R
ناس كتير سألتنى على رحلتى فى الصين (تحديدا كوانزو) فيلا بينا 
((التأشيرة))
باسبورك + صورتين + كشف حساب + خطاب Hr او سجل تجارى او شهاده قيد من الكلية
بتاخد من يومين ل اسبوع
مطارها اسمه (بايون) و المطار محترم جداا و فى مترو فى المطار تروح بيه اى حتة فى كوانزو
خلينا نتفق على شوية حاجات فى الاول :
(((أولا)))
الصينيين مبيتكلموش غير صينى نادرا تلافى حد بيتكلم انجليزى و اصلا لو صينى من كوانزو كلم صينى من شنجهاى ممكن ميفهموش بعض حرفيا
حلك هو Google translate حضرتك هتكتب بالانجليزى على و يترجم صينى و هو ياخد منك الموبايل قدامه حل من 2 يا هيكتب صينى بالكيبورد اللى فيه حروف انجليزى عادى يا اما هيتكلم فى الميكروفون و الtranslator و هيترجملك لانجليزى صح غالبا ^_^
((((ثانيا))))
الصين مافيهاش Facebook - instagram - twitter - Google
و ركزوا على ان مافيش Google دى لان دى اكبر مصيبه هتقابلكم فى حياتكوا هناك
يعنى لا Map ولا play store ولا Google translate حتى
عندكوا حل من 2 :
اما انك تبقى منزل برنامج VPN من مصر أو تروح زى الشاطر على حى العرب اسمه Xiaobei هتلاقوة فى line 5 للمترو ((اما اوصل للمواصلات هشرح المترو)) و هتلاقى المحلات بالعربى كاتبين انهم بينزلولك VPN بيبقى صالح لمده شهر ثمنه 30 يوان
((((ثالثا))))
الصين كلها بتتحرك بحاجتين ((Baidu)) و ((wechat))
ال Baidu ده جوجل بتاعهم بما يشمله من محرك بحث + maps + translate
و ده مشكلته انه كله بالصينى بس حاولوا تنزلوة هتحتاجوة فى ال maps على الاقل لو توهت اى حاجه و حد صينى حب يساعدك هيساعدك من خلاله
انا واحد نزلهولى فى الصين و اديته 5 يوان
الWechat ده بيعملوا بيه حاجتين :
شات عادى جداا ++ انهم بيدفعوا بيه فلوس ممكن فى سوير ماركت كبير او لتأجير العجل اللى فى الشارع او انك كافيه او مطعم يبقى عامل خصم و لازم تعمل سكان لل QR code من خلال ال Wechat
انا للاسف معرفتش موضوع ال Wechat ده غير و انا هناك فأنا اتعكيت كتير هناك فمش هقدر اديكوا تفاصيل كتير عنه بس ادينى بقول هتندموا لو رحتوا الصين من غيرة
((((رابعا))))
الصين عملتها اليوان و ده رمزة (¥) أو زى ما الصينيين بيقولوا ريميمبى أو ارمبى RMB و ده رمزة (元) كلهم نفس المسمى بس ارمبى ده اللى هتسمعوة دايما و الرمز الصينى هو اللى هتشوفوهم فى الصين دايما <<اليوان الصينى = 2.6 جنية>>
** متغيروش عمله كبيرة من المطار لان العموله عالية غير اقل حاجه علشان تعرف تركب المترو
** الصين مليانه فلوس مزورة زى الرز بس انا ولا مرة اتضحك عليا بس ليا صاحبى اخد فلوس مزورة -- علشان كده دايما بخلى معايا فكة كتير يوانات و 5 يوان و 10 يوان كتيرر بقا علشان اقلل فرصة انى اخد باقى من حد
** قدامكوا حل من 2 فى تغيير العملة :
البنوك و ده سعرهم اما كنت موجود الدولار = 6.8 ¥
اللى بيصرفوا من الشارع و دول كان سعرهم الدولار = 6.92 ¥
