السلام عليكم ناس كتير في الجروب اتكلمت عن...

[Mony Chebbi Andolsi]

السلام عليكم
ناس كتير في الجروب اتكلمت عن النصب الي بيحصل في الاهرامات واكيد كتير من المصريين هيفتكروا انه النصب فمصر بس وانه لو حتى موجود فمكان تاني مش زي مصر عايزة اقلكم اطمنوا النصب ده فكل حتة ...
احكيلكم مثلا عن تجربتين واحدة فروما والتانية فبلدي تونس ...
لما رحت روما كنت محتاجة باور بنك وكنت ساعتها جنب الكوليسي في باكستانيين بيبيعوه ( الموبايل فاصل شحن ولازم اشتري ) المهم سألت واحد عن السعر قلي 50 يورو قلتله ازاي مش فاهمه 50 قلتله انا غلبانة ممعيش المبلغ ده ولوحدي في البلد المهم عملتله فيلم من الاخر قلي عندك كام قلتله قلي انت كام قلي 25 سالته طب انت مسلم قلي اه قلتله انا اختك في الله بقى لازم ترخصلي المهم في الاخر قلي 10 يورو وقلتله ممكن اجربه لقيته مبيشتغلش جربت التاني اشتغل قلتله بص هديلك 5 يورو عشان يمكن مبيشتغلش فأي لحظة
في تونس بقى كنت فرحلة عجبني لبس راجل كبير في السن كان لابس لباس تقليدي قلتله ممكن اصورك قلي طبعا صورته قلي هاتي 20 د قلتله انا تونسية على فكرة ومش هديلك ولا دينار للأسف مش عاملة حسابي
اظن كده اديتكم فكرة صغيرة عن فنون المفاصلة في الاسعار

 

[Mhmd Abokrm]

ههههه تقريبا كده انتي اللي نصبتي عليهم

 

[Ahmed Nabil]

كدا حضرتك الي بتنصبي علي الناس مش هما الي بينصبوا عليكي

 

[Shoping Sarita]

قلك هات 20 دينار اكيد بيهزر معاك
ومع هيك جاتك خفيفة
أتمنى انك استمتعي بتونس

 

[Ladhari Islem]

ههههههه عادي
بشوف كل يوم ازاي بينصبو على السياح في تونس و اما روحت مصر كان معايا اجانب فبيبيعولي انا بسعر و هما بسعر عشان بفاصلهم و اكلمهم مصري فمبيغلبونيش و اخدت كذا حاجة هديه كمان

 

[محمد محمود فهمي أمين]

يا لهوي تونسية وبتفاصل زيينا ف مصر .. دا واضح ان الموضوع منتشر في العالم العربي كله دنتي دقرومة بقي *طبعا مش هتفهمي الكلمة بس هيا حاجة حلوه متقلقيش

 

[Mohamed Ghareb]

انا عجبتنى اوى عملتيله فيلم وقلتيله انتى غلبانه عليا النعمه انا اللى غلبان

 

[Mody Gamal]

بتقولك عملت له فيلم إنت من روض الفرج من تونس العاصمه

 

[Youssef Youssef]

انتي اللي ضحكتي عليهم مش هما

 

[Nancy Magdy]

كنت في كوريا وكنت محتاجة أشتري جزمة ضروري.. والبنات اللي اتعرفت عليهم هناك قالولي ان الجزم بتبدأ من 15 الف وون لحد 35 الف في المكان ده (ال1000 وون كانوا تقريبا ب دولار) المهم دخلت أول محل وشوفت جزمة.. بس بصيت ومشيت كعادة أي بنت مصرية أصيلة لازم تفضل تلف وتلف لحد ما تستقر.. بس البياع لقطتني.. ف سألته بكام؟؟ طبعا بلغة الاشارة وبجوجل ترانسليت
قاللي 45.. قولتله اوك هلف واجيلك (أنا اصلا مبعرفش أفاصل).. لقيته بيقولي 35.. وأنا برضه بقوله اني عاوزة اتفرج على موديلات تانية.. وهو مصر.. 25.. قلت مبدهاش بقى رحت قايلاله 10 قام موافق.. بس فضل يبرطم بالكوري ف غالبا كان بيشتمني

 

[محمد محمود فهمي أمين]

معرفش ليه شوفت في الخلفية وانا بقرأ البوست صورة محمد هنيدي في الفيلم وهوه بيقول لصاحبه تاخد الساعة بس شاطرة الراجل الباكستاني كان فاضله تكه ويديلك الباور بانك ببلاش هدية وتاخدي الجاكت كمان بتاعه .. ده الأم المصرية الأصيلة ملكة الفصال عند قدماء المصريين متعرفش تعمل كده

 

[Maged Yousry]

والله احنا في سياح كتير بيجوا ينصبوا علينا في مصر وخصوصا الروسيين…

 

[Hessin Abou Ghaly]

انتي دمك خفيف جدا جدا ...و انتي بكلامك ده ..تسلكي في اي بلد

 

[Mohamed Khairat]

انا غلبانه واختك فى الله عااااش

 

[Mohamed El Saeed]

اقطع دراعي لو ماكانش البنت دي ليها اصول من المنوفية

 

[Nemo Mohamed]

هههههههه انتي موتيني ضحك

 

[Mohamed Fathey]

صاحب الصوره ملهوش علاقه ب النصب

 

[Ramy Port Said]

يادى النيلة و انا اللى كنت فاكر نسوانا بس اللى بتفاصل

 

[Mustafa Mahmoud Gabr]

دمك زي العسل و بتشغلي دماغك كويس :-D

 

[Tae Gong Shil]

ههههههه اهو دا الشغل و لا بلاش