مساء الخير علي اعضاء الجروب الكرام كنت عايز...

[Ahmed Bakry]

الادمنز بالفعل غلطانين وملهمش حق اطلاقا إنهم يمسحو البوست
اما بالنسبه للسائح اللي عاوز ييجي ففعلا انا رايي انه ميجيش طبعا
عارفين ليه ميجيش يا ادمنز ياللي ممكن تكونو مَش واخدين بالكم من شويه نقط
عشان الخرتيه اللي بيصطادو السياح وهم رايحين الهرم في ميدان الرمايه ولو السايح مَش هيروح معاهم وعاوز يدخل الهرم مع نفسه هيتشتم ومش بعيد يعتدو عليه بالضرب كمان ودي نقطه واحده سلبيه من ضمن الاف النقط السلبيه اللي لو تحبو تعرفوها فانا مستعد اعرفهالكم
عندي السايح ميجيش مصر خالص احسن ما ييجي مصر ويتهزئ ويرجع ينشر بين أصحابه واهله خيبتنا ووكستنا

 

[Ahmed Wahba]

اللي عملته بالتأكيد صح. واللي بيعمله الأساتذة مدعوم بحاجة من اتنين
موقف سياسي ممتد لكره كل ما يمت لمصر بصله كنوع من العقاب لأهلها أو واحد عايز يعمل نمره علينا بطريقة انا نضيف وانتوا عايشين في زباله

 

[Amir Mohamed]

انا شايف اي حد يسأل عن مصر نحذره ونقول في غيرها احسن لو متاح ومعلشي لو قولنا غير كده يبقى كدب وضحك على الناس

 

[Hussien Mohamed]

طيب لو ده بوست عن بلد تانيه كنت هتعمل كده برضو ؟ يعني لو حد بيسال ياجماعه عايز اسافر تركيا او المغرب او ايا يكن و حد رد عليه و قاله بلاش تسافرهم احسن هيبقي ده نفس تصرفك ولا عشان دي بلدك ؟ عشان افهم اسلوب النقاش معاك يكون ازاي بس

 

[Ahmad Ibrahim]

والله انا شايف ان مل واحد لازم يوصل وجه نظره سواء كانت ايجابيه او سلبيه بمنتهي الادب و الاحترام و للامانه العلميه مفيش ساءك هيفكر يزور مصر الا لو كان مجنون او معتوه او سايح كسر محلتهوش اللضا مصر نفيهاش امان و حتي شعبها الغالبيه العظمي منهم هتستغله كأجنبي

 

[Shaimaa Mohamed]

اعملهم هم الاتنين بلوك و انجز

 

[Khaled Mamdouh]

الصراحة عندهم حق افرض جه مصر و مات بلده هتطلب تعويض و احنا اللى هندفعه من جيب اللى خلفونا اللى هو احنا اصلا مش لاقيين ناكل

 

[Somaya Diyab]

اللي يشتم في بلده زي اللي بيشتم في ابوه او امه لمجرد انهم فقراء او غير متعلمين او حتي مرضي.. الحالتين عيب عليهم و النموذجين للاسف موجودين

 

[Ahmed Moustafa]

Ahmed Abdelaziz Sleem

 

[Mohamed Zaky Asfour]

كل واحد حر في رأيه، ده اللي أنا شايفه.
أنا شايف كمان ناس بتدخل السياسة في الموضوع وناس ثانية بتزايد على وطنية الشخص وتتهمه بالخيانة، يعني بيغلطوا في شخصه وحضرتك سايبهم عادي مش عارف ليه، يعني هو علشان قال وجهة نظره اللي شايفها صح فالناس بتقول يبقى كاره البلد وبتقلبها سياسة ودي حاجة مش لطيفة !!
مش لازم أبقى كذاب علشان أعمل دعاية لأي حاجة عاجباني، الصدق فضيلة والكذب رذيلة.
الـ group اسمه Traveller experience، يعني تبادل خبرات، مش تشجيع السياحة في مكان معين بالكذب وعلى عكس الواقع.
لو واحد سأل على دولة معينة وأحد الأشخاص رد عليه رد سلبي عن الدولة دي، يا ترى رد فعلك حيكون إيه ؟!!
وعلى العموم الـ groups والـ pages و الـ websites اللي فيها أضعاف العدد اللي هنا كثييييير وتقدر تقول رأيك فيها بكل حرية.
الحرية هي أحد أهم أسباب تقدم الشعوب، مش تأخرها ١٠٠٠٠ سنة !! إلا إذا حضرتك فاهم الحرية بشكل ثاني !!!
افتكر إنك أنت اللي طلبت آراءنا.

