالمي للتعليم الترفيهي للأطفال، مصمم بالمحاكاة مع المدن الحقيقية لتوفير فرصة للأطفال من سن ٤ إلى ١٤ للعب الأدوار المقبلون عليها فعلا عند بلوغ حياتهم المهنية، ولكي تكتمل التجربة، فإن الطفل يقوم بنفسه بكل المعاملات المالية مقابل قيامه بالعمل أو التسوق أو الترفيه مستخدمًا عملة مدينة كيدزانيا وتسمى "كيدزوس". يتم استخدام الكيدزوس لشراء المنتجات والخدمات، وتستقبل المدينة زائريها مرتين في اليوم من الساعة الحادية عشر صباحًا وحتى الرابعة مساءً، أو من الخامسة مساءً وحتى العاشرة مساءً، أسعر التذاكر الأطفال أقل من 4 سنوات 100ج، من4 حتى 14 سنة 130 ج، المرافقين البالغين 85ج.

7 قرية فجنون – مساكن شيراتون، الهرم:
يتكون هذا الاسم من "فن – جنون"، فجنون أحد الأماكن النادرة في مصر، فهو مخصص للترفيه والتعليم، يمكن للأطفال والآباء الاستمتاع حيثُ يمكن ممارسة العديد من الأنشطة المختلفة منها التلوين على الحائط أو اللعب بالطين، يوجد ملعب، بارات التسلق، حرب الألوان للأطفال، خبز العيش، وصناعة الفخار، كما يمكن للأطفال أن يختاروا ما بين الركوب على ظهر الخيل، الحمار أو الجمل، ويستقبل المكان زائريه ابتداءً من التاسعة صباحًا وحتى الخامسة مساءً، أما عن الأسعار فتتراوح ما بين "30: 50ج للنشاط الواحد "، فجنون أواسيس "50 ج للفرد شاملة الدخول ونشاط واحد، 35ج لأي نشاط إضافي"، فجنون أرت بالمريوطية: 40 ج للفرد شاملة الدخول ونشاط واحد، 30 لأي نشاط إضافي، فجنون فلاح بالمنصورية "30ج للفرد شاملة الدخول ونشاط واحد، 25 لأي نشاط إضافي".

8 أدرينالين بارك – 6 أكتوبر:
أدرينالين بارك هو مكان مفتوح من الأماكن المتخصصة في توفير ألعاب حرب الألوان "Paintball"، حيثُ يتم اللعب عن طريق تكوين فرق "مجموعات" لا تقل عن 8 أفراد، ويمكنك زيارة المكان من الساعة الثانية عشر مساءً وحتى التاسعة مساءً، سعر الفرد 200 جنيها شامل "الزي، المسدس، الطلقات"، عدد الطلقات 100 طلقة، إضافة إلى حروب الليزر والألعاب المائية "الأكوا" وهي آمنة للأطفال من سن 3 سنوات.

9 رفاهية – البحر الأعظم:
يعتبر رفاهية من أماكن الخروج غير التقليدية، حيثُ يقبل الشباب على هذه الأنواع من الألعاب كحروب الألوان " paintball" بسعر 60 ج، 50 طلقة، كرة قدم الفقاعات "Pubble soccer" 40ج لمدة 30 دقيقة للفرد، كما يمكنك التمتع بالانزلاق والسقوط على ملعب كرة الصابون "SOAP SOCCER"، إضافة إلى ممارسة ألعاب الفيديو جيم والإكس بوكس والبلاي ستيشن على ضفاف النيل.

10 سمارت كامب – العبور:
يمكن أن تقضي يوما مميزا جدًا مع أصدقائك، حيثُ يمكنك التزحلق على الرمال لمدة ساعة كاملة "sandboarding"، ملعب كرة الصابون لمدة ساعة كاملة "SOAP SOCCER"، الكرة الطائرة مفتوحة المدة، كرة القدم، كرم القدم الأمريكية، كرة السرعة، والبينج بونج في صالة مغطاة ويشترط الحجز المسبق على الأقل بيومين ويجب أن يكون عدد المجموعة لا يقل عن 20 فردا، سعر الفرد 120ج، وإذا كانت عدد الأفراد من 50:30 يصبح سعر الفرد 100، بخلاف ركوب الخيل 30ج.
 
