M
Mai Mohamed
:: مسافر ::
انا سفرت قطتي مرة من مصر لسعودية اهم حاجة انك لما تطلعي الشهادة البيطرية بتعتها من الوحدة البيطرية او اي عيادة معروفة هيخلصوهالك بفلوس تتختم من وزارة الخارجيةويكون معاكي بردة دفتر تطعيمات بس لازم الختم بتاع وزارة الخارجية تمام وختمتها بردة من القنصلية السعودية معرفش في حالتك دي بتختميها من سفارة تركية ولالا اسالي الخطوط اللي طالعة عليهاا هما هيفدوكي بانها تتختم من سفارة تركيا بردة ولالا يوم سفرك حاولي تيجي بدري شوية عشان هيودوكي مكان يكشفو ع القطة ويشوفو ورقهاا تجنباا لعدم التاخير مش اكتر
انا طلعت ع الخطوط السعودية هما قالولي اعمل اية موضوغ مخدتش مني غير 3 ايام بظبط
انا طلعت ع الخطوط السعودية هما قالولي اعمل اية موضوغ مخدتش مني غير 3 ايام بظبط
H
Hossam Masoud
:: مسافر ::
انا مرة سافرت بالكلب .. بيكون مطعم في مصر وتطعيماته متسجلة في الشهادة الصحية بتاعته وبيكون متركب له شريحة ميكروشيب .. وبجيب خطاب من مديرية الطب البيطري اني عايز اسفر الكلب البلد كذا .. وبيعملوا حجر صحي .. وبعدين بروح بالخطاب حجر صحي تاني في الدقي .. بعدين بيختموا الخطاب .. واروح بالخطاب لمكتب توثيق الخارجية .. وبعدين السفارة يختم الخطاب .. لازم بجيب تصريح من الدولة اللي انا مسافر فيها باستيراد الكلب .. بالنسبة للطيران بيكون في بوكس له مقاسات معينة شركة الطيران بتقول عليها .. وبحجز له معايا عادي .. هو بيتحسب وزن زي الشنط على الكاونتر .. وبسلم كل الورق اللي معايا .. الشهادة الصحية وخطاب السفر وتصريح الاستيراد .. وبس وبيركب الطيارة في مكان معين .. ولما بتوصل البلد بتستلمه عند مكان الشنط .. في حالتك انها قطة يعني حجمها صغير ممكن تركب معاكي على الطيارة نفسها ..
H
Hossam Masoud
:: مسافر ::
معلش الناس مش فاهمة ان الحيوان زي الصاحب بالظبط .. خصوصا لو انت مقيم في بلد تانية بيبقى صعب انك تسيبه فبضطر تعمل الاجراءات دي وتصرف كل الفلوس دي علشان تاخده معاك .. الموضوع مش غريب وعادي انا سفرت بالكلب مرتين على الطيارة مع مصر للطيران واكيد في ناس كتير سافرت بكلب او قطة والموضوع مفيش اي حاجة ..