نقلا عن احد السياح الاجانب وزوجته.. سائح...

  • بادئ الموضوع بادئ الموضوع Esraa Muhamed
  • تاريخ البدء تاريخ البدء
عرض العطلة
#21
فهلوة او شطارة او نصب دي كلها مسميات لطيفة للسرقة اللي بيعملوها .. لا لا اسمها الحقيقي " سحت " و السحت يطلق على المال الحرام، وقد سمي بذلك لأنه يسحت الحسنات، أي يذهبها ويستأصلها، وعلى هذا فيكون الفرق بين السحت وبين الحلال والمتشابه هو نفس الفرق بين الحرام البين والحلال البين،
 
#23
وليه المرشد .. ف محطة القطر فى أسوان كنت بقطع تذكرة ليا القاهرة فقدامى فى الصف سائح تايلاندى وشكله يوحى انه مش غنبى اوفر يعنى .. المهم بيسأل بالانجلش انه عاوز تذكرة من اسوان للقاهرة .. التذكرة الراجل ال بيقطع التذاكر قطعها وقاله 450 جنيه بالانجلش فانا استغربت وببص ف التذكره ال اداها للراجل لقيته 250 جنيه روحت قايل بالانجلش ان فيه غلط مكتوب عالتذكره 250 فقط الراجل ال بيقطع اتلألاأ جامد وقال سورى وفعلا 250 ورجع ال 200 جنيه للراجل .. المفروض دا موظف حكومة يجماعة .. السائح فضل شوية يشكرنى بحرارة شوية وانا وقفت مزبهل من الرال
 
عرض العطلة
#27
حالة المرشد السياحي دي حاله فرديه واغلبية المرشدين السياحيين المصريين ممتازين من الناحيه العمليه والناحيه الاخلاقيه .. والمرشد يواجه في اخر 5 سنين مالا يتحمله بشر دون وجود اي راعي له سواء من الوزاره او الشركات ..الاولي ان احنا نتكلم في حقوق المرشدين السياحين اولي من ان ناخذ حاله فرديه ونعممها وبطبيعة الاحوال السيئه تعم.
 
#28
اما كنت شغال في تورليدر في السياحة كنت بشوف مواقف اوسخ من دى
منها السابلير يطلعك بيخت حرفيا حيغرق واما تكلمه او ترجع لشركتك اللى المفروض شركة سياحه كبيرة يقولك فيما معناه ( بالحب ) لان طبعا بتاع المشتريات والمدير متظبط بالسابلير ومكتب العمل متظبط من الشركة يعنى انت نفسك لو مت ملكش حقوق غير العمالة الاجنبية الغير مرخصة والمزبلات التانية
باختصار الفساد واصل للحلقوم في كل حاجه وهما عايزنها كده وكله مبسوط والمفروض نحط التراب تحت السجادةة
 
#29
يعني حضرتك اذا كنا احنا اهل بلدهم وبيضحكوا علينا ويستغلونا وخصوصا منطقة الحسين اللي كرهوني ف المنطقة دي فعلا بسبب الاستغلال والغصب عليك فمابالك بالسياح اللي من خارج بلدهم ...ربنا يرحمنا لان الظلم بقي مالي بلدنا بسبب الجشع ..
 
#30
القصة دى مش منطقيه تماما على فكرة لانه بمنتهى البساطة ممكن يشتكى لشركة السياحة و الفلوس ترجع و المرشد يتوقف غير ان المرشد فى الغالب شغله بيخلص من 5 إلى 7 مساء و عشاء ايه دا إللى فى الحسين مفيش غير مطعم واحد نجيب محفوظ بس هو إللى اجنبى ممكن يتعشى فيه و دا عمره ما هينصب طبعا . و بسيطة يشتكى لشركته بالميل الفلوس ترجع فورا
 
عرض العطلة
#31
ياسيدتي الفاضله هيا السياحه خربت من ايه منهذه الاشكال المحسوبه علي مهنة السياحه في كل قطاعات خدمة السائح نحن كدوله لسنا مهيئين لخدمة هذا القطاع ويجب ان لانتباكي عليمايحدث لانه كل واحد بيعمل حاجه سيئه عشان مش مهتم بما سيحدث من انعكاس سلبي بعد ذالك المهم عنده انه يطلع من السائح باي حاجه
 
#32
علشان بس منفضلشي ندور في نفس الدايره
سواء اعترفنا بالمساؤي دي او عملنا عميان البصر والبصيره وتغاضينا دي مش مشكلتنا احنا كشعب دي مشكله نظام فاااشل فشل في تامين اهل البلد والزوار وتطبيق القانون
في اي بلد في العالم في حاجه اسمها قانون ينظم العلاقات كلها يعني انت وجارك في قانون يحدد حق كل واحد فيكم وعقوبه اللي يخالفها
نفس الكلام في قانون بيحدد مسؤليه السرسجي المنتحل صفه مرشد ده ولو خالف هو وشركته هيتبهدلوا
فطالما مفيش قانون واحنا في شبهه دول يبقي كفايه كلام في البديهيات ارجوكم
 
#33
السياحه مش هتشتغل ولا في زبائن هتكون مبسوطه في مصر ليه
الموضوع وما فيه ان مفيش حد بيشتغل في مجاله في مصر ده او شي ثاني شي اذا غاب النظام والنظافه لا تسال عن شي ابدا
 
#34
البلد اللى مش عارفة تحمى سياحها من شوية متسولين وبلطجية بلد لاتستحق ان يزورها احد وانا متأكد ان الشرطة هناك متواطئة بشكل كامل مع البلطجية دول ... انتا عندك اثار مش محتاج تروج لها اصلا ثلث اثار العالم والعجيبة الباقية من عجائب الدنيا السبع وووووووو وفى الاخر السياحة 5 مليون وتايلاند محقق اضعاف اضعافك طب ازاى ؟!
 
