مع كامل الاحترام لجميع الاعضاء خليني احكي...

  • بادئ الموضوع بادئ الموضوع Saif A. Ahmed
  • تاريخ البدء تاريخ البدء
عرض العطلة
#21
انا بحسدك على دماغك الالماظات
انت ظلمك اللى شغلك الشغلانه دى
لا تفقه شئ عن خدمه العملاء ولا عن الماركتنج
دمتم فى مزبله الترافلر
 
#22
حبيب البي انت شكلك لسه صغير وشب جميل وجنتل .. اللي احنا بنتكلم فيه ده لمصلحتك .. وبكره هتكتسب خبرات كتير وتفهم احنا كنا بنقول ايه .. أتمنى أن تختار نموذج الموظف الجنتل وبلاش تختار نموذج الموظف العجلاتي .. مع الاعتذار للعجلاتي .
 
#23
اشتغلت ايجنت قبل كدا مع شركة سياحه واكتشفت انهم فعلا بيعملوا البحر طحينه
والجست يروح الفندق والرحلة يتصدم
رغم انها شركة مشهورة جدا وعليها ضغط كبير
 
#24
اسمحلي كل اللي حضرتك ذكرته في البوست للاسف مش في صالح الشركات السياحية بالعكس لان الطبيعي جدا ان اللي يشتغل في مجال السياحة يتحمل كل المواقف اللي حضرتك شايفها ضغط من العملاء بالعكس اصلا المفروض ان ده صميم شغله امال سياحة ايه وفي اختراع تاني خالص غايب عن ذهنك في حاجه اسمها ادارة المشكلات ايوه فعلا اسمها كده طريقة تعامل الموظف مع المشكلة هوه اللي ممكن ينهيها او يصعدها الاسلوب اللي للاسف بيتغير لان العميل بيحجز بسعر بسيط بالنسبه للسوق السياحي احب اقول لحضرتك الشركة السياحية مادام قدمت عروض باسعار معينه كفيله تماما تحترم العملاء بتوعها اي كان المبلغ المدفوع هوه انتوا بتتعاملوا مع الناس حسب بيدفعوا كام غريب جدا طيب مانتوا اللي بتعملوا العروض دي
 
#25
Saif A. Ahmed طيب اسمع مني الكلمتين دول زي اخوك الكبير :) بس مش كبير أوي يعني
انا في المجال ده من أكتر من 10 سنين و مر عليا كل أصناف البشر و الحمد لله الريفيو بتاعي و اسمي معروف عند اغلب الناس مع العلم أني مش شركة سياحه لكن عارف ايه اللي بيميز منظم الرحلات الناجح عن أي حد ( المصداقية و الأمانه و الخبرة فقط ) بكل ما تحويه من معنى
لو من البدايه فيه مصداقيه مع العميل في كل حاجه عمر ما العميل حيرجع عليك بفيد باك وحش لأنك كنت واضح من البدايه في كل حرف معاه
لو فيه أمانه في المعاملات الماليه يعني يكون عارف بالظبط رحلته شامله ايه و مش شامله ايه مش حيرجع يقولك أصل انا كنت فاكر ان دي عليكم مثلا , مع العلم لو تم الاتفاق مع العميل على سعر و تم دفعه أي زيادات ماليه لأي سبب في العالم تحصل هيا مسؤوليه الشركه 100% ( طالما اديته سعر و وقت للدفع و تم الدفع في الوقت ده , هو مش ملزم لو البنزين زاد أو الفندق زود سعره مش مشكلته دي مشكلة الشركه هيا تروح تحلها )
أخر و أهم حاجه الخبره : يعني لازم مليون في الميه قبل ما ترشح للعميل أي مكان لازم تكون عارفه و حافظه كويس جدا و ( و عارف فيه كاتيل في الغرفه و لا لأ :D و عارف كمان فيه شطافة و لا لأ ) دي مسؤوليه الشركه و الايجنت الشاطر هو اللي يكون عارف المكان كويس جدا قبل ما يحجز فيه و يكون مستعد لأي سؤال من اي حد و ده اللي بيميز الايجنت الشاطر من اللي واخد الموضوع سبوبة و خلاص
اتمنى ان الكلام ده يفيدك ان شاء الله لأن المجال ده مش سهل مع العلم أن العميل بردو دائما على حق بس بنسبة 99% :D
 
عرض العطلة
#27
الصراحه اسءله عجيبه وغريبه ومتزعلش نفسك اساسا ٨٠ في الميه من الشعب للاسف مش مثقف اصلا اتعامل معاهم علي الاساس ده هترتاح عامل كل واحد علي اد عقله لحد ما يجي يوم ان شاء الله ويبقي شعب مصر متحضرين ومثقفين
 
#29
انا حرة عايزة كاتل و لا لا و شزلونج علي البحر و لا لا هو انت لو دخلت كافيه قلت عايز كابتشينو الويتر هيقلك لا في شاي اشربه بلاش هيافة انت هتزلنا بملاليم هتقله عندك حق !! علي فكرة التليفونات الكتير و الضغط بتيجي من المعاملة الكويسة للعميل انا اتعاملت مع شركة واحدة و من ساعتها برشحها لكل الناس استحمالك لهيافة العميل من وجهة نظرك هي شغلك اساسا
 
