نقلا عن احد السياح الاجانب وزوجته.. سائح...

[Mohamed Al Oraby]

وزارة السياحة لا تقوم بمهامها لحمياة الصناعة ، وزارة السياحة تغط في نوم عميق مش كل حاجة بتتظبط و الناس بتقبض يبقي اشطة .

 

[Mak Medany]

على فكرة الكلام ده اكيد صح ومش من المرشد بس لا وتقريبا من معظم اللى شغالين فى المجال ده

 

[Mariam Ragab]

للأسف في بعض الناس بتقنع المرشد السياحي ان النجاح هو انك تستنزف السايح و تقلبه علي قد ما تقدر و مش مشكلة انه ميجيش مصر تاني او انه ينصح الاخرين انهم ميجوش مصر
لازم المرشد يبقى عارف ان قمة نجاحه ان السايح يجي مصر تاني او يبعت سياح غيره

 

[Ahmed Abdel Kader King]

اسم المرشد من فضلك واسم شركة السياحة ،
ممكن ؟

 

[Ahmed Abdel Kader King]

ولو ليه صوره ،ابعتهم علي الخاص

 

[Mohamed Sulaiman]

عندى سؤال بس بينام ازاى لما يصرف من حرام وياكل منه بيجيلو نوم ازاى

 

[Mohamed Sayed]

كلامي ممكن يزعل اللي شغالين في قطاع السياحة بس ده الطبيعي اللي بيحصل للسياح الغير طبيعي انه مايتسرقش في مصر للاسف مافيش قانون ولا نظام ولا اي بتنجان في السياحة في مصر ومشكلتنا الاكبر مش ان السياح مش بيجو دلوقتي السايح اللي جه مش بيجي تاني الا حالات نادرة جدا جدا يعني ... يعني انا روحت جزيرة بالي في اندونسيا ومستعد اروحها تاني وتالت ومتحمس ليها جدا لكن بصراحة مصر وزارة السياحة في اجازة هي وشرطة السياحة

 

[Mahmod Elagamy]

ربنا يكتر من الشباب اللى زيك اللى فاهم ابعاد المشكلة وعارف ان فيه مشكلة واسبابها ايه ...كده فيه امل ... انما الناس اللى بتقولك اكل عيش ..وخليهم يدفعوا... واحنا ارخص من حتت كتير..والنصب موجود فى كل حتة ... الناس دى بتضر مصر مش بتفيدها

 

[Mohamad Elkeshky]

المرشد السياحي من اكثر الاشخاص ثقافه في مصر وهوا مجبر انه يكون كده وهوا الافضل علي مستوي العالم ليس بشهاده مصر.انما ده اللاتحاد الدولي..
عايزين تعرفو قيمه المرشد المصري روحو اقراو TripAdvisor ..لكن دايما لكل قاعده شواذ
الواحد حزين لانه ممكن واحد يضيع مجهود ناس كتيير
دايما جمله the best tour guide I ever had اتكتبت لمعظم مرشدين مصر بكل لغات العالم
احنا اللي بنعالج اخطاء مصر لان احنا اللي في الواجه
يكفي ان في سنه ١٩٩٧
حادثه الاقصر ودبح اكتر من خمسن سائح المرحوم المرشد البطل مرضيش يسيب المجموعه في الاوتوبيس والارهابيين طلبو منه يسيب الاوتوبيس وقالهم هموت معاهم وقتلوه ..الله يرحم الاستاذ المرشد عادل حماد صعب تحصل في اي مكان بهذه التضحيه
في سنه ٢٠٠٦ انا كنت ببات في القصر العيني الفرنساوي ثلاثه ليالي رغم انه ممنوع لكن مسبتش السائح لوحده لما رجله كانت مكسوره ووديته المطار بعربيه اسعاف وده مش شغلي
دفعت لاحدي الساىئحات اقامتها في فندق ليلتين لانه حصل معاها مشكله مكانش فيه اي فلوس معاها وفيه زمايلي عملو افضل من كده بكتيير
دي دفاع عن مهنه بحبها جدا جدا

 

[Abdalrahman Harhash]

انا طلعت نفس الرحله بالظبط مع صديقه أجنبيه ، وكانوا متضايقين جدا مني عشان مش عارفين يضحكوا علينا ، وفي الحسين دفعت 250 جنيه للعشا شامله 3 رجاله كانوا بيعزفوا عود ويغنوا أغاني قديمه .