تجربتي مع الطيران التركي المحزنه الخطوط الجوية...

[Rere ElMahlawy]

Reem Remah

 

[Yasser Atar]

الطيران التركي جميل جداا

 

[Enas Al-Farra]

انا ما حبيت الطيران التركي وتجربتي سيئة جدا معهم وهذا الكلام ب ٢٠١٣ ولما بسافر تركيا بروح علي القطرية

 

[Ahmed Hussein]

دي مشكله عامه. تحصل مع كل شركات الطيران ف العالم
قبل ٨ شهور حصل معي نفس الموقف مع طيران الاتحاد الإماراتي
كانت الرحله من الرياض الي ابوظبي و منها الي لندن.
طائره الاتحاد تأخرت ف الرياض ساعه و كان موعدي أوصل ابوظبي قبل ساعه طارت الطائرة المتجهة الي لندن.
لكن عملوا معنا الواجب بزيادة صراحه

 

[Emad Dallas]

Senseofhumor EG

 

[Ahmed Zakaria Ismaeil]

المفروض كنت تسافر قبلها بيوم او 2 مش معقوله انك تسافر بالشكل دا وفي حاجة مهمة فانتظارك

 

[Mohamed Amir]

ازي حضرتك مش هو الي بيحدد المواعيد اكيد الشركة

 

[Hager El-Saadany]

المهم عملت ايه ف المقابله اللي كانت عندك؟؟
اتلغت ولا عرفت تأجل معادها ولا ايه النظام؟

 

[Yasser Khalil]

معذرة الأخ العزيز فليس للخطوط التركية أي ذنب في ماحدث لك وهم عملوا اللي عليهم وزيادة وسأقول لك لماذا ،
أولا لاتوجد أي ضمانات عند أي شركة طيران في الدنيا أنه لن يحدث تأخير ولايجوز أن تعتبر أن تأخرها من مصر بدون سبب وهذا غير منطقي وفقط أنت لاتعلم السبب !
ثانيا شركة الطيران منحتك إقامة يومين بالوجبات وهذا ثمنه أكثر من ثمن التذاكر بتاعتك يعني هم دافعين من جيبهم !
ثالثا لاتوجد أي سلطة لأي شركة طيران علي passport control وهذه قوانين فرضتها عليك الوزن السياسي لجواز السفر الذي تحمله وإذا هناك لومً علي جهة لعدم تفهم الموقف فذلك يرجع الي ال passport control !
رابعا كان عليك حسن تقدير المخاطر مادام لديك ميعاد مهم وذلك بإطالة مدة الترانزيت !!
لقد سافرت تقريبا الي ربع دول العالم الأكثر فاعلية وعلي مر ١٣ سنة وأري أن ما تحدثت عنه ليس لشركة الطيران فيه أي ذنب !!

 

[Lele Tina]

انا اتحرق دمي معلش مواقف وبتعدي بس تعب اعصاب . المهم لحقت ميعادك

 

[Marwa Saad Eldin]

Mohammed Adly El-Sheikh

 

[Ahmad Saeed]

الطيران التركى أحسن طيران شوفته
حضرتك اللى غلطان لأنك حجزت ترانزيت ساعة واحدة بس

 

[مسافرة على التركية]

