Y
Yasmine Ghorab
:: مسافر ::
بصى أولا بالنسبه لموضوع الأمان ماتثقيش فى أى حد بسهوله وماتمشيش فى شوارع ظلام أو مقطوعة بليل لوحدك والكلام دة طبعا عموما لأى بلد مش لمصر بس! غير كدة البلد أمان مافيهاش حاجة، هو ممكن الحاجة اللى تضايقك لو حصل معاكسات بس ماتسبيش حقك لو حد ضايقك لمى عليه الناس وأطلبيله الشرطة وأستخدمى فى تحركاتك كريم تاكسى أو أوبر.
ثانيا الأماكن اللى ممكن تزوريها كتير جدا ودة هيعتمد على أنتى قاعدة مدة قد ايه فى مصر؟ هقولك شوية أماكن من كل حتة ولو احتاجتى تسألى عن أى حاجة أبعتيلى أنا بشتغل فى السياحة ولو عايزة أى حاجة هساعدك.
القاهرة ممكن تزورى المتحف المصرى والأهرامات وبرج القاهرة ومصر القديمة (القلعة ومسجد السلطان حسن) والحسين (شارع المعز وخان الخليلى) والزمالك فيها أماكن حلوة للخروج بليل زى سيكويا مثلا فى شارع أبو الفدا ولو عايزة تشترى حاجات فيه مولات كتير أحدثهم مول مصر.
الإسكندرية هتبقى زحمة شوية عشان فى الصيف بس عموما ممكن تزورى فيها قصر المنتزة والقلعة ومكتبة الإسكندرية وفيه أماكن كتير برضة لو عايزة تقعدى فى مكان على البحر تشربى أو تأكلى حاجة زى كافية سوبريم فى كوبرى ستانلى أو لاتينو وأماكن تانية كتير جدا وفيه أتوبيس مفتوح حلو أوى بيلف الكورنيش كله ممكن تركبيه تتفرجى على البلد..
شرم الشيخ هتعجبك جدا لو لسه ماحجزتيش وحابة تقعدى فى وسط البلد أنصحك بخليج نعمة لو عايزة شاطئ صخرى عشان سنوركيلنج وكدة يبقى خليج القرش أو الهضبة (بلاش خليج نبق) لو عايزة أسماء فنادق معينة حلوة أبعتيلى برضة أرشحلك، بالنسبه للخروج هناك فيه كافية أسمه فرشة دة فى الهضبة حلو جدا لازم تروحيه وفيه سوهو سكوير وخليج نعمة طبعا والسوق القديم وهوليود والأكتفتيز طبعا الرحلة البحرية عشان الغطس وفيه برضة البراشوت وألعاب كتير تانية هتلاقيها هناك تختارى اللى تحبيه.
أما بالنسبه للأقصر وأسوان هو الجو حر دلوقتى بس عندنا أجانب بتروح هناك عادى ولو فكرتى تروحى أحجزى نايل كروز دى أحسن حاجة بتكون شاملة برنامج الزيارات ومرشد سياحى يعنى مش هتحتاجى هناك تفكرى ممكن تعملى ايه غير بس لو عايزة تطلعى باللون فى الأقصر وفى أسوان تزورى القرية النوبية اللى أسمها غرب سهيل.
وأى حاجة ماتعرفيهاش برضة أفتحى النت ودورى على أى مكان ييجى فى بالك هتلاقى دة بسهوله وأقرأى عن أى مكان قبل ما تروحيه من باب المعرفة عشان يبقى أسهلك.
يا رب أكون أفادتك ☺
ثانيا الأماكن اللى ممكن تزوريها كتير جدا ودة هيعتمد على أنتى قاعدة مدة قد ايه فى مصر؟ هقولك شوية أماكن من كل حتة ولو احتاجتى تسألى عن أى حاجة أبعتيلى أنا بشتغل فى السياحة ولو عايزة أى حاجة هساعدك.
القاهرة ممكن تزورى المتحف المصرى والأهرامات وبرج القاهرة ومصر القديمة (القلعة ومسجد السلطان حسن) والحسين (شارع المعز وخان الخليلى) والزمالك فيها أماكن حلوة للخروج بليل زى سيكويا مثلا فى شارع أبو الفدا ولو عايزة تشترى حاجات فيه مولات كتير أحدثهم مول مصر.