#30
انا نزلت في فندق في دبي في العيد حجزت و حسيت و فهمت الفرق بين تعامل شركات السياحة المصرية و بين السياحة بره مصر
رغم ان الاوتيل كان اكتر من نص ستافه مصريين و عرب لكن بصراحة انا مشفتش معاملة كده في حياتي في اي فندق ٥ نجوم في مصر
شكوى صاحب البوست نموذج بصراحة لأداء شركات السياحة المتدني في مصر
السؤال اللي سيادتك مستغربه قوي و مستنكره سؤال مهم جدا و حيوي لاي اسرة فيها طفل او اكتر بيتحضرلهم رضعات و لازم ميه مغليه تكون موجودة في الاوضة طول الليل و لو مفيش يبقى لازم اجيب معايا
و بتستغربوا ازاي الناس بتهرب منكم و بتروح لبوكينج و باقي المواقع تحجز منها و تزبط رحلاتها بعيد عن عدم احترافيتكم
على جانب آخر لازم برضو نعترف ان الضغوط المادية بسبب انهيار السياحة انخفاض قيمة الجنيه اللي أدى لانهيار القدرة الشرائية للمواطن المصري مهما كان مستواه و ده بيعمل ضغوط على اي عملية خدمية
و بعيدا عن عدم احترافية صاحب البوست اللي مش فاهم ولا مدرك لابجديات السياحة الاسرية لازم نفهم ان الشركات بتحاول تضغط التكلفة بكل السبل الممكنة عشان تقدم باكيدجات سعرها في متناول الاسر اللي بقى دخلها ملاليم في خلال الكام سنة اللي فاتوا
يعني شخص مرتبه كام الف مثلا في شركة سياحة عنده تارجت مبيعات لازم يحققه عشان يبقى وجوده مجدي للشركة نفسها يا اما يمشوه وخلاص و ده بيؤدي الى ان الخدمة و البال الطويل مع العميل و قضاء وقت طويل معاه يشرحله و يعرض عليه و يفرجه صور اصبح ترف العميل نفسه ميقدرش يتحمل تكلفته
في مشكلة حقيقية في اي نشاط تجاري او صناعي او خدمي في مصر و هو ان القدرة الشرائية منهارة جدا جدا و الناس مش فاهمة كده
اللي بيشتغل صح و بيخدم العميل صح و بيجيبله اوتوبيس صح ولا حتى بعمله قرص فلافل صح او سيخ كفته صح بيبقى سعره خرافي و حيفلس و يقفل
للاسف دي الحقيقة
 
عرض العطلة
#31
السائح المصري معندوش ثقافة السفر، انتوا عليكوا دور (شركات السياحة) لازم يكون في حد يعلّم الناس ديه، الناس ديه في منهم كتير ماشفش بحر اصلا ولا عنده ثقافة البوفيه والبيسين وكل الكلام ده، عشان كده بنشوف بلاوي والأوتيلات بتشتكي مر الشكوى، لازم لازم تثقيف وتعليم وارشاد من شركات السياحة قبل الرحلة
 
#33
طيب تسمحولي ارد عليكم في كذا كومنت ويارب يارب الناس تفهم اني مبختلفش معاهم بالعكس والله انا مبسوط من المناقشه حتي لو فيها حده شويه وهنزل كذا كومنت فيهم ردي ع كل الناس
 
#34
يا ريت الناس اللي بتشتم المصريين عيب بجد في باريس في شحاتين و باعة جائلين و الناس بتزق بعض في المترو و في المانيا كمان بلاش تعميم يعني و لما ان شاء الله نتغني كلنا و التسعين مليون يبقو معاهم فلوس هيبقو يتثقفو و يبقو مؤدبين كأن هما جهلة و اللي بيطلعو معاهم رحلات خريجي اكسفورد
 
#35
انت بتتكلم علي احلام انها تتحقق. ان الزبون جاي او باعت ايميل هو عايز ايه اساسا.
في كل الدنيا الناس كلها بتبقي مدوره علي اللي عايزين يعملوه بالظبط و يسمع منك اي إضافات مش جايلك تعمله كل حاجه.
 
