M
Mostafa Basuni
:: مسافر ::
كنت فى سوريا و سوريا ماكانتش محتاجه فيزا و للاسف كنت صريح و هما بيسألوني عن سبب الزيارة و قولتلهم عمل مش سياحة فالمفروض اترحل على نفس الطيارة وارجع مصر غمزت للموظف بتاع مصر للطيران فهمنى وقال لموظف الجوازات السورى ان الطيارة كومبليت
اتحجزت فى مطار دمشق ١٨ ساعة
ضربت صحوبيه مع ظباط المطار
لحد ما جابولى موبيل سورى اتصلت على الناس الى جاى اشتغل معاهم بس كان عدى نص الليل
الصبح طلع جه حد أخدنى من المطار و دخلت عادى على أنى سياحة
سوريا كانت جميلة اللهم اصلح احوالها يارب
اتحجزت فى مطار دمشق ١٨ ساعة
ضربت صحوبيه مع ظباط المطار
لحد ما جابولى موبيل سورى اتصلت على الناس الى جاى اشتغل معاهم بس كان عدى نص الليل
الصبح طلع جه حد أخدنى من المطار و دخلت عادى على أنى سياحة
سوريا كانت جميلة اللهم اصلح احوالها يارب
M
Mohamed Refaat
:: مسافر ::
علشان مانظلمش المصريين .
وانا في دبي نازل من فندق كبير برجين في بعض وركبت التاكسي والتاكسي قالي معلش استني شويه انا منتظر حسابي من زبونه صينيه دخلت الفندق تفك ١٠٠ دولار وطبعا بعد نص ساعه والسواق دخل يسال في الفندق ولا حد جابلو حقو والصينيه دخلت الفندق و مخرجتش .يعني نصبت عليه .
وانا في دبي نازل من فندق كبير برجين في بعض وركبت التاكسي والتاكسي قالي معلش استني شويه انا منتظر حسابي من زبونه صينيه دخلت الفندق تفك ١٠٠ دولار وطبعا بعد نص ساعه والسواق دخل يسال في الفندق ولا حد جابلو حقو والصينيه دخلت الفندق و مخرجتش .يعني نصبت عليه .
A
Ahmad Abd Ellatif
:: مسافر ::
الناس بتاعه بتخلوا شكلنا وحش دي يرحمونا ويرحموا نفسهم ٫ كل واحد مسئول عن نفسه وخلي عندك ثقه في نفسك كده . والاجانب عن تجربه في منهم برده بيعمل اوسخ من الحجات دي بكتير . والشخص اللي تقابله اصلا بيحكم علي شعب او بيحكم عليك من تعامل مع حد من جنسيتك قبل كده يبقا لا مؤاخذه اصلا ...
S
Shady Ezz
:: مسافر ::
مثال عل فهلوة اجانب: واد امريكي واخد عربية واد فرنساوي في فرنسا و راحين نتفرج عل ماتش فرنسا والمانيا ووقفنا ظابط فيبقله رخصك فقال معاييش و العربية مش بتاعتي و عامل نفسه مش بتكلم فرنساوي قعد يقولوا يارب تفوزوا انهادرة و احنا معاكم و شغل كماين مصر ده ههههههه وقاعد يحلفه انه رايحين نتفرج عل المتش راح الظابط فرح فشخ وقلنا عل اقرب بار كمان ..... رحنا البار اللي قلنا عليه لقينا الداخليه كلها هناك ههههههههههه لا بهزر ...