حاولوا متغيروش فلوس من البنوك انا غيرت مرتين من بنوك مرة قعدونى ساعه مع التيللر فى البنك و مليت بياناتى مريتن و بياخدوا تافصيل كتير اوووووى و ده كان Agriculture bank of china
والمرة التانية قعدونى ساعتين مع الموظف كنت بسيبة اطلع اشرب سيجارة من الزهق و الله و اتنرفزت عليهم المرة دى و ده كان Bank of china
طيب هتغيروا فلووس ازاى بما ان كله اسود فى اسود كده ؟؟
انا كنت بعمل حاجه من 2
الاولى : انى لو فى سوق و هشترى حاجات غالية زى سوق الالكترونيات مثلا فبشترى الى بشترية و اقولها هتحسبيلى الدولار على كام و انا عارف ان سعره فى السوق السودا وقتها كان 6.92¥ فاما بنوصل للسعر النهائى ((و خلو بالكوا انهم ممكن يقولوك سعر صرف قليل بس انتا خليك عارف السعر اللى فى السوق و هما هيقبلوا بيه فى الاخر)) بس فلو حسابى 400 يوان مثلا بديهم 100$ و تدينى الباقى 292 يوان و هكذاا
الثانى : فى حى العرب فى مطعم ((حضرموت)) فى المدخل بتاع المطعم فى كشك فى الشارع ده بيغير عمله انا غيرت منه مرة و كان تمام الفلوس مش مزوره و بيختم على الفلوس علشان ميجيش حد يغير منه و يرجع يقوله فلوسك مزورة فهو بيبقى معلم فلوسه بالختم بتاعه فده يعتبر مكان امان بردو
.
.
.
.
.
نبدأ رحلة الصين
بالنسبة للمواصلات :
--------------------
1 - المترو : زى ما قلت فى مترو مغطى كوانزو كلها ... كوانزو فيها 9 خطوط مترو بتغطيها .. 8 خطوط عادية + خط ال APM و ده خط سياحى بيبقى فوق الارض و 2/3 منة زجاج علشان تقدر تستمع بالمعالم السياحية و نهر اللؤلوء ((هشرحهم بعيدن))
سعر تذكرة المترو بتختلفى على حسب انتا هتركب كام محطه و بيبدأ من 2 يوان
و فى كروت بتشتريها من موظف خدمه العملاء فى محطه المترو (بيتكلموا انجليزى) بتبقى يا اما اليوم ب 20 يوان تركب براحتك لمده 24 ساعة
أو ال 3 ايام ب 50 يوان
تحديث >>> بما انى نسيت اكمل باقى المواصلات فهكملها فى بوست بكرة علشان الكل يستفاد
بالنسسبة للأكل :
----------------
الصينيين مش بيقولوا لحاجه لأ
بقر و جاموس تلاقى خنازير تلاقى كلاب ميضرش حمير بيحبوة
صراصير بقا و اللذى منه ده بالنسبالهم appetizer
و رجلين الفراخ بالنسبالهم desserts و مش بهزر هتلاقوها بتتباع فى الماركت عادى مع الحاجات الحلوة
الاكل الصينى فيه ريحه بهارات تخليك تجيب اللى فى بطنك :/
طبعا بعد الكلام ده كله انا كان كل همى انى اكل حيوان انا عارفة و متعود عليه لا فرق معايا حلال ولا مش حلال الشهاده و بضرب على طوول
طيب و العمل ؟ انتا جى تقفلنا من البلد ؟؟؟
ماكدونالدز هتلاقيه فى كل حنة فى الصين يا اما المحل الكبير يا Mc cafe و ده بيبيع قهوة و ايسكريم و الناجتس و الفطاير زى apple pie بس عندهم هناك ال forest fruit pie و دى تقريبا احلى حاجه فى ماكدونالز كان الواحد ب 7 يوان و ال 2 ب 10 يوان غير كده محدش يجرب ياكله منه فى الصين و انا حذرت اهو !!!
