M
Mustafa ELkomy
:: مسافر ::
كنت فى روما ورايح ميلانو بالقطر فا روحت انا وصاحبى نجيب تذاكر من المكاينه اللى فى محطه القطر المهم لاقينا عرض 2×1 تذكرتين بسعر تذكره قولنا حلو وخدناها، جينا يوم السفر فى كمسرى بيعدى يشيك على التذاكر فا بيقولى امال فين الشخص التانى قولتله اهو وشاورت على صاحبى قالى كدة هتدفعوا غرامه لان الاوفر دة لل couples المهم انا ضحكت وقولت لزميلى البس الجونيله ياعم الحاج وفضلت اقنع فى الراجل اننا مثليين عشان مندفعش ضحك وقالى احنا بحترم دة بس هتدفعوا برضوا لان دا لازم يكون لواحدة وواحد مش اتنين رجاله
R
Ramy Zaher Anwar
:: مسافر ::
انا اللى حصل معايا عكس البوست انا اتنصب عليا قدام برج ايفل فى ٢٠٠ يورو فى لعبة ال٣ ورقات بس بيلعبوها بكورة و ٣ كبايات معدن بس الحمد لله البوليس اتدخل فى الثانية الصح ورجعلى فلوسى بس قضيت ٤ ساعات فى القسم عشان الشرطة اجبرتتى اجى معاهم اعمل محضر بالرغم انى خلاص فلوسى رجعتلى فا مسامح الراجل وضيعوا عليا ٤ ساعات من السفرية
A
Ahmed Abdou
:: مسافر ::
كنت شغال علي بريمة بترول في البحر الاحمر و لما بتملي سولار بيوقفو كل ال hot work و التدخين و بيبقي في فانوس زي بتاع عربية الاسعاف كدة شغال عند ال smoking area عشان الناس تعرف و متدخنش و كنا في رمضان بعد الفطار و انا كل خمس دقايق اروح هناك اشوف بقي مسموح ولا لا لحد ما مرة رحت لقيت اربع مهندسين مصريين قاعدين استغربت ايه اللي مقعدهم طالما الفانوس والع و مفيش تدخين لقيتهم مقلقين مني كدة و خايفين اتاكدت انهم بيدخنو رحتلهم لقيتهم مداريين السجاير تحت الكراسي قلتلهم انتو بتدخنو و الكشاف شغال ازاي لقيتهم بيبصو لبعض كدة ....
طب حد يولعلي بقي يا ولاد التيت احسن انا خرمان اكتر منكم
طب حد يولعلي بقي يا ولاد التيت احسن انا خرمان اكتر منكم
A
Abody Al-Ghareeb
:: مسافر ::
دلوقتي مخيم على شاطئ في جزيرة لانكاوي، احد الطرق اللي بشحن بيها الموبيل والباور بانك. بدخل اي هوستيل على الساعة ١٠ بليل ف عادة بيكون في مجموعة متمجمعين في الريسيبشن. بدخل وبقعد ونتكلم شوية و اوصل باقرب فيشة. لما كله يروح ينام على س ١ كدا اسلم عليهم ف بيستغربوا انت رايح فين؟ . بعد كدا عادة الصبح بيقضوه معايا على الشاطئ ويستخدموا الهاموك وبليل انا معاهم دردشة وبشحن
N
Nermen Nada
:: مسافر ::
كنت في لارامبلا في بارشلونه وكان في واحد من بتاع الانيميشن وكان لابس لبس جوني ديب في اليس في بلاد العجائب وانا عايزه اتصور معاه وشايفة الناس بتحطله كوينز في البوكيت اللي تحت رجله وعماله افكر هل بالسهوله دي افرط في ١ يورو او حتي 50 سنت وبعدين افتكرت ان معايا جنيهات مصري طلعت 2 جنيه وحطيتهملوا شافني بحطهم افتكرهم 2 يورو كان طاير وعمل معايا فوتو سيشن كامل
S
Shady Ezz
:: مسافر ::
موقف فهلوة و مضحك لاينسى !! كنت في اللوفر انا وصاحبي اللي كان عامل احلى دماغ ومالناش اوي في جو المتاحف ده بس كان هدفنا نتبسط !! المهم كان هدفه انه يدخل القسم المصري يشرح للمزز عن الاثار المصرية وفي الاخر يشقط واحدة او عل الاقل يتصور معاها هههههههه وده اللي حصل دخلنا القسم المصري ووقف عند مجسم وبس اي واحدة معدية قعد يفتي فتي السنين رمسيس مين وابن مين و يوري صوره في اهرامات وشغل عالي اتصور مع كذا مزة وكان يوم جميل ههههههه لغاية ما واحده بنت بلد من ام الدنيا معدية وشافت اخينا بيفتي ولما خلص جت قالتله اشرحلي يعني بضحك كده واخينا اول ما قال ده رمسيس راحت قالت اركب بنها من فين هههههههههههههه مسخرة السنين شكرا لبنت البلد اللي مسيحلنا في برا
