عايزة اجابة منكم بمنتهى الحيادية الناس اللي...

[Reham Gad]

شكرا على ردودكو كلها
بس معلش يا جماعة والنبي الناس اللي عمالة تتكلم على الروح اللي في مصر، هو انتوا اخر مرة جيتوا مصر امتا!!!!

 

[Reham Nour]

عل قد ما في نسبة من البشر مش قليلة ف مصر بقت جريئة والردود والتدخل ف ما لايعني والفهلوة منتشرين
بس حلوة مصر ف ناسها برده
اهلك ولمة العيلة والصحبة الطيبة والاماكن اللي اعتادتي تروحيها من صغرك حتي الاغاني
و الزيارات والضحكة اللي من القلب
صدقيني مهما تسافري ومهما تروحي اماكن غير
شوية كدا هتنبهري بالمكان والتكنولوجيا والنظافة والتعامل الراقي بين الناس ومحدش بيدخل ف حياة حد بس
بعد شوية هتبداي تفركي تدوري عل الصحبة اللي معاكي وف الغربة مش عارفة بحس الناس بتخاف من بعض
يادوب بتحاولي تندمجي ف اسرتك الصغيرة
وبرده وانتي بتفركي وتتلككي عل النزول لمصر
ربنا ما يكتب عل حد المرض ، جوزي تعب واحنا ف مصر ودخلنا عمليات
محدش صلب طولي وظهري غير واقفة اهلي حواليا ربنا يخليهوملي يارب
والخير اللي تلاقي الكل داخل عليكي بيتك وهو شايله
لالالالالا انتي بتتكلمي ف اي
مصر هي العزوة والاهل السند
انا بلدي هي اللي فردة ظهري ف الغربة
قدام عيني وقسما بالله ف اماكن نظيفة جدا وراقية
اتنين بيتكلمه واختلفه ، بتتقال كدا انتي جاية بلدي تعلميني اتكلم ازاي ؟؟؟
لاقدر الله يوم ما يحصل اي حاجة ، بلدي ربنا يعزها ويحفظها وينصرها دايما
هارجعلها وانا مطمئنة
لالالالا ربنا يحفظ بلدنا يارب

 

[Ahmed Momtaz]

مصر فيها الاهل فقط
لو اهلك ابوك وامك وزوجتك وولادك وخواتك معاك ، مش هتحتاج مصر في حاجه

 

[Heba Hashim]

العلاقات الاجتماعيه والعزوه ده شيئ مش هتلاقيه برا حتى لو عملتى علاقات كتير بره بلدك .. الغربة ومشاكلها النفسيه وازمات كتير بتخلى الواحد يتمنى بس يرجع ..

 

[Shady Rashwan]

يا جدعان الناس اللى بتقول الروح ..روح ايه مفيش الكلام
احنا عاطفيين بزيادة ..احنا عايشين فى مستنقع والله

 

[Hend Noman]

كل واحد بيشوف مصر بعينه

 

[Hassan Abdelkwy]

سؤال سهل زي بيتك مهما كان بسيط عندك احسن من احلى قصر في العالم اهلك ذكرياتك روحك

 

[Hend Noman]

أعوذ بالله للدرجه كرهين مصر ليه كل الكرهه دة دة إللى مش منها بيحبها عنكم

 

[Marina Mofid]

اكتر حاجه تعبتني لما كنت برة و رجعت ان هنا كل الناس مكشرة و برة كله مبتسم و اي حد عينك تيجي في عينه بيبتسملك و لما عملت ده هنا شوفت مهازل منها واحد حدفلي رقمه اه ولله زي ما بقولك كده .. انا عارفة ان ده عكس سؤالك بس دي حاجة مضايقاني هنا اوي

 

[Emad Elsharbatly]

برضه اكييد فيها حاجه حلوه

 

[Ahmed Gamal]

