كلام زي الفل - انا عايش في الامارات طول عمري - و لفيت بلاد كتير اوي و ياما شفت أشكال و ألوان من الأفكار المسممه دي. احب أضيف شويه نقط:
- مفيش حاجه اسمها "دول بيموتوا في المصريين" علي فكره السمعه العالميه عن العامل المصري انه فهلوي و غير ملتزم.
- البنات الأجانب مش ماشيين في الشارع يدوروا علي مصري يتجوزوه - صحابك اللي منزلين صورتين علي الفيس بوك مع مزتين بالبيكيني دول شافوا بنتين علي البحر و قالولهم ممكن نتصور معاكم - دول مش بنتين شقطوه من الشارع و اتحايلوا عليه علشان يتجوزهم.
البلاد الآخري بتشتري خبرات الناس بفلوسها - لو انت لا تتمتع بلغه جيده و لا عندك خبره و لا بتفهم في اي حاجه و هربان من السلطات هايشغلك ليه؟
الحلم المصري بتاع اهج من البلد و اجيب باسبور اجنبي و أدوس عليهم بالجزمه و محدش يقدر يكلمني ده حلم وهمي - انا ابني أمريكي الجنسيه و اسمه احمد اسلام المنطاوي - هاسيب الباقي لتخيلاتك.
اه بتقبض برا فلوس كتيييييييير - بس بتصرف اكتر منهم علشان تسكن و تاكل.
- قصه "الولا محما سافر امريكا سنتين و أتعرف علي واحده امريكانيه أدته البزبور و مليون دورار" دي قصه وهميه و تلاقي الولا محما كام شغال في المخدرات او الدعاره او شغلانه شمال لا مؤاخذه
