مساء الخير علي اعضاء الجروب الكرام كنت عايز...

  • بادئ الموضوع بادئ الموضوع Moutaz Mohamed
  • تاريخ البدء تاريخ البدء
عرض العطلة
#162
اى حد يشتم البلد او يعيب فيها يتشال من الجروب.
هو احنا يا جماعة ناقصين .
ازاى تبقي مصرى وتعيب ف بلدك.
انت مبادئ الانتماء والوطنية وحب الوطن انهارت خلاص.
يا اخى انا لو اخوية فية عيب بدارى علية علشان الناس ماتعرفش ويبقي شكلة وحش يبقي اروح اقول للناس ماتدخلوليش بيتى.
عمرك شفت حد بيقول لضيف بيقولة انا جى ازورك ماتجيش عشان انا بيتى وسخ والناس اللي فية وحشين.
انتو ازاى بتتصرفو كدة.
حرام اقسم باللة
 
#163
انت صح ودا اللي عملته صح و كلنا حصل لنا مواقف بايخه في السفر
انا اتسرقت في روما و صاحبي اتفتحت عليه غرفته في بروكسيل و اتسرق في فندق مش رخيص كان ب 50 يورو ‘ بلاوي كتير
 
عرض العطلة
#166
بالصدفة .. تابعت هذا الحوار بين الفنانة اللبنانية ايمان ولميس الحديدى فى افتتاح مهرجان القاهرة .. :

- ايمان : وحشتنى السينما بتاعتنا

- لميس : سينما بتاعتكم غير السينما الموجودة دلوقت

- ايمان : اه طبعا .. احنا كنا بنهتم بالنواحى الفنية ومافيش كمية العنف اللى بنشوفوا اليومين دول .. لانه بيدى انطباع غير جميل للناس اللى بيتفرجوا بره .. والافلام بقى فيها الفاظ حتى افلام المخدرات زمان ما كانش فيها الالفاظ اللى بنسمعها .. من كام يوم سمعت مسئول تركى مهم على قناة " سى ان ان " بيقول .. " السياحة عندنا زادت بسبب مسلسلاتنا .. وان رئيس فنزويلا قالى انه بيتفرج ويتابع مسلسلاتنا " .

- لميس : واحنا كمان بنتفرج ونشجع المسلسلات التركى

- ايمان : ايوة .. احنا عاوزين نشجع الناس ييجوا بلدنا .. مش يخافوا ويقولوا البلد دى كلها سرقة وناس ماشية بسنج ومطاوى ..

- لميس : المخرجين بيقدموا الواقع والحقيقة .. وبيقولوا احنا مش هانزين الواقع ونضحك على الناس .

- ايمان : نو نو لميس .. هو العالم كله مافيش فيه عنف .. العالم كله فى شوارع ما تقدريش تدخليها .. فى نيويورك شوارع ما تقدريش تخشيها ..ولو دخلت البوليس ما يعرفش يجيبك .. ويقولك ..ما حدش سمح لك تدخلى هنا .. انت اصلا دخلتى ليه ؟ .. كل البلاد فيها عنف .. يعنى تركيا ما فيهاش .. ؟ !.. فيها عنف وارهاب وفيها كل حاجة .. لكن هما فى مسلسلاتهم بيورونا الجمال واللبس الحلو والديكورات والاماكن الحلوة .. عاوزين يشجعوا السياحة .. ليه احنا ما نعملش زيهم .. ليه نقدم اوحش ما عندنا ونقول ده الواقع .. ده احنا حلوين اوى

- لميس .. حلو فستانك .. ايه الاعمال الجديدة اللى هاتقدميها

بصراحة .. ايمان جابت من الاخر .. وصفعت كل السينمائيين الذين يسيئوا لمصر تحت دعاوى الواقع .. وبدورى اقول لهم .. يكفى ان بيت مهند ( الذى لا يروق لى .. ولم احرص على متابعته .. واراه اقل من اى ممثل مصرى ) اصبح مزارا سياحيا فى تركيا ..

.. واخيرا .. بعد هذا الحوار تقدر تقول مين المصرية ومين غير المصرية ..
 
#167
انا شايفة ان ده جروب مش معمول عشان نقول رأينا فى البلد ده للفسح و الاستمتاع يا جماعة كفاية عكننة مش هنا كمان !!!...و بعدين اللى يقول "بلاش تييجى و افتكر انى قلتلك بلاش" والكلام ده ..هو ده رأي ؟؟!! اللى شايف انه المفروض مايجيش يا ريت تقول له الاسباب و ازاى ياخد باله و بعيد عن السياسة و الحقد و الكره برضو يعنى مثلا لما بنقول باريس بيحذروا خالوا بالكم من الشنط فى المترو عشان السرقة خالوا بالكم من قطاع الطرق فى الحتة الفلانية بعد الساعة كذا كده الخ ...بس مش بيقولوا بلااش و خلاص بجد الواحد زهق ان كل الجروبات فى الاخر برضو بتتحول لمناظرات و حوارات ...ما كل واحد عنده صفحته الشخصية يقول فيها رأيه او جروبات تانية يسمح بها نقول رأيينا ...بس انا شايفة الادمنز يوضحوا الrules واعضاء الجروب يا ياخدوا بها او يرفضوا و يطلعوا منها...اى جروب له قواعد الكل لازم يلتزم بها....حضرتك مش غلطان ...
 