عرض العطلة
#36
ارجوك رجاء خاص وياريت كل الي شغالين في المجال ده يعمل كده لعل وعسي اكتب حتي ورقه بالسلوكيات العامه والاخلاق المتبعه وانها مفروض التعامل بيها داخل الاوتيل والبيسين ووالبوفيه مع شرح مفصل وغرامه علي كميات الاكل الرهيبه الي بتترمي كان في جمله حلوه جدا بس للاسف بالانجلش ومحدش فاهمها تقريبا ان كل ذي منتي عايز الاكل مش هيخلص ولو خلص هيجيبو تاني بس مترميش حاجه لو الاكل الي في طبقك انرمي هتدفع غرامه مقدرها كذا واي مبلغ من المال وفاكرهم انهم رايحين ينبسطو ذيهم ذي عيرهم بلاش المعاكسه واللالفاظ يخدو بالهم من الاداب العامه والذوق دول واجهه لبلدهم ووزع الورق عاليهم او قولهلهم شفوي
 
#37
بصوا يا جماعه انجازا للوقت هرد في نقاط مختصره ...
١- واضح أن فيه ناس عندها عقده من شركات السياحه وواضح اني كلت الضرب كله لوحدي
٢- فعلا انا مقصدتش اي تقليل او اهانه لاي جيست مصري بالعكس خلافاتنا الدائمه مع الفندق عشان جزئيه تفضيل المصري ع الاجنبي
٣- هل حضراتكم جميعا حد جرب يكلم ريزرفيشن في فندق وقالهم أنه معاه جروب مصري .. مش عايز اقولكم اتقفل ف وشنا السكه كام مره ف تخيلوا لما نكلمهم نسال ع جزئيه زي الكاتيل .. والله لو علينا نسألهم عن كل نقطه
٤- انا البوست بتاعي الغرض منه اني اعرف كل الحقوق والواجبات لكل من العميل والشركه والفندق
٥- الغرض التاني من البوست اني اوضح أن فيه عملاء والله بيكلمونا هوا مش عارف هوا عايز ايه ؟ رشحلي فندق ولو رشحته ليه اقسم بالله لو راح لقي مثلا اي نقطه هيتلكك وييجي يعمل مشكله .. طيب لو مرشحناش ييجي يقولك انتو شركه مش كويسه
دا اول جزء هرد بيه
 
#38
هبدأ من حيث انتهيت انت
اولا المصري بيدفع ضعف اللي بيدفعه شحاتين العالم الأجانب اللي عايشين علي فلوس الاعانات وييجوا يتفسحوا فيها في بلدنا واللي انت بتحترمهم اكتر من المصريين لمجرد إحساسك انك بتتعامل مع حد بيتكلم لغة تانيه.
ثانيا انا كسائح من حقي اخد خدماتي كامله من اول باص محترم ميعطلش لانه متعملوش صيانه قبل ما يتحرك ولا أوضة في فندق ألاقي الشاي والقهوة فيها مش موجودين او حاطين شاور جل علي انه شامبو .
زي ما احترمت السعر اللي انت طلبته يبقي لازم تحترم العميل وتقدمله خدمة في المقابل .
 
#39
تاني جزء يا جماعه
١- العميل دايما ع حق لكن هل دا معناه الاهانه والشتيمه لينا قدام الناس كلها رغم اننا والله ما قصرنا ف كلمه .. هوا اللي مش قادر يطلب من الفندق حاجه اساسا وبيحمل الشركه مسؤوليه حاجه هوا ممكن يطلبها من الفندق وينفذها ليه بكل بساطه
٢- الموضوع بسيط يا جماعه والله اننا عارفين ظروف البلد وعارفين الضغوط الاقتصادية بنقلل الاسعار وبنحرقها فعلا لكن والله فعلا الشخص بيشيل الشركه فوق طاقتها
٣- الباص مثلا ٢٠١٥ وعطل عشان حراره الجو هل دي حاجه مقصوده ؟ يشتمنا ع البيدج
٤- حاجه ظرفيه زي أن اسانسير الفندق عطل ايه علاقة الشركه ؟
٥- من غير ما تقولوا والله بنحاول قدر الامكان تكون الجوده اعلي بكتير من السعر
لكن هل دا معناه انك تدفع ١٠٠ ج عايز خدمه ب ١٠٠٠ ج ..
لا .. كل اللي بطلبه انك تحدد البادجت بتاعتك وتطلب الحاجه اللي تساويها ! مش معني انك تطلب حاجه ب ١٠٠٠ ج وانتا دافع ١٠٠ أن الشركه زباله !!! والله ما ليها علاقه !
اخر حاجه هقولها أن الناس بتشتكي من شركات السياحه جدا والفنادق لكن هل حد فكر يسمع عن كم المشاكل اللي الاشخاص بيعملوها .. ع الاقل عشان المصداقية لازم تسمع من الطرفين لكن احنا للاسف بنحب نسمع الحاجات السلبيه ودي طبيعه فينا لكن مش اي حد ييجي يشتم ف اي شركه معناه أنه صح ..
فهمتوا اللي قصدته
 
#40
كاهو المشكلة برضو يا Saif A. Ahmed في الانطباعات
شركات السياحة و الفنادق بتدي انطباع مبالغ فيه
مانت لما تقولي 5 نجوم فول بورد يبقى في حد ادنى من التوقعات
انا عارف و انت عارف ان الخدمة حتبقى سيئة بالاسعار دي بس في ناس تانية غلابة مش عارفة
 
عرض العطلة
عرض العطلة
عرض العطلة
أعلى أسفل
عودة
قائمة