الإسكندرية هتبقى زحمة شوية عشان فى الصيف بس عموما ممكن تزورى فيها قصر المنتزة والقلعة ومكتبة الإسكندرية وفيه أماكن كتير برضة لو عايزة تقعدى فى مكان على البحر تشربى أو تأكلى حاجة زى كافية سوبريم فى كوبرى ستانلى أو لاتينو وأماكن تانية كتير جدا وفيه أتوبيس مفتوح حلو أوى بيلف الكورنيش كله ممكن تركبيه تتفرجى على البلد..
شرم الشيخ هتعجبك جدا لو لسه ماحجزتيش وحابة تقعدى فى وسط البلد أنصحك بخليج نعمة لو عايزة شاطئ صخرى عشان سنوركيلنج وكدة يبقى خليج القرش أو الهضبة (بلاش خليج نبق) لو عايزة أسماء فنادق معينة حلوة أبعتيلى برضة أرشحلك، بالنسبه للخروج هناك فيه كافية أسمه فرشة دة فى الهضبة حلو جدا لازم تروحيه وفيه سوهو سكوير وخليج نعمة طبعا والسوق القديم وهوليود والأكتفتيز طبعا الرحلة البحرية عشان الغطس وفيه برضة البراشوت وألعاب كتير تانية هتلاقيها هناك تختارى اللى تحبيه.
أما بالنسبه للأقصر وأسوان هو الجو حر دلوقتى بس عندنا أجانب بتروح هناك عادى ولو فكرتى تروحى أحجزى نايل كروز دى أحسن حاجة بتكون شاملة برنامج الزيارات ومرشد سياحى يعنى مش هتحتاجى هناك تفكرى ممكن تعملى ايه غير بس لو عايزة تطلعى باللون فى الأقصر وفى أسوان تزورى القرية النوبية اللى أسمها غرب سهيل.
وأى حاجة ماتعرفيهاش برضة أفتحى النت ودورى على أى مكان ييجى فى بالك هتلاقى دة بسهوله وأقرأى عن أى مكان قبل ما تروحيه من باب المعرفة عشان يبقى أسهلك.
يا رب أكون أفادتك ☺
D
Dalia Osama Saleh
:: مسافر ::
اهلا طبعا بيكي في مصر ومصر زاي اي بلد في الكيويس والوحش اهم حاجه احجزي في فندق كيويس بفضل 5 نجوم وطبعا الزيارات الاصدقاء قالوليك تروحي فين بس بلاش الأقصر واسوان في شهر 8 حر جداااأأ مش هتستحمليها وكمان مش هتتبسطي ولو احتجتي اي حاجة انا تحت امرك انا مرشدة سياحيه
A
Atef Ismail
:: مسافر ::
اسكندريه تزوري منتزه والمعموره ولو لكي في جو البحر والسباحة تنزلي بحر هناك. ولو عايزه تاكلين سمك تمام تروحي مطعم اسمه فيش ماركت في منطقه بحري بالضبط في قهوه فاروق وهناك فيو وخدمه ممتازه أو مطعم عبده فرج في راس التين مشاهير بجانب البحريه المصريه وممكن تزوري مكتبه الاسكندريه تحفه طبعا وتزوري قله قايتاباي للأسف اني مسافر بره كنت اشتغلت لك مرشد بس، عادي ممكن pm اي وقت انا اصلا من اسكندريه وكمان استعملي ابليكشن أوبر او. كريم. أرخص وانظف من التاكسي العادي ومكيف ومراقب وأمان جدا وعلى فكره اللي قالك مصر مش أمان يبقه غلطان بتعمد على فكره على الشخص والأماكن اللي بيروح ها ومتطلباته ذي اي بلد يعني في انتظار اي استفسار اي وقت
N
Noha Mahmoud
:: مسافر ::
متخافيش من موضوع الامان خليكى بطبيعتك بس خليكى حريصة فى التعاملات مع أى حد غريب و إن شاء الله هتنورى مصر و هتستمتعى بالرحلة مينفعش تيجى مصر و متزوريش الأماكن دى المتحف المصري في التحرير / الأهرامات / قلعة صلاح الدين / القرية الفرعونية / متحف الفن الإسلامى / متحف الخزف الاسلامى فى الزمالك / المتحف الزراعى / مجمع الأديان / حديقة الأسماك / برج القاهرة / Alazhar park / جزيرة المعادى / قصر عابدين / قصر محمد على / قصر البارون / قصر السكاكينى / الأزهر و الحسين و شارع المعز / خان الخليلى / وادى الريان و وادى الحيتان في الفيوم / دهب / شرم الشيخ / الغردقة / الجونة / أسوان