عرض العطلة
#466
11 شارع المعز – الحسين:
منطقة الأزهر والحسين بها العديد من الأماكن التي يكمننا الاستمتاع بها بأقل التكلفة، مثل شارع المعز في الحسين ومنطقة الأزهر حيثُ يوجد بهما عدد من البيوت الثقافية التي تقييم عدد من الندوات والحفلات بأسعار تتراوح من "5ج: 30 ج" مثل بيت السناري وبيت السحيمي، وكالة الغوري، قبة الغوري، بيت زينب خاتون.

12دريم بارك – 6 أكتوبر:
دريم بارك هي جزء من مدينة دريم لاند، تتكون من سبع مناطق تحتوى كلا منها على مجموعة من الألعاب المثيرة ومنها منطقة الأطفال الجديدة، تستقبل روادها أول أيام العيد من الساعة الثانية عشر ظهرًا حتى العاشرة مساءً، باقي أيام العيد من الساعة العاشرة صباحًا حتى العاشرة مساءً، أسعار التذاكر "التذكرة السيلفر 100 ج"، "التذكرة الفاميلي: 360 ج تشمل أب، أم وطفلين أقل من 10 سنوات".

13جيرولاند – مدينة العبور:
تعتبر من أضخم المدن الترفيهية، تفتح أبوابها في أول أيام العيد من الثانية عشر ظهرًا حتى العاشرة مساءً، أما باقي أيام العيد من العاشرة صباحًا حتى العاشرة مساءً، سعر التذكرة: 70 جنيهًا شاملة 23 لعبة ماعدا 6 ألعاب فقط.

14أكوا بارك – طريق مصر إسماعيلية:
أكبر مدينة العاب مائية بالشرق الأوسط، تحتوي على حمام أمواج كشاطئ البحر، خمسة حمامات سباحة، زحاليق عملاقة، 9 ألعاب مائية، ألعاب للأطفال، حمام سباحة خاص للسيدات، من الساعة العاشرة صباحًا وحتى الخامسة مساءً، سعر التذكرة 115 جنيهًا شاملة وجبة غداء، مشروب، زجاجة مياه، للأطفال من "3-10 سنوات" 95 جنيهًا.

15كريزي ووتر – الشيخ زايد:
مدينة الألعاب المائية كريزي ووتر أعرق مدن الألعاب المائية في مصر وتتمتع بالحدائق الخضراء، ألعاب الفيديو جيم، وسباق السيارات، وألعاب الليزر الشيقة، وحديقة الألعاب المبهرة، تستقبل زوارها من العاشرة صباحًا وحتى السادسة مساءً، سعر التذكرة: 65 جنيهًا، الأطفال أقل من 3 سنوات مجانًا.

16 فاميلي لاند "كرامنتس" – المعادي:
هي من أكبر الملاهي المغلقة والمكيفة في مصر، وتتميز بوجود ألعاب تتناسب مع جميع الأعمار، تفتح أبوابها من الساعة العاشرة والنصف صباحًا حتى الثانية عشر صباح اليوم التالي، سعر تذكرة الدخول 3 جنيهات في العيد لا تشمل الألعاب، تتراوح أسعار الألعاب من 7: 20 جنيهًا.

17 بيلى بيز – 6 أكتوبر:
مدينة ألعاب ترفيهية مغلقة للأطفال بداخل مول العرب، يمكنك زيارتها من الساعة العاشرة صباحًا حتى العاشرة مساءً، سعر التذكرة 100 ج للأطفال شاملة كل الألعاب، 50 ج للبالغين

18 ماجيك جالكسي – مصر الجديدة
ماجيك جلاكسي مركز ترفيهي عائلي متكامل داخل مول سيتي ستارز، والذي يعد أحد المراكز الترفيهية الشهيرة في الشرق الأوسط، وتستهدف نشاطات الترفيه الأطفال من عمر 2 سنة إلى 12 سنة، يمكنك زيارته من الساعة الواحدة ظهرًا وحتى الحادية عشرة مساءً، سعر الدخول للفرد 3 جنيهات، ويتم شراء كارت ألعاب صالح لمدة عام بقيمة 10 جنيهات، وشحنه بأي مبلغ، تتراوح أسعار الألعاب بين 5 إلى 15 ج.
 
