مساء الخير علي اعضاء الجروب الكرام كنت عايز...

[Veronia Nabil]

موافقه جدا اللي عملته

 

[Mohamed Magdi]

ده رأيه ومش من حق اي حد يمسح رأيه مادام ماتجاوزش الادب

أنتم مش أوصياء على الناس

 

[Karim Fahmy]

Moutaz Mohamed
مش انت ادمن فى الصفحة؟؟

 

[كريم صلاح]

كل واحد حر يكتب اللي هو عايزه طالما في حدود الادب واسلوب محترم وراق

 

[خديجة محمد]

معليش متزعلش منى يا أستاذ معتز أنتو قبل كده كنتو بتسمحو بأسئلة عن السفر إلى ما تسمى إسرائيل ومكنش بيعجبكم اللى بيدخلوا ينتقدوا بحجة التجاوز وكان فيه ناس بتشوف إن الكيان الصهيونى مش عدو واعتقد حد من المسئولين عن المجموعة قال إن أحنا بنتكلم وخلاص وإن إسرائيل واقع يبقى فيها ايه لما واحد يقول رأى سلبى فى البلد مدام بدون شتيمه زى ما بتحبوا مدام كل شيئ بقى وجهة نظر

 

[MhMd Said Sherif]

رغم ان الواحد عنده كل يوم 100 سبب يكرهوه في البلد بس كل بلد وليها مشاكلها ... حتي النهاردة في باريس لسه جروب سياحي مسروق عادي ..لكن من حق حضرتك طبعا انك تشيل اي تعليق غير لائق يسئ للبلد

 

[Time To Move On]

والله بلادنا دي مظلومة معانا .ربنا يحفظها ويهدينا

 

[Mohamed Ibrahim]

انا عن راى شايف انهم مش غلطانيين انا ناس كتير بتكلمنى من برة مصر بقولهم بلاش القاهرة نهائى وفترة الصيف تحديدا شرم والغردقة بتتقلب بلطيم يبقى يجو يعملو ايه ناهيك عن الاستغلال وحاجات تانى كتير

 

[LuLy Ali]

يا جماعه هو احنا ليه دايما لازم نطلع بلدنا وحشه وفيها كل العبر قدام الناس انا مشفتش واحد قبل كدا سأل على بلد أى كانت وحد حذره منه وخصوصا اهل البلد نفسهم .. بلاش نموت نفسنا بنفسنا اى كانت البلد فيها ايه دا بدل ما نشجع الناس فعلا انها تيجى احنا للاسف بقينا بنطلع احنا صورتنا سلبيه مش البلد يعنى الى بقى يشتم بقى يشتم فى المصريين مش فى البلد انا بجد مبقتش فاهمه الناس بتفكر ازاى

 

[Mido Khattab]

أوافقك جدا.

 

[Sameh Eshra]

واضح جدا اللى اسمة عمرو عمل كدة لية اصلا

 

[Ibrahem Eslam]

والله العظيم وان دل على مدى الكره للبلد وعدم حب الخير ليهه اغلب الردود السلبية دى الناس اللى مختلفة سياسيا مع الحاكم اللى موجود ...احب اقلكم احنا الشعب الوحيد اللى بيهين نفسة وكرامتة والمصرى اللى زية فالغربة والحاكم بتاعة وبيهين افظع اهانة فبلدة لفكرة بس انة مختلف مع الحاكم
دمتم اغبياء هدامين للوطن

 

[Hoba Popa]

واحد عايز يروح بلد وبيسئل علي اماكن تتزار مانجاوب علي السؤال ايه لازمته رائ شخصي وكل واحد حر عايز ييجي اهلا وسهلا مش عايز براحته دا رايي

 

[Mohamed Adel Hegazy]

انت مغلطش فى حاجة يامعتز . ولازم تحط قواعد للجروب واللى يخالفها تشيله على طول

 

[Ahmed Negm]

لازم نسمح بالديموقراطية والتعددية وكل واحد يقول رأية حتي لو مش عاجب الأدمن كنت بقرا اليوم لشخص اروبي بينتقد بلدة و بيحظر من السفر والاستثمار فيها ومحدش قال له انت غلطان . كلنا بنحب بلدنا وكل واحد بيحبها بطريقته ودي سنة الكون واتمني نخلص من الطريقة دي في حياتنا السياسية

 

[Mohamed Refaat]

انا رايي ان اي سايح ينزل مصر وخصوصا القاهره لازم يكون معاه مرشد او صديق غير كده الاماكن التانيه زي شرم والغردقه والاقصر تمام وزي الفل وتشرفنا لانها مؤله لذلك .
بالنسبه للتعليقات السلبيه طبعا غلط يعني مثال باريس مليانه نصابين ونشالين وهمه بيحذرو من ذلك ومع كده الناس بتروح هناك وتبقي مبسوطه .بمعني انت ماتقولش تعليق سلبي لمجرد السلبيه .انصح وفهم الي جاي يعمل ايه علشان يستمتع

 

[Van Buuren]

الجدال ده كله علشان تعليق سلبي قال " هاهاها ماتجيش مصر يا عم "
ما كنتوا تسيبوا التعليق يعدي في هدوء يا جماعه
يعني عاجبكوا اننا بقينا فُرجَه كده !!!
وسّعوا صدوركوا شوية يا شباب

 

[Miky Abdelaal]

المفروض اللي يشتم في البلد يتعمل له بان من الجروب

 

[Nona Moo]

لا دورنا كشعب ننشط السياحه وبعدين احنا مش مطلوب مننا نكدب مهو في فعلا ف مصر اماكن هاديه

 

[Dina Shanan]

كل واحد حر يقول اللي عايزه احنا مش في مدرسه نمشي علي المنهج طالما في حدود التعبير عن الرأي وبأسلوب محترم الادمن غلطان انه حذف الكومنت حتي لو انا ضد رأي الاستاذ عمرو من حقه يعبر عن رايه وغير مقبول اي مزايدات علي وطنيه حد