 

[Hala El Sakkar]

انا مع حضرتك ف مسح الكومنت ... بصرف النظر عن ان دي ارأهم وهم حرين فيها بس هو كان واخد قرار انه جاي فعلا ... مش من اللياقة اني اقوله ماتجيش ... هو قبل مايقرر يجي ولا لا اكيد دخل ع النت وشاف بلاد تانية كتير يعني مش مستني رأي حد ف مسألة انه يجي او لا
غير كده وكده بقى انا شايفة انها خيانة لبلدنا لما نظهر السلبيات اللي فيها بس وندخل اراءنا السياسية ف الردود البلاد التانية مافيهاش ربع الجمال اللي ف مصر وتسمع شعبها بيقول فيها قصايد شعر .. لكن احنا ماشاء الله علينا بنظهر اسوء ما فيها و نقول حرية وصراحة

 

[Faten Tawfiq]

السوشيال ميديا خلت انه سهل اوى وعادى نغلط في بعض كنت فاكرة ان السفر بيخلى الشخصيه والتفكير يرتقى وكنت بحس بطاقه ايجابيه لما بدخل الجروب ان الناس بتساعد بعض بدون مقابل بالعكس بنفيد بعض وننقل خبرات بعض ونستفيد بس بعد كذا بوست عن السفر لمصر الواحد بقى يكرة يدخل الجروب أو أنه يفكر يرد عن بوست فيه حاجه عن مصر تفتكروا الغير مصريين اللى معانا على الجروب شايفنا ازاى دلوقتي وكله بياكل في بعضه وبلده اولا اللى في مصر من استغلال للسواح هو موجود في اي بلد هتروحها مش حاجه خاصه بمصر بالعكس هتلاقي اكتر من بوست بيقولك خد بالك من تركيا بيحصل كذا وخلى بالك من الهند بيحصل كذا واللى يقولك المافيا خطفتنى واللى يقولك اتسرقت واللى اتقتل واللى اتحبس فيها .... فمصر كاى دولة في العالم ودورك كمصري بدل ما تقول بلاش تيجي وافتكر قلت بلاش لو شايف عيوب قله خد بالك مثلا الأقصر وأسوان حر دلوقتى خلى بالك عند الاهرامات هيستلموك خليك شهم وقوله هستقبلكم في القاهرة واوديكم اهم الاماكن فيها
وبعدين لو اى حد متضرر من العيشه في مصر الناس اللى مش لاقيه قوت يومها تعمل ايه أو تقول ايه؟؟ ياريت نبطل ناكل في بعض وفي بلدنا لانها مش ناقصه لأننا احنا اللى المفروض نبدا بنفسنا وتفكيرنا يتغير للاحسن بدل ما بقى اسوء واسهل حاجه نشتم بعض
دمتم مسافرين ... دمتم إخوة

 

[Akram Abdel Hamid]

هو ليه محدش عايز يسمع او يفكر في رأي المخالف لرأيه..؟؟
محدش يزايد على وطنية حد..
واحد بيحب بلده وشايف فيها حاجات حلوة كتير وعايز يعملها دعاية (أيا كان السبب) مشكور جدا وهو حر...
واحد تاني بيحب بلده بردوا وشايف فيها عيوب كتير وخايف على زوارها ومش عايز تحصل لهم مشاكل كبيرة فبيقولهم ماتجوش هو كمان حر.. ده مايزعلكش في حاجة..
انتوا مش هتربوا الناس من اول وجديد
ومحدش انزل صك من السماء بان كلام أحد الطرفين حق مطلق...
تعلموا إحترام الأخر..
تناقشوا باحترام...
ولا تكتموا صوت أحد...
الحق لا يخاف الباطل

 

[Ahmed Abdelaziz Sleem]

برافو معتز .. مفيش مكان للأشكال القذره اللي بتكره البلد وبتقطع العيش عن الناس اللي مستنيه السياحه ترجع وبيحالوا يقنعوك ان شتيمه بلدك وجهه نظر المفروض تحترمها ..

 

[Andrew FR-sawerious]

مع احترامي لكل الاشخاص دي بلدنا وعيشين فيها حتي لو في سلبيات كتيرة لازم نتمنلها انها تطور و لازم نحاول نعمل الي علينا و انا ضد ان اي حد مصري كان او غير مصري انو يغلط في بلدي الي عايش فيها بلدي فيها خيرات كتير يارب يارب يارب اصلح حال البلد عشان خاطر الناس الغلبانة الي فيها الي نفسها تاكللقمة عيش حلال

 

[Azoz Alhamiree]

نا بقول وجهه نظري فقط
اولا حب الوطن لازم وان كنا زهقانين منه فزهقانيين علشان المستوى الاقتصادي
والاصل الا ننشر شىء سلبي عن البلد والا نكذب ان البلاد امنه وووو
لكن نذكر الشىء الايجابي والصحيح ندلهم عل الاشياء السياحيه والامنه
بعطيكم مثال طبعا مو صحيح بس كامثال مثلا الغردقه موامنه (مثال طبعا) نقولهم ننصحكم بالسياحه مثلا في منطقه مشابه وامنه .