#467
تروح فين ف اسكندريه عشان تقضي يوم ميتنساش ❤

١- المنتزة :
وده أكبر حديقة موجودة في اسكندرية فيها قصر الملك فاروق وشوية قصور جمبها وفيها مرسي يخوت وبحر وجناين كتير تنفع لو عايزين تعملوا حفلات باربيكيو او ايفنتات اوت دور او لعب ، وحاليا من كُبرها الناس بيتعلموا فيها السواقه .. بس ملحوظة ، لازم تروحوها الصبح قبل ماالدنيا تليل ، عشان بالليل بتبقي شقه دعارة بس علي كبير ،، التذكرة ١٥ جنيه للفرد .

٢- مكتبة اسكندرية :
لازم اي حد يجي اسكندرية يدخلها ، صرح معماري عبقري وكبيرة جداا وجواها متاحف كتير زي متحف السادات ومتحف للاثار الفرعونية والقبطيه والاسلاميه وحجات تانيه كتير .. وهتلاقي جمبها القبة السماويه دي بتعمل عروض كأنك في الفضاء بالظبط ومن احلي الحجات اللي هتستمتع بيها في حياتك .. وتذكرة المكتبة ٤ جنيه .

٣- متحف المجوهرات :
من الحجات اللي هتستمتع بيها جدااا فيه مجوهرات من كل ملوك مصر وفي مجوهرات جايه من بره .. ومكان نضيف جدا وهتستمتع بيه وتحقد فيه ع كمية الذهب والالماظ اللي فيه ، التذكرة ب ١٠ جنيه .

٤- كوبري استانلي :
ملوش اي تلاتين لازمة غير انك تروح تتصور عليه صورتين حلوين او تاكل عنده حلبسة ،، غير كده هو كوبري عادي وزحمه ، طبعا ببلاش .

٥- قلعة قايتباي :
أحلي مكان تعمل فيه فوتوسيشن من كتر ماهو كبير وفاضي ،، هو عبارة عن اوض كتير اوووي وفاضيه ومن فوقيه بتقدر تشوف فيو حلو اوووي لاسكندرية من فوق ،، التذكرة ب ٥ جنيه .

٦- المعمورة :
طبعا مينفعش حد يجي اسكندرية من غير مايروح المعمورة ويروح ملاهي المعمورة لانها حلوة ورخيصه جدا ،، غير ان المعمورة كبيرة ونضيفه وممكن البنات تروح تركب فيها عجل وتلف براحتها من غير ماحد يضايقها لان بيبقي في امن وظباط هناك كتير .

٧- ألبان سويسرا :
اللي يجي اسكندرية ومياكلش عند البان سويسرا يبقي مجاش اسكندرية ،، اي اكله هناك معموله بالجبنة ، والجبنة بتاعته خليط من ١٢ نوع جبنة ،، طعمه قليل الادب ولازم اي حد يجي يجربه .

٨- كبدة الفلاح :
مينفعش تكون ف اسكندرية ومتاكلش كبدة اسكندراني . وأصل الكبدة الاسكندراني هو كبدة الفلاح ،بتروح تاكل ١٥ نص رغيف كبدة وتلاقيك لسه جعان مثلا من كتر ماهي حلوة وبعدين جمبها تشرب من خروب امال وبعدين تحلي من الكنافه النابلسيه اللي جنبه .

٩- حودة جندل :
هتدفع ٤٥ جنيه بس وهتاكل كل انواع السمك اللي هتتخيلها وتغوص في السمك ومش هنقدر تخلصه ،، سبب شهرته انه حلو ورخيص .