الحاجه الوحيده اللى موجوده هناك و عندنا فى مصر هو ال big mac و ده محتاج منه 2 علشان يشبع ابنك للى لسه مفطوم من يومين
و جبت ساندوتش فراخ و ده تقريبا ما بين فراخ نية و كلها زيت و بهارات و نا محسيتش انه فراخ يعنى فراخ طعمها مش فراخ :/ انا مستحملتش اكمله و سبتة
بمناسبة الوجبات السريعه انا اكلت فى KFC و دى كانت الحاجه الوحيده اللى اكلتها فى الصين فراخ و كان طعمها فراخ الحمدلله
المطعم هناك حلو و اكله حلو و نضيف بس غالى نسبيا زى هنا
طبعا انا بعد المقدمة بتاعة ماكدونالدز خلتنى افكر الف مرة قبل ما اكل اى اكل صينى لان المشكله ان المنيوهات كلها بالصينى و مافيش انجليزى (معدا MC و KFC عندهم منيو مترجم) فأنا مأكلتش مستعد نفسيا اكل اكل صينى بعد اللى حصل
المهم قعدت باكل 4 ايام فى مطعم اندونيسى كان بيعمل ارز و لحمة بكميات حلوة للعرب كده و كولا ال 192 مل كننت بدفع 30 يوان و قايم شبعان و كان اكله حلال على فكرة و عنده حاجات كتير بردو و كلها حلوة و عندهم معالق للعرب
بعد ما نسيت اللى حصل فيها فى ماكدونالدز و هموت و اكل اكل صينى مش معقول رحت الصين و ماكلش اكل صينى بس كنت خايف من موضوع ان الاكل مش مترجم و هاكل و مش هعرف انا باكل اية
قولت هكسر العصاية من النص هناك اكتر سوبر ماركت منتشر اسمه 7eleven ده هتلافووة فى كل حته حتى فى محطات المترو
المهم ان الفروع الكبيرة منه بيبقى فيها اكل ... الاكل المعد مسبقا يعنى بيبقى فيه اكلات مترجمة
انا اختارت رز و خصار و فراخ و خليت اللى بتشتغل هناك تسخنهولى
و كان اول مشكله ان معندهمش معالق
و الفرع كله اللى شغالين و اللى داخلين يشتروا من الماركت حاولوا يساعدونى اكل بالعصيان بتاعتهم و فشلت
بس ميأستش لان مافيش بديل فتحت اليوتيوب و انا قاعد و الاكل قدامى و ميت من الجوع لحد ما اتعلمت ازاى اكل بيها و اكلت ((مش هكذب عليكم تجربتى السيئة فى ماكدونالدز خليتنى باكل اى حاجه صينى بقرف فانا كنت باكل و انا قرفان و مكملتش الاكل و سبته و مشيت))
اخر يومين ليا فى الصين مرة اكلت فى حضرموت (بس يمنيين بقاا) و ده سعره غالى الوجبة كانت تكلفتها 100 يوان يعنى 260 جنية و غالى دى اقصد انه غالى بالنسبة لاسعار الاكل هناك
و المرة التانية اكلت سمك فى مطعم صينى
السمك حلو جداااااا .... هو ولا مشوى ولا مقلى بس كان جامد جدااا
اكلت حاجه زى الجاندوفلى ان مكانش هو و كان حلو و عاملينه بخلطه حلوة
اكلت جمبرى و عندهم هناك غالى بس مش حلو بيسلفوه فى مياة بس و انتا تقشرة و تغمسه فى الصويا و تاكل
و رز
سمكاية و طبق جمبرى و طبق جندوفلى و طبق رز و بيبسى دفعتلى بردو فى حدود ال 100 يوان
@@@بالمناسبة فى الصين الحلويات زى الجاتو و المخبوزات عموماااا جاااامده جدااااا هناك و احلى من احلى مكان فى مصر
@@@ ابعدوا عن اى مشروب معلب غير الحاجات اللى انتا عارفها فى مصر لان طعمهم استغفر الله