عرض العطلة
#37
ليس دفاعا عن المرشد المذكور ولكن معلومه بسيطه ليكم للي ميعرفش عن شغل السياحه شئ
اولا القطاع ده بالنسبه للشركات خارج مصر وداخلها هوا بيزنس يعني مفيش رحمه يعني الشركه اللي بره مصر هي اللي بتقول بيعو اوبشن بسعر كذا .يعني مثلا ممكن رحله او عشاء يشتريه السائح بسعر مختلف تماما مع شركتين طبعا انتو هتقولو ده نصب اقلكم ممكن صحيح لكن دي اسعار الشركه هواللي بره واللي مش عاجبه يروح شركه تاني
طيب هل الكلام ده موجود بره موجود طبعا
معلومه تاني..اسعار الرحله لمصر ارخص من شراء حذاء في بعض الشركات انا اسف في اللفظ بس ده الواقع وده اللي مرخصنا للاسف ومخلي نوعيه مش كويسه في القطاع وحتي السائح نفسه مره تاني انا مش بدي تبرير
معلومه تالته ..دخول مزار سياحي واحد زي بترا في الاردن يساوي دخول ٦٠٪ من المزارات الرئسيه في مصر وطبعا مفيش مقارنه بين البترا والهرم مثلا مع احترامي للاردن واهلها وده لتوضيح انه كله فساد
..معلومه عن الارشاد في مصر ..فيه منظمه زي الاتحاد الدولي للمرشدين السياحين وكان معظم الوقت المرشد المصري رقم واحد علي مستوع العالم مش تباهي بس ده اللي حصل ربما البرازيل ودول تاني سيطرو شويه لكن المرشد المصري مازال في المقدمه فيه زمايلنا كسبوا المركز ده لسنه اللي قبل اللي فاتت يكفي شرح الاقصر
لو كل مرشد طلعلكو الاميلات اللي مبعوته له من بره هتتخيلو انه اعظم مرشد في العالم وخاصه في مصر..برضه مش تبرير
الماجأه بقه ان ارخص سعر اجر في العالم هو اجر المرشد المصري اللي هوا ربما ٤دولار او اقل في اليوم لمده احيانا ١٢ ساعه عمل او اكتر في حين ان في اليونان حوالي ١٥٠ يورو في ٤ ساعات وفي الاردن ١٠٠ دينار وفي المانيا وفرنسا اسعار مهوله
واحد يقولي عشان الدخل هناك اقوله مش صحيح لاسباب كتيير..مش وقتها
خلاصه الكلام ربما المرشد غلطان وربما السائح يعلم ان دي اسعار شركته بره وشايف انه المرشد هوا بيمثلهم
بس اللي عاوز اقوله انه لو فيه نصب بسهوله جدا جدا السائح ياخد فلوسه من الشركه بره انا بتكلم فيما يتعلق بالمرشد وواضح انه كان واثق في نفسه لما الاستاذه كلمته فربما يكون الشركه هي اللي قالتله الاسعار دي واعتقد بنسبه كبيره ده كداسعار الشركه...
بالنسبه لل ٢٠٠ دولار اللي سائح قالهم فانا ماذلت مش مستوعبهم في الحسين اعلي مطعم هوا نجيب محفوظ مش هيزيد الفرد فيه عن ٤٠٠ جنيه وفيه منيو والمشروبات في اي كافيه في الحسين اعلي حاجه ٥٠ جنيه للمشروب وفيه منيو ..مش قادر اتخيل ومش عاوز اظلم حد..انا بقول كده لاني ربما عارف انه السائح صعب يوافق علي كده وهما عارفين انهم بسهوله يشتكو المرشد او الشركه او المطعم
ومحدش يزعل برضه لو قلنا ساعات فيه سياح حراميه...من شهرين سائح روسي سرق كاميرا واحده صينيه في مدخل الهرم..فيه سياح بيتخانقو مع بعض وفيه سياح بيقولو احنا دفعنا للشركه اللي بره ويطلع نصابين.حصلت معاي شخصيا والشركه اللي بره قالتلي لازم تدفعوهم..فيه سائح ضرب واحده في مجموعتي بقزازه فتح دماغها وفيه مصايب كتييره قوي بتحصل مكسوف اكتبها والله من سياح يعني همه مش انبياء بس ده ميديش مبرر للسرقه او او الاسعار المبالغ فيها من قبل محدش يزعل من كلامي بس والله انا كتبت الموضوع بحياديه والنسبه الوحشه من السياح مش كتيره لكن موجوده لكن لابد ان يكون التعامل مع السائح انه زائر وليس بقره حلوب وانه هيكتب عن مصر وانه ضيف ولازم الابتسامه حته لو هوا مش كويس ده فن التعامل ..عندنا مشاكل في كل القطاع
ليس تبرير ولكن توضيح لما للمرشدين وما عليهم
 
#38
OybRz9ZZmwvqj7c4wRtDu1t5kwlg1rP_.png
 
عرض العطلة
عرض العطلة
عرض العطلة
أعلى أسفل
عودة
قائمة