نحذر السياح متى في حاله ان تكون البلاد بالغعل كلها مو امنه فها حفاظا عليهم وعلينا وعل بلدنا
مثلا طبعا انا يمني .. من حقي ان احذر السياح دخول البلد لانها بحاله حرب
اشكركم جميعا

 

[Ahmad Nabawy]

انا شايف برضه انه حر ف رأيه طالما مبيتجاوزش في حق حد او بيتجاوز في الالفاظ، وخصوصاً خصوصاً بقى لو بيتكلم في حقايق

 

[Mohamed L Masry]

انت فعلا مش عشان آدمن تحجر على آراء الناس ...
انا كواحد مصري بحب مصر افضل ان الاجنبي ما يجيش في الظروف دي لان كل المزارات هيتقلب فيها و هيتسرق و هيشوف بلاوي سوده و هيرجع بلده يعمل دعاية زباله عن مصر و قرف مصر اكتر من الي انت بتتحجج بيها عشان تحجر على آراء الناس ....
وحصلت كتير جدا جدا جدا ... ناس اجانب نزلت الهرم و الحسين و غيره و رجعوا بلدهم فضحونا ..
و مواقع المعلومات السياحية قايله عنك كلام ما يشرفش نهائيا ... يعني الاجنبي مش مستني كومنتات الناس دي عشان يعرف البلاوي دي ... اقل سيرش هيطلعله الكلام ده ...
ما استفادتش برد فعلك ده غير انك بينت للناس ان الجروب مسموح فيه الكلام في سياق معين بس حتى لو كان لا يتعارض مع الاخلاق ... و انك بينت للأجنبي الي شايف البوست بتاعك ان فعلا في بلاوي و الي ما بيقولش عنها بيحاول يطرمخ عشان يشد رجل السياح و خلاص .. و غالبا هتخسر ناس كتير جدا من اعضاء الجروب و هتخسر احترامهم للجروب و الي اظن ماحدش له الحق انه يشكك في وطنيتهم بردو !!
معلش اعذرني بس سيادتك و الاخوة و الاخوات مش مستوعبين بحسكم الوطني ده ..
ان كلام الناس هنا ارحم بمراحل من ان السايح ينزل مصر و تجربته تبقى وحشه و يرجع يفضحها و يعرف كل الي يعرفوه تجربته فيها ...
الوطنية المزيفه الي كلها شعارات دي بتلبس البلد مش بتحميها ... :\
و ان كان هم سيادتك الشتايم فانا شايف ان الي بيشتموا كانوا اولى بمسح كومنتاتهم و يتعملهم بان من انك تهاجم الي بيقول رايه باحترام ...
و انا شايف ان في كومنتات في شتايم هنا في البوست ده زي ان الي بيعيبوا في البد قذرين و غيره و سيادتك داخل رادد عليها عادي و لا كأنهم شتموا !!!
للاسف اعذارك مش منطقيه .. :\

 

[Sara Al-nahhal]

انت صح
وجتهم الخيبه اللي بيشوهوا البلد بفلاحتهم
الله يحفظ مصر وشعبها وسائر بلاد المسلمين
وارزقها أمانها واستقرارها

 

[Bassam Adam]

هو ممكن نفرق بين ان احناننصحه وان احنا نطفشه. يعنى الجروب من أهدافه نسهل ونوفر لبعض المعلومات واسئله عن السفر والأماكن والعيوب والمميزات والنصائح اللى هتنفعك فى البلد ايا كان البلد ايه. زى مابشوف اسئله على بلاد تانيه ويقولوا خد ده وماتخدش ده واعمل حسابك متروحش الحته ديه وكل من مكان ده. نفس السؤال على مصر أقوله المعلومات وانصحه وهو له حرية الاختيار وبيبقوا عارفين الاخبار قبل ماييجوا بمعنى أن الاعتماد مش على جروبنا احنا بس. أكيد أى حد تانى مابيعتمدش على الجروب بس وبتسأل ناس تانيه بس هى نسبة الاستفاده هنا عاليه. ممكن نقوله الاماكن وأنصحه ماتتعاملش مع أى حد مثلا. ممكن نسأل لو حد على الجروب يعمله برنامج ونعرضه عليه وعلى حسب اختياره. نقول للسائح ممكن تروح هنا وماتروحش هنا. أقدم النصيحه بشكل كويس هتفرق كتير ✌