A
Ahmed H. Ebrahim
:: مسافر ::
السلام عليكم معلش كلمتين مهمين جدا وعايز أقولهم من باب الأمانة بالنسبة لموضوع السفر بغرض البحث عن وظيفة
في كلام كتير على الجروب وفي كل مكان تقريبا عن السفر لبلاد بتعفي حاملي جواز السفر المصري من تأشيرة الدخول للبحث فيها عن وظيفة وبما إنهم مش كتير ففي منهم كام دولة مشهورة حابب اتكلم عنهم هنا: هونج كونج - كوريا - ماليزيا وفي اخوة افاضل كتير سألوني عن هونج كونج بما اني عايش هنا وقولتلهم الآتي:
هونج كونج هي مدينة وليست دولة، بلد صغيرة جدا وواضحة للعيان بمعنى مش هينفع تستخبى مش هينفع تعيش بعيد او بمعنى اصح مش هينفع تقعد فيها من غير اقامة ..
كبلد صغيرة محدش هيرضى يشغلك من غير إقامة، عشان تحصل على إقامة يا اما شغلك يقدملك عليها او تكون متجوز واحدة من هنا او تكون مستثمر واكيد محدش ع الجروب هنا مستثمر =))
الوظائف هنا تخصصية بالدرجة الأولى، غالباَ في المجالات المصرفية وتكنولوجيا المعلومات والتسويق الإلكتروني وهكذا .. عشان تشتغل وتحصل على تأشيرة عمل لازم يكون عندك بروفايل كويس وخبرة مناسبة عشان تقدر تنافس السكان المحليين لكن محدش هيعملك اقامة عشان تشتغل معاه في وظيفة عادية خدمية اي حد يقدر يقوم بيها غيرك هنا (عدد السكان حوالي ٨ مليون) ف دا معناه ان المنافسة شديدة غير انهم بيتكلموا انجليزي وصيني مش انجليزي بس ومكسر كمان زي اغلب اللي بييجوا ويدوروا
البلد غالية جدا جدا جدا فوق ما حد يتوقع، عشان تيجي وتجرب حظك وتقعدلك شوية هتصرف كتير جدا خصوصا في السكن، ف أرجوك قبل ما تنبهر بإن البلد شكلها حلو جدا وبتتكلم إنجليزي كلغة رسمية ومش محتاجة فيزا للمصريين ورينج المرتبات عالية شوف برضه تكلفة المعيشة عاملة ازاي عشان متتفاجئش وترجع تلوم حد تاني، اللي شاف غير اللي سمع متخليش حد سمع بس يلبسك في الحيط
ودي شوية مصادر تقدروا تقروا منها:
هونج كونج أغلى مدينة في العالم للمغتربين /Hong Kong world's most expensive city for expats - CNN
/ما هي اكثر مدن العالم تكلفة بالنسبة للمقيمين الاجانب؟
هونغ كونغ: أحلام الوافدين تتضاءل في إيجاد فرص عمل
/هونغ كونغ: أحلام الوافدين تتضاءل في إيجاد فرص عمل
مش معنى كدا ان الدنيا سودا، انا اقصد اقول ان المنافسة شديدة والحياة مش وردي لكن مفيش حاجة بتيجي بالساهل، بالنسبة للناس اللي عندها كارير كويس وشايفة ان ممكن يكون ليها فرص هنا ممكن يدخلوا على اشهر موقع توظيف هنا ويدوروا على الوظايف اللي تناسبهم ويقارنوا الديسكربشن بنفسهم ويحاولوا يطوروا نفسهم وهكذا hk.jobsdb.com/hk
بالنسبة لكوريا: في كلام كتير متداول برضه ان الشغل كتير في كوريا للأجانب بدون الحاجة لتعلم اللغة خصوصا في مصانع قطع غيار السيارات والمرتبات بتبتدي من ٢٠٠٠ دولار أمريكي وحاجات كدا .. مع الأسف الكلام دا بلح وناس كتير اشترت ولبست في الحيط!! المرتب دا بتاع مدرس انجليزي native مش عامل في مصنع معاهوش لا لغة ولا اقامة ولا عامل محترف يعني ممكن يدمر نفسه ويدمر الماكينة اللي شغال عليها وينسف المصنع، للأسف اللي راح على الأمل دا في الغالب بيقنع نفسه ان الحياة حلوة ولذيذة وبيقول للناس انه مش مضحوك عليه ولا عايش هربان ولا حاجة واللي مراحش كوريا مُصر إن الكلام دا صحيح وان كل الناس هناك عايشة كويس وبيقبضوا بالدولار! كوريا بتتعامل بالوون Won والدولار بيساوي ١١٦٨ وون ف مش عارف ازاي بيحسبوها بالدولار!
