ياجماعه فى حد كان عندة ترانزيت 50 دقيقة بس فى...

  • بادئ الموضوع بادئ الموضوع Adham Mohamed
  • تاريخ البدء تاريخ البدء
عرض العطلة
A

Adham Mohamed

:: مسافر ::
#1
ياجماعه فى حد كان عندة ترانزيت 50 دقيقة بس فى مطار اسطنبول ولحق طيارته التانية
وهل 50 دقيقة ترانزيت كفاية ؟
 
#2
لا ارجوك متحاولش
انا كنت سالت السوال ده هنا قبل كده وناس قالولي هتلحق
والطياره اتاخرت في الاقلاع من هنا بدون اسباب واخدتها جري من ساعه مانزلت من الطياره والمطار اكبر مما تتخيل وبرضه ملحقتش واخدت الطياره اللي بعدها ب ٧ ساعات
خلي بالك متكررش غلطتي
 
#3
انا كان عندي ترانزيت ٤٥ دقيقه ولحقت الطياره بس الشنط هي اللي مجاتش ،وصلتني الشنط ع الطياره اللي بعدها ب ٤ ساعات ، بس رجعوني بيزنس وانا راجع ، واتمنيت ان الشنط تتأخر كل سفريه .
 
#4
انا موظف حجز طيران فى شركه سياحه وبقولك اقل حاجه يكون عندك وقت مش اقل من ٤ ساعات
غير كده هرى
لانه وارد ان طيراتك تتأخر ولازم يكون عندك وقت للوصول للصاله التانيه وكمان عشان يكون فيه وقت انهم ينقلو الشنط من الطياره للتانيه
 
عرض العطلة
#7
انا اخذتها مرة ٤٥ دقيقة فى مطار البحرين او قطر مش فاكرة و جريت جرى فظيع... رغم ان كل شيء كان المفروض مترتب و المطار مش كبير و الطاءرة كانت فى موعدها
 
#8
انا كان عندي قبل كده ساعتين في مطار اسطنبول و حسيت انهم دقيقتين اصلا المطار زحمه جدا جدا فوق ما تتخيل على ما تنزل من الطياره وتدخل على سير تتفتش وتطلع على صالات الانتظار بيبقى عدة اكتر من ساعه ربنا معاك
 
#10
تقدر تخاطر بس تطلب وانت بتحط الشنط انها تحط عليهم ليبل hot transit.
انا سافرت كتير ترانزيت ساعة وعادي مافيش مشاكل
بس الوقت ضيق اذا الطيارة اللى ورآها بعيده تقدر تخطط اذا فاتك تطلع بره وتلف شوية فى اسطنبول

المطار مش كبير زى نا الناس بتقول لدرجة انك تتوه بسببه
بس اللى ممكن يعطلك هوا ال second check.
اللى بيتعمل بين الرحلات الدولي
وده اذا الطابور طويل ممكن مش تلحق.

هى مخاطرة فيفتي فيفتى
اذا عندك استعداد تطلع تأشيرة احتياطى وتخرج تستمتع بالبلد ساعتين وترجع فالموضوع يستاهل
 
عرض العطلة
#11
لا هتلحق في حالة واحدة بس، لو ماحصلش تاخير في الطيارة الأولى ..
تنزل من هنا وجري على تفتيش الترانزيت وما تستناش وتستاذن الناس اللي قبلك او لو في موظف واقف هيساعدك تعدي وتنجز ..
لو معاك check in bags في احتمال انهم يتأخروا بردو ..
لو مكانك ومافيش بدائل هاخدها لو معاييش شنط check in
تجاربي مع الترانزيت القصير في اتاتورك كان مرة ساعه وربع، والطيارة اتاخرت ولحقت بردو بس الشنط اتاخرت..
 
عرض العطلة
#16
لا على فكره هتلحق ان شاء الله . انا كنت مسافر ترانزيت لمده ساعه والطياره من مصر اتأخرت نصف ساعه واول ما وصلت المطار اخدتها جري لحد بوابه الترانزيت ولحقت الطياره الحمد لله والطياره المفروض معادها كانت تطلع الساعه 1.30 اتأخرت حوالي ساعه وكانوا مستنينا عادي جدا الحمد لله
 
#17
مش هتلحق! طيارتك هتوصل مطار اسطنبول اصلا متأخره والمطار زحمه جدا والتفتيشات كتير وموسم حج هتتأخر يا برنس
 
#19
حصلت معايا بس فى قطر ولقيت المضيفات مستنيين وعمال ينادوا على اللى رايح الكويت وجمعونا بسرعة ولحقنا الطيارة بس الكلام ده كان على نفس خط الطيران (القطرية)
 
#20
علي حسب مسافر منين و خطوط الطيران ورايح فين - و البوابة الي هتنزل فيها و البوابة الي هتسافر منها - ممكن الطيارة الي من اسطنبول اصلا تتأخر و تلحقها - لو مسافر من مصر لازم تعدي علي السيكيوريتي تاني بس لو مسافر من امريكا لتركيا بتطلع علي البوابات علي طول

لو عايز تعمل الي عليك - حاول تاخد كرسي قدام من مصر عشان لما الطيارة توصل تطلع بسرعه "الا لو هتنزل علي اتوبيس مش هتفرق" و متشيلش شنط كبيره علي الطيارة عشان تعرف تجري و خلي كل حاجتك جاهزة في الشنطة عشان تعدي السيكيوريتي بسرعه - لما توصل عند السيكيورتي متقفش في الطابور استأذن الناس و خش علي طول و لو في ظابط قله عشان يعديك من الطابور بعد كده خد السبرينت لحد البوابة

ممكن حظك يبقي حلو وتلاقي حد من خطوط الطيران مستنيك و ده معناه ان الطيارة مش هتطلع من غيرك ساعتها انسي الي قلتهولك ده كله و خلي موظفين خطوط الطيران يقومو بالواجب
 
عرض العطلة
عرض العطلة
عرض العطلة