T
Tamer Medhat
:: مسافر ::
ههههههههههههههههه انا مقيم في الامارات
وعلمت كل اصحابي الاجانب العادة دي
انك متدخلش تشتري من اول محل مباشرة .. لا خد جوله واعرف الاسعار وبعدين العب علي النقطه دي
هيقولك 80 قوله المحل اللي في اول الشارع ب 60 .. هيقولك اوكي 60
طب وانا استفادت ايه ما كنت اشتريت من هناك وخلاص .. لا انا هاخده ب 45 بقي
وهكذا
وعلمت كل اصحابي الاجانب العادة دي
انك متدخلش تشتري من اول محل مباشرة .. لا خد جوله واعرف الاسعار وبعدين العب علي النقطه دي
هيقولك 80 قوله المحل اللي في اول الشارع ب 60 .. هيقولك اوكي 60
طب وانا استفادت ايه ما كنت اشتريت من هناك وخلاص .. لا انا هاخده ب 45 بقي
وهكذا
M
Mustafa Yousef
:: مسافر ::
الاولانية مش نصب لأنك تفاوضتي في السعر ونجحتي لكن الثانية نصب إنما شغل الهرم ده معدي مرحلة النصب لما زبون يسأل بكام الجمل يقوله ب 100 ج فالزبون يركب عادي و فرحان و مزأطط و تيجي بقى النهاية الراجل عاوز ينزل البرنس يرد عليه يقوله هات 100ج يقوله ما انا دفعت أنت نسيت يقوله لا لا لا اللي 100 ج الاولانية للركوب و 100 ج الثانية للنزول!!! دي قصة اما الثانية لما زبون ياخد تاكسي من المطار ويسأل السواق كام يقوله 200 ج ولما يوصل يقوله الإجمالي 400 ج ليه يا عم يقوله اه 200 ج للفرد الواحد!!! وغيره و غيره و أمثلة و مواقف لا حصر لها بعد 7 سنين شغل في operation في شركة انجليزية مسئول عن شرم وجنوب سيناء ورحلات القاهرة اليوم الواحد والاوفر نايت عاوز اقولكم ان الزبون اللي بيرجع مصر مرة تانية بيبقى راجع عشان ينتقم من الفشخة الاولانية وما بيخرجش من الفندق تماما !!! وده طبعا قبل 2014 مش دلوقتي ✌
A
Ahmed M Omar
:: مسافر ::
والله انا شخصيا كان ليا تجربة غير كدة خالص في الاهرامات. احنا اسرة ٤ افراد. حاملين الجنسية الامريكية دخلنا الاهرامات بتذاكر دخول اجانب. الجو كان حر و طلبنا اننا ندخل بالعربية ووافقوا بعد التفتيش و طلع معانا مندوب من شرطة السياحة و ده اجراء متبع مع الاجانب. و محدش لا غلس علينا خالص و لا اتلموا علينا و لا كان فيه اي مضايقات و لما حبينا نركب خيل و جمال كانت الاسعار عادية و الكلمة العادية وقتها كانت اللي انت عاوز تدفعه و بصراحة امين الشرطة كان هو اللي بيفاصل معاهم و لو قالوا ٥٠ بيقولهم هي ١٠ دولار مافيش غيرها و فعلا كان كلامه هو اللي بيمشي. و بصراحة الاولاد اتبسطوا جدا في الهرم بالاخص لما طلبنا مرشد يشرحلهم بالانجليزي و كمان المرشد كان رافض ياخد فلوس و انا اللي ضغطت عليه لان ده شغله. بصراحة انا كنت فخور بالمعاملة اللي اتقدمت لنا. الكلام ده كان في يوليو ٢٠١٦