جوز هند - زبادى بالفراولة - توت - برتقال كلهم جبتعم و اترموا فى الزباله
و عرفت ان العصاير المعلبة فى مصر نعمه كبيرة
<<<<الفواكه>>>>
الفاكهة فى الصين عموما حلوة بس انا هقولكم على الجديد اللى شوفتة
1 - فاكهة ال Pitaya أو dragon fruit انا اكلتها مرة و شربتها عصير مرة معجبتنيش ((هى طعمها يتاكل عادى بس محسيتش باى اندهاش)) و كانت رخيصة الكيلو ب 8 يوان
2 - فاكها ال lychee و دى بقا اللى خرافة
حاجه حمرا من برة بتفتحها بايدك تلافى كورة بيضاا كده جواها بذرة
اكيد الابيض الى بيتاكل واضحة
بس طعمها خراااااااافة
كان الراجل عايز يدينى العنقود ب 20 يوان (( العنقود كبير لان ثمرة الفاكهة الواحده قد المشمش كده))
بس انا كنت مستعجل و كان يوم طويل فاديته 5 يوان و اخدت منه شوية و ندمان حقيقى انى مجتش 5 ولا 6 عناقيد من جمال طعمها
3 - فاكهه ال Durian
و دى انا كنت شربتها عصير فى محل اندونيسى فى مصر و كان طعمها زى البصل
و اما عملت عنها بحث على youtube لقيت ان الفاكهة دى زى الفسيخ بالنسبالنا كمصريين حاجه مقرفة بس اللى ياكلها اما يحبها اووووووى او يكرهاا اوووووى
و معظم الاجانب فى اسيا عموما كانوا بيكرهوها اوى
فأنا مكانش عندى الشجاعه انى اشتريها و اجربها
بما ان البوست طووول اووووى فأنا بكرة ان شاء الله هكمل كتابة
محلوظة بس : بالرغم من ان كان فى سلبيات كتير فى السفرية الا ان الصين بلد محببة الى قلبى و هروحها تانى علشان اعمل كل حاجه معملتهاش اول مرة و البلد جميلة جداااا جداااا بس عايزة تتذاكر كويس اوووووى اكتر من اى بلد فى اسيا قبل ما تروحها
((التأشيرة))
باسبورك + صورتين + كشف حساب + خطاب Hr او سجل تجارى او شهاده قيد من الكلية
بتاخد من يومين ل اسبوع
مطارها اسمه (بايون) و المطار محترم جداا و فى مترو فى المطار تروح بيه اى حتة فى كوانزو
خلينا نتفق على شوية حاجات فى الاول :
(((أولا)))
الصينيين مبيتكلموش غير صينى نادرا تلافى حد بيتكلم انجليزى و اصلا لو صينى من كوانزو كلم صينى من شنجهاى ممكن ميفهموش بعض حرفيا
حلك هو Google translate حضرتك هتكتب بالانجليزى على و يترجم صينى و هو ياخد منك الموبايل قدامه حل من 2 يا هيكتب صينى بالكيبورد اللى فيه حروف انجليزى عادى
يا اما هيتكلم فى الميكروفون و الtranslator و هيترجملك لانجليزى صح غالبا ^_^((((ثانيا))))
الصين مافيهاش Facebook - instagram - twitter - Google
و ركزوا على ان مافيش Google دى لان دى اكبر مصيبه هتقابلكم فى حياتكوا هناك
يعنى لا Map ولا play store ولا Google translate حتى
عندكوا حل من 2 :
اما انك تبقى منزل برنامج VPN من مصر أو تروح زى الشاطر على حى العرب اسمه Xiaobei هتلاقوة فى line 5 للمترو ((اما اوصل للمواصلات هشرح المترو)) و هتلاقى المحلات بالعربى كاتبين انهم بينزلولك VPN بيبقى صالح لمده شهر ثمنه 30 يوان
