S
Shaymaa Elkhawaga
:: مسافر ::
بصراحة حضرتك اللي عملت فتنة بالبوست بتاعك ده.. ما الناس ساكتة و بتتعامل عادي رغم اختلاف التوجهات و فين و فين لما بيحصل خلاف على بوست و الموضوع بيعدي لان الناس فاهمة الجروب بيتكلم عن ايه... و بعدين يعني هو في حد افترى على البلد في حاجة!!!! حاجات سلبية بتحصل في مجال السفر و الناس بتنتقدها و بتتناقش فيها و بنشوف ممكن نعدلها ازاي و لا نتجنبها ازاي. و الللي متضايق بينتقد تصرفات او سلوكيات اواجراءات, مشفتش حد داخل بيقول انا بكره مصر .. و بعدين مش ذنبنا ان السلبيات كتير يعني 
J
Jannah Ahmed
:: مسافر ::
بالعكس اول خطوة فى حل المشاكل هى الاعتراف بالمشاكل .. فيها اية لما تعترف بالمشاكل بتاعة بلدك ما دام واضحة لكل البشر؟ مش احسن من نقول مصر عظيمة و كبيرة و الناس تضحك علينا عشان احنا مش كبار و لا عظيمين و لا حاجة؟ الاعتراف بالحق فضيلة .. مصر حلوة بس منهوبة و مهملة و مطبلاتية
S
Shaimaa Hakim
:: مسافر ::
يعني اية باسيور ضعيف..يعني مابيدخلكش دول كتير فور الوصول، ولية معظم الدول الكبيرة بترفض دخولك..لأنك من دولة ضعيفة اقتصادياً ومواطنيها بيرموا نفسهم في البحر للهجرة...فا طبيعي مش هيقبل يدخلك وهيفليك قبل مايديلك تأشيرة،، واللي بيحب بلدة ينتقدها علشان يوصلها للافضل مش يفضل ينكر من باب الانكار وخلاص
W
Waleed Mostafa
:: مسافر ::
طيب نخليها قناة صدي البلد او cbc ونتكلم بلسان احمد موسي عشان نوري للعالم الايجابيات اللى محدش شايفها فى البلد . عشان الاستاذ مش يدايق ... اصل تعليقات فى جروب هي اللى هتأثر على سمعة مصر العظيمة اللى كل الناس بقت عارفه شكلها وعيشتها ومستواها المتدني عامل ازاي .. الا بعض الناس اللى عايشة فيها وخدوا على ريحة المجاري وعلى الزبالة فى الشوارع وعلى الرشوة وعلى النصب وعلى البلطجة وعلى قلة الادب وعلى افلام السبكي اللى بتوصف حالها وعلى شرب المخدرات وعلى قلت الضمير خدوا على كل السلبيات وكأنها امر طبيعي ولما حد يتكلم عنها يبقي تبع مكملين !!! ده انت منشورك مستفذ