#168
حضرتك مش غلطان ده اجنبى جاى زياره مالوش دعوه احنا عايشين ازاى او مشاكل المفروض نقول تعالى مصر انا نفسى اسبها بس مسمحش ان حد يغلط فيها حتى لو بيقول حاجه موجوده فى الواقع مسمحلوش برضوا
 
#170
بلدي وإن جارت علي عزيزة حتى لو أنا شايف حاجة سلبية مش ينفع أقولها يعنى مجرد سؤال لو فيه حد عنده أي حاجة سلبية فى بيته ينفع ينشرها على الملأ ينفع أنا عايزه بقى يرد ويقول ينفع
 
عرض العطلة
#171
يا ساتر طب على فكرة فعلا مصر جميلة وفيعا اماكن تحفه بالرغم من كل عيوبها السايح بيتبسط جدا ولو حد راح الهند احنا احسن كتير ومع ذلك بنسافر نشوفها
كفايه سلبية وكان ممكن توضح للاجنبى يروح فين وازاى يتجنب العيوب مش تقوله متجيش وكادمن انت اتصرفت صح جدا و كفايه تكسير فى بلدنا
 
#172
بس يا معتز ارائهم دي حاجات عاديه لا حكر عليها هيا المشكله بس انه يكون في اجماع الحقيقه
وحنا بطبعنا شعب ظياط
اذا كان الطفل الي تداولت برقيته علي السوشيال ميديا بتاع الابتدائي كتب لصديقه برقيه ميجيش مصر فيهايبقا عاوز ايه من الكبير !!
عموما ذي ما في ناس بتقول متجوش مصر او متروحوش في اجانب كتير جداً نفسها تروح وراحت واتفسحت واختلاف الرأي لا يفسد للود قضيه .
رأيي التحذير قبل الحذف علشان تكون محايد . تحياتي يا فنان
متشغلش بالك انت فضي نفسك علشان تفسح أماني
 
#173
اللي هيشرح تعليقه السلبي ليه وعشان إيه ... ويتفادى ده إزاي أهلا بتعليقه ...
غير كده إحذف أي سف وهرتلة وقلة قيمة ... مش ناقصه
 
#175
الرد اللى انطرح من الناس وبينصحوا الاخ انه مايجيش مصر فيه اساءه كبيره لمصر اولا هما بيحرموا بلدهم من دخل السياحه وبيحرموا الناس اللى شغاله من مصدر رزق كان جايلهم ... مش من حق اي حد يسئ لمصر مصر بلد سياحي اه فيه زحمه زيها زي بانكوك والهند ومع ذلك الاقبال كبير عليهم ... اعتثد هما لو مش مصر عجباهم ممكن يحاولوا يهاجروا لبلد شيك مفيهاش زحمه
 
عرض العطلة
#176
الهدف من الجروب هو ان نتبادل معلومات ونشجع السياحه لبلدنا ولما بنساعد بلدنا بنساعد نفسنا انا سافرت كثير وزرت بلاد كثير فيها مشاكل داخليه مثلا الهند في مشاكل بين الهندوس والمسلمين وتصل للقتل في مره كنت في مشروع وكان معاي ناس هنود مسلمين وناس هندوس ولقيتهم مع بعض زي الفل جبت المسلم وسالته انت مش في مشاكل بينكم وبين الهندوس قال لي اه في الهند بس نحن بره الهند اخوات ومع الغريب اخوات المشكله عندنا في ناس عايزه تولع في مصر والمصريين وتحولها الي كوم رماد وبحيره دم ارجوكم نحن لانناقش هذا مخطئ او هذا صواب نحن هنا لنبرز الجزء الجمالي في مصر كل بلاد العالم بها الجميل والقبيح علينا ان نذكر الجميل ونحبب الاخرين في بلدنا ونجذبهم في بلدنا ليس من اجل الرئيس بل من اجلي ومن اجلك من اجل ان توجد لقمه عيش لشخص ان لم يجدها سوف يتحول للص او قاتل يسرقني ويسرقك رايك احتفظ به لنفسك ان كان سلبي مره اخري نحن هنا لنتبادل المعلومه ولنبرز الجزء الجميل في بلدنا
 
#177
اللي ينتقد او مش عاجباه حاجه يبقا واضح ذي مثلا انه بعض الدول مينفعش تمشي بليل علشان هتتسرق التعليلات تكون واضحه دة المطلوب بدون كلام ف الهوا وملهوش قيمه !!
 
#179
والله يا جماعه انا من رأيى ان اللى ليه رأى زى ما معظم الناس قالت يخليه لنفسه
فى ناس بيوتها مفتوحه ووراها مسئوليات و أسر قايم على الشغل دا
مهما كان اللى بيحصل ياخى خليه يجى و يزور و يشوف بنفسه ان كانت حلوه و لا وحشه
مال الاجنبى اللى جاى يتفسح و يلف بالاوضاع الاقتصاديه
يا سيدى لو قالك هقعد عندكوا قولوا الاعزار و الاوشاع و الحالات
انما دا جاى بفلوسه يلف و يزور عشان الناس اللى بيوتها بتتخرب بسبب المواضيع دى
 
#180
بأمانه الجروب بالنسبه لي اصبح بيصدر لي طاقه سلبيه وخاصة فيما يخص مصر ،، عمري ما شفت في حياتي كم التقليل من بلد والتشويه فيه زي ما بيحصل عندنا ،، وأصبح اي بوست بيسأل نزور ايه في مصر ؟ وكأنه بوست للشتيمه في البلد ،، بجد شيء مستفز وبيضيع مجهودكم كمسئولين علي الصفحة
 
عرض العطلة
عرض العطلة
عرض العطلة
أعلى أسفل
عودة
قائمة