عايز تنشر يا ادمن انشر مش عايز تنشر كفاية انك...

[Sameh Eshra]

عايز تنشر يا ادمن انشر مش عايز تنشر كفاية انك تبقى عرفت رايى
الجروب قالب على جو قناة مكملين و الشرق و اغلب البوستات يا تريقة مباشرة أو غير مباشرة على مصر و العيشة فيها و على باسبورها
لو انت مش واخد بالك انا نبهتك ولا واخد بالك يبقى قشطة

 

[Ahmad Al Elwany]

للاسف فعلا السياسة غالبة على المشاركات

 

[Hisham Elqenawy]

انا معرفش ايه نظام قناة مكملين دي .. بس بحالة البلد دلوقتي .. التريقة دي اقل حاجه تتعمل والله

 

[Ahmed Stohy]

اقولك على سر
تعالى
اغلب الموجودين هنا بيكرهوا الاتنين بيكرهوا اللي بيتكلموا بمنطق مكملين والعكس صحيح برضو
يعني لا مع الموجودين دلوقتي وللا اللي قبلهم

 

[Taha Hussien]

مين قال كدة دة العيشة فالبلد احلى من اوروبا والجواز المصري تقدر تدخل بية كل دول العالم بدون تأشيرة ... ها عايزني اقول اية تاني وانا أقول

 

[Ahmed Mohamed]

ومين قالك ان الناس المحترمة الشريفة دي بتتريق على مصر !!!

انما بيتريقوا على اللي خلونا مهزئة الامم وبقينا ارخص جنسية وارخص عمله بسبب اللي اخدين البلد وخيرها ملاكي لحسبهم بقالهم ٦٠ سنة لما جابوا ضرفها

ما تفوقوا بقى الاعلام الامنجي لحس مخكم.
ولا تعريف مصر عندكم هو " العسكر " !!

مفيش دولة محترمة في العالم اللي انتوا بتسعوا تروحوا لها عشان تعيشوا حياة محترمة بيحكمها عساكر

فوقوا بقى قرفتونا

ولو عجبكم الوضع دا يا رب تفضلوا فيه ع طول تستحقوا ويخرجنا احنا من بينكم سالمين غانمين امنين

 

[Moataz Ali]

هو مش جروب مسيس أو ديني أو أي حاجة غير السفر....
لكن في نفس الوقت هو فيه خليط من كل أطياف الشعب ، فاللي بيحصل و بيتقال في المجتمع برضه هيتقال هنا...
و أعتقد أن الأغلبية الساحقة من المصريين ناقمين علي الوضع الحالي و القائمين علي الحكم... و ده شئلا يمكن إنكاره أو حجبه و بينعكس علي كل شئ...

 

[Riham Rizk]

معك جدا انا في جروبات كتير مشفتش كم الكره للبلد زي اللي في الجروب ده واصدق دليل لما حد اجنبي يكون عايز يزور مصر وتلاقي التعليقات انصحك بلاش مصر

 

[Ahmad Al Elwany]

انا ليا ٢ صحاب واحد مولود فى أمريكا و معاه جواز امريكى و التانى والدته هولندية و الاتنين عايشين فى مصر و اتجوزو و خلفو فى مصر و لسه غطاس ايرلندى اتوفى فى دهب و برده كان عايش هناك و فاتح مكتب غطس يعنى كل الافلام و الاحباط ده مش حقيقى و مش حيجيب نتيجة زى ما انتو بتحاولو تصورو.
Bahaa AldeenFarouk
شوف حل لموضوع السياسة ده جروب سفر و سياحة مش سياسة و شتيمة فى مصر

 

[Ashraf Ezz]

ده تهديد ده و لا ايه؟!!! انا اول مره اشوف حد داخل جروب يبتز الادمنز و يخوفهم بحجة انهم اخوان!!! يا اخي مش عاجبك الجروب مع الف سلامة و روح اعمل واحد و سميه الدنيا ربيع و الجو جميل قفل لي علي كل المواضيع

 

[كريم جبر المصري]

لا لا يا رجل
مين قال كدا
ده حتي مااااسر احسن بلد في الدنيا والحكم احلي نظام في العالم

وتحيا مصر تلت مرات ✌

 

[Karim Fahmy]

التعبير عن الراى بطريقة مباشرة بتسموة تريقة مباشرة
والتعبير عن الراى بطريقة غير مباشرة بتسموة تريقة غير مباشرة
كل واحد وعلى حسب طريقتة فى التعبير
طيب نعملكم اية ننافقكم مثلا علشان يعجب

 

[Ivan Enrique Gomez Castro]

تحيا مصر مليون مرة

 

[Amany Fathy Madroush]

انت عايش في غيبوبة . انظر حولك . وايه مكملين دي ان جيت للحق الشباب و البنات اللي هنا تبع كفرنين من كتر البذخ و الرفاهية . فابيتريقوا من باب الفانتازيا على جمال أهل الباسبور المصري . الباسبور المصري اللي ما يدخلكش سفارة بلدك . عايزين ايه بالظبط

 

[Amany Fathy Madroush]

اه و تحيا مصر ... بس بالعدل

 

[Gaiver Wessam]

الناس إلى اتعصبت من البوست ريحتكم فاحت

 

[Omar Abdalla]

مش محتاجين نفاق ولا محتاجين قله ادب علي الجروب ولا محتاجين حد يسب بلده ولا اي بلد تاني .الجروب للسفر وياريت الاسئله تبقي عن السفر وبس .اي حد عاوز يتكلم عن السياسه فيه مليون صفحه تتكلم عن السياسه انما هنا سفر وبس .ياريت نلتزم بقواعد الجروب والناس ترتقي شويه

 

[Gaiver Wessam]

و #تحيا_مصر

 

[Dina Mohamed]

خلاص يا جماعه الدنيا وردي وزي الفل واحنا عايشين في سعاده غامره عشان فيه ناس بتتقمص..اصلا الجروب ده تقريبا من القليلين اللي مش بيتكلم في السياسه خالص مش معني انهم بيقولو مشاكل الباسبور وعايزين حل يبقي تريقه وانت مش رقيب علي نوايا الناس ولا ارائهم..شايف الجروب فيه بوستس بتضايق حضرتك الغيه من عندي او اعمل نفسك مشفتش البوست وارتاح

 

[Ahmed Mohamed]

هو العسكر هم مصر ؟؟