((((ثالثا))))
الصين كلها بتتحرك بحاجتين ((Baidu)) و ((wechat))
ال Baidu ده جوجل بتاعهم بما يشمله من محرك بحث + maps + translate
و ده مشكلته انه كله بالصينى
بس حاولوا تنزلوة هتحتاجوة فى ال maps على الاقل لو توهت اى حاجه و حد صينى حب يساعدك هيساعدك من خلالهانا واحد نزلهولى فى الصين و اديته 5 يوان
الWechat ده بيعملوا بيه حاجتين :
شات عادى جداا ++ انهم بيدفعوا بيه فلوس ممكن فى سوير ماركت كبير او لتأجير العجل اللى فى الشارع او انك كافيه او مطعم يبقى عامل خصم و لازم تعمل سكان لل QR code من خلال ال Wechat
انا للاسف معرفتش موضوع ال Wechat ده غير و انا هناك فأنا اتعكيت كتير هناك فمش هقدر اديكوا تفاصيل كتير عنه بس ادينى بقول هتندموا لو رحتوا الصين من غيرة
((((رابعا))))
الصين عملتها اليوان و ده رمزة (¥) أو زى ما الصينيين بيقولوا ريميمبى أو ارمبى RMB و ده رمزة (元) كلهم نفس المسمى بس ارمبى ده اللى هتسمعوة دايما و الرمز الصينى هو اللى هتشوفوهم فى الصين دايما <<اليوان الصينى = 2.6 جنية>>
** متغيروش عمله كبيرة من المطار لان العموله عالية غير اقل حاجه علشان تعرف تركب المترو
** الصين مليانه فلوس مزورة زى الرز بس انا ولا مرة اتضحك عليا بس ليا صاحبى اخد فلوس مزورة -- علشان كده دايما بخلى معايا فكة كتير يوانات و 5 يوان و 10 يوان كتيرر بقا علشان اقلل فرصة انى اخد باقى من حد
** قدامكوا حل من 2 فى تغيير العملة :
البنوك و ده سعرهم اما كنت موجود الدولار = 6.8 ¥
اللى بيصرفوا من الشارع و دول كان سعرهم الدولار = 6.92 ¥
حاولوا متغيروش فلوس من البنوك
انا غيرت مرتين من بنوك مرة قعدونى ساعه مع التيللر فى البنك و مليت بياناتى مريتن و بياخدوا تافصيل كتير اوووووى و ده كان Agriculture bank of chinaوالمرة التانية قعدونى ساعتين مع الموظف كنت بسيبة اطلع اشرب سيجارة من الزهق و الله و اتنرفزت عليهم المرة دى و ده كان Bank of china
طيب هتغيروا فلووس ازاى بما ان كله اسود فى اسود كده ؟؟
انا كنت بعمل حاجه من 2
الاولى : انى لو فى سوق و هشترى حاجات غالية زى سوق الالكترونيات مثلا فبشترى الى بشترية و اقولها هتحسبيلى الدولار على كام و انا عارف ان سعره فى السوق السودا وقتها كان 6.92¥ فاما بنوصل للسعر النهائى ((و خلو بالكوا انهم ممكن يقولوك سعر صرف قليل بس انتا خليك عارف السعر اللى فى السوق و هما هيقبلوا بيه فى الاخر)) بس فلو حسابى 400 يوان مثلا بديهم 100$ و تدينى الباقى 292 يوان
و هكذااالثانى : فى حى العرب فى مطعم ((حضرموت)) فى المدخل بتاع المطعم فى كشك فى الشارع ده بيغير عمله انا غيرت منه مرة و كان تمام الفلوس مش مزوره و بيختم على الفلوس علشان ميجيش حد يغير منه و يرجع يقوله فلوسك مزورة فهو بيبقى معلم فلوسه بالختم بتاعه فده يعتبر مكان امان بردو
.
.
.
.
.