مصر ما زال فيها روح مش موجودة بره. جوها فعلا معتدل صيفا و شتاءا مطلعوش بيضحكوا علينا ميتها افضل مياه شفتها و اكلها طيب نوعا ما( بعيد عن الاكل المخشوش )

 

[Engy Tantawy]

مصر دي مظلومة مننا من اهلها ، اعظم تاريخ و متاحف بهدلنا ، احلي شواطئ وسخناها ، احلي نيل و بحر نيلناها ... غريبة اوي فيها كل حاجة احلي حاجة و لو كانت لناس غيرنا يمكن كانت بقيت اغني دولة

 

[Mohammed A. Mohammed]

مفيش

 

[Rania El Bahaey]

مفيش شواطئ زي مصر ابداًاااااا، مفيش شمس في الشتا زي مصر ، مفيش معاملة ودية من عمالة الفنادق والاماكن السياحية زي مصر ، مفيش بلد بتسهر لبعد الفجر وتحسسك بالبهجة والاجازة زي مصر بس للاسف احنا اللي بنفسد كل حاجة حلوة بإيدينا

 

[Hind Ahmad]

حضن بابا
قاعده الكورنيش
السردين الحر
شاى التموين من ايد اختى
الفلافل المحشية
وقفه ف بلكونه العصر انا وماما ونجيب سيره الناس
ههههههه

 

[Huda Khalid]

والله اني اجنبيه و اصلا اول مرة اشوف مصر و اتعرف علا مصريين ب اول سفره ل مصر الي،قبل كم سنه كل الي اقوله الك انو مع الاسف انتو ما حاسين ب قيمة الي عندكم من كثير نقاط اقارنها ب كندا بعني صح ب كندا عدنا النضافه و الامان و عدنا قانون قوي جدا بس مصر حلوه ب مية الف شغله ثانيه ابسط شي طيبة البشر البشر الي يساعدون بدون ما تتطلبين البشر الي ما يخافون يساعدوكي،،الناس الروح الحلوه الي فعلا حتا لو انتي وحدك الشارع كلها يصير اهلك و حارس عليكي و البساطه بل شعب ،،،شوفي ب كندا الجيران ما يعرف جيرانه و يمكن جيرانك يموت و تتطلع ريحته يلا يعرفون انو هذا الشخص مات ،اني لا من اهل البلد و لا انا مصريه بس لما عشت ب شقه ب شارع مصري المصريين كلهم صارو اهلي و لما عرفو انا وحدي ب مصر ك بنت والله الكل تسال عني كل يوم و اهم نقطه اذا اعندك اسره و اطفال اطفالك راح يفتحون عينهم علا دينهم و يسمعون الاذان و الدين يتعلمو برا و داخل البيت و كثير امور صدقيني نعمة العيشه ب بلد عربي مسلم ما حسيت كم مفقوده عندي غير لما سافرت ل مصر و عشت هناك

 

[Khaled M. Rady]

اشياء لا تعد ولا تحصى ولا يمكن تقدير قيمتها

 

[Semsema Mohamed Abbas]

الجو والاكل وكل حاجه فيها حلوه مصر والله العظيم حلوه

 

[Wael Magdy]

الغريب ان احسن حاجة في مصر ناسها و اوحش حاجة فيها ناسها بردو
طيبة الناس وجدعنتهم وتلقائيتهم بتحسس الواحد بروح مختلفة في البلد دي
بس لما نيجي للعشوائية والفهلوة والنصب واللوع بكره اليوم الي اتولدت فيه مصري
بس بما اني ببص على نص الكوباية المليان فانا ببقى مبسوط وانا في مصر بشكل عام

 

[أحمد كمال سلام]

مصر قيمتها انها بتفكرك دايما انك تجتهد وتدفع الغالي والرخيص عشان مترجعلهاش في يوم .. الشئ الوحيد اللي ممكن يكون مش موجود بره الاكل والعيله غير كده تتحرق