هاي يا جماعة انا خلاص حجزت طيران لمصر انشاء...

[عمر عتريس]

أولا
بأذن الله أمان
ثانيا رحلة سعيدة وممتعه
الفيوم بيكون فيها وادي الريان محميه طبيعية وجميلة

 

[Tamer Fadl]

اهلًا بك فى بلدك التانى
البلد أمان جدا للبنات الوقت دة الجو بيبقى حر جدا فى الأقصر و اسوان
المحافظات المناسبة للزيارة فى الوقت دة القاهرة و الساحل الشمالى و الغردقة و شرم الشيخ
القاهرة ممكن الهرم و البرج و خان الخليلي و مجمع الأديان و القلعة و رحلة نيلية فى مركب على النيل و القرية الفرعونية و مجمع الأديان
و اسكندرية فيها المنتزه و قلعة قايت باى و مكتبة اسكندرية
دى اهم المزارات و ممكن تخشى على ويب سايد trip adviser
هايساعدك كتير فى اكتشاف كافة الأماكن السياحية

 

[احمد ابوكرم]

نصيحه.. خليكي في جماعه او مع اكتر من شخص او صديق.. دا للامان فقط.. لكن مصر طبيعي زيها زي اي بلد.. اما اسكندريه ممكن تزوري المتحف القومي. مكتبه الاسكندريه. قلعه قيتباي. عمود السواري.. في اكتر من قصر ملكي.القاهره الاهرامات و قلعه محمد علي و المتحف المصري.. شارع المعز.. حسب عدد ايام زيارتك و وقتك.. المهم تخلي بالك من السرقه و اعرفي سعر كل حاجه قبلها.. بفضل لو معاكي صديق مصري

 

[Hala Ahmed Saeed]

حبيبتي اهلا وسهلا بيكي ف مصر هتنورينا بجد وهتنبسطي جدااا جدااا وان شاء الله تقضي ايام جميلة وصدقيني والله هتبقي احلي رحلة عملتيها وعمرك ماهتنسيها ونيلنا اللي يشرب منه لازم يرجعله تاني مصر امان وهتلاقي كل الناس بتسعدك لان اهلها طيبين وبيحبه الضيف جدا لاننا اهل الكرم وهتشوفي دا بنفسك وزيها زي اي بلد لو هتنزلي القاهرة في الحسين لازم لازم تزوريه وتسهري فيه وترسمي حنة وتتمشي ف شارع المعز حاجة وهم هتيتمتعي اكتر لو معاكي حد يونسك كمان الاهرمات مينفعش تيجي مصر من غير ما تشوفي وحدة من عحايب الدنيا السبعة لو حبيتي تخرجي في مولات كتير حلوة زي مول العرب وكايرو فستيفال وبورتو كايرو وسيتي ستارز وفي اجمل كافيهات كفاية كورنيش النيل اما عن اسكندرية مش محتاجة غير انك تنزلي هناك واجدع ناس هتقابليهم كفاية الكورنيش وتتمشي وتاكلي دورة مشوي الله الله الله عليكي يا سكندرية ..ممكن تروحي شرم الشيخ او دهب ف الوقت دا تحفة بجد ..اما عن الاقصر واسوان انتي بس كلميني وملكيش دعوة ..هو اه هيبقي الجو حر حبتين بس هتقابلي اطيب ناس ف العالم واجمل كورنيش كورنيش اسوان دا غير المزارات السياحية لانهم فيهم تلتين اثار العالم وكل الكافيهات ف اسوان ع النيل مباشرة وهتحسي انك وسط اهلك بالظبط في مزارات متحف النوبة حاجة كدة خطيرة من كتر الجمال وجزيرة النباتات تحسي انك اتنقلتي لعالم تاني بتعدي ب مركب ف النيل عشان تروحيها وهتلاقي نفسك وسط اجمل نباتات واندر اشجار وورود ف العالم غير الجو بتاعها وانتي ماشية فيها كمان ممكن تزوري السد العالي وخزان اسوان ورمز الصداقة ممكن بقي تروحي غرب سهيل دي قرية نوبية فيها احلي اكل وشوهات نوبية بقي ورسم حنة وجمال البيوت النوبية ..متخافيش مصر امان جدا وانا واخواتي البنات دايما بنخرج وبنستمتع فيها وزيها زي اي بلد متتاخريش بالليل عشان تعرفي بس تستمتعي وتبقي براحتك والمواصلات تبقي متاحة واهلا بيكي مرة تانية ف بلدك التاني مصر هتنورينا والله

 

[أبوهريرة عباس]

.

