انا جايلى سفريه الصين....انا مش عارف...

  • بادئ الموضوع بادئ الموضوع احمد عبد الله
  • تاريخ البدء تاريخ البدء
انا روحت الصين ٤ مرات ،،، لو مش نازل فندق انترناشونال خد معاك اكل ،، جبنة ،،،تونة ،،، شيكولاتات ،، بسكويت ،، عشان فعلا الاكل صعب ،، وانسى خالص فول الصين العظيم بس الفاكهه هناك حلوة
 
فى برنامج مهم برضه
اسمه Waygo
بيقرا الرموز الصينيه ويترجمها
ممكن تحتاجه

بالاضافه الى برنامج بينزل على الموبيل برضه اسمه
HelloChinese
تعليم صينى
ازاى تطلب اكل او تتعامل
ممكن تبدا بيه لحد ما تسافر
 
الصين قعدت فيها 20 يوم ف اربع مدن اهمها بيكين و شنغهاي... اهم حاجات اقولهالك من تجربه عمري.. هناك الفصال فاحش يعني تدي عشر السعر اللي قالولك عليه و متتكسفش دا العادي... مفيش هناك شطاف ف اي حته تمشي بفريش باز.... الناس حلوين اوي و بيحبو المصريين قوي كانو بيقولو علينا حلوين .. الشوارع مبهجه و نضيفه و فاضيه و المرور ممتاز لازم تحترمه و تعدي من انفاق او عبور المشاه... محدش هناك بيتكلم لغه غير الصيني الا الصغيرين ف المدرسه... الحاجات مش رخيصه بس بالنسبه لو هتجبها بالجوده دي من هنا فا هي سعرها ممتاز.... الوزن الزايد و انت راجع مصيبه بتتحاسب الشنطه ب 90 دولار ... المترو هو الحل لو توهت ف اي مكان ... 13 خط ف بيكين و اكتر من 120 محطه من اي حته تقدر توصل اقرب محطه لبيتك ... الجو بيبقي سقعه جدا بالسالب بس جوه الفندق كله مكيف... اخرج بكمامه و جلافز... زور صور الصين و الفوربدن سيتي و البيرد نيست .. و شنغهاي وهم بالذات عند مبني الاذاعه و ناطحات السحاب جنبه.... متشتريش حاجه رخيصه اوي بذياده هتبقي مضروبه... ف بكين مول تيان اي ارخص مكان اشتريت منه... متروحش شيدن برندات غاليه اوفر... همممم شانسين كانتري البحيره رائعه و الفنادق عليها.... المطر شغال 24 ساعه... بجد بجد هتتبسط... انا اتوهمت ان دي الصين اللي بنتريق عليها.. بالنسبه للاكل احنا كنا ف منحه شامله بس في اكل معروف في بطاطس صوابع و سمك و رز بالبيض حاجات مفهاش شك يعني عموما كل اكلهم بالبيض و هما شعب لذيذ ربنا يهديهم للاسلام بجد خساره يخشو النار... الشوارع تهبل من السعاده بيلعبو ف الحدائق عائلات بيجرو يوميا ساعه حتي العواجيز.. بيغنو و يرقصو و يعلمو الرقص لاي حد و ف ال تيمبل اوف هيفن كانو بيلعبو كوتشينه و اتصورو معانا كل الناس و حبونا.... بجد ياريتني فضلت هناك.... <3
 
طيب
لو مسافر فى الشتاء ...لازم لازم لازم تشترى حاجات ثقيلة جداً من الأنواع الحرارية
بلاش جواكت جلد مش بتدفى
البوت او الجزمة مبطنين من جوه
اول ما تروح تشترى شمسية وجوانتى دول زى الهوا والمياه هناك
بالنسبة للأكل ..خدمعلبات ..جبن ..شاى ... على اد ما تقدر
الدوا ..اعمل حسابك فيه لأنه غالى نسبياً ده غير انه المضاد الحيوى مش بيطلع فير بروشته هناك
خذ حاجات للبرد ومطهر معوى ومضاد حيوى ومسكنات
ال fresh buzz اللى هو الشطاف المتنقل ده لازم لازم مفيش الاختراع ده هناك
بالنسبة للموبايل نزل ال vpn عشان تعرف تستخدم Facebook & what's app ونزل ال tango بيستخدموه هناك وشغال كويس وطبعاً كل اهلك ينزلوه عشان تعرفوا تتواصلوا
البلد هناك بتصحى بدرى وبتنام بدرى جداًااااً
التنقلات ماتخافش منها خالص فى كل حتة وخاصة المترو هتلاقى خرايط واضحة وبالانجليش
اعمل كارت التنقلات بيبقى كارت شغال مترو واتوبيسات بتنزل اى محطة وتعمله سهل وبتشحنه بأى مبلغ وبيوفر كويس ولو انت راجع خلاص ولسه فيه فلوس بيدوهالك تانى عادى
بالنسبة للتسوق ...بيعرفوا اننا اجانب من شكلنا وبيستهبلوا جداً فااااااصل فاااااصل جامد وهات آخرهم جداً
الفسح ...لازم واساسى ال Great Wall ممتع جداً احساس الطلوع وأنك تشوف كتير من فوق
لو هتقدر تروح سوجو روح تحفة فنية بجد
شنغهاى حلوة برضه بس الرطوبة فيها عالية اوى خلى بالك
ربنا معاك وتتبسط
 
أعلى