انا هروح اسكندريه يوم من الصبح كده عايزه حد...

  • بادئ الموضوع بادئ الموضوع Asmaa Hussien
  • تاريخ البدء تاريخ البدء
A

Asmaa Hussien

:: مسافر ::
انا هروح اسكندريه يوم من الصبح كده عايزه حد يساعدني ف الحاجات ده
- عايزه اكل سي فود حلو جدا ف ياريت اسم محل واروحله ازاي او عنوانه
- اروح القلعه والمنتزه ازاي من محطة القطر
-في رحلات بحريه هناك يعني يخت او مركب او اي رحله بحريه ولو اه منين وايه تفاصيلها ؟؟
-عايزه اركب الاتوبيس ابو دورين ده ف ده اقدر اركبه منين وهيوديني لفين
-عايزه اقعد ف كافيه حلو اوي علي البحر او محل سي فود ع البحر بس يكون ع البحر علطول مفيش سور ازاز وكده يعني زي كافيهات اللي ف ممشي دهب كده
لو في اماكن تانيه حلوه في اسكندريه قولهالي بس ياريت بقي حد يقولي عشان اروح اماكن ده انزل محطة مصر ولا سيدي جابر ويرتبلي اقربهم من حيث المحطه يعني اروح كذا وبعدين كذا وهكذا وياريت اقتراحات لاماكن تانيه
 
سي فود يعني فرج
الشارع اللي بعد ملك المانجو من علي الكورنيش بعد المحكمة
مشهور جدااا
 
في مطعم جوا البحر جوا استانلي بس مش فاكره اسمه هو عباره عن ممشي كده في وسط البحر اللي راح قالوا حلو جدا
 
انزلي سيدي جابر وروحي اتغدي ف شبكة وسنارة ف ستاتلي ده ف ممشي جوا البحر اصلا تحفه وجمبه امتر من كافيه كلهم علي البحر علي طول
المنتزة بتركبي من علي البحر اي حاجه توديكي وجووا فيها مطعم حلو اسمه سبكترا اكله كويس
القلعه بتروحيها من علي البحر بردو خط البحر بينجز كل الاماكن
اليخت فيه رحلات بتطلع من بحري ايها مكان تجمع ومكان عوده
فيه ف جليم مراكب صغيرة بتتأجر
فيه شارع فؤاد كله مطاعم حلوة وده وسط البلد لانه قريب من محطة مصر
جرين بلازا محلات ومطاعم وسنيما وملاهي اطفال
 
بالترتيب
حضرتك تنزل محطه سيدي جابر تركب بحري تروح عند الشيخ وفيق تفطر ام علي او رز بلبن ترجع بضهرك حتلاقي مدخل القلعة أسأل اي حد واقف في الشارع قوله عايز اعمل رحله بحريه حتلاقي ناس بتدخلك منطقه عسكرية فيها يخوت اطلب انك تركب يخت لوحدك ميكنش معاك حد وده مش غالي حتقعد حوالي ساعة في الميه حتطلع تخش القلعة لف جو شويه بعد ما تخلص حتلاقي قدام القلعة عربيات بحصان خليه يوديك محطه الرمل لف هناك شوية وخلص واركب مشروع من علي البحر بيروح المنتزة انزل لف جوا لحد ما تخلص اطلع تاني اركب وانزل عند كوبري ستانلي فيه مطعم وكافيه اسمه شبكه وصنارة بس غالي شوية خش فيه واطلب انك تقعد جوا علي اللسان ال في وسط البحر مش في المطعم قاعدة حلوة جدااا ولو عندك لسه وقت في حاجات كتير تتعمل ولو احتجت اي حاجة انا اخوك وتحت امرك
 
اه وممكن من علي البحر تركب الأتوبيس ابو دورين ده يوديك المنتزة بدل المشروع وارجع بيه علي ستانلي برضو
 
انا عايشة ف اسكندرية ع الفاضي بقى
من امتى عندنا مطعم وممشى ف نص البحر
 
فيه مطعم سمك اكله حلو جنب القلعه اسم ابونورا وجنب الشيخ وفيق
 
أعلى