M
Mohamed A Latif
:: مسافر ::
دخلت فندق في بلد ما كنّا ٣ في الاوضه وفِي سريرين بس بيقولولي ادفع اكسترا عشان تاخد سرير زياده ، قولتلهم الحجز في كام واحد قالولي ٣ طب وفِي كام سرير قالولي ٢ قولتلهم لا لا ، ٣ يبقي ٣ سراير من غير اي اكسترا شارج ، منطقي والا كان الموقع زود علّيا والحمدلله مشي الحال لأني كنت مقتنع ساعتها بعدين اكتشفت اني غلطان بس كان الأسبوع خلص واخدت سرير إضافي من غير ما ادفع حاجه زياده
E
Engy Tantawy
:: مسافر ::
كنا في المكسيك و البياعين هناك نصابين ، في محل فضة و اكسسوارات كدة كنا مجموعة مع بعض ( نصحونا هناك نتحرك مع بعض عشان السرقة) المهم اشترينا و فاصيلنا و تمام البياع حاول يخم في الفلوس فمصري معانا خمة و عمل انة دفع المبلغ كلة لزميلة و لخبطة في الحساب و اخد باقي كمان، الواحد بقي فعلا متلخبط و احنا طبعا مسخسخيييين ضحك، و احنا خارجيين ادالة الفلوس و فهمة عمل اية و قالة ما تبقاش تستعبط علينا تاني احنا فراعنة
M
Mohamed S. EL-Demerdash
:: مسافر ::
كنت هنزله بوست زي بوستاتى قبل كده بس يالا نصيبكوا بقى
حكاية حدثت معى باحد المقاهى الاصطناعية فى مدينة بانكوك التايلاندية – ولمن لا يعرف بانكوك فهى مدينة الموبقات الاولى فى العالم ....... وضع تحت الموبقات تلك الف خط وخط والموبقات هى كل ما تتوقع او لاتتوقع من شر فى هذا العالم الكبير العجيب ...... فى بداية زياراتى لمدينة بانكوك كنت لا اعرفها جيدا وقادتنى قدماى لاحد مقاهى الحى العربى هناك لاكسر ما احس به من غربة وحنين للوطن وقهاويه ....... واذ فجاة دخل المقهى فتاة ممشوقة القوام ترتدى الزى الخليجى وبرقعا يغطى وجهها ...... ومن بين كل طاولات المكان لم يقع اختيارها الا على طاولتى واقتربت وهى تنظر لى مباشرة بعيون واسعة كاحلة سبحان من ابدع خلقها وتسالنى فى صوت ساحر ........ ممكن اجلس ؟؟؟؟؟ رددت وانا اتلفت لعلها تكلم احدا اخر ...... اه طبعا اتفضلى !!!! ردت بدلال : اسفة جدا .... بس انا لوحدى لمدة ساعتين .... اهلى بيسووا شوبنج ..... ومصدقت لقيت واحد عربى .... قلت اتكلم معاه شوية!!!! - تلفت ورائى فوجدت كل من يجلس من العرب ...... قلت مش مهم ..... يمكن مش واخدة بالها !!!! فرددت قائلا..... لا ابدا اهلا وسهلا ..... هى - تحب تشرب ايه ؟؟؟ انا - لا والله ابدا ..... ده واجب علينا ....... هى - لاااااااااا انا لازم اعزمك ...... انا اللى اتطفلت عليك ...... وقامت بنداء الجرسون بسرعة وقالت له ان ياتى بما اريد ....... وعندما سألها عما تريد ان تشرب ..... سألته ..... عندكم كحول ؟؟؟؟ رد الرجل.....لا معندناش .... بس فيه بيرة !!!! - خلاص هات واحد بيرة وشيشة تفاح ........ كنت اراقب الموقف وانا فاتح فمى ويكاد العرق يغرقنى ....... كيف ساجلس مع واحدة بتشرب بيرة ..... وكمان هتشد حجر وانا قاعد معاها .....ايه الجو ده يا ربى ؟؟؟ طب امشى !!! اسيبها واجرى !!! اثبت يا محمد اهى مصيبة وحدفت عليك ..... اصبر كلها نص ساعة وهتغور فى داهية ..... وبعدين يعنى ياما دقت على الراس طبول .... مش دى اللى هتاثر فيك ..... المهم جائت الشيشة وجاء معها المشروب ...... سألتها ...... هوه انتى متعودة على الشرب ؟؟؟؟ فردت ....لا ابدا انا باشرب بس لما ابقى مبسوطة ..... وانا النهاردة مبسوطة قوى انى شفتك ...... نيهاهاهاهاههاهااهاهاهاه - سالتها .... ايه يا ستى ده ...... هوه انتى تعرفينى ؟؟؟؟ - فقالت .... فيه ناس مش لازم تعرفهم عشان تستريحلهم ...... آه ..... بقى الموضوع كده ..... ده ايه النهار الكوبيا ده ...... بدات مشاهد فيلم الحب فى طابا تتداعى للذاكرة .... لكن التفاصيل هناك كانت مختلفة تماما ..... كمان مكانش فيه قهوة فى طابا ...... والجو هناك كان كله مايوهات .... هنا العملية غامقة شويتين ..... اخذت افكر كيف انتهى من هذا المطب ..... الى ان حدث ما لا يتوقعه عقل .... وما عجز عقلى وقلبى عن استيعابه ...... ما ان وضع الجرسون الشيشة امام السيدة الا ووجدتها قد وضعت ساقا على الأخرى وقامت بازاحة البرقع عن وجهها لتشرب الشيشة ...... هنا حدثت المفاجاة .......تخيلوا ماذا حدث ؟؟؟؟؟....... لقد وجدت شابا مكتمل الرجولة ...... وشنبه من نوع شنب سمير غانم ..... وشعر صدره عامل جنينة ولا جنينة رشدى اباظة ......... يا نهار اسود ...... صرخت فيه ...... انت مين يا عم الحج ؟؟؟؟ فرد بدلع ..... انا كمال ...... - كمال مين يا بنى؟؟؟؟ وعامل فى نفسك كده ليه ؟؟؟؟ - فرد بنفس الطريقة .... اكل العيش يا باشا ........ - باشا مين الله يخرب بيتك ..... - رد مبررا .... الغربة وحشة يا باشا ....... - غربة ايه ؟؟؟ ونيلة ايه .؟؟؟ قمت بسرعة وانا الملم اشيائى وهو يتودد لى قائلا .... طب اقعد معايا شوية !!! - ياعم غور فى ستين داهية.... اقعد فين ..... الله يحرقك وما ان بدات اتحرك الا ووجدته يصرخ فيا بصوت رجولى قوى .......طب مش هتدفع الحساب ولا ايه يا كابتن .......
حكاية حدثت معى باحد المقاهى الاصطناعية فى مدينة بانكوك التايلاندية – ولمن لا يعرف بانكوك فهى مدينة الموبقات الاولى فى العالم ....... وضع تحت الموبقات تلك الف خط وخط والموبقات هى كل ما تتوقع او لاتتوقع من شر فى هذا العالم الكبير العجيب ...... فى بداية زياراتى لمدينة بانكوك كنت لا اعرفها جيدا وقادتنى قدماى لاحد مقاهى الحى العربى هناك لاكسر ما احس به من غربة وحنين للوطن وقهاويه ....... واذ فجاة دخل المقهى فتاة ممشوقة القوام ترتدى الزى الخليجى وبرقعا يغطى وجهها ...... ومن بين كل طاولات المكان لم يقع اختيارها الا على طاولتى واقتربت وهى تنظر لى مباشرة بعيون واسعة كاحلة سبحان من ابدع خلقها وتسالنى فى صوت ساحر ........ ممكن اجلس ؟؟؟؟؟ رددت وانا اتلفت لعلها تكلم احدا اخر ...... اه طبعا اتفضلى !!!! ردت بدلال : اسفة جدا .... بس انا لوحدى لمدة ساعتين .... اهلى بيسووا شوبنج ..... ومصدقت لقيت واحد عربى .... قلت اتكلم معاه شوية!!!! - تلفت ورائى فوجدت كل من يجلس من العرب ...... قلت مش مهم ..... يمكن مش واخدة بالها !!!! فرددت قائلا..... لا ابدا اهلا وسهلا ..... هى - تحب تشرب ايه ؟؟؟ انا - لا والله ابدا ..... ده واجب علينا ....... هى - لاااااااااا انا لازم اعزمك ...... انا اللى اتطفلت عليك ...... وقامت بنداء الجرسون بسرعة وقالت له ان ياتى بما اريد ....... وعندما سألها عما تريد ان تشرب ..... سألته ..... عندكم كحول ؟؟؟؟ رد الرجل.....لا معندناش .... بس فيه بيرة !!!! - خلاص هات واحد بيرة وشيشة تفاح ........ كنت اراقب الموقف وانا فاتح فمى ويكاد العرق يغرقنى ....... كيف ساجلس مع واحدة بتشرب بيرة ..... وكمان هتشد حجر وانا قاعد معاها .....ايه الجو ده يا ربى ؟؟؟ طب امشى !!! اسيبها واجرى !!! اثبت يا محمد اهى مصيبة وحدفت عليك ..... اصبر كلها نص ساعة وهتغور فى داهية ..... وبعدين يعنى ياما دقت على الراس طبول .... مش دى اللى هتاثر فيك ..... المهم جائت الشيشة وجاء معها المشروب ...... سألتها ...... هوه انتى متعودة على الشرب ؟؟؟؟ فردت ....لا ابدا انا باشرب بس لما ابقى مبسوطة ..... وانا النهاردة مبسوطة قوى انى شفتك ...... نيهاهاهاهاههاهااهاهاهاه - سالتها .... ايه يا ستى ده ...... هوه انتى تعرفينى ؟؟؟؟ - فقالت .... فيه ناس مش لازم تعرفهم عشان تستريحلهم ...... آه ..... بقى الموضوع كده ..... ده ايه النهار الكوبيا ده ...... بدات مشاهد فيلم الحب فى طابا تتداعى للذاكرة .... لكن التفاصيل هناك كانت مختلفة تماما ..... كمان مكانش فيه قهوة فى طابا ...... والجو هناك كان كله مايوهات .... هنا العملية غامقة شويتين ..... اخذت افكر كيف انتهى من هذا المطب ..... الى ان حدث ما لا يتوقعه عقل .... وما عجز عقلى وقلبى عن استيعابه ...... ما ان وضع الجرسون الشيشة امام السيدة الا ووجدتها قد وضعت ساقا على الأخرى وقامت بازاحة البرقع عن وجهها لتشرب الشيشة ...... هنا حدثت المفاجاة .......تخيلوا ماذا حدث ؟؟؟؟؟....... لقد وجدت شابا مكتمل الرجولة ...... وشنبه من نوع شنب سمير غانم ..... وشعر صدره عامل جنينة ولا جنينة رشدى اباظة ......... يا نهار اسود ...... صرخت فيه ...... انت مين يا عم الحج ؟؟؟؟ فرد بدلع ..... انا كمال ...... - كمال مين يا بنى؟؟؟؟ وعامل فى نفسك كده ليه ؟؟؟؟ - فرد بنفس الطريقة .... اكل العيش يا باشا ........ - باشا مين الله يخرب بيتك ..... - رد مبررا .... الغربة وحشة يا باشا ....... - غربة ايه ؟؟؟ ونيلة ايه .؟؟؟ قمت بسرعة وانا الملم اشيائى وهو يتودد لى قائلا .... طب اقعد معايا شوية !!! - ياعم غور فى ستين داهية.... اقعد فين ..... الله يحرقك وما ان بدات اتحرك الا ووجدته يصرخ فيا بصوت رجولى قوى .......طب مش هتدفع الحساب ولا ايه يا كابتن .......
المصريين بيفتو برا وجوا ده ف الدم
L
Lina Elmelegy
:: مسافر ::
انا في مطار هونج كونج قعدت تسئلوني و شفتهم بيرحلو ناس قدامي و بتقلي عاوزه اثبات شغل و انا مش جبت معايا تقلي اي ورقه و كرت روحت طلعت ورقه اعلانات كانو حطنها علي باب عماره و احتفظت بيها عشان عاوز أرقام و كانت عربي وادتها البطاقه الشخصيه و هي و لا فاهمه حاجه و عدت الحمدلله