المصريين في كوريا حالتهم وحشة وأغلبيتهم شغالين أي حاجة وقاعد من غير ورق وهربان من الشرطة وساكن مع ١٠ في اوضة لكن الأسوأ من كدا ان في ناس بتعمل فلوس من مساعدة الناس انهم يدخلوهم كوريا على أمل أنهم يشغلوهم بالالفين دولار وبرضه ناس كتير بينتهي بيها الحال انهم مبيعرفوش يدخلوا كوريا وكتير منهم بييجي على هونج كونج يجرب رزقه والموضوع يخلص على انه قاعد بيبيع في هدومه ومتعلقاته الشخصية وبيشحت حق التذكرة اللي ترجعه مصر، مش عارف ليه موضوع كوريا دا بيفكرني بالناس اللي بتروج لكيو نت
)
معنديش فكرة بماليزيا الحقيقة لكن اللي عايز أقوله بعد الرغي دا كله متخاطرش مخاطرة مش محسوبة لمجرد ان حد سمع وقالك وانك عايز تمشي وخلاص، والقرار ليك أولاً وأخيراً
اللهم بلّغت أللهم فاشهد
في كلام كتير على الجروب وفي كل مكان تقريبا عن السفر لبلاد بتعفي حاملي جواز السفر المصري من تأشيرة الدخول للبحث فيها عن وظيفة وبما إنهم مش كتير ففي منهم كام دولة مشهورة حابب اتكلم عنهم هنا: هونج كونج - كوريا - ماليزيا وفي اخوة افاضل كتير سألوني عن هونج كونج بما اني عايش هنا وقولتلهم الآتي:
هونج كونج هي مدينة وليست دولة، بلد صغيرة جدا وواضحة للعيان بمعنى مش هينفع تستخبى مش هينفع تعيش بعيد او بمعنى اصح مش هينفع تقعد فيها من غير اقامة ..