تجربتي مع الطيران التركي المحزنه الخطوط الجوية التركية انا بحذركم ياجماعه من التعامل وده الموقف اللي حصل معايا وربنا ما يكتبو علي حد فيكو ،، انا حجزت ليا ولزوجتي طيران من مصر يوم ١٩ اغسطس ( القاهره-اسطنبول) ( اسطنبول-منسك) الساعه ٨:٤٥ وموظفة مكتب الخطوط الجويه التركيه اكدتلي اني هوصل في المعاد المحدد ولم يحدث تاخير لاني انا كنت باكد عليها اني عندي مقابله مهمه في بيلاروسيا بعد معاد وصولي ب ٥ ساعات ،، الترانزيت في اسطنبول كان ساعه واحده بس وهي اكدتلي ان الطياره بتوصل في معادها ،، طبعا الطياره اتاخرت في مصر بدون اي اسباب واتحركت الساعه ٩:٥٥ بدون اي اسباب ،،، طبعا وصلنا بعد المعاد بساعه و ٢٠ دقيقه ،، جرينا في المطار نسال علي الطياره بتاعتنا وطبعا كانت طارت بقالها حوالي ربع ساعه ،، يعني واحنا لسه في الطياره الاولي مكناش لسه وصلنا .. روحنا طبعا علي مكتب الخطوط الجويه التركيه المختص داخل مطار اسطنبول قالولنا الطياره فعلا طارت لمنسيك بقالها فتره وانتم هتعدو هنا في تركيا شويه شرحنالهم اننا مش هينفع نتاخر لاني عندي معاد مهم حتي ممكن نحجز اي طيران تاني ،، قالو للاسف مفيش مكان في الطياره اللي هتطلع في نفس اليوم اللي هي ( الطيران البيلاروسي belavia) والطياره المتوفره هي بعد يومين !!!!!!!!،، بعد يومين يعني كل الترتيبات اتدمرت ومواعيدنا راحت علينا وحجم الخسائر بالنسبالنا اكبر بكتير من اللامبالاه اللي الموظفين كانو فيها ،، رضينا بقضاء الله وقولنا نستحمل ،، الموظفه قالتلنا بنحجزلهم فندق خارج المطار اليومين دول وهتتفضلو تركبو طيارتكو بعد يومين بتاريخ ٢١ اغسطس الساعه ١٣:٠٠ والاقامه شامله كل شيء ف الفندق ،، طلبو مننا نروح علي ( passport control) في المطار ونخرج بعدها ناخد شنط السفر اللي كانت مشحونه معانا ع الطياره والباص بياخدنا ع الفندق ،، روحنا علي هناك عشان نخرج من المطار الموظف بكل لامبالاه يقوللي حضرتك مصري و السن يتعدي ٢٠ سنه ومش هينفع تدخل البلد من غير تاشيره ومش هينفع تاخد تاشيره هنا ف المطار لانك مصري وسنك يتعدي ال٢٠ ،، حكينالو الموقف وان احنا عندنا المشكله بسبب شركة الطيران والتاخير قالنا وده قانون البلد وانا لازم انفذو ،، قولتلو وايه الحل قاللي ان زوجتي ممكن هي تدخل البلد من غير تاشيره لانها مواطنه بيلاروسيه وانا اروح اجيب تاشيره من مصر لاني مش معايا تاشيره شنجن ومش مسموحلي اخد التاشيره من المطار .. يعني زوجتي هتروح الفندق وحدها وانا بقعد اليومين بستني في المطار لو مش هروح اجيب تاشيره من مصر ،، رجعنا تاني لمكتب الخطوط التركيه بالمطار المختص بحالتنا قالولنا انا دي مشكلتنا وبنتاسف احنا حاليا لا يوجد امامنا حل غير اننا نفضل في المطار اليومين دول في المطار في ( resting room) لمدة يومين وهيكون معانا وجبة اكل من مطاعم في (food court) كل ٥ ساعات .. الصدمه كانت كبيره جدا انك تتعامل مثل اللاجئين في غرفة استراحه جماعيه انا وزوجتي لم ننام لمدة يومين بسبب بروده الجو داخل الغرفه ، الازعاج ، الجميع ينظر الي بعضه البعض ولا توجد حتي ستاره عازله لاعطاء بعض الخصوصيه ،، روحنا ناكل لقينا ان مسموحلنا باكل وجبات محدده من هذه المطاعم ولم نتمكن من شراء الاكل اللي بنحتاجه لان فلوسنا كانت في الشنط اللي مشحونه في الطياره اللي طبعا رفضو يدوهالنا لاننا لازم نخرج من ال (passport control) عشان نستلمها ،، لم نجد المساعده من شركتكم التي تهين بكل الاشكال من يركب خطوطها ،،، وكانت النهايه حزينه بكل التاكيد .. اما وصلنا منسك بعد يومين العذاب ،، لقينا شنطه من الشنط مكسوره ومهانه .. تاكدنا في الوقت ده انكم مش بتهينو الراكبين فقط ولكن الشنط ايضا ،، الحقيقه كانو اسوأ ايام قضيناها في حياتنا ،، والمفروض اني برجع علي مصر في طيارة ٢٠ سبتمبر الساعه ١٦:٢٠ ولكني مستغني عن التذكره ولا اريد ان اهان مره اخري .
هي تجربه لا اريد تكرارها وهي كانت اول مره علي الخطوط الجويه التركيه .
مشاهدة المرفق 352384
مشاهدة المرفق 352385
مشاهدة المرفق 352386
مشاهدة المرفق 352387
مشاهدة المرفق 352388
مشاهدة المرفق 352389
مشاهدة المرفق 352390
مشاهدة المرفق 352391
مشاهدة المرفق 352392
مشاهدة المرفق 352393
مشاهدة المرفق 352394
مشاهدة المرفق 352395