نبدأ رحلة الصين
بالنسبة للمواصلات :
--------------------
1 - المترو : زى ما قلت فى مترو مغطى كوانزو كلها ... كوانزو فيها 9 خطوط مترو بتغطيها .. 8 خطوط عادية + خط ال APM و ده خط سياحى بيبقى فوق الارض و 2/3 منة زجاج علشان تقدر تستمع بالمعالم السياحية و نهر اللؤلوء ((هشرحهم بعيدن))
سعر تذكرة المترو بتختلفى على حسب انتا هتركب كام محطه و بيبدأ من 2 يوان
و فى كروت بتشتريها من موظف خدمه العملاء فى محطه المترو (بيتكلموا انجليزى) بتبقى يا اما اليوم ب 20 يوان تركب براحتك لمده 24 ساعة
أو ال 3 ايام ب 50 يوان
تحديث >>> بما انى نسيت اكمل باقى المواصلات فهكملها فى بوست بكرة علشان الكل يستفاد
بالنسسبة للأكل :
----------------
الصينيين مش بيقولوا لحاجه لأ
بقر و جاموس تلاقى خنازير تلاقى كلاب ميضرش حمير بيحبوة
صراصير بقا و اللذى منه ده بالنسبالهم appetizer
و رجلين الفراخ بالنسبالهم desserts و مش بهزر هتلاقوها بتتباع فى الماركت عادى مع الحاجات الحلوة
الاكل الصينى فيه ريحه بهارات تخليك تجيب اللى فى بطنك :/
طبعا بعد الكلام ده كله انا كان كل همى انى اكل حيوان انا عارفة و متعود عليه
لا فرق معايا حلال ولا مش حلال الشهاده و بضرب على طوولطيب و العمل ؟ انتا جى تقفلنا من البلد ؟؟؟
ماكدونالدز هتلاقيه فى كل حنة فى الصين يا اما المحل الكبير يا Mc cafe و ده بيبيع قهوة و ايسكريم و الناجتس و الفطاير زى apple pie بس عندهم هناك ال forest fruit pie و دى تقريبا احلى حاجه فى ماكدونالز كان الواحد ب 7 يوان و ال 2 ب 10 يوان
غير كده محدش يجرب ياكله منه فى الصين و انا حذرت اهو !!!الحاجه الوحيده اللى موجوده هناك و عندنا فى مصر هو ال big mac و ده محتاج منه 2 علشان يشبع ابنك للى لسه مفطوم من يومين
و جبت ساندوتش فراخ و ده تقريبا ما بين فراخ نية و كلها زيت و بهارات و نا محسيتش انه فراخ يعنى فراخ طعمها مش فراخ :/ انا مستحملتش اكمله و سبتة
بمناسبة الوجبات السريعه انا اكلت فى KFC و دى كانت الحاجه الوحيده اللى اكلتها فى الصين فراخ و كان طعمها فراخ الحمدلله
المطعم هناك حلو و اكله حلو و نضيف بس غالى نسبيا زى هنا
طبعا انا بعد المقدمة بتاعة ماكدونالدز خلتنى افكر الف مرة قبل ما اكل اى اكل صينى لان المشكله ان المنيوهات كلها بالصينى و مافيش انجليزى (معدا MC و KFC عندهم منيو مترجم) فأنا مأكلتش مستعد نفسيا اكل اكل صينى بعد اللى حصل
المهم قعدت باكل 4 ايام فى مطعم اندونيسى كان بيعمل ارز و لحمة بكميات حلوة للعرب كده و كولا ال 192 مل كننت بدفع 30 يوان و قايم شبعان و كان اكله حلال على فكرة و عنده حاجات كتير بردو و كلها حلوة و عندهم معالق للعرب
بعد ما نسيت اللى حصل فيها فى ماكدونالدز و هموت و اكل اكل صينى مش معقول رحت الصين و ماكلش اكل صينى بس كنت خايف من موضوع ان الاكل مش مترجم و هاكل و مش هعرف انا باكل اية
قولت هكسر العصاية من النص هناك اكتر سوبر ماركت منتشر اسمه 7eleven ده هتلافووة فى كل حته حتى فى محطات المترو