١٠- الشيخ وفيق :
هتروح تطلب واحد رز بلبن بالمكسرات ب١٨ جنيه واتحداك تكون كلت واحد زيه قبل كده في حياتك .

١١- هولمز :
هتلاقيه في شارع شعراوي ،، احلي برجر هتاكله في حياتك وغالبا لازم تكون صايم قبليها ب ٤ ايام عشان تقدر تكمل الساندوتش .. طعمه قليل الادب بصراحه في الحلاوة .

١٢- سان ستفانو وجرين بلازا وكارفور

،، دول اشهر ٣ مولات لو حابين تعملوا شوبنج وكل واحد فيه فود كورت في كل المطاعم وجوا كل واحد فيه سينما لو حابين تتفرجوا علي الافلام الجديدة .

١٣ - شارع فؤاد :
اقدم شوارع اسكندرية هتشوف فيه الفن المعماري القديم وفيه مطاعم كتير حلوة وكتير وتقدر تتصور فيه فوتوسيشن حلو .

١٤- محل البن البرازيلي :

الناس اللي حابين القهوة يبقي لازم يجربوه لانه جواه مطحن وبتشم ريحه القهوة وانت بتشربها .
ده دليلك لإسكندرية .. اسكندرية احلي مكان في مصر وخصوصاً في الشتاء ، هتستمتع بيها وخصوصا لو الدنيا مطرت ، هتلاقيها مطرة ودفا في نفس الوقت
الناس فيها حلوين وبشوشين وهيساعدوك لو عرفوا انك غريب ، بس

اهم حاجه اعرف ان ميكروباص يعني " مشروع " يعني لو سألت حد عن مكان وقالك اركب مشروع من هنا متستغربش .
جبنة رومي يعني جبنة تركي
علي الناصية يعني علي القمة
جنيه يعني جني
استيكة يعني جومة
شاي يعني شيّ
واهم حاجه" احية "دي كلمة عادية هنا يعني مش عيب فمبتستغربش لو سمعتها كتير .
يلا جهز شنطتك واعمل منشن لصحابك ويلا علي اسكندرية
#خرجني
 
عرض العطلة
#474
شرم الأقصر أسوان.. . مشتى وليست مصيف... لا انصح بزيارتهم
أماكن الزيارات في القاهره..
الأهرامات
المتحف المصري
خان الخليلي والحسين
شارع المعز والقلعه
 
#475
انا بنت مصرية و مسافرة المغرب شهر 8 لوحدي عادي جدا ✋
مصر جميلة طبعا بس بلاش اقصر و اسوان لان حرها شديد بزاف في شهر8
لو فيه نصايح عن مدينة مكناس الاميرية و الرحلات و المدن الكويسة حولها يبقي لطف منك
 
عرض العطلة
#478
القاهرة جو النيل حلو جدا والكافيهات اللي ع النيل
وشارع المعز لدين الله ده في كل اثار القاهرة الفاطمية ده في الحسين والمتحف المصري والهارمات دي بارز الحاجات ف القاهرة
اسكندرية قلعة قايبتباي والفنار ومكتبة الاسكندرية وفي معالم تاينة مش فاكرها حاليا
 
#479
هكلمك عن اسكندريه. مدينتي
في اماااكن كتير جدا في اسكندرية.. ابرزها واشهرها 1- مكتبة الاسكندرية 2 قلعة قايتباي 3- المعموره الشاطئ. والملاهي 4- المنتزه وقصر الملك فاروق 5-مول سان ستيفانو 6- محطة الرمل 7- شارع خالد بن الوليد 8- متحف الاسكندرية القومي 9-بحري والشيخ وفيق
 
#480
اجمل حاجه تزورها بصراحه. القاهره. يعني. روحي المتحف المصري. الاوبرا. كورنيش بليل. الحسين. الاهرمات الحديقه
يعني حجات كتير جميله هنا.
بس بلاش. الاقصر واسوان في الشهر ده وحشه جدا جدا
 
عرض العطلة
عرض العطلة
عرض العطلة