 

[Maya Mansour]

متصدقيش احنابنسافرلوحدنا خالص وبعدين اناتحت أمرك ابعتيلي لماتيجي وهخرجك وادلعك انااختك هنا

 

[Amany Ibrahim]

روحي شرم هتعجبك اوي بلاش الاقصر و أسوان دلوقتي دي احسن واقت تروحيها في الشتا دلوقتي حر جدا هناك

 

[Eslam Bahnasy]

يا ديني علي كام التعليقات اللي بتقدم المساعده

 

[طاهرة عامر]

زوري الغردقة وحاولي تطلعي لجزيرة الجفتون وشرم الشيخ وعيون موسى ورأس سدر وسانت كاترين كلها مناطق خرافية ومرسى مطروح..القاهرة بقى فيها أماكن تراثية جميلة زي الحسين والأزهر وفي طبعا كم لا حصر له من المولات ممكن تزوريه ونتمنى ليكي أجازة سعيدة

 

[Mona Saad Elhawary]

ياهلا بالمغرب واهل والمغرب . ان شاء الله رحلة سعيده ومصر امان متقلقيش تيجى تنورى

 

[Heba Moez]

اوعى تخلي مصري يفسحك خدي مصرية انا اهو

 

[Salman Khaled]

انتي هتلاقي مصر كلها هتساعدك دلوقتي

 

[Mohamed Khattab]

ما تققلقيش من كلام البنات في مصر ان البلد مش امان. بنات مصر اساسا عشان هما مش حلوين فبيتلككوا.
انا مراتي مش مصريه و لا عربيه و كانت بتركب مترو و باص لوحدها عادي.

 

[Jihane Ezzhar El Idrissi]

بشحال قطعتي ؟؟؟؟

 

[Reham Gad]

اولا اهلا بيكي في بلدك وان شاء الله مش هتحسي بغربة ابدا
ثانيا لو احتجتي اي حاجة تواصلي معانا هنا في الجروب اثناء فترة تواجدك في مصر وهتشوفي اد ايه احنا جدعان اوي ;-)
ثالثا احنا في الصيف يعني برنامجك لازم يشمل مناطق ساحلية اهمهم شرم الشيخ والغردقة ودهب
رابعا مينفعش تيجي مصر ومتاكليش من اشهر الاكلات المصرية ودي سهل تعرفيهم من البحث عنهم وعن احلى المحلات اللي بتقدمها وخاصة في القاهرة واسكندرية

 

[Khalid Moheb Allam]

لو واجهتك اي مشكلة كلميني
الاقصر و اسوان روعة بس حر شديد بالصيف

 

[Reham Gad]

وبالنسبة لموضوع الامان للبنات ده متقلقيش خالص عندنا اجانب مدقدقين اوي وبيركبوا مترو واوتوببسات نقل عام
ولو حد كلمك بس على صوتك واكتر من حد هتلاقيه جنبك

 

[Mahmoud Eita]

من ناحيه الامان فمتقلقيش تخافي من الاستغلال متعرفيش حد كتير انك لوحدك

 

[Ahmed Ali]

حاولي بس تبعدي عن أي حد بيعرض خدماته هنا والدنيا هتبقى زي الفل معاكي

 

[Mohamed Khattab]

نيجي بقي المهم تسافري لوحدك و لا مع حد؟
مصر من الاماكن التاريخيه المهمه علي مستوي العالم فما ينفعش تروح الاماكن الاثريه من غير مرشد. ممكن تشوفي بنت مرشده لو بتتكلمي مصري كويس او انجليزي فممكن اي مرشده لكن لو تفضلي اللغه الفرنسيه شوفي مرشد تتحدث الفرنسيه.
الاماكن اللي ممكن تزورها في مصر.
اول يوم ممكن اهرامات سقاره و دهشور و متحف ميت رهينه. بليل شارع المعز و الحسين. ما تنسيش الكاميرا تبقي مشحونه علي طول.
تاني يوم قصر محمد علي الصغير في المنيل و تاخدي باص للتحرير و تروحي المتحف المصري ده لازم مرشد من غير مرشد مش هتفهمي حاجه. بعد كده تتمشي لبرج القاهره و تعدي علي الأوبرا المصريه و تتصوري علي كوبري قصر النيل من اقدم كباري مصر اتبني من اكتر من ٢٠٠ سنه. و ممكن تطولي في البرج و بليل تاخدي فلوكه في النيل. و تروحي تشوفي فندق ماريوت لأنه ده قصر اتبني في افتتاح قناه السويس و انتي في لوبي الفندق هتلاقي لوح و تماثيل كلها من اكتر من ٢٠٠ سنه بتوضح افتتاح قناه السويس.
تالت يوم تروحي قلعه صلاح الدين و مسجد محمد علي و بعد كده اطلعي علي مسجد السلطان حسن من اجمل مساجد مصر لأنه يعتبر مسجد و جامعه و جنبه علي طول مسجد الرفاعي و بعد كده ممكن اطلعي علي مسجد بن طولون. بليل ممكن تروحي زينب خاتون ساعات بيبقي فيه ناس تغني و تتعشي هناك و لو ليكي في الشيشه هناك حلوه.
رابع يوم تروحي مجمع الأديان و تزوري اول مسجد بني في إفريقيا مسجد عمرو بن العاص و تتمشي الكنيسه المتعلقه و حصن بابليون و في بعض كنائس هناك تانيه جميله و في معبد يهودي من الف سنه.
النصف التاني من اليوم ممكن تروحي الهرم الاكبر و ابو الهول ده بردو لازم مرشد يساعدك.
في الليل محطه قطر الجيزه و نكمل في الكومنت اللي بعده.