المهم ان الفروع الكبيرة منه بيبقى فيها اكل ... الاكل المعد مسبقا يعنى بيبقى فيه اكلات مترجمة
انا اختارت رز و خصار و فراخ و خليت اللى بتشتغل هناك تسخنهولى
و كان اول مشكله ان معندهمش معالق
و الفرع كله اللى شغالين و اللى داخلين يشتروا من الماركت حاولوا يساعدونى اكل بالعصيان بتاعتهم و فشلت
بس ميأستش لان مافيش بديل فتحت اليوتيوب و انا قاعد و الاكل قدامى و ميت من الجوع لحد ما اتعلمت ازاى اكل بيها و اكلت ((مش هكذب عليكم تجربتى السيئة فى ماكدونالدز خليتنى باكل اى حاجه صينى بقرف فانا كنت باكل و انا قرفان و مكملتش الاكل و سبته و مشيت))
اخر يومين ليا فى الصين مرة اكلت فى حضرموت (بس يمنيين بقاا) و ده سعره غالى الوجبة كانت تكلفتها 100 يوان يعنى 260 جنية و غالى دى اقصد انه غالى بالنسبة لاسعار الاكل هناك
و المرة التانية اكلت سمك فى مطعم صينى
السمك حلو جداااااا .... هو ولا مشوى ولا مقلى بس كان جامد جدااا
اكلت حاجه زى الجاندوفلى ان مكانش هو و كان حلو و عاملينه بخلطه حلوة
اكلت جمبرى و عندهم هناك غالى بس مش حلو بيسلفوه فى مياة بس و انتا تقشرة و تغمسه فى الصويا و تاكل
و رز
سمكاية و طبق جمبرى و طبق جندوفلى و طبق رز و بيبسى دفعتلى بردو فى حدود ال 100 يوان
@@@بالمناسبة فى الصين الحلويات زى الجاتو و المخبوزات عموماااا جاااامده جدااااا هناك و احلى من احلى مكان فى مصر
@@@ ابعدوا عن اى مشروب معلب غير الحاجات اللى انتا عارفها فى مصر لان طعمهم استغفر الله
جوز هند - زبادى بالفراولة - توت - برتقال كلهم جبتعم و اترموا فى الزباله
و عرفت ان العصاير المعلبة فى مصر نعمه كبيرة
<<<<الفواكه>>>>
الفاكهة فى الصين عموما حلوة بس انا هقولكم على الجديد اللى شوفتة
1 - فاكهة ال Pitaya أو dragon fruit انا اكلتها مرة و شربتها عصير مرة معجبتنيش ((هى طعمها يتاكل عادى بس محسيتش باى اندهاش)) و كانت رخيصة الكيلو ب 8 يوان
2 - فاكها ال lychee و دى بقا اللى خرافة
حاجه حمرا من برة بتفتحها بايدك تلافى كورة بيضاا كده جواها بذرة
اكيد الابيض الى بيتاكل واضحة
بس طعمها خراااااااافة
كان الراجل عايز يدينى العنقود ب 20 يوان (( العنقود كبير لان ثمرة الفاكهة الواحده قد المشمش كده))
بس انا كنت مستعجل و كان يوم طويل فاديته 5 يوان و اخدت منه شوية و ندمان حقيقى انى مجتش 5 ولا 6 عناقيد من جمال طعمها
3 - فاكهه ال Durian
و دى انا كنت شربتها عصير فى محل اندونيسى فى مصر و كان طعمها زى البصل
و اما عملت عنها بحث على youtube لقيت ان الفاكهة دى زى الفسيخ بالنسبالنا كمصريين حاجه مقرفة بس اللى ياكلها اما يحبها اووووووى او يكرهاا اوووووى
و معظم الاجانب فى اسيا عموما كانوا بيكرهوها اوى
فأنا مكانش عندى الشجاعه انى اشتريها و اجربها
بما ان البوست طووول اووووى فأنا بكرة ان شاء الله هكمل كتابة
محلوظة بس : بالرغم من ان كان فى سلبيات كتير فى السفرية الا ان الصين بلد محببة الى قلبى و هروحها تانى علشان اعمل كل حاجه معملتهاش اول مرة و البلد جميلة جداااا جداااا بس عايزة تتذاكر كويس اوووووى اكتر من اى بلد فى اسيا قبل ما تروحها