كبلد صغيرة محدش هيرضى يشغلك من غير إقامة، عشان تحصل على إقامة يا اما شغلك يقدملك عليها او تكون متجوز واحدة من هنا او تكون مستثمر واكيد محدش ع الجروب هنا مستثمر =))
الوظائف هنا تخصصية بالدرجة الأولى، غالباَ في المجالات المصرفية وتكنولوجيا المعلومات والتسويق الإلكتروني وهكذا .. عشان تشتغل وتحصل على تأشيرة عمل لازم يكون عندك بروفايل كويس وخبرة مناسبة عشان تقدر تنافس السكان المحليين لكن محدش هيعملك اقامة عشان تشتغل معاه في وظيفة عادية خدمية اي حد يقدر يقوم بيها غيرك هنا (عدد السكان حوالي ٨ مليون) ف دا معناه ان المنافسة شديدة غير انهم بيتكلموا انجليزي وصيني مش انجليزي بس ومكسر كمان زي اغلب اللي بييجوا ويدوروا
البلد غالية جدا جدا جدا فوق ما حد يتوقع، عشان تيجي وتجرب حظك وتقعدلك شوية هتصرف كتير جدا خصوصا في السكن، ف أرجوك قبل ما تنبهر بإن البلد شكلها حلو جدا وبتتكلم إنجليزي كلغة رسمية ومش محتاجة فيزا للمصريين ورينج المرتبات عالية شوف برضه تكلفة المعيشة عاملة ازاي عشان متتفاجئش وترجع تلوم حد تاني، اللي شاف غير اللي سمع متخليش حد سمع بس يلبسك في الحيط
ودي شوية مصادر تقدروا تقروا منها:
هونج كونج أغلى مدينة في العالم للمغتربين /Hong Kong world's most expensive city for expats - CNN
/ما هي اكثر مدن العالم تكلفة بالنسبة للمقيمين الاجانب؟
هونغ كونغ: أحلام الوافدين تتضاءل في إيجاد فرص عمل
/هونغ كونغ: أحلام الوافدين تتضاءل في إيجاد فرص عمل
مش معنى كدا ان الدنيا سودا، انا اقصد اقول ان المنافسة شديدة والحياة مش وردي لكن مفيش حاجة بتيجي بالساهل، بالنسبة للناس اللي عندها كارير كويس وشايفة ان ممكن يكون ليها فرص هنا ممكن يدخلوا على اشهر موقع توظيف هنا ويدوروا على الوظايف اللي تناسبهم ويقارنوا الديسكربشن بنفسهم ويحاولوا يطوروا نفسهم وهكذا hk.jobsdb.com/hk
بالنسبة لكوريا: في كلام كتير متداول برضه ان الشغل كتير في كوريا للأجانب بدون الحاجة لتعلم اللغة خصوصا في مصانع قطع غيار السيارات والمرتبات بتبتدي من ٢٠٠٠ دولار أمريكي وحاجات كدا .. مع الأسف الكلام دا بلح وناس كتير اشترت ولبست في الحيط!! المرتب دا بتاع مدرس انجليزي native مش عامل في مصنع معاهوش لا لغة ولا اقامة ولا عامل محترف يعني ممكن يدمر نفسه ويدمر الماكينة اللي شغال عليها وينسف المصنع، للأسف اللي راح على الأمل دا في الغالب بيقنع نفسه ان الحياة حلوة ولذيذة وبيقول للناس انه مش مضحوك عليه ولا عايش هربان ولا حاجة واللي مراحش كوريا مُصر إن الكلام دا صحيح وان كل الناس هناك عايشة كويس وبيقبضوا بالدولار! كوريا بتتعامل بالوون Won والدولار بيساوي ١١٦٨ وون ف مش عارف ازاي بيحسبوها بالدولار!
المصريين في كوريا حالتهم وحشة وأغلبيتهم شغالين أي حاجة وقاعد من غير ورق وهربان من الشرطة وساكن مع ١٠ في اوضة لكن الأسوأ من كدا ان في ناس بتعمل فلوس من مساعدة الناس انهم يدخلوهم كوريا على أمل أنهم يشغلوهم بالالفين دولار وبرضه ناس كتير بينتهي بيها الحال انهم مبيعرفوش يدخلوا كوريا وكتير منهم بييجي على هونج كونج يجرب رزقه والموضوع يخلص على انه قاعد بيبيع في هدومه ومتعلقاته الشخصية وبيشحت حق التذكرة اللي ترجعه مصر، مش عارف ليه موضوع كوريا دا بيفكرني بالناس اللي بتروج لكيو نت
) معنديش فكرة بماليزيا الحقيقة لكن اللي عايز أقوله بعد الرغي دا كله متخاطرش مخاطرة مش محسوبة لمجرد ان حد سمع وقالك وانك عايز تمشي وخلاص، والقرار ليك أولاً وأخيراً
اللهم بلّغت أللهم فاشهد
لما راح هناك كان بيشتغل ب1500 دولار ومكنش معاه لغه اساسا ,,,